صــورة .. .. في ذاكرتي ..

المجهول · 25-03-2006, 02:44 AM

<<<داخل جو مع الذكريات

موضوع لازم امر عليه كل يوم عشان أعيش الذكريات بكل قوه...

مشكوره ياتوفي لأن هالطرح تعدى فكرة أنه مجرد موضوع...

تقبلي تحياتي...

صبا نجد · 25-03-2006, 04:45 PM

موضوع روووعة كروعتك يا توفي

ياااااااااه على ذيك الأيام
استمتعت بقراءة ذكرياتكم

امممم
عن نفسي
أنا عموماً شخصيتي قيادية

كانت أمي تسميني ( قائدة المهبل ) << امحق من قيادة وراك

دايم اتناقر مع الاولاد وخذ هواش معهم ،،

كنا في أيام الأعياد والعطل نروح لديرتنا
عاد تعرفون جو القرية غير المدينة
يعني نطلع في الشارع وندوج محد يقول وينكم فيه
كنت في الابتدائي يمكن كان عمري 9 او 10 سنين

كنا نجتمع في بيت جدي الله يرحمه
وأنا وبنات عماني مكونين حزب على الاولاد
اللي يلمس وحدة منا أو يطقها يا ويله منـا

كان ولد الجيران جايب لنا المر ،، ودايم نتهاوش معه ( هو في مثل عمرنا )
وانا اللي في وجه المدفع طبعاً ،،
واذا طحت فريسة بين يدينه كان هالنجس يلزق علوك في شعري

وأنا اهوش عليه :غاير من شعري ياللي شعره كانه فلافل !!

وهو يزيد طق فيني ،، لين يجون شلة البنات ويفزعزن معي ويفكوني منه

كنا دايم نخطط عليه هالمسكين
وهات يالمقالب معه
نرقى فوق السطح ونرمي عليه علب الببسي والا حصى
وهو ما يدري وين تجيه هالقنابل معه !!

كبرنا وتغطينا ،،
صار يسأل الصغار يقول وين ام لسانين هي وكشتها

<< مالت عليك تكفى .. قايلة لكم غاير من شعري

**
**

أغلب ذكريات الطفولة كانت في قريتنا
سبحان الله لها جو ثاني وعالم ثاني

بقول لكم موقف ثاني ،،

اذا قرب العيد أو العطلة الصيفية واحنا في الرياض نبدا نجمع الفلوس عشان القطة
اذا اجتمعنا حنا يالبنات ،،

ونبدا ندق على بعض
هااا يا فلانة لا تنسين تجيبين فلوسك ..
وانتي خلي ابوك يعطيك زيادة ما تكفي هالفلوس

كنا 4 بنات

واذا رحنا لديرتنا ،، نعسكر عند البقالة اربع وعشرين ساعة

مرة شرينا كيك سويسرول الحجم الكبير هذاك ابو 6 حبات << الله من زين الوصف تكفين

كل وحدة لها كرتون بلحالها
ومعه خرابيط ثانية

طبعاً أنا الراس المدبر للشلة
قلت اول شي لازم ناكل الكيك كله ثم نبدا ناكل الباقي

<< عليها افكار مب صاحية

وتبدا كل وحدة تفك حقها وتاكل

وناكل وناكل .. ياربيه ما طاع يخلص الكيك
،، وكل وحدة تناظر الثانية فيها الصيحة ماودها تكمله

يوم خلصنا منه
كل وحدة تسدحت عند امها بطنها يوجعها

وهالبنات حطوها فيني ( صبا قالت لنا لازم تاكلون الكيك كله )
<< اوريكم يالشينات واللي يدور مصلحتكم مرة ثانية

وخذ يا هواش من امي وعماتي
<< ياعمري والله محد مقدرني أنا وأفكاري

كبرت وتغيرت 180 درجة << بتحسن صورتها عندكم

لا عن جد ،، كبرنا وليتنا ما كبرنا
تغير كل شي ،،
النفوس تغيرت ،، والبراءة والطهر اللي كان أول ،، ما عاد نشوفه اليوم

دنيا ومن يدري .. كل شي يصير فيها ،، عشرة عمر وسنين بلحظات نمحيها

@..الــحــالــم..@ · 27-03-2006, 07:03 PM

لايتبادر إلى ذهني سوى هذه الذكرى الجميله

برغم دموعي ... ورغم آلامي

أسميها ذكرى جميله

لأنني حينها عرفت معنى

.... نبض القلب ....

أكتفي بهذه الكلمات

وطرح رائع سمو الأميره

دمتي بود

أم يارا الصغيرة · 29-03-2006, 04:01 AM

موضوع يستحق المميزه
وأتمنى أن تتواصل ردود الأعضاء
ولهم منا كل الشكر

:

toofy · 01-04-2006, 02:19 PM

اقتباس

الكاتب : دلوعة اهلها


	هـلا والله وغـلا تووفي .. تسلمين عـ احلى موضوع .. والله حركتي مشاعرنا .. وعدتي بنا الى الوراء الماضي .. ماأجمله .. الله يعطيك العافيه على مووضوعك الرائـــــع .. ننتظر جديدك ^_^

هلا بك ومليوووون هلا "دلوعة اهلها"
وجودك عزيزتي اثار مشاعري
حضور يعني لي الكثير..
ويسعدني كثير كثير ..

دمتِ بخير
ودامت لكِ احلى الذكريات

toofy · 02-04-2006, 08:17 PM

اقتباس

الكاتب : jo0o0ry


	هلا وغلا يالين تسلمي يالغاليه على هالطرح الرائع [تسجيل حضور ولي عوده بإذن الله] تحياتي

تحية ود معطرة بالورد لأحلى جوري

غاليتـ ي يسعدني مرورك العابر

وفي انتظار مذكراتك

مع خالص شكري

toofy · 02-04-2006, 08:51 PM

اقتباس

الكاتب : نعناعه


	يا سلااااااااام على ايام اول والله ذكرتيني بمغامرات الطفووله يا توفي ان شا الله لي عوده تحياتي

مرحبا نعناعه
وياسلام على هالطله

يشرفني هالعبور
ويسرني عودتك

لكِ مني أرق وأعذب تحيه

tasneem · 03-04-2006, 03:32 AM

أختي توفي

موضوع رائع ويجنن

قريت كل المشاركات وبعضها تموت من الضحك .

ذكريات حلوة ..

يوم كنت صغيرة .. كنت ما أحب الأولاد

وفي كل جمعة عائلية ينضربون كل أولاد العائلة بسببي

لأني أجمع البنات معي وأحرضهم على الأولاد ..

وأمهاتنا مو عارفين اش يصير ..

أمي الله يرحمها ويغفر لها اكتشفت هالشي صارت تمسكني عندها

في مجلس الحريم .. وكرهت أنا الجمعات والعزايم لأني ما ألعب فيها

ولا أمارس هوايتي المفضلة ..

toofy · 13-04-2006, 06:33 PM

في ذاكرتي صورة...
هي مزيج من الخوف والألم ..لطفلة (ربما) كنت في السابعة

ما أقواك يا قلب كيف تحملت ..!!
كيف استطعت كتمان لواعج الألم

صورة أمي تودعني في وسط الجموع كانت تخبئ دموعها
وأنا احبسها في قلبي تعصرني ألماً حتى هذه اللحظة
طفلة صغيرة لاتعي شيئاً ... إلا أن الرحيل مصيرهاااا

اسمع همهمات ... واسمي يتردد في الارجاء..
وامي ترقبني من بُعد بدمعه تحاول أن تخفيها
دمعه ... مازالت تسكنني وتعذبني كلما تذكرتها

ومربيتي فقط من يمسك بيدي ..
أشعر بيدها بارده كالثلج..

as if u care · 14-04-2006, 08:49 PM

اول ما قرأت الموضوع مر في ذاكرتي ذكريات لا اخفيكم سراٌ ذكريات مؤلمه فقررت كتابتها ثم عدت الى نفسي لأنظر الى الجانب الايجابي كي لا اكون اسيره ذكريات مؤلمه محطمه للهمم
من ذكرياتي الجميله..
عدت من المدرسه الظهر وكنت منهكه لكن من فرحتي بالمستوى الذي حصلته لم انم قبل ان اريه لوالدتي
فأريتها اياه لا انسى فرحتها بأني اخذت العلامات الكامله فأصبحت (الثانيه)على الفصل و(الخامسه)على الصف كله بعد ما باركت لي نمت ..وماصحيت الا الجوال اللي كا نفسي فيه جنبي يرن وامي عند باب الغرفه تتصل بي واللي فاجأني انها جابت لي الرقم اللي كان نفسي فيه كان تفكيري كيف عرفت اني ابغى هالرقم؟؟بس قالت انها سألت اختي وقالت لها الرقم...ساعتها ما انسى هالموقف كنت احس ان محد يقدر تعبي وجهودي بس بعد هالموقف حسيت اني تافهه وسطحيه بتفكيري

شكرا اختي توفي
بس نصيحه كل واحد يشوف الذكريات الجميله بس لان اذا بيظل يتذكر الذكريات المؤلمه ممكن تسبب له احباط

صــورة .. .. في ذاكرتي ..

ღஐ• الجولة العاشرة من المسابقة الثقافية بين البنات والشباب • ஐღ

حكاية قلب .. !

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق