| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
إعلانات منتديات منطقة الرياض
|
|||||||||||||||
|
|||||||||||||||
 |
|
|
LinkBack | أدوات الموضوع |
|
#1
|
||||||
|
||||||
لــــن أعيش في خلقـــان أخي ..@
سلاااااااااااااام.. كيف الحال عسى ماخلاف ؟  وشخباركم مع العطله .. وين طسيتوا له ومن وين جيتوا ؟<<<<<<<< ابوك ياللقافه .. ايام الامتحانات الله لا يعيدها كنت جالسه في السطح أذاكر ..  <<<<<<<<< مسطحه يمال المنيب قايله.. هع هع تعرفون ازعاج المبزره ومطامرهم .. يعني يقالكم منحاشتن عنهم .. المهم وانا جالسه اذاكر وفاقتن خشتي وارفع راسي للسماء الا واشوف شي يكبس جاي يمي  .. قمطت العافيه ..وانقز واتوزا ورا العبد الاسود على قولة امي.. واشوف سطحنا كل ابوه يكبس احمر ازرق صار شكله مرعب وريحة كفرات والله لا يوريكم .. واسمع صوت يناديني .. سااااره ..... سااااااره ..... نشف ريقي والتفت واشوف عجوز ترووووع مره  3 قرون وبراطم بنفسجيه.. وهـ بس نسيت اللي ذاكرته راكبه مكنسه ومركبه سفتي ومضلله .. قلت : سمي وش تبين ؟ قالت : اسمعي .. انا منيتي قربت .. قلت : طيب وش اسوي تبين اقوم اهز وسط .. كان انثبرتي من حيث اتيتي ومتي هناك تموتين عندي ابتلش بك  ..قالت : اسمعي ولا تقاطعين ترا اللي فيني كافيني وانا حرمتن وراي موت . ثمن طلعت كيس مكتوب عليه ( كل شيء بريالين ) <<<<<<<<< يمديكم خخخخخ  وتطلع من سبحه.. قالت : خذي هالسبحه قلت : وش قالولك السيده شاهيناز يومك تعطيني هالسبحه ..قالت : ياربييييه ياصبر بطن امتس اللي شالتس تسع اشهر تكفين قلت : هاه بسرعه وش عندك لاتموتين علي .. قالت : اسمعي الله يصلحتس هالسبحه بتفيدك في حياتك اكثر من دروسك  تخليك تتحولين لاي شخص يلمسها ولا ترجعين الا بعد يوم وليله وخمس دقايق و10 ثواني واربع اجزاء من الثانيه وتروشتي وغسلتيها 10 مرات ونص ..  قلت : بسم الله وش تآكلين انتي عشان تسوين تسذا وهي اللي تشهق وتموت ياويلي وش تبي ذي والله النشبه  واشيلها هي ومكنستها واهندل بالمكنسه واوجها لفوق وتطس .. المهم .. ماكملت مذاكر .. ودخلت الغرفه وحطيت السبحه تحت مخدتي.. ثمن رحت للصاله وانسدح واطق الهواجيس  وافكر اتحول لمين ؟ فكرت اتحول لنانسي عجرم  ويعشقوني الناس بس بيعشقوني اخواني الله لا يبيهم .. ثمن فكرت اتحول لزبيده  واصفقلي في الثلاث ساعات 80 الف بالراحه بس ماش المجال الفني مهما كان متعب  ثمن فكرت اتحول للوليد بن طلال والعب بالدراهم واشتري هرفي كبير بالجبنه  المهم جاني النوم وانا ماقررت اتحول لمين رحت للغرفه والقى اخوي دحيم يحوس فراشي هييييييييييييييه انت وش عندك هنا انت وكشرتك اعترفي وين حطيتي الميموري كارد ( شريت له ميموري كارد على حسابي وبعدها بكم يوم تهاوشنا قلت والله لاخذها ) المهم روح روووح الله يسهل عليك منيب رايقتن لك يعني مااخذتيها ؟ ضف وجهك لانادي ابوي يمحطك بلي الغاز.. والتفت عليه لقيته ينوسف بالسبحه ياويلي ويلااااااااااااااااااااااااااه وش تبي انت اطلع يمال الجني واتحول لاخوي دحيم لقيت نفسي بفنيلة علاق وصروال سنه وكل ابو جسمي شعر ماعرفت انام ذيك الليله وحسيت اني ابغى ادخن <<<< أنا آخر عمري اتتن آآخ بس . . + . . يوم جا من بكرهـ واروح للجامعه واشوف كل ابوها رجال <<<< لا يا شيخه وامشي ماااااااش ماتعودت ودي معي طرحه والا شي مغير لازقتن في الجدار وانا امشي.. يجي واحد يطحلني مع ظهري هلا دحيم والتفت عليه أحححح ياخي شوي شوي عورتني اقول تلايط بس وش اللي عورتني انت وظهرك اللي كنه قلابي  تعال يالله ابو سعود يحترينا في القاعه من ابو سعود وش فيك انت .......... فيصل الحمدلله اللي جاب لي هالدلخ ادربي دمجتي وراه وانا امشي طايرتن بوهتي قاعده اسولف معه ياخي والله ان عندنا شباب شيف في هالجامعه بس عندنا مملوحين بعد.. شف هذاك ابو سكسوووكه والا هذاك الاسمراني والا هذاك يااااااااااي يجنن <<<< نست نفسها دحيم سلامات ؟ وش اللي مماليح وسكسوكه ؟ ماودك ترقم بعد ؟..شكلك رايح في خرايطها امس !!!!!!! عاد انا انتبهت لروحي قلت لا بس اتفكر في خلقة ربي المهم يوم دخلنا القاعه واشوف ذا الفيصل وانسطل ياهو مزيووون بعد .. وهـ بس حسيت اني حبيته ماقويت اتنفس زين ذيك الساعه والتفت لهالدلخ اللي معي واقول الحين هذا خويي ؟ قال : ايه قلت : الا يامتروشه .. قرب فيصل مني وقال هلا ابو الشباب … هاه غلبناكم امس ؟معليش هارد لك قلت هارد لك وإلا هارد لي اللي تبي بس .. تغلبونا نغلبكم عسل على قلبي <<<<< المحبوب في راحة قال الا وش رايك في التمياط امس ؟؟ قلت يعني.. مملوح وما امداني قلتها الا يوم كروا من الضحك انواع قال فيصل ياخي ذالولد نكته قسم بالله ههههههه اجل مملوح خخخخخ الله يرجك يا شيخ مدري وراهم يضحكون علي المهم بس الانترميلان امس كم كانت نتيجتهم ؟ . . + . . ومرت الايام وانا ارفض اتروش بصفة اني دحيم واروح للجامعه واشوف فيصل كل يوم وبدت الطماله تآخذ حيزاً كبيراً مني بس مو مهم المهم اشوف فيصل .. وفي يوم من الايام كنت أنا وفيصل في مقهى في التحليه قلت له صدقني يافيصل انت شاب لطيف ووسيم وألف وحده تتمناك قال : ماودك ترقمني بعد قلت طيب مافكرت بالزواج ؟؟ ... أو زوجتك كيف راح تكون ؟؟ سلامات يابو الشباب وش سوالف الحريم هذي .. شكلك مقربع لك شي قبل ماتجي المهم ترا الخميس الجاي بنطلع للبر ..  والله .. يوووه طيب وش البس ؟  المهم مع مرور الايام حسيت ان فيصل مايبيني وصار يتنحش عني ومره وانا جايه بدخل القاعه واسمع الشباب يخططون على سفره واسمع فيصل يقول ان كان الدحمي بيروح معنا انا منيب رايح قالوا : ليه ياخي وش بلاك عليه ؟ قال : ياخي ذا الادمي دمه ثقيل ومدري وش يبي .. وله مده مدري وش سالفته اجل جايني ذاك اليوم مثبت شماغه بشباصه حمرا يوم قلت وش ذا ؟ قال عشان لونها يناسب الشماغ وامس شوي و يصيح يقول مدري وش البس اذا طلعنا للبر كله شافوه علي.. ولاااا ذيك المره يقولي لون جوالك يصلح لون شادو ومن زين الوجه بعد متهاوش مع عرابجة وجاي يبشرني انه مقبصهم واذا حاتساه واحد من الشباب طمن راسه واستحى .. وكل ما طق عودن عن عود صاح.. واللي قاهرني انه امتحني بالجوال كل شوي يدق.. وينك فيه ومن انت معه ووش تسوي ومتى بترجع لبيتكم .. ياخي والله انك قلق هالرجال ماهضمته ابد انا.. يوم سمعت هالحتسي قلت مابدهاش بأه واروح لفيصل واقول له وش رايك تعرس على اختي <<<< ثقه هذا وهو حاش فيك لوه مادح وش بتسوين قال: والله يادحيم ماكانش يتعز <<<<< اخلاق مصري ذا الفيصل .. بس انا ملاكي الخميس الجاي وتحطمت وضاق صدري وتلطمت بشماغي وطلعت اصيح برا ومن القهر رميت السبحه في الزباله لانها هي السبب لولاها كان ماعرفت ذا الثور ولا حبيته.. يوم جا من بكره الصبح والقى نفسي متعلقة في طرف سيارة كبيرة من ورا ولابسة يونيفورم اصفر مكتوب عليه امانة مدينة الرياض  وقمت على ترفيس ابوي وهواش امي انتي في السطح وحنا ندروك نقول وين طست له هالبنت.. قلت عاد بالله عليكم وجهي وجه وحده تنحاش ومن الحين اقولكم اذا انحشت بتلقوني في بيت جدتي وهـ بس زين انكم قومتوني قبل لا اعشق لي شغاله بس ..
|
16-06-2006, 05:47 PM
|
#2 | |
|
عضو مؤسس
  |
رد : لــــن أعيش في خلقـــان أخي ..@
اول كرسي عندكـ وراجع لك يا ليالينـا 
|
|
|
|
|
16-06-2006, 06:04 PM
|
#3 | |
|
عضو مشارك
 |
رد : لــــن أعيش في خلقـــان أخي ..@
ههههههههههههههههههههههههه ههههههههههههههههههههههههههههههههههه  تجنننننننننننننننننننننن حكاايه حلمك تسلمييييييين والله ضحكتيييييييييني بجد..وعد ههههههه 
|
|
|
|
|
|
16-06-2006, 06:08 PM
|
#4 | |
|
مراقب سابق
 |
رد : لــــن أعيش في خلقـــان أخي ..@
الله يرجك إلا وش كنتي تذاكرين يالدوب وهالمكنسة هذي تذكرني باللي في توم جيري خخخخخخخخخخخخخ مشكورة هيتووو على هيك صرئعة تقبلي تحيات أخوك عريس
|
|
|
|
|
|
16-06-2006, 11:15 PM
|
#5 | |
|
مراقبة المجلس الإسلامي
|
رد : لــــن أعيش في خلقـــان أخي ..@
ههههههههههههههههههههههههههههههههههههه ههههههههههههههههههههههههههههههههههههه ههههههههههههههههههههههههههههههههههه <<< ضحك متواصل وربي موضوعك رووووووووووعه يسلموووووووووووووااااااااا ياقمر
|
|
|
|
|
|
17-06-2006, 11:26 AM
|
#6 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
مشرف الـمـجـالـس الـتـرفـيـهـيـة
 |
رد : لــــن أعيش في خلقـــان أخي ..@
مررحبتين ومصهلتين بكامل الزين
عليكم الصلام والرز والايدام
مصطحه هههههههههههههههههه ذكرتيني بشئ مااا
قمطت العافيه هههههههههههههههههههههههههههه هالصواليف مايقولونها الا الشباب العاقل كيف عرفتيها يالمصرقعه
لا الا اله الله اللهم اجعله خيرر اييوووه
غريبه هالكائنه البشريه وبعدين
ههههههههههههههههههههه ههههههههههههههههههههههههههه ايوووه
هالاخوان بالشه فيهم ههههههههههههههههههههههه
متعب والا عبدالله خاخاخاخا
طموحك هرفي كبير بالجبنه هههههههههههههههههههههههههههههه
يلعن ان نظامك وقت البرمبلوم تمنين على العالم ههههههههههههههههههههههههه
ياهووه حار هاللي هههههههههههههههههه << مجررربه والتفت عليه لقيته ينوسف بالسبحه
هههههههههههههههههههههههههههه ههههههههههههههههههههههههههههههههه ههههههههههههههههههههههههههههههههههههه اقصم بالله انك مهووويه يوم جا من بكرهـ
ياقلبي عورتها شوي شوي عليها هههههههههههههههههههههههههه
|
