( ضـايـق يـاكورنـيـش الـخـُبـر ) .. جديده وحصرياً هنا !!

ضايق ياكورنيش الخبر = مانمت انا جفني سهير
أوراقي أتعبها الحبر = والوضع انا وضعي خطير
والكسر صار ابلا جبر = والجرح في صدري سعير
والصبر ضيّعت الصبر = دام الزمن مافيه خير
أحيان اقول ابنتحر = " استغفر الله " وأستخير
هذا حرام وذا خطر = مثواي عقبه زمهرير
بالله قلّي يابحر = لوين أنا أقدامي تسير؟
وين انت ياحلم الصغر؟ = وين انت يالطفل الصغير؟
وين انت ياصوت المطر؟ = وين انت ياريح العبير؟
أحلام طفل ٍ ينتظر = عينه على الدنيا تحير
مرّت على كف القدر = ماصار ماتوقّع يصير
والحين بآماله كبر = يشيلها قلب ٍ ضرير
مشاعره صدق وطهر = وإحساس وافي به غزير
يلقى بها طعنة ظهر = صديق والا من عشير
صدمه وتورث له قهر = تبقى الى الوقت الأخير
علام وش صاب البشر = صاروا بلا حس وضمير
ياقلب جمّع ما انتثر = دام الزمن مافيه خير
خلاص انا ادمنت السهر =بعيش بك (قرم وفقير)