| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
إعلانات منتديات منطقة الرياض
|
|||||||
|
|||||||
 |
|
|
LinkBack | أدوات الموضوع |
21-06-2006, 09:21 PM
|
#41 | |
|
عصـفورة الجـنة
   |
: ღஐ•يــوم في حياتي • ஐღ
ويوم جديد وأحداث جديده وشخصية جديده فكونوا معي
|
|
|
|
|
21-06-2006, 09:22 PM
|
#42 | |
|
عصـفورة الجـنة
|
: ღஐ•يــوم في حياتي • ஐღ
الحالـم ضيفنا اليوم .. هذا الشخص الحالم .. الرائع وذكريات يوم من أيامه.. |
|
|
|
|
|
21-06-2006, 09:29 PM
|
#43 | |
|
مـــــلا حـــــلا
 |
رد : ღஐ•يــوم في حياتي • ஐღ
وهلا بالجميع ويسرني أن أشارك معكم أفراحكم وأتراحكم وتواصلكم في مشاعركم أستمتعت كثيرا بما قرأت في اللقائات السابقه وأضن المتعه سوف تستمر دمتي بود ولي عوده 
|
|
|
|
|
|
21-06-2006, 10:11 PM
|
#44 | |
|
مراقب سابق
|
رد : ღஐ•يــوم في حياتي • ஐღ
أختي رغد حياك الله وجعل الله أيامك كلها سعادة وأصلح الله لك ذريتك تقبلي وافر التحايا إبنك عريس
|
|
|
|
|
|
22-06-2006, 05:36 AM
|
#45 | |
|
مراقبة سابقة
|
رد : ღஐ•يــوم في حياتي • ஐღ
الله يخلييييييييييهم لك يارب  ويالله نستنى يوم الحالم >>>>> استانست المره 
|
|
|
|
|
|
22-06-2006, 10:04 AM
|
#46 | |
|
عصـفورة الجـنة
|
ღஐ•يــوم في حياتي • ஐღ
الاخ العزيز الحالم يسعدني جداً ان تجعلنا نشاركك يومك .. في انتظار تدوين لحظاتك .. لك احترامي وتقديري |
|
|
|
|
|
23-06-2006, 09:55 PM
|
#47 | |
|
مـــــلا حـــــلا
|
رد : ღஐ•يــوم في حياتي • ஐღ
يوم ((   حافل بالفرح والحزن ) يوم أعتبره مميز في حياتي مقدر أقول عنه أنه يوم سعيد ولا أقدر أقول انه يوم حزين كل اللي أقدر أقوله أنه يوم عرفت فيه الدنيا على حقيقتها عرفتها بطعمها المرّ وطعمها الحلو ما أبي أطول عليكم وأخليكم مع هذا اليوم : كنت توني متخرج من الثانويه العامه .... وفاضي ماعندي شغل وكل شي بالبيت أنا اللي أقوم فيه وذاك اليوم قالت لي أمي خذ أخوانك لحديقة الروضه خلهم يلعبون ويفكوني شرهم انا عازمه جاراتي وما ابيهم يصجوني ( يزعجوني )قلت لها ( ok ) وأختهم للحديقه اللي بالروضه 3 وبعدها رحت أتمشى بالسياره يمين ويسار وراح نص العصر بالتمشي قلت خلني ارجع وأحط فرشتي بالحديقه وأجلس جنب أخواني يوم قربت من الحديقه طلعت دورية شرطة وطلبت مني التوقف أنا ما كنت خايف من شي ولا سويت شي وقفت ونزلت من السياره وطلبو الرخصه والاستماره والاثبات طبعاً أنا أدركت أني في ورطه لأني كنت لابس ثوب النوم  وطبعاً كل أثباتاتي بالبيت رجال الشرطه ركبوني معهم بالدوريه وخلو سيارتي واقفه جنب الطريق وأنا معهم بالسياره قلت لهم اني جايب أخواني هنا ...وأني برجعهم للبيت قال لي الشرطي : أذا أهلك وأخوانك الصغار هنا بنخليك تروح قلت له طيب قرب من الحديقه وأنا انادي عليهم قرب من بعض اطراف الحديقه وكنت اشوف اخواني وبديت أنادي عليهم فيه بنات جالسات ورى العيال اللي يلعبون ،،، قامت وحده منهم وقامت تأشر بيدها وقامت تضحك وكان باين أنها تستهبل ...  العسكري ( شايب وعصبي ) بدون تفاهم أنفلت عليّ يهاوش : أخص يالفاسق .... جايبنا وتغازل معانا يالورع أنا وقفت عن الكلام مصدوووم  حاولت أفهمه .... حاولت أقول له بس يوم شفته نزل من الباب الامامي ومعاه عصاه وفتح الباب الخلفي اللي انا فيه وقال لي كلمه وحده وأخلي هالعصاء توسم على راسك ...!! التزمت الصمت وقلت بشوف وش آخرتها ودتنا الدوريه لقسم شرطة الروضه اللي كان على طريق الأمير بندر على طول بدون تفاهم دخلوني بالتوقيف ..!! أنتظرك حوالي نصف ساعه ..زبعدها ناداني العسكري وأخذوني للضلبط المناوب دخلت عنده .... قال وش عندك ياغالي <------ اسلوبه الخلوق ريحني قلت له السالفه من أولها لاآخرها جلس يضحك وقال الحين نرسل معاك فرقه للبيت وتجيب أثباتاتك وترجع نقفل المحضر وتطلع بالسلامه قلت له ( ياليت كل اللي بالشرطه متعلمين وفاهمين )وفعلاً طلعت مع دوريه للبيت وقلت للي معاي بالدوريه وقف جنب البيت عشان أبوي وأخواني ما يخافون خصوصاً أننا ما تعودنا على شي اسمه شرطه وقسم ودوريه ... قال خص ودخلت البيت وأخذت أثباتاتي ورجعت له شافني واحد مقرود بالحاره ودخل عند أخواني وعلمهم قال لهم اني مع سيارة شرطه انا رجعت للقسم وانتظر انتهاء الروتين الممل عندهم كان عندهم عقيد ( الله لايوفقه وين ماراح ) عرضو عليه أوراقيعشان يوقعها ... لكنه طلب منهم يطلعون برنت بأسمي بالمطلوبين ( الكلام هذا قبل تطلع قائمة المطلوبين  لا أحد يلتبس عليه الوضع خخخ)المهم جابو له برنت ودخلو عليه بمكتبه ....شوي وينادوني وأدخل عنده الا هو جالس يتقهوى وجلسة عربيه بين المكاتب ويقراء في البرنت .... سألني : كانت معاك سياره هايلكس 89 ؟ جاوبت بكل صدق وبرائه : ايه كانت مع ابوي زمان ...!! سألني : أنت تحلق دقنك ؟ جاوبته : على خفيف <------ كان دقني خفيف وفجئه صرخ علي وقال (( يالخاسي )أنا : وش فيه صرخ مره ثانيه وتعدل من كرسيه ( يالمجرم )انا من الصدمه وحسيت ان فيه مقلب وطاش ما طاش او شي كذا تبسمت وكلي أمل في أن تأتي أبتسامتي بأبتسامه منه في ظل دهشة الموجودين ... صرخ مره ثالثه ( تضحك ياكلب ودوه للسجن ورحلوه للجهه اللي طالبته ) ونقز مثل الشيطان عسكري من يميني وعسكري من يساري وكلبشوني وهـمّــو بأخراجي من المكتب وقفت بعد مدافس وصراخ بيني وبين العسكر وانا أناظر للعقيد وأسأله وش سويت أنا رد علي وقال : تسمم عقول الناس بالمخدرات وتقول وش سويت أنقلع هنا لا أخلي هالليله ليلتك .... سحبوني وانا مصدوم ومذهول ومو مصدق ولاشي من اللي قدامي حطوني بغرفة الحجز لحالي الى ان تأتي الفرقه وتستلمني على حد قولهم حاولت أستعطف الحارس حاولت ارشيه حاولت أنخاه ( انتخي فيه ) كل محاولاتي راحت ملح .... كأني أكلم جدار ربع ساعه الا وهم مكلبشيني مره ثانيه و آخذيني لسيارة الشرطه وفي اللحظه اللي العسكري مطلعني فيها من باب قسم شرطة الروضه صادفت لحظة دخول أبوي وأخوي للقسم وهم وقفو مذهولين من حالي واللي ذهلهم أكثر وأكثر ..... كلمات العسكري اللي يدفني وهو يقول : أمش يالمجرم .... مخدرات يالخسيس ... وانا كنت ابي اتكلم وابي اصيح وانادي بس نظرات ابوي واخوي لي والموقف اللي صار خلاني انهار تماماً ... ... ركبنا السياره ..وخلال ماهم ماشين سألت العسكري قلت له وين موديني ؟ قال ان إدارة مكافحة المخدارات بالحرس الوطني مطلعين عنك تعميم بآلقاء القبض وحنا آخذينك للراسه العامه للحرس الوطني .... أنا رحت بصمت رهيب ...وتفكير عميق ...وأمل وثقه بالله دخلنا الرئاسه وطلعنا منها لشعبة مكافحة المخدارت اللي بجانب مستشفى الملك فهد بالحرس الوطني دخلنا للشعبه وكان الوقت ليلااً وكان يوم الجمعه وكان اربعة عسكريين جالسين جلسه عربيه ويسولفون نزلوني معهم وسلمو العسكري الملف وبداء العسكري يقراه شوي ويناظر فيني وطلب اثباتي وعطوه اثباتي ثم فجئه جلس يضحك ويضحك وكل الموجودين وانا أولهم مشدودين ودنا نعرف ليه يضحك الموقف اقوى من الضحك قال العسكري اللي من الحرس الوطني( أسمه فلان العويس ) : هذي عوايدكم يالشرطه ما تفكرون بس معاملات وأولااق بعيد عن العقل ( وصاحبتها ضحكه ) قال الشرطي : كيف مافهمت ؟ قال له : هذا التعميم قبل 20 سنه يعني هاللي قدامك كان بحضن امه ذاك الوقت انا بعد هالكلام كان ودي ان يدي مافيها كلبشات عشان انط في حلق العسكري اللي جالس يتكلم قبل شوي قدام ابوي واخوي المهم فكوني وسلموني عند الحرس الوطني وراحت الشرطه قال لي العويس انه لازم اجلس عندهم هاليوم وبكره الصباح يفكوني مجرد اجراء روتيني عشان يخلون المسؤلين يشوفون ان فيه سوء تنسيق وان فيه اخطاء ..وطلبو مني ان اكون متواجد كدليل ..و وافقت جلسنا وزانت الجلسه بالسوالف والضحك وما هي الا لحظات الا اخوي داخل علينا .... وبعد ما دخل ( غمز لي العويس وقال نبي نهبل فيه شوي ) جلس يمزح شوي ثم علم اخوي بكل السالفه وبعدها من بكره الصباح طلعت ومن مكافحة المخدارات اللي بجنب الحرس الوطني الى جامعة الملك سعود واجريت اختبار المقابله وانقبلت بالجامعه وانتهى مشوار يوم حاااافل بكل تعابير الدنيا مع ان هاليوم مر عليه كم سنه الا انني اتذكره لحظه بلحظه والله لا يوريكم مكروه واتمنى ما أكون طولت عليكم وشاكر لك أختي توفي على أتاحة هالفرصه وعلى فكره هذي القصه ما عمري تكلمت فيها لأحد لكني فضلت اني اسردها في المجالس لأن المجالس جزء من قلبي دمتم بود |
|
|
|
|
|
24-06-2006, 02:16 AM
|
#48 | |
|
مراقب سابق
|
رد : ღஐ•يــوم في حياتي • ஐღ
تبي الصراحة في البداية ضحكت من القصة ومن طرافتها ولكن نهايتها كانت مؤثرة جداْ بسبب خطأ من عسكري أتحمل أنا هالخطأ طيب يعني لو ماحصلت الضابط اللي في المكافحة وجلست هناك يومين او ثلاثة ومثلك عارف الناس ماتخلي حكي ولكن ياخوي والله يالعسكر عندنا ماعندك أحد إلا من رحم الله أكثرهم مايعرف يقرأ ولا يكتب أخوي أسأل الله أن يحفظك حيث كنت تقبل تحيات اخوك عريس |
|
|
|
|
|
24-06-2006, 08:12 PM
|
#49 | |
|
{..كلي فـALza3emــدآكـ ..
 |
رد : ღஐ•يــوم في حياتي • ஐღ
وانقهرت من تصرف المتخلفين الهمج الي ما عندهم تفاهم <-------- حقدت عليهم يله الحمدلله على سلامتك خيو ^_^ <--- بدري وبعيش وتاكل غيرها <------- نذله
|
|
|
|
|
|
26-06-2006, 02:27 AM
|
#50 | |
|
لا تلومونه
|
رد : ღஐ•يــوم في حياتي • ஐღ
وانا كل يوم امشي معك وانت اثاريك راعي سوابق  عاد وانت صغير تاجر مخدرات وش بتكون الحين تاجر اسهم الحمد لله انه طلع لبس ولا كان ماشفنا هالوجه الطيب ومره ثانيه انتبه لاتطلع بدون اثبات <<< علم نفسك اول ومشكوره توفي الي خلتنا نعرف شي من حياة الحالم فيه جزء مفقود في القصه ياحويلم مصيول من الي قالها لك الشرطه والا المخدرات
|
|
|
|
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
مواضيع ذات صلة
|
||||
| الموضوع | الكاتب | المجلس | المشاركات | المشاركة الأخيرة |
| ღஐ•يــوم في حياتي • "2"ஐღ | toofy | مجلس ملتقى الأصدقاء | 69 | 23-03-2007 12:16 PM |
| ღஐ•يــوم في حياتي • ஐღ | toofy | مجلس ملتقى الأصدقاء | 159 | 28-02-2007 09:38 PM |
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
..]
