مجلس ملتقى الأصدقاء

سلطان الخير · #1

السلام عليكم ورحمة الله وبركاته

أحيانآ بين كل فترة وفترة الواحد منا يحتاج أنه يغير جو ويعيش جو غير اللي تعود عليه في حياته اليوميه

يعني يطلع أشوي من الروتين اليومي يعني مثلآ انا أحيانآ أروح لمقاهي الأنترنت مع أنه مو جود عندي بالبيت

بس تغير للجو كذلك الأكل أحيانآ أطلع للمطاعم حبآ في التغير لكن ........... !!

لما الواحد منا يبي يطلع مع زوجته أو أخته أو أمه لمطعم يحتار وين يروح لأن المطاعم تختلف عن بعض

في اللي أكله حلو وفي اللي تقديمهم للأكل جميل وفي الرومانسي وفي البسيط وفي اللي تقديمهم للأكل سريع (وفي اللي يرفعون ضغطك عشان يجبون الطلب حقك)

أبغى كل واحد فيكم يدخل ويعطينا أحسن المطاعم اللي راح فيها وليه أعجبه هالمطعم !! وطبعآ يحدد مو قع هالمطعم وين ؟؟ بأي شارع ؟ وأي حي ؟

لأني أحيانآ ابي أروح عشان أكل وابي مطعم أكله حلو فقط وأحيانآ أبي أروح مطعم رومانسي لأن هدفي مو الأكل فقط

بل الأستمتاع بالمكان اللي جالس فيه .

وشكرآ

epojo · 31-03-2005, 07:32 PM

اخوي سلطان الخير حياك الله ويسعدني اني اشارك في موضوعك الرائع

بصراحة من احسن المطاعم العوائل التي هي التالي..

وانا اخوك قليل اروح مطاعم عوائل بس الي يمدحونها والي قد زرت بعضها هي:

1- برج الحمام الي قبل مستشفى التخصصي ..اهلي راحوا له يمدحونه مره

2-مطعم مراكش في اسواق الاندلس على طريق الملك فهد كمان يمدحونه اكلات مغربيه حلوه

3-البيت الدمشقي التابع ليمال الشام قبل مكتبة جرير شارع العليا العام ..حلو واكلهم طيب بصراحه

4-طريب قبل مطعم ماما نورة في طريق الامير عبدالله - اكلات شعبيه حلوه وجرب الزربيان تراه قوي عندهم

5-القرية النجدية وكانك رايح للتخصصي روعة واكلاتهم حلوه مره

6-الطاجن عند مخرج 14 الظاهر والله اعلم .....حلو واكلهم طيب

7-الريف اللبناني شارع التحلية عندهم سلطات حلوه

والله هذا الي اتذكره اخوي سلطان الخير

وتقبل تحياتي

اخوك ولدالسورية

وتقبل خالص تحياتي

اخوك ولدالسورية

بنت النور · 01-04-2005, 03:42 PM

ماريز مطعم حلو

وعنده على فئتين

الدور الارضي مطعم عادي

والدور العلوي والله حلو وخدمتهم حلووووه

واكلاتهم احلى

ونتمنى اننا افدناك

عاطر التحايا

بنت النور

فراشة الكريستال · 01-04-2005, 05:03 PM

مرحبا

يعطيك العافيه على الموضوع

فيه مطاعم كثيره حلوه واللي ردو قبلي ماقصروا

بس بقولك اللي في بالي الحين

الكلوب في الفيصليه والفيصليه على طريق العليا العام وماتوقع احد مايعرفها(رااائع جدا)
والبيت الايطالي على طريق الملك فهد (على امتداد البراجون تقريبا )
شيراز الايراني ماعرف اسم الشراع حقه بس اللي اعرفه ان شارعه يقاطع شارع التحليه
افادا الهندي بالتحليه

يعني هذي من اروع المطاعم

مشكور اخوي سلطان

..-**-..بنت جيرانكم..-**-..

م ـحـمـد · 01-04-2005, 11:38 PM

بوفية الشباب بحي النهضه (؛

ياطويل البقاء والسلامه

عندك مطعم اوشال على الدائري اذا ماكانوا نقلوه

عندك مطعم النافورة فرع في شارع الاربعين بنسيم مقابل بنده <--- قديم ، اضن العزيزيه اسمها الحين
وفرع له في مقهى الدانه ورى كبري الفحص وفرع ثالث له في الملز مادري وين بضبط

وعندك مطعم على طريق الامير عبدالله اسمه اسبانيا

الشاهد وانا خوك الكلام هذا والوصف قبل سنتين يعني مدري إذا للحين فيه ولا تغيرت

(:

طيّب الفال · 02-04-2005, 06:19 AM

مشكووور عالموضوع الجميييل

واخش دوووغري

عندك سلمك الله

فاهيتا أفينيو....شارع الضباب

طوكيو........ طريق العروبة

نسيت اسمه لكن الكورة اللي بالفيصلية يمدحون الشباب مطبقهم

وتشاااكييير

P r e s t i g e · 03-04-2005, 12:15 PM

هــلا والله تــرى على هيــك بتجوعونــا خخخخخخخخخخخخخ

أقولك يا طويل العمر والســلامهـ ,,,

عندك المطعم الإيطــالي اللي في فندق الخزامـى اللي جنب الفيصليـه على شارع العليا العام على ما اظن تعرفـهـ ,, قل بعد مااعرفهـ عشـان يقوم المناديل < يااي ..
وعندك مطعم النخيــل مهووب بس رووووووووووووووووعه خيـــال يا حبيبي ,,
هــذا اصبر بس انا والمــرهـ نروح لهـ يا حبني لـهـ بس هالمكان خااصهـ لا جااك هالمصاريـهـ وقعدوا يلعبوون مع البزارين وحركات وفلــه << منسجــم معهم ههههههههههههه

عندك مطعم النـافورهـ طبعآ اللي عندنا بالبديـعهـ قبل بنك الريـاض مقابل سوق ريـمان ..
عندك مثل ما قال الأخ ولد الســوريـهـ برج الحمــام ,,
عندك مطعم الكلوب في الفيصليه مثل ما قالت الاخت شجون ,,

<< يقول اذكروووو الله ,,

عندك بوفيـهـ حســن اللي بحــارتنا القديــمـهـ عليهم شيكن شيز << ابوك يا الفرق هههههههههه

عندك مطعم سمــرات عليــهــم بروســتـد على شـارع التسهــيلات ,,
عنــدك مطعم الوالــدهـ الله يخليها لــي يارب ,,,
ومطعم مــامــا نــورهـ اللي على بــدايـة شــارع الأبــراج عليــهم فطيرة لبـنهـ بالزعتـر او بالعسـل امممممممممممممممممم يا شيخ لا تذكرني تراني عجزاااان اروح أجيب لي

وســـلامتك وإذا ودك تجـرب أكل الوالدهـ حيــاك والله انت والضيوف ,,

بنت النور · 04-04-2005, 04:10 AM

ذكرتني بوفيه حسن الي على شارع المدينة الظاهر ولا لا ..

يمدحون بعد ماما نوره سندوتش جبن <<< اه يامحلاهاااااااااااا تجنن خصوصا ااذا صارت حاره

رياح كل يوم في مطعم وبوفيه خخخخخخخخخخخ

epojo · 04-04-2005, 08:41 AM

اضيف ايضا مطعم ستيك هاوس عندهم شوربه مهيب صاحيه

epojo · 04-04-2005, 08:43 AM

اضيف ايضا

مطعم ستيك هاوس....>>مهوب صاحي عليهم شوربه انما ايه

ايضا مطعم الفارس في شارع الستين

ولدالسورية

مواضيع ذات صلة
الموضوع	الكاتب	المجلس	المشاركات	المشاركة الأخيرة
رابطة زعيم آسيا نادي الهلال السعودي	هلالي ودمي ازرق	عالم الرياضة	1689	15-11-2007 07:13 PM
((===الـــتـــغـــطـــيـــه الـــمــبــاشــره لــخـــلـــيـــجــــ18ـــي===))	المجهول	عالم الرياضة	57	31-01-2007 09:05 AM
تغطيه للأخضر في دورة الخليج	رومنصي مشاكص	عالم الرياضة	68	27-01-2007 06:56 AM
(( إحصائية للقناص ياسر القحطاني لجميع مبارياته مع الهلال ))	مانشستراويه فله	عالم الرياضة	7	25-01-2007 05:02 PM

مجلس ملتقى الأصدقاء

للترحيب بالأعضاء الجدد ولتبادل التهاني والتبريكات بين الأعضاء

أحلى مطعم شفته في الرياض للعوائل !!

شعور واقتراح لنا كأعضاء في مجالس الرياض"شارك رجل او امرأة"

مساء الخير

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق