مجلس ملتقى الأصدقاء

@..الــحــالــم..@ · 01-07-2005, 10:36 PM

حياك اخوي منسدح

تقرير حلو وجميل ...وما كان ناقصه الا الحركه الحلوه اللي سويتها بالمسبح

الحمد لله الطلعه كانت من احلى الطلعات

وما كان ناقص الا باقي الاعضاء اللي ماجو

برغم من اني رجعت البيت وعجزت انام لين الساعه 8 الصباح

كله من آلام الظهر والمفاصل اللي تسبب فيها فريق ( النطح ميلان

)

اللي كان لعبهم كله بدون مهارات تذكر .....

في الشوط الاول كان فريقنا يلعب بطريقه جميله جدا ويحاول يمتص حماسهم

وهم الله يهديهم من سالفة الانبراشات ( وخصوصا اسير

) وهم من بداية المباره

طايحين في مهاجمينا و وسطنا تكسير ونطح

وكانو معتمدين على لاعبهم المحضوظ

ابن الوطن اللي ما يمديه يمسك كوره الا ويمزعها بالباب

وسبحان الله الارضيه حقت الملعب ساعدته كثير في هز الشباك

خخخخخخخخخخ

انتهى الشوط الاول بتقدمهم 4 وحنا 2

بين الشوطين رحت لشلة النطح وقلت لهم بالفم المليان ( تبطون عظم تفوزون ، انتم الحين متقدمين لكن تحلمون بالفوز

) <-------- كنت واثق بفريقنا

بدى الشوط الثاني واستخدمت انا ( اعتراف مني انا فقط

) استخدمت اسلوب

( قابل النطح بالنطح ...تسلم ) <----- على وزن قابل الصياح بالصياح تسلم

وفعلاً أجدت هذي الطريقه في التصدي لـ ( اسير الحزن والوافي وفيبو ورومنصي

)

المجهول لعبه يختلف عنهم احس انه حرام يلعب معهم

ورياح انقذهم من سيل من الاهداف

انا اعترف ان فيه كوره اخذتها بيدي وسجلت منها هدف

لكن الحكم كان خلفي وماشافها

وإذا تبون تلغون الهدف الغو هدف مردونا بكاس العالم وتعالو قابلوني

<<<<----------- يقول اللي تكسبه العبه

فيه لقطات من المباره لاتنسى :
=======================

(( منسدح )) بمكان جنب الزاويه الركنيه ويلعب مقصيه على طريقة الدبل كيك

وكورته ترتطم بالقائم الايسر ثم ترتد للأيمن ثم تتدرج بخفه الى داخل المرمى ..مع انهم لو لك يكمله ويؤكدها جوهر كهدف

لقلبوها مناحه وهياااط

(( ممدوح )) ينفرد بالمدافع وبالحارس ثم يسجل هدف من اروع الاهداف بعد ان جعل كل واحد

منسد في زاويه للمرمى

(( المجهول )) يستلم كره ممره من ابن الوطن ويسددها قويه في الثمانيات لحارسنا المبدع منسدح

على فكره
========

في المسبح كنا على موعد اخر للمتعه والحمااااس

بأختصاااار المباراه ممتعه و للمره الثانيه على التوالي يحققها فريق ابو خالد

الف شكر للجميع على الحضور

انا شخصيا التقيت بالفيصل وبأبو لميا وبممدوح وكانت هذه المره الاولى التي اراهما واتعرف عليهم

والحمد لله مثل هذه الاجتماعات تزيد من التعارف والتقارب وتكوين الصداقات

اشكر كل الحضووور

وكان لي الشرف وتعرفت على اعضاء قمة في الروعه

ويعطيكم الف عافيه

P r e s t i g e · 01-07-2005, 11:23 PM

اقتباس


	وسبحان الله الارضيه حقت الملعب ساعدته كثير في هز الشباك خخخخخخخخخخ

تقول كــلام وش طووله وش عـرضه وانتو والله ما عندكم ما عند جدتـي ,,

كأنــي ما شــفــت هــدف بـاوزيـر مســاعدته أرضية الملعب <=--- يافريقهم قولو بعد غش وإلا تشاورو وطلعو فيها عيب لاني دااري دام ابو خالد اهو الحكم شي اكيد انكم بتفوزون بالغش وإهـي كلمتــيــن :

مبـاراهـ فيها غش ومبــالغه فيها مايفيد النقـــاش فيها
والســلام للجميــع ,,,

وأبـــارك لنـا الفـــوز فوز شريف لا غـش ولا لعب فاضي مشكلتكم تبوووون الفريق يتنرفزون هههههههههههههههههههه الله يهديكم بس

خالد اليزيد · 02-07-2005, 01:14 AM

اقتباس

الكاتب : الساحر


	هههههههههههههههههههه وبندر كان ظالم في التوقيت << حاقد عليه كنت جالس على يمين بندر وطالع فيني وعيونه يتطاير منها الشرر وقال لي ابي اشيل عشر دقايق من الشوط الاول وعلى طول وافقت <<< اكيد من الاداره اسير الحزن بعيني هاذي سمعته يكلم بندر بعد مضي نصف ساعه من الشوط الثاني ويقول له خلاص قل باقي دقيقتين ووافق بندر تحياتي

ويقولن غش

والله أن بندر يبي فريقهم يفوزون وبالقوة

لكن في الأخير ما يصح إلا الصحيح

والف مبروك لفريقي

وللمعلومية أنا يوم جيت ألعب قلت لهم ياليت تخلون أحد يحكم

كلهم رفضوا وقال لي المجهول كابت الفريق كمل أنت

وربنا عالظالم

وتقبلوا تحياتي

اسير الحزن · 02-07-2005, 01:39 AM

اقتباس

الكاتب : الساحر


	هههههههههههههههههههه اسير الحزن بعيني هاذي سمعته يكلم بندر بعد مضي نصف ساعه من الشوط الثاني ويقول له خلاص قل باقي دقيقتين ووافق بندر الحالم سجل هذف بيده عيني عينك تقول نلعب يد امسوي فيها ماردونا تحياتي

^
^
اول شــي انا ماكلــمت بنـــدر لاني زعــلان عليــه << مايعرف يصــرف

وبالنســبه لهدف الحالم هذا انت شفته يعــني لو طقــت مره 8/7 لنــا

وبالنسبه لخــالد اليــزيد

نقــول له الــف لاباس عليــك

<<< شاف الاجازه وقاله ماودك اخذها مكانك

بس الاصابه كانت من ارضــية الملعب ولم يتــعرض لاصابه من احــد

وماتشوف شر يابو خالد

اسير الحزن · 02-07-2005, 01:45 AM

اقتباس

الكاتب : @..الــحــالــم..@


	وهم الله يهديهم من سالفة الانبراشات ( وخصوصا اسير ) وهم من بداية المباره طايحين في مهاجمينا و وسطنا تكسير ونطح وفعلاً أجدت هذي الطريقه في التصدي لـ ( اسير الحزن والوافي وفيبو ورومنصي )

^
^
اي واضــح الانبــراشات خاصه من ميــن ثلاث انبراشات هذي لي خاصــه منــك

وفي الاخيــر مســوي فيها الــولد الطيب <<< يقولك اطلع من مخــي كانه مايعرفك ومالعب معك كم دوري

وبالنسبه لطــريقتك بالفعل اجدت خاصــه انك سجلــت هــدف ولا احلى يالنزهان

بس مشــكلتكم لاعبين من محتــرفين وفي الاخيــر انــواع الكبــاري ولا نسيــته حسيــت انك امممم

رفيع الشان · 02-07-2005, 02:18 AM

اقتباس


	وأبـــارك لنـا الفـــوز فوز شريف

8
8
8

رياح الشوق

منهو ذا فوز شريف << ماشفته معنا بالأستراحه

انا اشهد يارياح انك كنت اسد في مرماك

اقتباس


	المجهول لعبه يختلف عنهم احس انه حرام يلعب معهم ورياح انقذهم من سيل من الاهداف

اول مره اشوف كابتن فريق متحمس واخلاق وحريف

المجهول كان مخلص لشعار الميلان

اقتباس


	اول شــي انا ماكلــمت بنـــدر لاني زعــلان عليــه << مايعرف يصــرف

لا مايعرف

الحين الرجال دفني يقول وخر بسمع اسير اش يقول <<<< تقول اني جالس في اذنه

لكن انت اسير فيك الروح والحماس والنجوميه الأهلاويه <<<< يبي يلطف الاجواء الكبتن لطفي

بنت النور · 02-07-2005, 04:10 AM

الحمدلله على سلامة الجميع

واهم شي انكم استانستوووو

والي اصيبو

اقولهم من بغى الدح ماقال اح خخخخخخخخخخخخخخخخخخخخخخخ

انتم المهتوين تلعبون كوره على بالي خخخ فريق صاحي

اعطر التحايا

بنت النور

رومنصي مشاكص · 02-07-2005, 04:56 AM

المباراه بشكل المختصر .. الشوط الاول ضغط لصالح فريق ميلان الي هو فريقنا

وانتهى الشوط الاول بتقدم ميلان 5 / 3

وكان الحكم خالد اليزيد ( ظافر ابو زنده ) حكم الشوط الاول بتحكيم ممنتاز ...

وبدئنا الشوط الثاني بضغط على مرمى فريق خالد اليزيد .. وتقدمنا عليييهم بنتيجه 8 / 6

وطررد غير مستحق لاخ رومنصي .. <--- معذبهم بالجهة اليصرى ويبون يتخلصون منك يالخثران هاع

ولا انسى الهدف الفنتاستك الذي اتى من المجهول ورومنصي بتمريرات برازيليه

والحـكم غششششش في الشوط الثاني غش غير عادل ..

واشكر كل من اتىى الاصتراحه لمؤوازة فريق الميلان العظيم

والوعد الاصتراحه الجايه ان شاءا لله ...

والحكم ا ن شاء الله المباراه الجايه غير ظافر ابو زنده

sporty girl · 02-07-2005, 05:21 AM

يعطيك العافيه خيو منسدح على هالتقرير الرائع

الظاهر انهم جبسوا ايدك بعد كتابه الموضوع

والله منت هين يا منسدح ،، اجل انت حارس وتسجل هدف

مبروووك الفوز وهارد لك للخسرانين

لكل المصابين وعلى راسهم خالد اليزيد

ما تشوفون شر ،، والله يشفيكم

والله يديم عليكم الافراح والاستراحات

تحياتي لكم

مجلس ملتقى الأصدقاء

للترحيب بالأعضاء الجدد ولتبادل التهاني والتبريكات بين الأعضاء

الأستــراحه ... وماصاحبها من أحداث .. وفوز مستحق لفريق خالد اليزيد .. ادخل وتمتع !!

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

02-07-2005, 10:01 AM	#20
أمير الجزيره كبار الشخصيات