مجلس ملتقى الأصدقاء

منسدح في طريق العليا · #1

.
.

بسم الله الرحمن الرحيم ..

حياكم الله اخواني و اخواتي ..

اقدم لكم في هالموضوع تقريراً عن احداث اللقاء السادس لأعضاء مجالس الرياض ..

اتمنى ان ينال على اعجابكم ..

و ان تسمحولي على القصور و خاصه ان كنت نسيت احد الاعضاء ..

.
.

الحــــضــــــور :

خالد اليزيد ..

قحشة مصاقيل ..

صدى الكلمه ..

الهلالي ..

مجنون ..

اشكال ..

الزعيم ..

المجهول ..

الصبر ..

رومنصي مشاكس ..

معانق اليل ..

مهاجر ..

الطير ..

نصراوي عسل ..

و لد ابو فهد ..

ابن الوطن ..

الوافي ..

ابو شلاخ ..

لا تعليق ..

فتى الرياض ..

نواف ..

مشاري شطحات ..

اسير الحزن ..

الحالم ..

و لد منيرة ..

ابو شموخ ..

و ثلاث ضيوف شرف ..

و أجمل مفاجأه حضور اول مراقب لمجلس الصور المجالس و احد المؤسسين المراقب ..

[ نـاصـر ] ..

.
.

<<-- عديتهم كنهم ناقصين <<-- متأثر بقصه جحا ما عد نفسه ..

.
.

أحداث المباراه :

الساعه 9.30 نزل الفريقان للملعب و تبادلوا السلام تحت هدير و تشجيع الجمهور الغفير الحاضر <<-- الاستراحات الي حولنا جو من الزحمه ..

الفريق الاصفر يتكون من تسعه اشخاص ..

الفريق الاصفر هم البقيه .. <<-- غلطتنا في منتدى ازرق ..

كانت مباراه حماسيه و تنافسيه شريفه ..

قادها تحكيماً الحكم الهلالي [ صدى الكلمه ] و يدلعونه صدى زنده ..

و كان تقسيم الاشواط كل شوط على نصف ساعه ..

انتهى الشوط الاول بتقدم الفريق الازرق بهدفين نظيفين ..

و لكن الشوط الثاني تبدل لحال ..

بتغيرات و تشكيله الاصفر و مدربهم الداهيه منسدح ..

و استطاع الفريق الاصفر تعديل النتيجه مع الشوط الثاني ..

لتنتهي المباراه بتعادل الفريقن بهدفين لمثلها ..

.
.

تسديحات استراحيه :

* كان اول الحضور معانق و مهاجر و استقبلتهم اداره مجالسنا بقياده خالد اليزيد و قحشه .

* منسدح في اللفه اتاه ظرف و لم يستيع الحضور و بلغنا تحياته .

* اجودي كذلك بارك اجتماعنا و اعتذر عن الحضور .

* VIP و مجنونها يبلغونكم التحايا و اعتذروا عن الحضور لظروفهم لاخاصه .

* ابتداء الاجتماع على اذان المغرب .

* بعدها بدأت الوفود بالحضور و التواجد .

* بين عشوين تبادلوا الحضور السوالف و التعارف و القهوه و الشاهي .

* استمر الحال الى حلول و قت المباراه .

* بعد المباراه ارتاح الفريقان قليلاً و بعدها قلطنا على العشاء .

* بعد العشاء اجتمع الجميع الي يلعب و رقه و الي فرقوا كوره فيما بينهم و الا جلسوا يسولفون .

* اتت الساعه 12 عشر و بداء الحضور بالذهاب .

* الساعه 1 ليلاً اجتمع ثله من الحاضرين يقودهم الطير و مجنون على جهاز لابتوب و يتفرجون على شي ما ادري وشو ؟؟ .

* الساعه 3 كانت موعد خلو الاستراحه من الحاضرين جميعاً .

* الطلعه كانت مميزه بكل شي تعرفنا من خلالها على اخوه لنا يتشرف اي شخص بالتعرف عليهم .

* اكتشفنا ان هناك اشخاص تختلف شخصياتهم كثيراً عن وضعهم خلف الشاشه .

.
.

اخيراً :

اشكر الجميع على حضورهم و روحهم الجميله و انشاء الله نلتقي من جديد .

.
.

و اعتذر للجمهور النصراوي عن التعادل ..

و لكن انتم تعرفون و الجميع يعرف اننا في نادي النصر في مرحله بناء ..

فلا تستعجلوا النتائج الي صبركم 9 سنين يصبركم زود ..

.
.

تحيـــــــــتي ،،

ملك بدون مملكة · 23-11-2007, 04:51 PM

هههههههههههههههههههههههه

اي و اللهـ نصبر زود

يعطيك العافية يا الغالي على هالتقرير

سدوحة نجيبك بدال فوكي أجل

توتة · 23-11-2007, 04:59 PM

وبازين بانفسهم هالهللالليين فزنا وفزنا

مادروا انهم على ثيل استراحه ماتعودوا فريقنا يلعبون على ارضيته لصعوبته

<<طبعا العالميين متعودين يلعبون على ثيل كشخه

وبعدين يالمهايطين انتبهوا بس لاتصدقون انكم سحقتوا العالمي بالنتيجه المزعومه اللي انتشرت خلف الكواليس هع

منتهيه نتيجتهم تعاادل ومتشققين من الفرحه

اقول وخروا بس

وبعدين لو انكم صادقين باهدافكم يالله ننتظر شريط الفديوا اللي فيه الاهداف

واكيد انا اللي بحلل الاهداف بحكم اني مشهوره بمتابعة صافره هع

شباب المجالس ..الله يهنيكم دووووووووم مو يووووووووم

المهم انكم انبسطتوا وفليتوها صح >>>>>>>ابد ماغارت منهم

سدوح تسلم والله على هالتقرير الرائع اللي يثبت عدم مصداقيتهم

دمتم بخير

مجنــــــــون · 23-11-2007, 04:59 PM

يامنسدح ..

قل الحق ياخي ..

المبــاراة أنتهــت بنتيجــة ..

10 للهلال مقــابل صفـــر للنصر ^_^

وصراحة أكتشفنا مواهب وفلتــات في فريقنــا ..

أمثــال .. نـــواف ولا تعليق

وبصـراحة كنت جايب وســادة ونــايم ..

ماأذكر اي هجمــة جاتنـــي ..

وعلى العمــوم

المقصــد كان في الجمعــة اللي تشرح الصــدر

وأحب اشكر الطيــر على هديتة الجميــلة .. لي وللمجــالس

تحيــاتي وتقديــري ..

مجنـــــون

منسدح في طريق العليا · 23-11-2007, 05:01 PM

اقتباس

الكاتب : ملك بدون مملكة [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	هههههههههههههههههههههههه اي و اللهـ نصبر زود يعطيك العافية يا الغالي على هالتقرير سدوحة نجيبك بدال فوكي أجل

الله يعافيك خيو ..

و الله قدمولي مبلغ اداره النصر ..

و توني بوقع معهم في مؤتمر صحفي الا طياره البلوي تحتريني ..

رحت له و خليتهم في مؤتمرهم لحالهم ..

تحيــــتي ،،

المجهول · 23-11-2007, 05:02 PM

ههههههههههههههههههههههههههههههههههههههههه

عيب عيب

حتى في بياناتك تكذب زي ناديك

اقسم بالله العلي العظيم بأن المباراه انتهت بفوز فريق الزعيم بعشرة أهداف نظيفه!!!

يعني دون مقابل!!

يعني مالهم ولا ربع قول

حتى محترفهم الحالم شقيته شخصيا بكوبري وكان الهدف السابع على ما اعتقد

يعني عيب يا سدوحه تقول مثل هالكلام...

المفروض تعترف بالهزيمه وتقول انا مو قد المجهول ولا قد الزعماء!!

اما انك تطلع بيان كاذب فهذي والله فضيحه!!!!

تقبلوا تحياتي...

منسدح في طريق العليا · 23-11-2007, 05:04 PM

اقتباس

الكاتب : توتة [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	وبازين بانفسهم هالهللالليين فزنا وفزنا مادروا انهم على ثيل استراحه ماتعودوا فريقنا يلعبون على ارضيته لصعوبته <<طبعا العالميين متعودين يلعبون على ثيل كشخه وبعدين يالمهايطين انتبهوا بس لاتصدقون انكم سحقتوا العالمي بالنتيجه المزعومه اللي انتشرت خلف الكواليس هع منتهيه نتيجتهم تعاادل ومتشققين من الفرحه اقول وخروا بس وبعدين لو انكم صادقين باهدافكم يالله ننتظر شريط الفديوا اللي فيه الاهداف واكيد انا اللي بحلل الاهداف بحكم اني مشهوره بمتابعة صافره هع شباب المجالس ..الله يهنيكم دووووووووم مو يووووووووم المهم انكم انبسطتوا وفليتوها صح >>>>>>>ابد ماغارت منهم سدوح تسلم والله على هالتقرير الرائع اللي يثبت عدم مصداقيتهم دمتم بخير

الله يسلمس تويته ..

و ماعليس منهم ما عندهم الا النصب كالعاده ..

و بالنسبه للفيديو ترى سهله التركيب و الحركتات ..

بس المسأله ذمه و ضمير ..

و انا معروف في المجالس بهالصفات و الحمد لله ..

تحيـــــــتي ،،

منسدح في طريق العليا · 23-11-2007, 05:06 PM

اقتباس

الكاتب : مجنــــــــون [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	يامنسدح .. قل الحق ياخي .. المبــاراة أنتهــت بنتيجــة .. 10 للهلال مقــابل صفـــر للنصر ^_^ وصراحة أكتشفنا مواهب وفلتــات في فريقنــا .. أمثــال .. نـــواف ولا تعليق وبصـراحة كنت جايب وســادة ونــايم .. ماأذكر اي هجمــة جاتنـــي .. وعلى العمــوم المقصــد كان في الجمعــة اللي تشرح الصــدر وأحب اشكر الطيــر على هديتة الجميــلة .. لي وللمجــالس تحيــاتي وتقديــري .. مجنـــــون

حياك مجنون ..

وش هالنتيجه ..

اخاف انك لخبطت بين عقد كالون و نتيجه المباراه ..

و بالنسبه للاعبين صراحه مواهب جميله رأيناها ..

و فعلاً انبسطنا امس ..

و اشكر لك هالطله ..

توتة · 23-11-2007, 05:08 PM

انا ابي شريط الاهداف يالهلالييييين علشان اصدق هالنتيجه المزعومه ماابي حلووف

مجنــــــــون · 23-11-2007, 05:10 PM

اقتباس

الكاتب : منسدح في طريق العليا [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	حياك مجنون .. وش هالنتيجه .. اخاف انك لخبطت بين عقد كالون و نتيجه المباراه .. و بالنسبه للاعبين صراحه مواهب جميله رأيناها .. و فعلاً انبسطنا امس .. و اشكر لك هالطله ..

منســدح

ربي عاقبنــا على هالنتيجــة ..

وخلا عقوبتنا في كالون

بس صراحــة ..

أنا رجعت لشريط الفيديو

أعد الأهداف

لخبطت من كثرها .. خصوصاً أن خمس أهداف دخلت وانت حارسهم

بس صراحة

كان كل المباراة كوم وهدف ابو خالد البلنتي كوم ثاني

بلنتي .. يذبها ابو خالد بزاوية تسعين

وانت الحارس خخخخخخخخخخخ

كلام كبير بصراحة

مجلس ملتقى الأصدقاء

للترحيب بالأعضاء الجدد ولتبادل التهاني والتبريكات بين الأعضاء

[ مجريات أحداث الأجتماع السادس ] ..!!

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور