الأناقه و الجمال

المهــــره · 27-10-2004, 07:36 PM

هلا وغلا فيك اخوي هبوب الشمال

يعطيك الف عافيه يالغالي على مرورك وشاكره لك

الغالي عمار

ههههههههههه تسلملي هل المرور

وبالعكس خذ لك فكره عن ماركة ديوور

شاكره لك

تحيه ازفها لكم

فوانيس · 31-10-2004, 01:53 AM

الله تشكيلة راااااااااائعة من ديوووووووور

وانا بصراحة اكثر شيء احب استعمل شانيل

لكن ما يضر اذا شفنا هالذوق الراقي الي عند مهرتنا

الف شكر لج يالغالية

ولج احلى تحية وتحية

اختج فوانيس

المهــــره · 02-11-2004, 12:46 AM

يابعد قلببي والله

نورتي حبي القسم بوجودك الرووعه

واذا برضو من محبين شانيل وخاصه الكحل رووووووووعه

والميك أب اتبعهم شييييييييييييي

وكل ماركه اجلس عليها 5 شهور واغير واحول على ماركه ثانيه

تسلمين ياعمري على تواجدك واهم شي نال على رضاك ياقلبي

ونوريني مره تنيه ياعنوني

تحيه ازفها لك

toofy · 11-11-2004, 02:33 AM

ه ه هه ه هه ه ه ه هه هه ه ه ه هه ه

8
8

تراها ضحكه

أول مره اشوف هالموضوع واللي ضحكني ان الشباب اكثر من البنات

حبيبتي مهره بسألك عن الثلج ..
انا اعرف انه ماينفع قبل المكياج ... لازم له فتره .. على الاقل ساعه
والا وش رايك ..!!!

ريموو الغاليه ..
الاساس ضروري جدا مارح يبين جمال المكياج من دونه بس انتِ اختاري نفس لون بشرتك او افتح بدرجه وحده مو اكثر ..
وكل بشره له نوع مايناسب الثانيه ...

تحتاجين عينات وتشوفي المناسب لك اكثر ..

انا عن نفسي افضل شانيل.. والاي لاينر من لانكوم وديور حلووو

الله يعطيك العافيه المهره وتزودينا بكل جديد في عالم المكياج

المهــــره · 11-11-2004, 06:10 AM

حياتي توفي

الثلج تحطينه على وجهك تجلسين على حسب الوقت الي تبينها
وتمرنينها على وجهك بقماااش

تجلسين اشوي لين يبرد وجهك وتحطين المكياج عاتي

وسلامتك

تسلميلي حبيبتي على مرورك القونااااااان

وشاكره لك ياعسولتي

تحيه ازفها لك

عين النداوية · 11-11-2004, 05:44 PM

حبيبتي ((المهرة))أشكرك علىموضوعك الشيق ماشاء الله عندك خبرة بالبشرة عندي كم سؤال ممكن تردين عليهم....
أذا استطعت أما أذا لا لكي جزيل الشكر......
1 ممكن توصفين لي خلطات طبيعية ممكن تصفي البشرة؟مع العلم بشرتي ((مختلطه))؟؟ انا للاسف بشرتي كانت حلوة بس سويت شمع؟؟وباباي أيام زمان.....
وماسك أسبوعي؟وواقي للشمس؟؟ مع العلم أستخدم واقي هيلين؟؟؟؟
ممكن دورات من أيدينك الله لايحرمنا منها.عن ((make Up)) خاصة كيفية تنسيق الالوان والعيون اه من العيون عذاب......

مع تحيات أختك..
عين النداويه......

المهــــره · 12-11-2004, 12:42 AM

هلاو غلا فيك ياقلبي

نورتي موضووووووووعي ياعسل

ووحشتيني مووووووووت وكل عام وانتي بخير ياغلاهم

اول شي ابدى معك بتنظيف الوجه

تذكري أن البشره الخاليه من العيوب والشحوب وعلامات الارهاق بعد وضع المكياج تكون توووووووب..
لأن للبشره دور كبير لاعطاء مظهرا رائعا للمكياج..
يعني اول شي المحافظه على البشره عن طريق الأقنعه والتنظيف والتقشير و الغذاء والاهتمام الداخلي والخارجي ومن ثم يأتي دور المكياج..

اوكي انا منزله موضوع وان شاءالله تستفيدي منها بس غريبه ماشفتيها

المهم هذا هو الرابط
[عزيزي الزائر يتوجب عليك التسجيل لمشاهدة الرابط للتسجيل اضغط هنا]

راح اخبرك عن اسس مهمه قبل وضع المكياج...

1-التنظيف السطحي للبشره.. وتهيأته لاستخدام المكياج.. مسح البشره بالليمون أو مغذي سائل (الأسكنيول)..
2- تغذية البشره.. عن طريق الاقنعه والزيوت المناسبه للبشره..
3- تحريك الدوره الدمويه التي تتواجد في البشره عن طريق تحريك الاصابع بحركه دائريه للبشره..
4- ترطيب البشره عن طريق المرطبات..

**طرق التنظيف العميق والصحيح للبشره لاعادة البشره رونقها وحيويتها (بالترتيب):

* تقشير البشره: يوجد عدة مقشرات في محلات المكياج.. ولا تنسو الطبيعي أحسن بكثير من الجاهز مثال: زيت الزيتون+ سكر أو زيت اللوز الحلو+ السكر.
. ويتم توزيعه على البشره وحركت الاصابع دائريه بخفه
بحيث لا تجرحين البشره ولا تؤذيها. والفائده من التقشر
انك تقشرين الخلايا الميته فوق البشره وتعطي البشره اللون المورد
وتساعد على فتح المسام وتنشيط الدوره الدمويه بالوجه.. ثم تغسل بعد
ربع ساعه بالماء الدافئ حتى يتم فتح مسام الوجه..

ملاحظه: يتم عمل التقشير للوجه مره في الأسبوع فقط..

* الأقنعه:على حسب نوعية البشره يتم وضع الاقنعه بعد غسل الوجه
وتنظيفه بالفوطه برقه مباشره..
لأن البشره تكون جاهزه لاستقبال أي قناع..
نصيحه: عند استخدام الاقنعه يجب ان لا تنسين
الرقبه فهي لها الحق كلبشره.. ولا تغطي مناطق العينين والشفايف..

* حمام بخار:احضار قِدِرّ ووضع ماء فيه ويترك فوق النار حتى غليانه..
ووضع أي اعشاب طبيعيه مثال: البابونج أو بقدونس وتستطيعين وضع ماء الورد..
ومن ثم تحضرين الفوطه وتغطين فيه شعرك بعد رفعه للاعلى.. واحضار فوطه ثانيه
وتغطية الوجه.. حيث يترك مسافه مناسبه بين الوجه والقِدٍرّ وتصل للبشره بخار بحرار تستحملها ولا يتم الاقتراب كثيرا من الاناء حتى لا يتم ايذاء البشره.. ويتم لمس البخار المتصاعد من القِدِرّ للبشره لمدة 15 دقيقه فيتم اغلاق العينين..

ملاحظه: يتم عمل بخار الوجه مره في الشهر فقط..

* التنظيف:
احضار القطن وابعاد القناع برقه بحركه دائريه خفيفه جدا
حاولي ان تزلين القناع بسرعه..
وثم احضار ال(الابره طويله التي يتم بواسطتها اخراج الدهون والافرازات
من المسمات وتستطيعين شرائه من الصيدليه ويستخدم في الصالونات ايضا)..
وثم يتم الضغط خفيفا على المسامات لاخراج الدهون منه..
ويتم التركيز على الانف والجبهه وحاولي ان يكون بسرعه وبخفه..
ومن ثم احضار الثلج لاغلاق المسام وتغطيته بالفوطه الخفيفه أو المنديل..
ويتم فرك الوجه بخفه.. ويتم التركيز على الانف والجبهه بحركه دائريه.. وكلما حسيتي ببرودة الثلج غيري مكانه.. وبعد نصف ساعه أو ساعه كامله.. اغسلي
وجهك بماء دافئ القريب من البروده والصابون الذي تستخدمينه لتنظيف البشره
ومن ثم الماااااء الباااااااارد.. وبعده استخدمي ماء الورد أو مرطب طبيعي
المناسب للبشره حتى يتم اعطاء البشره حقها في الغذاء..

وطبعا يتم كل ذالك قبل وضع المكياج ب 5 أو 6 ساعات..
حتى تستطيعين تهيئة البشره وتكون البشره مرتاحه ونشيطة....

وشوفي ياقلبي يمكن تستفيدين

1- اللـــون الاخضر لصفاء البشـــره

2- اللــــون البرتقالي يوحـــــــد لون البشره اذا كانت متباينه " السمراء "

3-اللــــون الاصفــر للبشـــــــره الباهته جداااااا

4-اللــــون البني او البيج الغامق لتصغير " الخشم اذا كان كبير "

5- اللــــون الاحمـــــر لاخفاء النمش والاحمرار

6- الابيض لاخفاء النمش والكلف وحب الشبـــــــــاب

7-البنفسجـــــــي للبشره الصفراء والمتعبه يعطيها جمال واشراقـــــــــه خياليه

===============

الحين قلبي انتي قلتيلي انك سويتي لبشرتك شمع

ايش المضار الي واجهتيه بوجهك ؟؟!!

ودورات الميك اب حبيبتي اختي توفي نزلت كل شي مصطلحات وكل شي عن الميك اب

كيف تتعاملين معه وهذا هو الرابط وراح تستفيدين اكثير

[عزيزي الزائر يتوجب عليك التسجيل لمشاهدة الرابط للتسجيل اضغط هنا]

واانا بقول لك من عندي برضو راح تستفيدين منه

اول شي اكيد راح تكون منظفه بشرتك ثم خذي قطنه تكونين حاطه عليها شوي

من اسكنيول مناسب لنوع بشرتك امسحي فيها وجهك

وحابه اوضحلك ان الكونسيلر هو مخفي العيوب اما الاسكينول

عباره منظف وعلبته شفافه وهو بلونين ونوعين باليمون والخيار ومثل ماذكرت

[img]

[/img]وهذي هي صورته

راح تلقينه مجمع عند محلات التجميل وسعره رخيص مره بالسعوديه بخمس ريال ...

المهم وبعدهـــــا حطي المثبت الي عندك وتثقين فيه

علي فكره فيه انواع مثبتات مكياج بعضها ينحط قبل الكريم وبعضها بعده

انا هنا بستخـدم مثبتي المفضل من ماركة جفنشي وهو ينحط قبل

المكياج

وهو بخـــاخ

الخطوه الثانيه اللكونسير عشان نخفي النمش او الحبوب اذا كان فيك

تحطينه بطريقه مرتبه بطرف اصبعك تاخذين منه ثم تحطينه علي وجهك

ولا تحاولين تفركينه لا حاولي تطبطبين عليه بعدها جيبي كريم الاساس

وحطي منه علي وجهك انا هنا بستخدمـ من ماركة ديــــــــــور رقم 781

بعد ماحطيت الكريم برجع للكونسيلر مره ثانيه عشان اذا خشمك وسيع

تصغرينه بختارها بيج غامق وبجي يم اطراف الخشم بالفرشه او بيدك

احسن شي واملاء المكان وبعدها بطبطب خفيف عليه ولا احاول افركه

واذا كانت عظمة خشمك من فوق غليضه وشكلها شين حطي علي عظمة

الخشم الجانبيه لين توصلين نهاية علشان يكون بخط واحد ومستقيم

ولا تحطين بنص الخشم شي بس يكون علي جانبين الخشم غامق

وبالنص لون فاتح .... اوكيه

وهذا رابط انا عاملته وان شاءالله تستفيدين

[عزيزي الزائر يتوجب عليك التسجيل لمشاهدة الرابط للتسجيل اضغط هنا]

*** اذا كان عندك الكونسيلر غامق جداااا جداااا جداااا اخلطيه بشوية لون افتح منه ***
وبعدها بستخدم بودره المضغوطــــــــــــــه

لا تحطين البودره الاساسيه الفاتحه علي مكان الكونسيلر الغامق

حطي ولو بدرجه اغمق شوي من الي عندك علي هالمنطقه

واعيد واكرر اذا حطيتي البودره لا تسحبينها سحب لا املائي الفرشه

او اسفنجة البودره وطبطبي علي المكان او اضغطي عليه ان شاءالله فهمتي علي

=========================

والحين انتي طلبتي برضو ياعمري
كيفية تنسيق الالوان والعيون

تنسيق الالوان الحين بشرحلك

شلون تعرفين الشـدو الي عندك هو من اي نوع :

* المــــــــائي : وهو يستخدم بإضافة الماء للفرشه ومزجها مع الشدو
الماي .

*والبودر : ولا اقصد هنا انه يجي سائب ومنثور بالعكس يجي مضغوط

وهو من افضل الانواع لانه يثبت ويبقي مده طويله

هذا شــدو بودره من شانيل

* والكريمــي : فيه نسبه من الكريم وميزته انه مايبقى طويل يعطي

لمعه علي الجفن فضيعه . مثل ماركة نيبــو وجافكـو ومبـــــــرووك

الاختبار :

جيبي عبلة الشدو الخاصه فيك وبطرف اصبعك خذي

شويه منه وحطيه علي

سطح يدك اذا لمستي فيه نسبه من الكريم وماثبت نفس اللون

الي بالعلبه هنا يكون شدوك كريمي اما اذا صار العكس فيكون البودر

وانصحك فيه لانه يثبت .

واذا مو عارفه تميزين اسالي قبل لاتشترينه

ماقلتيلي شو شكل عيووونك لكن ادخلي لموضوعي هذا وشوووفي

اي واحد من الاشكال او المقاااربه له

[عزيزي الزائر يتوجب عليك التسجيل لمشاهدة الرابط للتسجيل اضغط هنا]

والحين اعلمك عن تنسيق الالوان

احلى طريقه وهي معروفه

راح اختار الآي شدو الوردي .. وترا كل لون وله ألف طريقة ،،

لأنه ممكن انه يدمج مع كذا لون

وحطيته عن طريق برنامج الفوتوشوب علشان توضح لك الطريقة

بس طبعاً بالتطبيق بيكون أفضل من الصورة

الخطوة الاولى للوردي ... انك بعدما تحطين الكونسيلر على العين والبودره
تحطين طبقة من الوردي على الجفن المتحرك إلين تحت الحاجب بشوي مثل الصورة

بعدين تحطين طبقة أغمق من اللون الوردي ...
(تدمجين اللون الوردي بالأحمر او بالبنفسجي ) ...

تحت الحاجب .. تحطين لون أبيض .. او لمعة بيضا ..
وفي كذا مستحضر خاص فقط في انك تحطينه تحت الحاجب ..
وإذا ما توفر عندك.. ممكن انك تحطين آي شدو أبيض ... وتقومين تدمجين كل طبقة بالثانيه ..

وبعدين تحطين اللون الأسود .. على نهاية الوردي الغامق..
وعلى الجفن المتحرك ممكن تحطين كحل جاف أو سائل ... وممكن انك تكتفين بهذي الخطوة إذا حبيتي ..

إذا تبين المكياج دخاني .... فحطي اللون الأسود بهذا الشكل وحاولي تدمجيه
مع الطبقة اللي فوقه .... علشان تطلع تدرجات ..
( أسود .. وردي غامق... وردي فاتح .. أبيض )

ممكن انك تضيفين لمعة ورديه في وسط الأسود .. ويطلع لك هالشكل ..

وانصحك بـ ماركة ( CLARINS ) روووعه ،، أسود وفيه لمعة حلوه

المهم انك عرفتي كيف تدمجين وعرفتي علي

ايوه عرفت الي تستخدمينه واقي الشمس حلو هو

بس اذا تبين تغيرينه اوكي من عيوني
وان شاءالله استفدتي واكون عند حسن ضنك

ولا تحرميني من طلتك الروعه واسألتك الرائعه

ولو تبين عيوني اهديها لك هع

تحيه ازفها لك

Nasser · 21-11-2004, 10:45 AM

المهــــره

مشكوره وما تقصرين

موضوع رائع

وجهد جبار

الله لا يحرمنا منك

والله يعطيك العافية

تحياتي

المهــــره · 21-11-2004, 06:10 PM

تسلم يالغالي ويعطيك الف عافيه على تواجدك الرائع

تحيه ازفها لك

عين النداوية · 03-12-2004, 06:01 PM

أشكرك من كل قلبي على المعلومات الخطيرة والله يعطيك العافية. وأبتداء من الان راح أطبق كل شيء قلتيه.....

الله لايحرمنا منك وشكرا جزيلا على خطواتshado أنت أنسانة رائعه........

صراحه تخونني العبارات .....

* أختك *
عين النداوية