الأناقه و الجمال

أم عبدالله1 · #1

هـلا ببنات الرياض.
مساء الخيـر..وتتبعهـا صباح الخـير.
زواج حمـاي بسابع يوم من الإجــازة.! و أنا بشهـري الرابع.
كنت مقررة ما أحضر الزواج من باب كذبة النسـاء المعهودة ][ متوحمــة

][ لَكِـن حكم الأوي ع الضعيف
تقرر أن أكـون أول الحاضرين.

, أنا للحين ماتحركت ولا شبر..

جتني تكّـة و شره مو طبيعي بس يالله ربكم كـريم., أنا يا بنات الرياض تقرر أن أزوركم في صباح الغد وبغيت ترشحون لي الأماكن اللي تبيع فساتين للحمّـل بس يكون الفستان مايبين كثير الكرشة , يعني ما أبي يكون اللي مطلق من عند الكرش.., أولاً بطني أنا مو ذاك الكبر لا كنها كرشة واحد شبعان

ع قولة الوالدة.

يعني ناطة شوي , المهم ذكر لي مصممة أسمها وفاء الميمان أو شي قريب من الميمان . أنها تتفنّن بموديلات الحمّل يعني تخفي الكرش بس مو الإخفاء المعتاد عليه, حبيت اسألكم اللي مجربة تخيط عنده أو أحد قريب له تفيدني, و إذا تعرفوا أماكن تبيع فساتين للحمل بكون ممنوة لكن والله.. وبتجيكن دعوة وحدة محتاااااارة و محتااااااااجة.
الله يخليكم محتاجة لكن مرررررة.

زين الصبايا · 18-06-2008, 09:58 PM

طيب اذا انتي بشهرك الرابع ولا هو مبين ليش ماتلبسين فستان عادي

فيه فساتين حلوه بعماير السيركون

او في العليا مول

بس كلهم مو حقات حمل

وان شاء الله يفيدونك البنات عن فساتين الحمل وين تتحصل

ويارب تلقين الي يعجبك

أم عبدالله1 · 18-06-2008, 10:10 PM

هلا بــزين الصبايا.
يا قلبو إذا شريت فستان عادي بيكون شكله علي غبي...
يعني أنا الحين متنفخة شوي و إذا لبست ثوب صبايا بيكون واضح أني حامل ومغبية الحمل.
أنا أبي البس ثوب يخليني تكل اللي بالأعلانات.<عاد شلون تجي ذي

أدعي لي يا قلبي..
وعقبال ما نفيدك بالأفراح...
و أنا أنتظــر الجميع.

المبهمه · 19-06-2008, 12:31 AM

غاليتي حياك الله وطلبك سهل مو صعب ...

لأن موديلات السنه هاذي في لاسواق مناسبه لحالتك يعني الي لهم كرشه بس مو ذاك الزود

صدقيني في لاندلس و رويال مول او حيات مول راح تلقين طلبك بسهوله لأنو زي ماقلتلك موديلات السنه هاذي الممسوكه مع الصدر والوسيعه من تحت او الي يسمونه الصدر القصير <<<< امحق توصيف...

بس صدقيني مو صعب تلقين بس انتي روحي للاسواق الي قلتلك وبتلاقين لأني مجربه حالتك

والله يكون بعونك ويوفقك ويهون عليك يارب

وهذا نموذج للفساتين الي اقصدها

[عزيزي الزائر يتوجب عليك التسجيل لمشاهدة الرابط للتسجيل اضغط هنا]

المبهمه · 19-06-2008, 12:32 AM

لا تنسينا من دعائك وبشرينا اذا انحلت ازمتك

أم عبدالله1 · 19-06-2008, 01:22 AM

هلا والله وغــلا بـ المبهمة.
الله يريحك قولي آمين.أنا خوفي إذا جيت الرياض إن شاء الله أخبط وبعدين أخذ شيء معتاد عليه ومنتشر . والله ودي أبببببكي.,وخصوصًا أن بعلي هو اللي بيجيبن فـ ماودي أمشوره ...خصوصًا و أن الروحة هذي بطلعة الروح قلت له. طيب يا خلفهم أنتِ بما أنك مجربة ( الله يصلح العطاء.

) ما قد جربتي وفاء..؟ أو سمعتي عنه.؟؟
و أسعاره بأي حدود.؟؟
أدري يا الغلا ثقلت عليك بس والله حالتي حالة.

الله يخليك إن شاءالله ويسخر لك.ويوفقك يارب.
و إن شاء الله تراك ما طلبتي شي يا الغلا

ياربّ يسر..ياربّ..يارَبّ

の M s N の · 19-06-2008, 02:34 AM

ربي يسهل أمورك حبيبتي

كسرتي خاطري

لو أنا فـ الرياض من عيوني

ياااربي يوفقك وييسر آمرررك

المتغــير · 19-06-2008, 02:30 PM

بحكم خبرتي في الاسواق والمطامر بالأهـل هاليومين

فأنصحك بالمتنبي على شارع الستين (صلآح الدين الأيوبي)

اشوف في فساتين وش حلآتها

وميزته انو خاااااااااص للفساتين ولآ غير

مع امكانية التعديل في وقت قصير

او مجمع الموسى (وهو الافضل) على شارع العليا العام نفس الطريقه مجمع فساتين

يعني ماتطلعين ان شاء الله الا محصله اللي يناسبك

والاحظ موجود بالمجمع محلآت خآآآصه للحوامل

واسمحو لي على اللقافه

المبهمه · 19-06-2008, 05:08 PM

اهلين اختي ...بصراحه مااقدر افيدك من ناحية التفصيل او المصممات لأني ماعندي خلفيه .. ووفاء مااعرفها

بصراحه مااحب التفصيل كثير واذا احتديت رحت للمتنبي تفصيل حلو وسريع ويعدلون لك وانتي واقفه عندهم بس مااعرف احد شخصي .. يعني الي القاه قدامي ويعجبني اوقف عنده ونصيحتي اذا ماعندك وقت عليك بالجاهز اريح لك

الله يوفقك اختي