| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
حدائق الأدباختياركم من اجمل الفنون الأدبية |
إعلانات منتديات منطقة الرياض
|
|||||||
|
|||||||
 |
|
|
LinkBack | أدوات الموضوع |
08-02-2007, 07:26 PM
|
#31 | |
|
عضو مشارك
  |
رد : باقي فرح<< قصه سعوديه
الاربعاء فهـــــــــد 9.00 مساء ***********************من كلمت عمي فيصل..وانا مكتم ومتضاااااايق حدي..ليش يقولي كذا..!! انا ماسويت شئ غلط ياناس..حرام اني افكر اعرس واستقر زي خلق الله..يقول اصبر!! وليه اصبر ولمتى... انا ابيها ..ابيها ياناااااس ..بالعربي احبها وبس ..من يوم هي صغيرة وهي ببالي ..وهي بنت عمي وانا اقرب الناس لها ..الله يهديك يافيصل ..زين انها مهيب بنتك على هالرد!! طيب ..وشلون بفتح الموضوع مع ابوي وعمي سعود تنهدت ...الله يسهل امري يارب وقفت سيارتي قدام بيت اهلي..نزلت وانا شايل همّ ...مدري وشلون افاتحهم بهالموضوع.. بس لازم اواجههم ... دخلت الصالة لقيت زياد جالس ويشرب بيبسي ..وهو يتفرج على مباراة بالتلفزيون ..وهيفاء وسارة يتفرجن على مجلة ..شكلهن يتناقشن على مكياج والا مدري عن خرابيطهن فهد: السلام عليكم يااهل الدار الكل: وعليكم السلالالالالالالالالالام زياد: عسى ماشر ..متاخر هالمرة !!! جدعت روحي جنبه ..حسيت اني تعبااان وهم هالخطبة بقلبي ودي اجدعه...حطيت راسي على فخذه ..قلت: تعبااااااااان ..!! شف علي حرارة؟؟ زياد مستغرب..حط يده الباردة من البيبسي على جبهتي.. صرخت: اااااااااح..يدك ثلج... رفع زياد راسي وهو يقول: قم مابك الا العافية ..انشط من الحمااااااااااار... فهد: هههههههههههههه حرام عليك ..لاتنضلني ترى وراي عرس... انا حسيت ان اربع عيون بدت تحدق بي ...لا الحين صارن ست عيون... ابتسمت: وش فيكم ...اول مرة تشوفون واحد بيعرس!! هيفاء تناظر زيااد: ..انت متاكد انه ماعليه حرارة... سارة بفرح: والله يافهد ....من جدك تتكلم ..قامت تصرخ ..يمه تعالي لحقي ولدك فهد: هيه هيه ..وش فيكم انتي واياها زياااد..تعدل بجلسته ..وقعد يحك شوشته اللي طالت وماحلقها ..بس بجد معطيته لووك رهيب : هالحين فهد ..بديت اشك يمكن فيك حرارة داخلية... زهقت ...ياربيه هذا وانتم بس دريتوا بنيتي بالعرس ...اجل لو قلت لكم عن العروس ..وش بيكون موقفكم ...زي عمي فيصل!!! الله يستر... امي وهي تنزل الدرج : هلا والله ..فهد متى وصلت ياوليدي..الحمد لله على السلامة نقزت سارة وخمتها: يمـــــــــــــه لحقي على ولدك ...بيعرس امي والضحكة حول تشق حلقها : والله..!! بالمباااااااااارك ياوليدي الله يتمم لك بخير هيفاء: اي مبااارك واي جاسم يمه ...اول افهموا السالفة منه ناظرتهم وقلت: خلصتوا !!!!!!!!! التفت على امي وقلت : وشلونك يالغالية ...سامحين نسيت الاغراض الاسبوع اللي فات امي: لاماعليه ياوليدي مسموح ..اتصلت ببدرية واعتذرت منها ..وهي ماقصرت بنت الحلال ..قالت اهم شئ سلامتك متى ماوصلن ااااااااخ جاء طاري بدرية وابي عمي سعود وابوي عشان افاتحهم بالموضوع
|
|
|
|
08-02-2007, 07:27 PM
|
#32 | |
|
عضو مشارك
|
رد : باقي فرح<< قصه سعوديه
الخميس اريج 1.30 ظهراً ****************** اليوم مستانسة مررررة حنا اول ناس وصلنا الاستراحة .. نزلت من السيارة بسرعة وشلت عبايتي..وقعدت اركض واناقز..تخيلت الاستراحة فضااااااااااء وااااااسع..تخيلت نفسي هايدي..بين عنزاتها وكلبها بس وين بيتر.. اااااااااااه قعدت ادور حول نفسي..الجو..والثيل البارد تحت رجليني العارية .. حسسني بانتعاااش..يوووه يانا محروومة..من الانطلاق..والتحليق.. فوووووووووق..فوووووووق...السمااااااااااااء سمعت صوت سيارة جاي من وراي ...التفت ..شفتها سيارة خالي سعود... ..ركضت صوب السيارة وشوي بتصدمني..مانتبهت لنظرات السواق.. شاكرووه خلي يولي..شبع من كثر مايشوفني....ابشوف مشاعل جت والا لا,,,لاتكون ماجت والله لاوريها... واول ماوقفت السيارة ..على طول فتحت الباب... اريج: هلو افري بدي..... الناس ساكتيييييييييييين .... اريج وانا الهث: شوفوا عاااد...... ياويلكم تقولون مشاعل ماجت ..ترى والله لادف هالسيارة واطلعها برى الاستراحة ..والتفت على المرتبة اللي ورى لانها المكان المفضل لمشاعل ..وينك...مشاعل قلبي..!! ماعرفتها لانهم كلهم متغطيات ..ماعدى بشاير..اللي تناظرني بذهوووول وبالاخير قالت: اريج ..ترى هذا مو شاكر ..هذا اخوي نوااف اللي يسوق ..ليش ماتغطيتي!! قلت بدون شعور: وووجع .... وصبخت الباب بكل قوتي ..قمت اركض واصارخ ..وشعري طاير وراي دخلت الخيمة ..قمت اناقز واضرب وجهي كفوف... ياويلي ..ياويلي ياناس...قمت اناقز من الفشيلة ..ياربيه ليش انا خبلة ومطفوقة دخلت علي خلود ... وجهها احمرمن الضحك .. خلود: هههههههههه رهيبة انتي يااريج..ههههههههههههاي اريج: ياحمارة ليش ساكتة ..ليش ماتكلمتوا من الاول ..بعدين من متى ونواف اللي يجيبكم ..وين طس شاكرووه خلود: وانتي عطيتنا فرصة ..شفناك تدورين حول روحك وتناقزين من مكان لمكااااااان بلاغطاء ولاشئ..وكملتيها بدفة السيارة بتطلعينها برى....هههههههههههههههاي تعالي شوفي نواااااااف مات من الضحك..وانتي تدورين على روحك تقل مهبولة..بالله وش قاعدة تتخيلين نفسك ... قبصتها بكل قوتي ..وصرخت : اااااااااااااااااي دخلت مشاعل وهي تقول: يعلني فدى اللي بيطلعون السيارة عشاني...يافراشة زمانك..بالله وش هالفن السيريالي..كانك ترقصين باليه ههههههههههههه خميتها ولاشعوريا صحت..والله مدري ليه صحت..مدري فشيلة والا شوووق لمشاعل وخرتتني مشاعل: هو اريج وش فيييييييييكِ....علميني وشلون ارقص زيك ههههههههههههههه ..ابداع..لاوتنزل شوي على الارض ..بعدين تنقز... ياويلي ..كل هذا صار ونواف يتفرج..هالحماار ليش ماضرب بوري ينبهني.. مسكت يدها وطلعت ..تمشينا ..بعدين وصلت الهنوف ..ومعها غلا مشاعل: فاتك ياهنوس..رقص البالية!! والله فاتك.. الهنوف: اي بالية..ووين شفتوه.. مشاعل: على الهواء مباشرة..ياسلام ولاتقولين فراشة وتطير من زهرة لزهرة..لا قولي زينة ونحووول ..ههههههههههه وهم يجمعون الرحيق.. اريج: مشاعل..ترى والله هالقوطي بيدخل باثمك هالحين اما انطميتي... انفجرت مشاعل تضحك هههههههههههههههه..والهنوف تسال..وش فيكم ..وش السالفة.. حبيت اضيع السالفة ..وناديت غلا.. اريج: تعالي سلمي ياغلا غلا تطلع لسانها وتقول: لالالالالالالالالالالالا... اريج: اشهد ان عمتك منيرة جاذبتك..انقلعي ..بكرى اعرس واجيب بنت احلى منك غلا بدلع: لالالا انا احلى... اليوم الاستراحة غير ..صحيح موقف خطير اللي صار لي..بس اذا تذكرت شكلي انفجرت اضحك لو انا بلحالي..قال هايدي قال..ومشاعل تقول زينة ونحول ههههههه مابقى الا سالي وليدي ههههههههههههه مشاعل اذا جت كل شئ يطلع حلوووو ووناسة ..حسيتها مسوية جو..ضحك وتعليق..كل العالم تضحك ومبسووووطة الا شخص واحد!!!! لا موهدى ...هالمرة هيفاء بنت خالي .. مدري حسيتها متضايقة وكان هموم الدنيا فووق راسها... حتى اني سمعت خلود تسالها: هيفاء .. عسى ماشر هيفاء ناظرت خلود ..تنهدت وسكتت خلود: هيفاء ....ترى اشغلتيني عليك ..وش بك!! تنهدت هيفاء بضيق..: لا ابدا بس تدرين قربت امتحانات الترم وانا زملة لهن... خلود: علينا ياهيفاااااااااااااااء..امتحانات!! قامت هيفاء ..وطلعت ..شكلها بتصيح ..جت خلود بتلحقها الا ان عمتي هدى منعتها وش صاير!! مدري ياخبر اليوم بقروووووش بكرى ببلالالالاش |
|
|
|
|
08-02-2007, 07:27 PM
|
#33 | |
|
عضو مشارك
|
رد : باقي فرح<< قصه سعوديه
خيمة الرجـــــــال فارس 7.30 مساء *****************والله اخوي فهد قلب علينا المجلس فووق تحت...هو وسالفة العرس الله يهديه بس .. صدر امر ابتعاثه لبريطانيا ..وخلاص يعني بيصير هناك بعد اربع شهور تقريبا ..والرجال اختب بيعرس!! فجأة فتح الموضوع مع عمي سعود فهد: والله ياعمي انك بحسبه ابوي ..وانا جاي اطلب القرب منك ويشرفني اني اناسبك..وكمل خطبته العصماء ..ويوم خلص ناظره ابوي معصب:خلصت !!... وانت ماعندك ابو!! يوم تروح تخطب بنفسك.. عمي سعود: الله يهديك ياعلي ..فهد ولدي زي ماهو ولدك..والبنت بنتك زي ماهي بنتي... ابوي: لا ..مهيب المسالة كذا .. فهد: اجل وش بك معصب يبه ...مفرووض انت اكثر واحد تفرح لي..موب انت اللي دايم صاجني تبيني اعرس!! فهد..حطنا امام الامر الواقع.... قال ..عمي سعود بحسبة ابوي!! طيب مااختلفنا بس بعد تراه ابو البنت!! عمي فيصل ..من انفتح الموضوع ..شال شماغه وطلع.. فارس: على وين ياعم!! لاتصير غيرااان وتبي تعرس!! فيصل يناظر فهد ...ذيك النظرة اللي تذبح: لا يافارس ..انا لاجيت اعرس ..ابعرف الاصول زين......... فارس: طيب ومتى بتعرفها هالاصول وتخطب فيصل طنشني وطلع ..والمجلس اصبح هادي فجأة.. اخيرا تكلم عمي سعود: لاشك انك يافهد رجال والنعم فيك وشهادتي فيك مجرووحة ..بس ..تدري هالامور تاخذ وقت ..عطني وقت اشاور البنت واهلها...وحنا ماحنا بلاقين ازين منك...ولدنا ..وحنا اللي مربينك.. فهد: خير البر عاجله..وراي سفره ودراسة وانا ودي نتمم هالامر باسرع وقت ياعمي.. نواف شكله عصّب من فهد: خير..ان شاء الله ..الدنيا مهيب طايرة!! بتسافر الله يحفظك ..اما .. قاطعه عمي سعود: نواف..انطم ولاكلمة ..وشلون تتكلم وانا موجود..البنت بنتي..انا ...بس نواف شال عمره ومشى وقبل لايطلع التفت على ابوه وقال: زين دام البنت بنتك ..مبرووك مقدماً... سليمان : صلوا على النبي ياجمااااااااااااااعة .. الله يصلحك يافهد ..هذا اولها ..فيصل واخوها نواف ..زعلوووا وطلعوووا ... وعمي وابوي معصبين !! طيب ..وانا وش دخلني !! ليش حارق رزي ناظرت سلمان اللي شبة منسدح على المركى ويتفرج على هالمسرحية التراجيدية مستمتعاً ..شكله كان ينتظر اكشن ..يعني ..كف ..بوكس.. هذا سلمانوه فارس: سلمان .... سلمان:................."مافي رد" صرخت : سلمان وصمخ ..ماتسمعني ..وين رااايح!! انتبه لي ...سلمان وحك راسه: والله طرالي اعررررررررررس يافارس ضحكنا على هالسلماااااااان الناس وين وهو وين...ياحظها اللي بتاخذك..بتفك كشرتها اربع وعشرين ساااعة ..من خف دمك وفرفشتك... |
|
|
|
|
08-02-2007, 07:29 PM
|
#34 | |
|
عضو مشارك
|
رد : باقي فرح<< قصه سعوديه
هـــــــدى الاستراحة ********************** حسيت ان نفسيتي احسن من الاول...خلاص ..تعودت على البكاء والدموع..بس شفتها ماغيرت حالي..مارجعّت لي خالد.. مدري ليه ..عندي احساس ان خالد بيرجع لي..لا مو احساس وبس ...انا متاكدة من هالشئ..متاكدة ان خالد يحبني..مستحيل الانسان يكذب بمشاعره..شفت الحب والمودة بعيوونه..وعمرها العيون ماكذبت ..ولو كذب اللسان ... ثلاث شهور عشتها كاسعد عاشقة بعشيقها..مدري وش اللي تغير بدنيتي..وصحيت من هالحلم...الجميل... ااااااااااااااه رحلت بي الذكرى لخالد ..حبيب القلب..اللي علمني لغة الحب.. كان افضل معلم بهالكوون..دروسه بقلبي مانسيتها ومانيب ناسيتها..غمضت عيوني يوم وصلني صوت ذكراه.... "هدى: اقول خالد... خالد: ياعيونه وقلبه وروحه..سمي..امري تدللي..!! هدى والفرح يتراقص بعيونها:حبيبي.... نفسي اروح لماليزيا... خالد: ماكفاك شهر العسل بفرنسا.. هدى بدلع: لا ابي شهر عسل ثاني بماليزيا....نفسي اروح كوالالمبور وببيينق ..دايما اسمع انها ديرة العرسان.. خالد وعيونه تبعث الحب :عرسان.. !! بالمستقبل اذا الله اراد.. هدى: ومتى يجي هالمستقبل ياخلودي....بعدين اذا جانا عيال ماراح نصير عرسان.. ناظرني خالد نظرة مبهمة..وشال عيونه عني..حسيت به شئ..سألته: خالد ..وش بك؟؟ من غير مايناظرني: مابي شئ ياعيوني.. هدى: اجل متى نرووووح...ياروح روحي..ابي استمتع بكل لحظة معك.. خالد بابتسامة ماوصلت خدوده: باقرب فرصة...باقرب فرصة...ياحبيبتي" وعرفت زين وش كان يقصد خالد باقرب فرصة....ااااااااااااه.... عرفت ان هالفرصة عمرها ماجت ولاراح تجي..خالد..وش كان يقصد بها!!! فكرت..متى قرر يطلقني..قبل لايتزوجني..والا عقب..بفرنسا والا بالرياض..!! والسبب..كان ولازال مجهول..!! الكل يسألني : ليه وش صاير!! ومالقى غير كلمة خالد يوم قالها لي:" مالنا نصيب ببعض" وانا نفسي ..مدري ليه هالنصيب عقب ماجمعنا رجع وفرقنااااااااااااااا...وصرت مطلقة..تنهدت ..شكلك ياهدى بتعجزين وانتي ماتعودتي على وضعك...كمطلقة... وش فيها لما تكونين مطلقة..!! صحيح..مؤلم..قاسي ..شعور الرفض..خصوصا لما يكون من عزيز على قلبك.. صحيح ..المجتمع مايرحم..يعطيك شهادة سوء سيرة وسلوك..ولو كنتي الضحية.. صحيح..نظرات النااس..وكلامهم كالاسياط على قلبك.. لكن..هو قضاء ربي وقدره ..ولازم ترضين فيه.. فمن رضى فله الرضى ومن سخط فعليه السخط... رجعت لعالم الواقع ...بصوت امي .. امي: هدى وصمخ لي ساعة اهرجك وماتردين ..قومي سلمي على اخوانك ..ينشدون عنك !! هدى: زين يمه .. ...هذاني راااااااايحة.. طلعت وشفت هيفاء..جالسة على الكرسي عند المسبح ..ويديها تلعب بخصلات شعرها وشكلها مساااااااااااااااافرة بعيد.. ياحليلها اكيد فهد قال لهم عن موضوع الخطبة... خلوه ياخذها دام له خاطرن فيهاااا..لاتجبرونه على غيرها ..بكرى تتكرر تكثر حالات الطلاق..تكفون بس كفاية .. سلمت على اخواني وعيالهم ..فهد وطارق وفارس وسلمان وزياد..لكن نواف واحمد ..من المستحيلات انهم ينشافون هالايام لازم الواحد يعني عشان يسلم عليهم... الله عليك يازمن كل شئ فيك انقلب... |
|
|
|
|
08-02-2007, 07:30 PM
|
#35 | |
|
عضو مشارك
|
رد : باقي فرح<< قصه سعوديه
الجمعة خلــــــــــــــــــــــود 4.30 عصراً ******************** عجزت انام زين البارحة ..بالي مشغووول بهيفاء..انامتاكدة ان فيها شئ هيفاء ..وجهها شفاف ..احس بها بدون ماتتكلم ..افهم نظرات عيونها ..افهمها من غير ماتعبر..وهيفاء امس متضاااااااااااايقة ..ومتضاااااااايقة حيل بس رفضت تفتح فمها بحرف اكيد وراك مصيبة ياهويف..بس اعترفي ازين لك؟؟ ..زهقت من كثر مادق عليها ولاترد.. قعدت ادور بجوالي مسج برسله لعلها ترد عليه ...مدري ليه ..يوم قريت هالمسج...حسيت برغبة قوووية اني ارسله لها صحيح هو عاجبني بس مدري ليه الان بالذات ارسلته لها.... أقضي ايامي غريق بوحدتي.. مركبي ذكرى وأحلامي شراع.. وفي بحر شوقي بواصل رحلتي.. لين اواجه من ترك قلبي ولاع.. وان كتب ربي في بحره موتتي.. لي رجا لا تدفنوني وسط قاع.. لكن ارموا عند بابه جثتي.. واكتبوا مشتاااق حاول ما استطاع.. اذن المغرب والبنت لااتصلت ولاردت ...لا ..انا متاكدة هيفاء وراها بلى عمرها ماسوتها فيني ّ!!..من كثر مانا مشغولة بهيفاء..نسيت ادق على عبير عشان اعلمها اني برسل شاكر لهم ..يودي لها ملازم المعادلات التفاضلية..دقيت على جوال عبير..رن لما شبع والبنت ماردت..انا مدري ليه مطلعة جوال..دايم ماترد..صحيح هي ماتكلم كثير ..بس تخليه جنبها..حولها..دقيت على البيت ..رن مرتين ..بعدين ارتعت ..من الصوت الرجولي اللي رد.. مساعد: الوووووووووو خلود: ...................... مساعد بعصبية: الووووووووووو ماسلمت ولاشئ..لاني خفت منه..قلت بسرعة: عبير موجودة!! مساعد: من نقول لهاااااااا...؟؟ ياربيه ترى والله مانيب ناقصتك..قلت: خلود السعود.. كلمتني عبير..وهزئتها..ليش ماترد على جوالها..فقالت: ومن بيكلمني اصلا..!! مغير مساعد لاصرت بالجامعة يقولي اطلعي...وشوله انقله معي وانا بالبيت..!! المهم ..قلت لها اني برسل الملزمة مع شاكر..وطلبت تعطيني محاضرة الحضارة الاسلامية..وسلمت على امها وسكرتها... ناظرت جوالي..لعل هيفاء دقت والا ارسلت مسج ...بس لاحياة لمن تنادي...دقيت عليها ولاردت..ارسلت لها مسج ثاني... نزلت نجود ..وهي تناقز على الدرج..راحت المطبخ ورجعت بالقهوة والفناجيل...وش عندها شكلها مبسووووطة على الاخر..الله يديمها من بسطة يارب نجود: خلوود ..تعالي تقهوي معي ..تبين جالكسي والا كتكات!! ابتسمت لها: من صدقك ...جالكسي طبعاً... نجود: هههههههههاي تدرين اني اموووت بالكتكات..تصدقين ذاك اليوم بالجامعة تهاوشت انا ومي على كتكات ..وتسحبه مني وانا اسحبه لماذاب بين يدينا ..عاد انفعص ..وساح بيدينا وقمنا ننلحس اصابعنا ,,تقل بزران خلود: خخخخخخخخخخ ..اتخيل اشكالكن..الا مي مااختارت لغة عربية معك كمادة اختيارية.. نجود: لاالله يهديها ...تقول حنا ندرس ادب انجليزي يعني مفروض ننسى حاقة اسمها عربي.. خلود: ياحليلها مي مصدقة عمرها ....يالله يوفقكن يارب.. نجود: الا خلود..ماقلتي لي ..وش سويتي انتي ودكتورة فدوى..ماعادت لك الامتحان خلود: لا حسبي الله عليها...عييت .. نجود: طيب ماخذتي العذر الطبي اللي جابوه لك ابوي.. خلود: الا ..بس..براسها حب مانطحن..تقول لوتجبين لي شهادة الوفاة ماعدت الامتحان نجود: ماشاء الله عليها ...عسى شهادتها قبل شهادتك يارب خلود: يالله ....ان شاء الله اعوض في النهائي.. نجود: طيب وعبيركم جابت؟؟ خلود: ماشاء الله عليها ...جابتها كاملة.. نجود: لاه ..اثرها دافوووورة... خلود: قولي ماشاء الله ...ذاكرت وتعبت ومن حصل شئ يستاهله... نجود : مدري ليه ارحمها...احس اخوها مساعد ظالمها و حابسها بسجن..الله يعينها عليه...مافي اي تطور ...مابدت تطلع وتجي وتروح... خلود: ماشاء الله عليها عاقلة ومرتاحة...واخوها يبي مصلحتها .. نجود: وش يبي مصلحتها...الا قولي مافي ثقة باخته..ماشاء الله عليها اللي ساكته له للحين.. نزل ابوي ..وامي وراه..وجلسوا قبالنا...حسيت من نظراتهم وتوترهم...كان ماء حار انكب علي..توترت من نظراتهم ..وقلبي يدق..عسى امي لولوة مابها شئ...والا احد.... نجود: اصب لك فنجال يبه!! قهوة من يد نجود ...طعمها غير؟؟ ابوي: لا يابنيتي مابي ..تسهرني القهوة...دام مافيه مشاعل وبشاير ..ودي اكلمكن بموضوع..وانا عارف انكن عاقلات وفاهمات ..يابنياتي امي ناظرتني نظراااات غريبة ..كانها نظرات شفقة..حيرة ..شئ غريب احسه يصير مدري ليه ..احس قلبي انعصر بقوووووووووة من جواااا هدوووووووووووووء نجود: خير يبه وش فيكم ..وش صاير... ابوي يناظر امي ويبتسم :كل خير يانجوووووود كل خير..... امي شالت عيونها عني ..وحطت يديها على خدها ..اعرفها..امي ماتسوي كذا الا اذا صارت متضايقة والا مترددة ومرتبكة ..وش السالفة..صراحة انحرقت اعصابي... ابوي..وكانه وده يجدع هم الكلام: انتن كبرتن وصرتن حريم والواحد اغلى مايتمناه بهالدنيا هو انه يشوف بناته متزوجات ومتوفقات ومستقرات بحياتهن..وصدقنن هذي سنة الله والا مافي اغلى منكن على قلبي.... تنهدت بارتيااااااااح...اها الدعوة فيها عرس ... ابوي: اليوم جاااني خطيب لك يا...وسكت ..مرتبك .. امي كملت عن ابوي: نجود ...فهد ولد عمج خطبج من ابوووج ..هاه وش قلتي!!!!!!!!!! ******************** نهاية الحلقة الرابعة |
|
|
|
|
08-02-2007, 07:34 PM
|
#36 | |
|
عضو مشارك
|
رد : باقي فرح<< قصه سعوديه
|
|
|
|
|
13-02-2007, 03:01 PM
|
#37 | |
|
عضو جديد
 |
رد : باقي فرح<< قصه سعوديه
|
|
|
|
|
19-02-2007, 09:01 PM
|
#38 | |
|
عضو مشارك
|
رد : باقي فرح<< قصه سعوديه
تعرفون الاجازه سفر وطلعات وانا نااااااااسيه |
|
|
|
|
19-02-2007, 09:02 PM
|
#39 | |
|
عضو مشارك
|
رد : باقي فرح<< قصه سعوديه
لكن انشالله ما اطول |
|
|
|
|
19-02-2007, 09:03 PM
|
#40 | |
|
عضو مشارك
|
رد : باقي فرح<< قصه سعوديه
******************** الاحد هدى 1.30 ظهراً ******************** تبوون الصدق ..مدري وش صار ببيت اخوي سعود ولا وش سوى مع بناته صحيح فهد فأجانا بخطبته لنجود...بس هذي حياته ..فيصل ماله حق يزعل عليه بتقولون وخلوود...طيب الولد له خاطر بنجود ..وهو صابر ينتظر خلود يجيها نصيبها ..بس يوم جته البعثة ..عاااد خلاص ..بعدين مافيها شئ ..كثير بنات يتزوجن خواتهن اللي اصغر منهن ..بعدين هن يتزوجن وانا مابي خلود تتزوجه وبعدين يطلقها ..وتعيش ماساتي... كله ...نصيـــــــــــــــــــــب!! ياتصيب ياتخيــــــــــب هالحين جت فرصتي ..خلوني اهرب من واقعي المرّ...كلمت اخوي علي..كونه ولي امري..وعرضت عليه رغبتي بالدراسة والتغيير..وبيني وبينكم كنت شايلة همّ ...انه يرفض..ولكن ..تفاجأت به بتاييده لهالشئ..وبلعكس فهد بيكون معك..و..و صفقت بيديني من الفرحة...وااااااااااو...مو مصدقة..مو مصدقة عمري..بسافر بريطانيا وبكمل الماجستير..يمكن انساه...الا اكيد بنسااااااااااه... لحظة..فكرت بامي!!!! ياربيه هذي وشلون اقنعها!!!!!! اخلي علي يكلمها...لا ...خليني افاتحها..واذا رفضت ..قلت لعلي... نزلت للصالة ..لقيتها..منسدحة بمصلاها وتسمع ..ام حديجان بالرادو ..طبعاً بينها وبين هالبرنااامج عشق قديم .. هدى: يمه ..........................."مافي رد" هدى: يمـــــــــــــــــه ...................................."مافي رد" صرخت يمااااااااااااااااااه التفت علي ..وقالت: عمى يعميك ..انهبلتي انتي!! شوفي ام الجيران جت تركض تحسب بنتها تناديها......... هدى: وش اسوي بك !! ساعة اناديك ماتردين... امي: اووص انثبري... لما تقضي ام حديجان لاحوووووووول ..هذا اللي ناقصنا!! قمت..رحت للمطبخ لقيت الشغالة مسويه برياااني ...تموت هالسيلانية بالبرياني هدى: كل يوم بريااااااااااااني ...حشى بومباي على غفلة كانتي تهز دميجتها: هلو برياني .. هدى: حلو ماقلنا شئ بس عاااااااد لاعت كبودنا ...منه ..لايصير حار زي امس ..والله لاافلقك بهالصحن ... كانتي خافت: لالا مافي هاااااااااار دخلت امي: وش عندك يام لسانين !! قضيتي مني رحتي تحطين حرتك بهالضعيفة.... اللهم طولك ياروح..كل البشر تشملهم رحمة امي ..الا انا ..تنهدت ..اهدي موجات الغضب الي بدت تثور باحشائي حطيت يديني على خصري: هاللحين افهم ان ام حديجان خلصت امي : اجل تبيني اقابلك وهي ماخلصت !! هدى : زيــــــــــــــــــــــــــــن ....ممكن اكلمك بموضوع مهم امي تفتح الدولاب ..وتصك ..وتطلع من هالعلب وتشم وتسكر ..يعني ببساطة مطنشتني..........!! احس الدخاااااااااان بدا يطلع من اذاني...... قلت وانا اصر على اسناني: يمة ..تكفين اسمعيني...عطيني وجه.. امي بنفاد صبروهي ترفع يدينها للسماء: ياربي تعيني على هالبنت ...قالوا لك صمخاء !! اهرجي وش تبين!! قربت منها ..حبيتها على راسها وقلت لها : حاشاك يام علي ...يمه ابي اكمل دراستي..هاه وش رايك؟؟ امي ناظرتني باستهزاء وميلت شفايفها ...وكان كلامي ماعجبها ...وطلعت وخلتني لحقتها ..بشوف اخرتها مع امي.. هدى: سمعتيني يايمه ..ابي اكمل دراستي .... امي: هماك تخرجتي ..تبتلين تدرسين انتي!! هدى: ايه تخرجت من الجامعة ..بس انا ابي اكمل ماجستير امي : وشو ماسستير...لا البنت انهبلت !!..كود الله انهبلت عشاني بدرس!!!.. اجل لو تدري وين ودي ادرس وش بتقول الله يعيني عليها.... هدى: هاه وش قلتي يمه!!!.... امي وهي تلف سجادتها: قلت...اقعدي بارضك الين يجيك نصيبك وتعرسين وتفكيننا من شرك ...ياهدى تراك ذبحتيني قبل يومي... كلامها ..جرحني ..المني ..بس خلاص..بسافر وبنسى كل هالالم والاهانات وراي.. مدري ليه الناس يقولون الدلال لاخر العنقود ..لو يشوفون امي..كان غيروا هالمثل..الدلال والحشيمة لما قبل اخر العنقود..فيصل..يادهنة لاتنكتين .. وانا..انا لي الله..هو تطنز ..هو تهزئ..بس جاك الفرج ياهدى.. واخيرا تحقق حلمك..بتسافرين وبتنسين عالم احزانك.. وترجعين انسانة ثااااااااااااااااااانية... سمعت صوت الباب ينفتح..دخل فيصل..لابس نظارته الشمسية..وجريدة الرياض بيده..ابتسمت يوم شفته..بمهد الطريق لمشروع العمر... فيصل: مساك الله بالخير يالغالية.."وباس راس امي"..وشلونك!! امي تناظرني وتوون: مالي لوون ياوليدي وهالعلة غاثتني ..يالله يارب انك ترزقها باللي يضفها عني يارب... فيصل: افا وراك زعلانة على هدى!! وش مسويه اعترفي!! امي: ماصدقنا انها قضت من الجامعة ...جايتني بمنكر ..ابدرس ماسستير"ماجستير"..انهبلت اختك عقب ماطلقها هالخسيس الله لايوفقه... قل امين الله يغربلك ياخويلد بحياتك..زي ماغربلتني وبنيتي.. فيصل: هدى..وش السالفة!!!! عجزت ارد...شرهتي وعبرتي ...ترقى بصدري وتنزل.. امي: السالفة انها انهبلت..انهبلت اختك..الله يعينا عليها بس!!! لالالا..بس ..كفاني ماجاني يايمه... كل هالدعاوي..وهالكلام اللي يسم الروح.. بس عشان ماجستير..اجل وش بتقولون اذا دريتوا اني بكملها ببريطانيا..!!!! بدون شعوور ..دموعي تجمعت بعيوني.. ..قلت:توك تدرين... انا منهبلة من زماااااااااان يايمه .....عشان كذا اللي ابيه ابسويه ..رضيتوا والا زعلتوا ابدرس ماجستير وابسافر لبريطانيا ..وابريحك مني يايمه ..وانسي ان لك بنت اسمها هدى..ابنساكم وانسى انكم سبب عذابي ..بنسى همومي .. وببدا صفحة جديدة من حياتي بدونكم....بدونكم ...بدونكم..." مسكت درابزين الدرج وركضت ..احس بجوفي نار تحرقني... بمووت من القهر والالم ..اطرافي ترتجف ..من الغضب..كلامها جرحني زود على جرحي... ياربيه اذا كانت امي اقرب الناس لي ..هذا كلامها..ماعلى الناااس شرهه دخلت غرفتي وانفجرت اصيح "خالد!! طلبتك تعاااااااااااااااااااااااااااااااال!!" بس وين خالد وانا وووووووووووووووين!! |
|
|
|
|
| زوار هذا الموضوع الآن : 1 (0 عضو و 1 ضيف) | |
| أدوات الموضوع | |
|
|
|
Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0 Translated By vBulletin®Club©2002-2008 |
