| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
حدائق الأدباختياركم من اجمل الفنون الأدبية |
إعلانات منتديات منطقة الرياض
|
|||||||
|
|||||||
 |
|
|
LinkBack | أدوات الموضوع |
19-02-2007, 09:26 PM
|
#61 | |
|
عضو مشارك
  |
رد : باقي فرح<< قصه سعوديه
الخميس خلـــــــــــود 11.30 صباحاً ************** فتحت عيوني..وتلفت مدري وين انا..ااااه ... ذكرت البارحة .. ..وعمي فيصل... وهدى التفت لقيتها نايمة.. ناظرت ساعتي ..قمت وغسلت ..تاملت وجهي..عيوني ذابلة ..والهالات السوداء..تحيط بها..فكيت شعري..وانساب الي تحت ظهري.. للحظة مرت بخاطري.. ابقصه ..وابرميه مع الام الماضي.. بس وش ذنبه..دخلت اصابعي..بين خصلاته.. شديت عليه ..بقووووة .. لا..كوني اقوى ياخلووووووووود!!! طلعت ورحت لغرفة امي لولوة ..طقيت بس محد رد.. نزلت لقيتها بمصلاها ..تصلي.. اااااااااه ياحبيلك يايمه.. وقفت على اخر عتبة بالدرج.. مدري ليه حسيت نفسيتي تغيرت من جيت هنا... ياليتي اجلس على طووول .. على الاقل بفتك من شوفه نجود...وفرحتها بفهد.. امي: هلا والله بخلودي..وبصعوبة وقفت ..ركضت لها ورميت نفسي بحضنها..دسيت خشمي بصدرها ..اشم ريحتها الطيبة ..يالله .. حسيت بالراحة ويديها تمسح على شعري ..وكانها تواسيني.. لاشعوريا انزلقت دموعي..التي عاهدت نفسي على منعها .. امي: وشلونك يابنيتي..كح كح كح خلود: بخير يالغالية ..انتي وشلونك يمة .. ابتسمت لي: بخير يامن الخير..تبين تفطرين والا تقهوين معي ... تراي قاعدة احتريك من يوم قالي فيصل انك موجودة.. ابتسمت لها وانا اقول:ابشري .. ابروح اجيب القهوة يايمة.. رحت المطبخ ..شلت الصينية والفناجيل...والدلة .. وجلست اتقهوى مع امي..مديت لها الفنجال..بس ماخذته.. شكل بالهاااا مشغول....ساكتة وتفكر وتهوجس.. سالتها: سمي يمه... توها تنتبه لي..مدت يدها وهي تقول: عشتي...يابنيتي... سالتها:عسى ماشر ..وش مضيق صدرك... امي حطت فنجالها بالارض..وناظرتني: هدى ياخلود..حّرمت عيوني النوم.. خلود بترقب:و ليش ..!!!! تنهدت: راكبة راسها بتروح لذيك الديرة ..اللي الرجاجيل..ماصبروا على همها وغرابيلها ..غربة وكربة ووحدة ..وهي بنيتي وانا عاجنتها وخابزتها.. مهيب عابرة بها يوم..بس الله يهديها يارب خلود: طيب...وش يروحها دامك منتب راضية!! اكيد لاقلتي لها بتسمع كلامك!! امي تتكلم بكل الم: تسمع كلامي ..تحسبينها زيك يابنيتي ...هذي مالها الا اللي براسها ركبت راسها لما تزوجت خالد..وانا ماكنت ابيه .. وهالحين يوم طلقها ..صرنا حنا سبب عذابها... اااااااايه...البلى كله من راس ابوفهد..لو هو يفكنا من شره... حطيت يدي على يدها وقلت: لاتضيقين صدرك يايمة.. فيصل: افاااااااا ياللولو... اذا حضر الماء بطل التيمم.. كل خميس ماتقهوين الا معي واليوم دقيتني ركبة ...وحب راسها... وشلونك اليوم يااحلى ناسي..ياغلى من انفاسي.. امي: بخير ياوليدي..يحول يهالخلود..يحسدون الكافر على موته الجمعة هذاني فقعت راسها بسالفة اختك... فيصل: اي سالفة... امي: وبوه غيرها.... ابتسم فيصل..وتواسى بجلسته..وهو يقول فيصل: لعل الفرج جاااي يايمه..هذا مشاري امس كلمني ..وخطب هدى...بس امي: مشاري خويك ابو سديم ..ولد صالح ال..... فيصل: ايه هو ماغيره... امي والفرحة تشرق على وجهها التعبااان: والله!!! والنعم... وش جابه لهاللي مايسوى قشر بصل عقب سواته حسبي الله عليه... خلود: خلالالاص يمه كلن راح لنصيبه يايمه...وهذا المكتوب .. فيصل: صدقها خلود..بس...ماظنتي هدى توافق... امي: وليه ماتوافق ..مهوب على كيفها ..هذانا سكتنا لها اول مرة وشف وش صار لها..لا هالمرة موب على كيفها ومشاري منا وفينا ونعرفه ونعرف اهله ... ورجل مامثله..غصبن عليها تاخذه موب على كيفها دخل فيصل اصابعه بشعره:والله مدري ...ابكلم اخواني وبشوف رايهم.. هدى تطل من فوووق...(الصالة الفوقية مفتوحة على التحتية) هدى: تشوف رايهم بايش!!! فيصل: الناس تسلم يالجنية انتي وشوشتك... بشوف رايهم نطلع للاستراحة والا نخليها بالبيت هنا لان امي تعبانة ومابها حيل على الطلعة.. هدى وهي تنزل الدرج: اشوا حسبت بتشوف رايهم بموضوع سفرتي لبريطانيا... سمعت امي تتنهد وهي تقول: سافر بك الصلاح قولي امين... وعلى الساعة ثنتين تقريباً تجمعت الوفود...البيت امتلى والصجة مايحتاج.. كلن حضر الا طارق وحرمته..مسافرين حطينا الغداء..انا اليوم طبخته..سويت صواني مكرونة بالبشاميل وجريش.. والبرياني من تخصص كانتي طبعا.. عماتي شيخة وفاطمة حول امي لولوة ..يشيلن ويحطن لها.. وامي بدرية ماسكتها ام فهد.. تستجوبها عن العرس وترتيباته... ... وشلة المتوسط بغرفة عمتي هدى يطقن ويرقصن... طاحت عيني على نجود وهي متشققة من الوناسة وتسولف على منيرة...شكلها تعلمها وش قالها فهد امس.. تنهدت .. وقلت "خلالاص ياخلووود..وش اتفقنا عليه...لادموع بعد اليوم.." وابتسمت تذكرت دعاية شامبو الاطفال..هههههههههههههههاي هيفاء: وش يضحكك !! ضحكينا معك!! طنشتها وقلت : خلي مرت اخوك تضحكك ...انا خلالاص قضيت منك.. هيفاء طيرت عيونها باندهاش ..وسكتت..شكل كلامي صدمها... فكرت...وان احط التبوله على السفرة.. "ادري..انهبلت..وفهد بيدخلني مستشفى شهار قريباً ..." شفت المقفي وربي ما اتبعه لو خطوتين واصبعي وهو اصبعي لا غدرني اقطعه وبسألك سؤال واحد والجواب كلمتين لاصار قدرك والهوى خصمين من تاقف معه ياخي العزه كرامه وانت دايم مستهين ياخي ضرسك لا اوجعك بذمتك ماتخلعه!!؟؟ رجعت للمطبخ...بقول للشغالات ينقلون غداء الرجال للمقلط.. هيفاء مسكت يدي ولفتني لها: خلود..وش قلتي تووو!!! خلود: هههههههههههههاي ...توه يوصلك الارسال... دخلت علينا اريج بنت عمتي فاطمة وهي تلهث اريج: خلود..وين الكاسات!!عطشنا من الردح ... هههههههههههه...عسى مايطيح السقف عليكم... عطيتها ..وقلت: عادي.... انا الموت والحياة عندي واحد.. اريج تغمز بعينها: سمعنا انك من امس وانتي هنا.. هيفاء: صدق خلوووود!!!...يالخاينة ليش ماقلتي لي... ناظرتها بالم ..وقلت بصوت واطي.. خلود:للاسف... اخووك علمني فنون الخيانة..!!! هيفاء..تلون وجهها .. وطلعت من المطبخ.. حسيت بشئ يعصر قلبي..هيفاء وش ذنبها ياخلوووووود...!!! ذنبها ان فهد اخوها....زي مانجود اختي.... ااااااااااااااااااه ياقلبي ... بمووووووووت الله يرحم حالي...
|
|
|
|
19-02-2007, 09:26 PM
|
#62 | |
|
عضو مشارك
|
رد : باقي فرح<< قصه سعوديه
غرفة هدى الهنوف 5.30 عصراً ***************** قلت وانا اتمغط... الهنوف:بنات..تصدقون ياليتنا دايما نجتمع ببيت امي لولوة احسن من الاستراحة.. اريج :لالالالا والله ...نبي المسبح.. مشاعل بكل خبث العالم وعيونها تلمع: تبين الاستراحة عشان المسبح.. والا عشان..تحلقين في الفضاء يازينة ..وتنتظرين نحول.. يجيك..ويساعدك في جمع الرحيق ههههههههاي عاد مايلبق على نواف يصير نحول.. حرام نحول وش حليله..موب زي هالمروح... اقول اريج..وش رايك تتزوجينه وتاخذينه عندكم ببيتكم!! هاه تكفين تسوين بي معروف عمري ماانسااااااااه!! الهنوف:..خسارة فاتتني زينة ونحول ذيك المرة هههههههه اريج ووجهها احمر..اول مرة اشوفها تستحي.. والله تطورت منفوحة يااريج.. وصرتي تحبين بعد..هههههههههاي اريج: ضفي لسانك يالدوبااااااا لا والله تجي هذي بجبهتك.. ((بيدها بيالة شاهي ههههههههههه)) مشاعل وهي ترقص : دوباااا!! هاه!!!تشوفين... اما خليتك تغارين من جسمي..مااصير مشاعل.. اريج باستهزاء: لا هذي احلام اليس في بلاد العجائب.. لحظة لحظة .. فعلا انا ملاحظة مشاعل ماتغدت معنا ... ولاذاقت الحلا ابداً .. وش السالفة ..شكلها صدق جزمت تصير زي جسم "ريتشيل".. ناظرتها وهي ترقص..يعني هالرقص موب لله.. ناوية عمتنا تخس...يخرب بيتك يامشاعل..شو بتعئدي الهنوف: مشاعل صدق بديتي دايت!! اجل بتنافسين ريتشيل؟؟ مشاعل: ايه صدق... عقب سالفة الشحاطة .... انقلبت موازيني!!! اريج وهي تحط روج وتطبق شفايفها على بعض: اي شحاطة واي موازين ...وش عندكن يالخاينات واالله اني حاسة انكن... تجتمعن من وراي!!! مشاعل.. وهي تربط الشيلة على خصرها: ايه نجتمع ونروح لبنده عندك مانع... اريج شكلها زعلت: لا والله ....لهالدرجة مامليت عيونكن...!! الله يهديك يامشاعل لازم تحطينا بهالمواقف ... قلت لاريج: لا والله هي مرة وحدة بس... قاطعتني: مرة بس ..والشحاطة وبنده وريتشيل.. والدايت ..ومرة وحدة بس ..يالنصابات.. طلعت وصبخت الباب وراها... التفت على مشاعل..وقلت: استانستي الحين يالعنز...!! بس مشاعل ..ولا فيفي عبده اليوم... هههههههههههههاي تمّوت من الضحك وهي ترقص... مشيت ودزيتها عن طريقي ..فاضية هالمشاعل.. نزلت تحت ...ابشرح الموضوع لاريج ... بس شكلها ماصدقتني..زين بالطقاق...لهيت مع الناس قهاوي وحلى .. ودي انادي مشاعل بس تعيجزت ارقى .خليني ادق عليها.. مشاعل وهي تلهث: الوووووووو..هنوووس وش تبين تراي مشغولة.. الهنوف:بايش مشغولة ياحسرة... انزلي.. تقهوي.. مشاعل: ماابي.. الهنوف: لايفوتك الكاكاو البلجيكي والله.. مشاعل: بالعافية على قلبك ...ماابي ... والا اقول..خوذي حقي من الشقليطة وعطيه اخوك التيس.. عشان يصير برميل..وتنقطع نعلته واشيلها وانكت عليه..مع السلامة..طخ ناظرت جوالي بخيبة امل..وسمعت اريج تقول: احسن تستاهلين .. رجعت وجلست مع البناااااااات.. مسكت منيرة كتفي وهي تقول منيرة: هنوف..قولي لنجود..منين شريت شنطتي فيندي الجديدة..مهيب مصدقتني!! الهنوف: موب لازم تصدق!!! منيرة: هنوف..!!!! نجود: منيرة بلا نصب..شاريتها من محلات الهنود.. وتقول لي اصلية.. عصبت منيرة: محلات الهنود لك ولاشكالك... والله اني شاريتها من ساكس فيفث افينو اللي بالمملكة .. نجود..وهي تطلع لسانها..يعني نصابة نجود: اقول..سارة امسكي الارنب لايفوتك.. هذاه نط وراك..!!! ابتسمت منيرة: بسرعة امسكيه..وعطيه اخوك فهد.. وقولي له..نجود تسلم عليك..وتقول ليلة العرس .. يعشيني ملوخية بالارانب.. يؤيؤيؤ ضحكت من قلبي على شكل نجووووووود... حسيت كان احد عطاها كف.. واااااااي..عاااد سارة بكل برود العالم وهي ترفع النظارات على خشمها سارة: هاه!!! انسدحت من الضحك على شكلهااااااا.. اسالوها عن قوانين نيوتن للحركة..عن نظرية كوشي.. تجاوبكم دغري اما بالارانب ههههههههههه وين مشاعل تنتقم من نجود!!! فرصة ذهبية وطارت من يدينك ياريتشيل!!!!! |
|
|
|
|
19-02-2007, 09:28 PM
|
#63 | |
|
عضو مشارك
|
رد : باقي فرح<< قصه سعوديه
مر اسبوع ...والجدة لولوة تسوء حالتها يوم بعد يوم... فهد اتفق مع عمه يملك الاسبوع الجاي.. لانه بعد اسبوعين بتبدا الاختبارات النهائية لنجود.. وعقبها مباشرة بيتزوجون.. فيصل فتح موضوع مشاري مع هدى ... خلود..عادت لصومعتها.. مشاعل نزلت كيلوين بهالاسبوع ..ومازالت صامدة... نواف..بدا مرحلة المذاكرة ..بضغط من ابوه!!... بدرية ..متضايقة وهي تشوف زهراتها ..الاولى تذبل وتموت .. والاخرى ..تتفتح وتنشر عبيرها الزاكي...وياقلب لاتحزن... ************* الاربعاء فيصــــــل 9.30 ليلاً ************حطيت يديني على وجهي..مدري وش اسووي.. فيصل: وليش وش يعيب مشاري يوم انك ترفضينه ؟؟ هدى: ولاشئ ,,,بس مابي اتزوج.. فيصل: وليه.. هدى: لاني بسافر..واكمل دراستي ضحكت وقلت: طيب حلو تزوجوا وسافروا..وكملي دراستك هدى: تدري ..انك تعرف تنكت..فيصل ..ارجوك انا مابي مشاري ولاغيره..بعدين مابي اصير زوجة ثانية..مهما كانت الاسباب... فيصل: لا والله ..مطلقة وتبين ولد؟؟؟ هدى : لاولد ولابنت ..مابي اعرس ابقعد على قلبك ..خلاص مابي تفتح هالسيرة معي مرة ثااااااااانية ابدا... فيصل: موب على كيفك!!!! التفت علي..وقالت: لاء!!! على كيفك انت!!! لو تموووووووت قدامي ماخذته.. كافي اللي جاني من ورى خويااااااك.. وطلعت وصكت الباب وراهاااااااااا... وبعدين!!! وش السواة!!! من كلمت سعود وشيخة وفاطمة عن موضوع مشاري.. وهم يزنون فوق راسي ..اقنعها بالغصب... مشاري مايفوت ..طيب كلموها!!! كل شئ عليّ كاني اخوها الوحيد والله صادق اللي يقول افزع تبلش!!! مير لو الله يفكنا من ابوفهد وولده... كلمت ابو فهد..وطلبت منه يشيل فكرة السفر من راسها ... عصب علي وقال: "..وليش خلها تطلع وتتعلم وبتكون مع فهد ومن هالكلام..خلها تنسى هالخالد اللي ورطتنا فيه انت ووجهك ...".. هالحين من متى تهمك هدى.. والا بس هالحين!!! كسرت خاطرك!! اايه على طاري خالد..شفت امس مسد كوول منه... غريبة ..من طلّق هدى..وهو مختفي ..اصلا ماله وجه .. يقابلني عقب سواته.. طلعت جوالي ودقيت عليه.. فيصل: الوووووووو... خالد: هلا والله بفيصل..وشلونك ؟؟ فيصل:طيب ..كيف الحال.. خالد: بخير الله يسلمك ..اقول فيصل..مشغول هالحين !!! فيصل: لا وش عندك... خالد: ابد ولهان عليك...خلنا نتقابل بالبلورة ..وش رايك!! استغربت وش يبي بعد..لايكون بيرجع هدى لا مستحيل اخليها ترجع له.. هدى لمشاري هالحين ياخويلد فيصل: اوكي ..نص ساعة واكون هناك.. خالد: حياك ,,مع السلامة.. نزلت ..شفت امي لحالها منسدحة بسريرها.. سرحانة تفكر..حبيت راسها.. فيصل: وشلونك الحين.. امي ويدها على صدرها..وانفاسها متقطعة..من هالكحة.. امي: بخير ياولدي...اقول ماطلعت نتايج التحليل .. ماقالوا لك وش هالنغزات اللي تجين بصدري .. تلعثمت ..وقلت بسرعة: مابك الا العافية يايمة .. غزال يالغالية .. "بغير السالفة" ..وينها هدى!!! امي تبتسم بحزن: بغرفتها.. تجهز شنطتها ماشية ماشية... وشدت على يدي..ودمعاتها على خدها... ..امي: فيصل..امنتك الله لاتروح اختك.. لاتخليها تسافر ...هدى انهبلت من طلقها هالمقرود.. حسبي الله عليه... لو تدري امي اجل انه مكلمني..ويبي يشوفني.. شكله بيرجع هدى وش بتقول!!! فيصل : ابشري ومايصير خاطرك الا طيب.... وغطيتها زين وحبيت جبهتها ... الله لايحرمني منك يايمه.... وصلت هناك ..لقيت خالد ينتظرني.. شكله متوتر بس يفرك بهاليدين... سلمت عليه و سواليف منا ومنا ..... حسيت خالد ماتغير ..هو صديقي الاولي.. سواليفه وضحكه ..وتعليقه وخفة دمه انا احتريه ..يفتح الموضوع..عشان اقول له انها مخطوبة!! ايه..حتى لو هدى رافضة..مابيها ترجع له هذا ماله امااااااان..بس..لو درت هدى !!! وش بتسوي بي!!! فجأة ناظرني وسأل : وشلون هدى يافيصل؟؟ اهاااا...تنهدت بفرح واخيراً..يعني فعلا الموضوع فيه هدى!!! جاوبته: طيبة ...الحمد لله.. وبهدوء وترقب قال: للحين ماتزوجت... ؟؟ حسيت بنار تشتعل بصدري.. بكل قلة ذوق ونذالة جاي يستفسر ..... صدق وجهه مغسول بمررق.. لا ويسال عن زواجها..لايكون منتظر منها تجلس طول عمرها تندب حظها العاثر معه..... يعني يذبح الميت ويمشي بجنازته.. جيت بقول له..انها مخطوبة.. بس مدري وش اللي ربط لساني.. مالي حق..اقول هالكلام ..وهدى رافضة مشاري تماما غمضت عيوني وانا اتسأل ... لو تدري هدى ان خالد يسال عنها.. وهل تزوجت والا لا..وش بتقول.. يهمك تعرف اخبااري ..؟ انا مشتاقلك وطيب انا مثل البحر تدري يثور وتركد امواجه ابد لايزعجك هم بعين يشيب حبيبي هذا هو طبعي احب الحزن واحتااجه وتسالني عن اخبااري وارد اقوول اناا طيب مع اني صدق بغياابك لااناا طيب ولا حاجه .. اغتصبت ابتسامة..يتيمة ..وشبكت اصابعي... وقربت على الطاولة.. وقلت بصوت هادئ وواطي.. خالد: ليش يهمك تدري!! عقب اللي سويته بها!!!!! حسيت كان احد صفقه كف..تراجع على كرسيه..وفرك وجهه بيديه.. وبجمود قال:فيصل تدري ان اللي صار كان لازم يصير... وهدى بحسبه اختي..واتمنى لها كل خير.. انا متاكد انها بتلاقي منهو احسن مني ..وبسعدها اكثر مني... يعني خالد ماعنده طاري يرجعهاااااااا!!! جاوبته وانا افكر بمشاري : وانا متاكد اكثر منك .. ياخالد... ان الله بيعوضها عن ايامها معك.... مارد علي خالد ... وقف وطلع ظرف ابيض من جيبه خالد: زين يا فيصل..لاتخلينا انت والاهل...الاسبوع الجاي.. ومد يده بالبطاقة..تاملتها بين يديني.. وكاني اقلب قنبلة بتفجر احاسيس هدى المكبوتة.. ومشاعرها اللي وهبتها لانسان..للاسف مااستحقها!!! هاذي بطاقة عررررررررس... حسيت بطعنة بقلبي ...اي يالنذل.. ولك وجه تعزمني على زواجك .... واخيرا ..انتبهت لخالد وهو يتفحص تعابير وجهي.. مابغيت ابين له..تاثير هالشئ عليّ ولا على اختي الحبيبة ابتسمت غصب عني..وقلت: مبرووووك... خالد: الله يبارك فيك..وشد حيلك خلنا نفرح فيك... هزيت راسي..وشفته..حتى توارى بين امواج البشر.. حطيت البطاقة بجيبي..وشديت على كاس القهوة بيدي..حتى انكسر!!! اللي بقلبي على خااااااااالد...اكبر من الوصف.. اللي سواه بهدى طعني قبل لايطعنها.. رفعت راسي وقلت: يالله يارب تفرجها علي.... رجعت البيت وانا حاس الرياض بكبرها ضاقت بي... وقفت عند باب بيتنا..مانزلت من سيارتي.. انا حاس اني بموووووت من الهم...امي تموت قدام عيني... واختي تحب واحد عافها وطلقها...وناوية تتركنا وتتغرب بس عشان تنساه ... وامي محملتني مسؤليتها وكاني اخوها الوحيد... وهالثور عازمني على عرسه... فكرت وش موقف هدى لما تقرا هالظرف... معقول بينمحي من خاطرها...وبتقبل مشاري.. والا بتنهار من جديد وحنا ماصدقنا انها بدت تتحسن ... في قمة احزاني وهمومي..والامي.. ذكرت ابوي الغالي.. اللي كان شايل كل هالحمل عن ظهري!!! ابوووي..وينك يايبه.. محتاااااااااجك والله محتاجك هالحين اكثر من اي وقت مضى مـحـتـــاج لـك فـي دنـيــا قـسـت فـيـهـا قـلــوب البـشــر... مــحــتـــــاج لــك فــي وقــــت تــعـــب مــنـــي الــصبــر... مـــحــتـــــــاج لــــــك "ويــا خـــوفـي لوما ألــــقــــــاك" و الـدنـــيـــا "بــعـــدك" مـــا تــــســـــر... محتاج لك يابوي.. تــشــيل عني هـــمــــوم تـــكسر الظهـــــر.. دخلت البيت.. طاحت عيوني على اغلى انسانة بهالكون... استغربت ليه مانامت.. بالعادة ماتتعدى هالحزة الاوهي نايمة... جلست جنبها عقب ماسلمت ...حبيت راسها.. ناظرتني وابتسمت : عسى ماشر يافيصل..وراك ياوليدي.. ياقلبي عليك ياميمتي..تقرين عيوني..ونظراتها.. مسكت يدها وحبيتها..اااه ... ودي اشكي اللي بصدري يايمه.. بس بزحمه الوجود.. القى نفسي وحيد..اشيل همومي بروحي.. فيصل :سلامتك يالغالية ..انا اللي بسالك... عسى ماشر.. وراك سهرانة؟؟ امي وهي تكح وتمسك صدرها : عجزت انام من هالكحة..ذبحتني ياوليدي.. اصعب شعور لما تشوف حبيبك قدامك يتألم. ... كم تمنيت اني اعطيها روحي..وقلبي ودمي.. هاذي الغالية... ليتني اشيل عنك هالهم وهالالم.. فوق همي وانا راضي دامي اشوفك مرتاحة.. محد يدري بمرض امي غيري واخواني علي وسعود.. فيصل: الله يعطيك العافية ..وطهور يالغالية ..شدة وتزول.. امي ناظرت الدرج ..التفت شفت هدى تنزل وهي لافة الفوطة على شعرها... امي:خلالاص يافيصل...انا عارفة ان هذا مرض الموووت بس يالله حسن الخاتمة.. وبدت تكح..بقووووووووووووووة انقبض قلبي ..وزادت خفقاته ... لا تكفين يالغالية..لاتحرمينا وجودك ..شديت على يدها.. امي شكلها حاسة بحقيقة مرضها..مرض الموووت.. لا تكفين يايمة... راح الغالي.. اللهم لااعتراض ..يالله ياربي تلطف بامي وتشفيها.. تابعت امي تقول: طلبتكم ياعيالي ..خلوني اموووت وقلبي عليكم مرتااااااااااح... كح كح كح كح.. ..وشدت على يدي.. وبدت تكح من جديد..هدى جلست على سرير امي.. والقلق بادي على وجهها.. هدى : يمه وش هالكلام .. الله يخليك لنا ....كلها كحة وبتخف ان شاء الله امي :هذا اجلي يابنيتي..ابرحل اليوم والا باكر..بس ريحيني الله يريحك.. هدى: تكفين يايمه ...لاتقولين هالكلام...لاتضيقين صدري.. ترى مابقالي بهالدنيا غيرك..تكفين لاتخلينن يايمه.... وانفجرت تصيـــــــــــــــح...ياربيه ليتها الدموع تريحني واصيح.. زيها وارتااااااااااح لكن للاسف..محروم حتى من دموعي... امي بدت تمسح على راسها: هدى لاتصيحين..كانك تحبيني وتدورين راحتي....وافقي على مشاري.. الرجال ماينعاب وبيعزك وبيرفعك وبيعوضك عن الماضي... تدرين ان اخوانك وخواتك كلن لاهي بحياته..وانا ماني مطولة لك...وانتي مصيرك بتعرسين.. هدى بيأس: يمه ..مابي اعرس مابي... امي: وليه يابنيتي ... هدى: انا كرهت الرجال..خالد كرهني بهم.. فيصل: وانتي الصادقة ...انتي كرهتي الرجال الا خالد.. زاد صياحها وامي حضنت راسها على صدرها... قمت وجدعت البطاقة على راس هدى.. وانا اقول : شوفي هاللي بعتي الناس كلهم علشانه... هذاه باعك بالرخيص..لا والرجال عازمك على عرسه عقب اسبووع.. و خلي الطيور تطير بارزاقها وانتي عيشي احلامك برجعته لك... هدى وهي تهز راسها..: خالد بيرجع لي صدقوووووووووني.. اشرت على البطاقة ..وقلت: خالد بيرجع بس موب لك بيرجع لعروسته الجديدة... وانتي اقضي عمرك بين دموعك واحزانك..واخسري رضى امك وسافري ..وسوي كل اللي تبينه ... وقفت وكملت كلامي اللي كان لازم اقوله لها من زماااااااااااااان فيصل:هدى انا تعبت منك ..خلاص غسلت يديني منك .. بكرى بتزوج واعيش حياتي زي اخوانك .. حالي حال غيري... وانتي تحملي مسؤلية قراراتك ...بتسافرين... مع السلامة ..بتتزوجين مشاري مبرووك..بتجلسين بالبيت لحالك ..على راحتك...انا مايخصني بك... ورحت لغرفتي ...وجدعت روحي على سريري ..وانا عااااااااااااجز حتى عن ذرف الدمعة ... |
|
|
|
|
19-02-2007, 09:29 PM
|
#64 | |
|
عضو مشارك
|
رد : باقي فرح<< قصه سعوديه
السبت نجود 4.35 عصراً ************** حطيت كاس الشاي على الطاولة بالحوش.. طلعت الليبتون ولطعني ..اااح ..مصيت اصبعي.. يوووه لازم اخلص هالملزمة اللي بين يديني ..لازم اشد حيلي ..عشان انجح واتزوج واســــــــــــــــــــــافر... مو مصدقة ..الخميس الجاي ملكتي.. وبعد الاختبارات زواجي.. يوووه كل شئ صار بسرعة... حاولت اركز على الملزمة بس عجزت .. افكاري مشتتة.. انتبهت على صوت مسج ..فتحته.. ياحليلها مي..تسال وش اللي مغيرني عليهم ..ههههههههههههههاي ..ماتدري .. استحيت اقوول للبنات بالجامعة اني بتزوج.. خصوصا اذا سالوني عن خلود..وش بقووول.. بعدها مباشرة وصلني مسج من فهد.. وش سبب ياناس صد المحبين حتى الرسايل ماتجي من طرفهم اشوفهم ماهم علينا حريصين مدري من اللي من سمانا خطفهم مدري زعل ولا مع الناس لاهيين عجزت احدد يافهد وش هدفهم لاه هذا من صدقه..يبني اسقط ..كاااااااااافي المكالمااااات ..بالساعات صحيح اني مستانسة بس ولو خلاص .. فهد ..شتت ذهني ابي ادرس..وانجح ..واتزوج واسااااااااااافر.. الله متى يجي ذاك اليوم.. طلعت مشاعل لابسة بدلة رياضية وبيدها قارورة الموية.. وبدت تركض..ياحليلها ..من بدت بالرجيم.. وهي مصرة على الرشاقة..تركض يوميا ساعة.. واكلها قليل.. بس تصدقون ثقل دمها... صايرة ماتضحك وتعلق زي اول.. الله يوفقها..زين عشان تطلع حلوة بزواجي.. بس اكيد ماراح تكون احلى مني... مرت ساعة..مشاعل جدعت روحها على الكرسي جنبي..وفتحت قارورة الموية ..وتشرب بشغف.. والموية تصب من حولين اثمها ..هههههههههههه نجود: اقول مشاعل.. مشاعل وهي تلهث : نعم...يامدام فهد طق قلبي بقووة يوم جاء طاري العرس: مابعد شريتي فستان للملكة.. مشاعل: لا مابعد..ابشوف كم وزني يوم الاربعاء بعدين بنطلع انا وخلود..بشتري اقل من مقاسي المعتاااااااااد .. وبدت تناقز ...ياسلالالالالالام.. استغربت ..خلود ..بتطلع مع مشاعل.. طيب يوم انا اقول لها امس تروح معي ..اعتذرت .. وش معنى بتروح مع مشاعل.. بكيفها مهيب اكبر همي..اهم شئ اني شريت فستاني.. وهم بالطقاق.. اذن المغرب ..دخلت اصلي..لقيت ابوي جالس وخلود.. من ناظرتني شالت عيونها.. اصلا تعودت على هالحركة منها... ابوي: هاه يانجود...عسى خلصتي امورك...ترى مابقى شئ على الخميس.. نجود: تطمن كل شئ تماااااااااااام... ابوي: الله يوفقك يارب...علميني كان ناقصك شئ..ترى فهد موصيني عليك.. غصب عني ناظرت خلود..بشوف رده فعلها.. بس كانت هاااادية ..مافي اي تاثير.. نجود:سلامتك يايبه..ناقصني رضاكم.. التفت على خلووود.. نجود: خلود متى بتشترين فستان؟؟؟ خلود: الاربعاء... انا عارفة انها بتروح مع مشاعل بس حبيت اسالها ...قدام ابوي: ومن بيروح معك!! خلود: مشاعل.. نجود: ليش يوم اقولك تروحين معي امس عييتي... خلود ناظرتني...بعدين قالت: كنت مشغولة... نجود: مشغولة والا ماتبين تروحين معي..قولي الصدق!!! خلود بنفاد صبر: وليش مااابي...؟؟ نجود: مدري اسالي عمرك..تذكري اني ماوافقت على فهد ... الا عقب ماقلتي ان هالشئ ماراح يضايقك.. وانك بتفرحين لي....!!! خلود ناظرتني..نظرات غريبة ..وماقالت شئ .. ابوي: نجود وش هالكلام...خلود اكبر من هالخرابيط.. شيلي هالافكار من راسك اللي يسمعك يقول خلود عدوتك..مهيب اختك وتهمتها مصلحتك.. المشكلة ابوي مايحس باحساسي.. اهتزت شفايفي وانا اقول: يبه ..شوف وشلون تعاملني .. ..خلود...انا شسويت؟؟ ليش تعامليني كذا..حرااام عليك؟؟؟ والله موب ذنبي يوم فهد خطبني وماخطبك!! خلود..جدعت الريموت من يدها وراحت لغرفتها.. ابوي: نجود...وش هالكلام..ترى بتحسفين بعدين.. انتي دارية ان الدنيا بتفرقكن.. نجود: ادري يايبه بس هي ماتدري.. وطحت بحضنه اصيييييييييييييييييييييح... |
|
|
|
|
19-02-2007, 09:30 PM
|
#65 | |
|
عضو مشارك
|
رد : باقي فرح<< قصه سعوديه
الاثنين فهــــد 11.30 ليلاً ***************** وقفت سيارتي على الشاطئ..ونزلت.. ااااه..كم وقفت قدامك يالبحر..وشكيت لك بعدها.. وجاء الوقت اللي ابشرك ..خلالاص..بعد ثلاث ايام .. نجود بتصير لي.. قلبي يدق بقوووة..حسيت هالاسبوع يزحف.. من كثر ماودي الايام تمر..وقفت.. فصخت نعالي و ثوبي ..ودخلت البحر.. حسيت بالماء دافي..حسيت بالرااااااااحة..واخيرا .. ماني مصدق.. من شفتها وحبها تضاعف بقلبي... وشلون قدرت اصبر 27سنة عنها .. بكرى بس نتزوج..بنكون اسعد زوجين.. واحسن شئ اننا بنسافر مباشرة للندن ..يعني بتكون لي طوووووووول الوقت .. ماراح يشاركني فيها احد.. مدري كم من الوقت مر..حسيت بالبرد.. طلعت من البحر..وفتحت شنطة السيارة وتنشفت بالفوطة.. ركبت سيارتي وصلت شقتي..ونمت.. ماصدقت وجاء يوم الاربعاء..وووه..وصلت الرياض.. دخلت بيت اهلي سلمت عليهم باركووا لي ومختبين .. حسيت بالفرحة صدق.. وامي..تقول لي: يالله يافهد.. تراي عييت على ابوك يشتري الشبكة .. قلت خليها على ذوقك.. فهد: انتم الخير والبركة..كان شريتوها اللي يعجبكم يعجبني.. امي: لا وانا امك..انت اللي بتعرس .. والبنت تحب زوجها هو اللي يختار شبكتها.. فهد:خلاص دام الامر كذا ..توكلنا على الله.. انا ادري امي..فيها الخير والبركة..بس ودي هيفاء تجي معنا ..مدري عن ذوق البنات والذهب .. اخاف امي تختار لنا شئ ومايعجب نجود.. فهد: هيفاء..يالله البسي عباتك ..مشينا هيفاء وهي تقلب الجريدة : ومن قال اني بروح.. فهد: تكفين هيفاء ..محتاجين ذوقك ياذوق انتا... هيفاء: سوووري .. فهد: وليه..افااااا اطلبك وترديني.. هيفاء ترفع عيونها وتناظرني: هالمرة سامحني..قل لسارة.. امي: هالحين انا ماسدك يوم انك تشحد هاليابسة.. فهد وانا احب راس امي: الله لايحرمنا منك ..انت الخير والبركة يالله توكلنا على الله.. ضايقتني هيفاء بهالرد..معقول للحين تبيني اخذ خلود.. ياربيه متى تعرس هالخلود وتفكني من كابوسها.. زين ياهيفاء ..بكرى تجين ..ومردود لك هالدين..وخلي خلود تنفعك.. وصلنا السوق..وفرينا من محل لمحل.. ياويلي اثري ظالم امي..ذوقها صراحة شئ.. وكل شوي تسال اللي يبيع ماعندك شئ افخم..شئ احسن.. طيب وشوله ..جايبتني دام انك تعرفين اكثر مني.. امي: وش رايك يافهد..هذا موب حلووو.. تاملته..صحيح حلووو بس حسيته كبير شوي..ونجود احسها ناعمة .. قلت لها: موب كانه كبير يمه.. امي: وشو كبير!! هاذي شبكة ياوليدي !! قال اللي يبيع ..يكلمني ..تبي شئ ناعم..يعني قلت : ياليت..ناعم وفخم بنفس الوقت.. نزل وطلع علبة عنابية ..العلبة لحالها شئ.. فتحها ..وصراحة انبهرت بالعقد.. الماس بذهب ابيض..لمعته قوووية..بس تحسه مشغووول صح ..وبنعومة.. خلالالالالالاص هذا اللي ابيه.. قلت : امك وابوك بالجنة هذا مطلوبي.. قال بابتسامة: ابشر يالطيب.. وسالته امي : بكم!! طقطق بالالة الحاسبة..وقال: بخمس وثلاثين الف وخمسمية ريال. امي ضربت صدرها : هو ..لا مانتب صاحي..بعد مانسيت الخمسمية.. ضحكت على امي: ههههههههههههههاي لا وراه ينساها قالوا لك خمست اريل.. امي وهي تسحب يدي: لا.. منهبل..امش نلقى احسن منه الف مرة وارخص.. قلت لها: انا مابي الا هذا... امي: حرام عليك..بخمس وثلاثين الف وخمسمية بعد.. البايع: خلاص ياخالة نخصم هالخمسمية عشان خاطرك.. اقنعت امي..وانه انا اللي بدفعها وانا راضي... هماها نجود اللي بتلبسه..لو ادفع روحي ماتغلى عليها.. امي عصبت وقالت انت ناسي ان وراك فتح بيت وسفر ومصاريف .. عشان تبذر فلوسك بهالشبكة.. مسكت يدها ..وطلعت من المحل.. وفرحتي مالها حدود وانا انتظر بكرى .. علشان البسها بيديني.. انتبهت لبنتين متغطيات وياشرون عليّ..صحيح متنقبات .. بس شكلهن محترم مهوب حق مغازل..طنشتهن يمكن مشبهات..علي رجعنا البيت ..وعقبها طلعت للاستراحة عند ربعي..بس رجعت بدري.. قلت وراي ملكة ومابي اسهر..وبدا التعليق..من الحين قضبت رقبتك وزارة الداخلية.. ههههههههههههههههاي يازينها بس من قضبة... ******************** * نهــــــــــــاية الحلقة الثــــــــــــــامنة* |
|
|
|
|
07-03-2007, 12:42 PM
|
#66 | |
|
عضو مشارك
|
رد : باقي فرح<< قصه سعوديه
وبنزل الحلقات اليوم |
|
|
|
|
07-03-2007, 11:55 PM
|
#67 | |
|
عضو مشارك
|
رد : باقي فرح<< قصه سعوديه
انتبهت لبنتين متغطيات وياشرون عليّ..صحيح متنقبات .. بس شكلهن محترم مهوب حق مغازل.. طنشتهن يمكن مشبهات..علي رجعنا البيت ..وعقبها طلعت للاستراحة عند ربعي.. بس رجعت بدري..قلت وراي ملكة ومابي اسهر..وبدا التعليق.. من الحين قضبت رقبتك وزارة الداخلية.. ههههههههههههههههاي يازينها بس من قضبة... ******************** خلـــــود 2.30 ليــــــلاً ******************* تيبست رجليني ووقف قلبي..يوم شفت فهد طالع من محل ذهب.. وشايل بيده كيس ..والضحكة شاقة حلقه.. حسيت بسكين تنغرز بصدري.. دموعي اللي عاهدت نفسي ماذرفها علي هالخاين.. بدت تصب وتصب ..ياربيه رحمااااااااااك.. ليه كل شئ يذكرني فيه....اذا ماشفته بعيوني.. صورته ..بخيااااااااااااااالي...مرسووووووووومة... مشاعل: خلود...شوفي شوفي .. هذا هو فهد وخالتي حصة.. ياحليلهم جايين يشروون الشبكة خخخخخخخخخخ... وش موقفهم لو الحقهم واقول لهم .. عطوني الشبكة اوصلها لنجود مافي داعي تعبون انفسكم بكرى وتجوون.. حنا رايحين للبيت رايحين..هههههههههههههههههه خلود:............................."مافي رد" عيوني عليه ..وهو ماسك يد امه ويكلمها ويبتسم... فرحااااااااان ياعمي من قدك.. تلاقينه فرحاااااااان ..وقاعد يخطط ... لمستقبله مع نجود... وانا اللي رفضت كل من تقدملي..بدون ادنى تفكير.. بانتظاره..وانتظار المستقبل يجمعني به... ليه ياخلوووود!!! ليه ماترضين بالواقع رغم مرارته.. كافي الاوهام اللي عشتيها.. كافي السراب اللي ركضتي وراه.. لما شمس القدر احرقتك.. غمضت عيوني..لازم انساااااااااه... لازم ياخلود... خلاص انا قـررت ببعـد واخليـك مادام فـي حبـك خضـوع ومذلـه واطوي زمن حبك وصفحات ماضيك دام الغلا ياصاح ما أنـت بهـل لـه عنيـت قلبـي ياعسـى الله يعنيـك وكرهتني بالحب ......دقـه وجلـه عسى هموم الوقت دايم تبعد خطاويك ودرب الأمل طول.... العمر تدلـه وعسى الفرح ياقاسي القلب يرويـك ودمعك بعد فرقـاي.. تبطـي تهلـه كنت امس غالي لكن اليـوم ماابيـك ماابيك لو بعـدك ...حياتـي مملـه وخدها نصيحة في حياتك بأوصيـك إلا حبيـبـك لا تفـكـر تـذلــه مشاعل: خلودوه..هيه انتي اكلمك والا اكلم الجدار اللي وراك!!! خلود: اوووووووووف وش تبين انتي بعد!!! مشاعل تقرب مني وتاشر عليه :شوفي فهيدااان..ياحليله ..مصدقن روحه انه عريس..خخخخخخخخخخخخخ لايفوتك الكبك الاسود..والا هالغترة هههههههه من هالحين كاشخ..خل الكشخة لبكرى ..!!! خلود:اووووص الله يفضح عدوانك فضحتينا ... هذاه انتبه لنا ..ياخزياااااااااااااااه.. مشاعل: تلقين لو نجود دارية اننا بنشوف فهد كان هي اول من ركب السيارة هههههههههههههههههه خلود: خلاص فكينا ...تراك فضحتينا.....الشرهه مهيب عليك الشرهه على اللي يعطي البزران وجه ..امشي وخلصينا!!! مشاعل: خير ان شاء الله!!! عسى ماشر!! وش صاير .. تراك انتي اللي عارضة تجين معي للسوق..مهيب اناااااااا!!! كملي معروفك انتي ووجهك!!! خلود: مشاعل!!!! خلصينااااااا ..تراك زهقتيني ... الظاهر انتي ماجيتي تشرين فستان جايتن تراقبين خلق الله.. والله لو ماخلصتي قبل تتم 11 ..بدق على شاكر يجي ياخذني وانتي انطقي متى ماخلصتي مراقبة العالم تعالي...؟؟ مشاعل: انتي وش علتك هاليومين..صايرتن كبريت محد يكلمك الا طبيتي بوه..ذلتينا عند هالطلعة .. تحسفت على هالكلام..صدقها مشاعل.. صايرة نار الله الموقدة محد يكلمني الا شبيت بوه.. بلعت ريقي..ونزلت دمعة سااااااااااااااااااخنة على خدي.. ليتك يامشاعل تفتحين صدري..وتشوفين النار اللي حارقتني قبلكم... خلود: اسفة يامشاعل..والله مضغوطة بهالدراسة هاليومين تعرفين تخرج ..وهم..الله يعينن ياااااااارب وان ماتحملتيني ياوخيتي وانتي اقرب الناس ..من يتحملني.. مشاعل..مسكت كفي: الله يوفقك ياحلى اخت بهالكون..بتحملك..بس لاتصدقين بالحيل..يعني حبة صباح وحبة مساء.. خلود: ههههههههه وشو !! هو علاج!! حبة صبح وحبة بالليل مشاعل مسكت يدي : الله ينجحك ويرزقك الوظيفة بمدرستنا يارب عشان تطلعين عيون ابلى حنان هالحمااااااااااارة.. لاحوووووووووول هاذي لاحقدت على احد تمسح بوه البلاط.. فرينا السووووووووق محل محل..تعبتني مشاعل ..ماخلت محل مانقشته.. موب الحين صار مقاسها متوفر.. بطرت عمتنا تبي احسن شئ وهي اللي بالاول اي شئ يمشيها بس اهم شئ تلاقي مقاسها.. ماصدقت خلصت واشترت كل اغراضها... خلود: خلصتي الحين ياعمتنا ...ادق على شاكر.. مشاعل: وليه خلصنا انتي ماشريتي شئ.. خلود: مانيب شاريه..شئ..يالله خلصينا بس خوذي حلاو لبشاير تراها طالبتني.. مشاعل: تعالي انتي ..بكرى ملكة اختك ..وشلون ماتشرين شئ.. خلالاص ..يكفي مشاعل..بكرى ملكة اختك واعدام حبي واحلامي.. خلود: عندي فستاني العشبي حق زواج خالتي غادة .. عماتي وعماني ماشافوه.. مشاعل: صح ..بس..بس خلود: وش بسه ..موب حلووووووووو مشاعل: الا حلوووو مرررررررة ويهبل عليك ...بس والله نجود بتزعل اذا ماشريتي جديد لملكتها.. ذكرت كلمة نجود" موب ذنبي يوم فهد خطبني وماخطبك".. اوجعتني هالكلمة بالحيل..الله يسامحها خلود: الله يوفقها..وعقبالك .. متى بس تعرسين وتفكينن.. مشاعل: هههههههاي من بؤك لباب السماء..بس ياويلك لو ماشريتي فستان لملكتي.. خلود: صحيح!! لهالدرجة مستعجلة!!! مشاعل:بارك الله في من زار وخفف..خلاص..كافي اللي جلسته عند اهلي..خليني اتوكل.. كلام مشاعل..ذر الملح والفلفل الاسود..على جروحي النازفة يعني الحين انا مثقلة على اهلي يوم اني ماعرست!!! خلود: لو تموتين مازوجتك قبلي.. مشاعل: وهو بكيفك!! لاجاني نصيبي بطير خلود: روحي يامن العرس..واشري لبشاير لاتذبحنا بلسانها..سبحان اللي عطاكن هالالسن .. ولاتنسين تجيبي بفك "جحا وحماره" تراها موصيتني..عليه.. بدق على شاكر الحين.. موب تسكنين عااااااااد!!! ~~~~~~~~~~~~~~~~~ سندت راسي على الجدار..وانا امنع الذكرى تتدفق علي.. نجود حاسة اني متضايقة..رغم محاولاتي لاخفاء مشاعري قدامها.. ادري مالها ذنب..بس وش اسوووووووووي .. عجزت اتحكم بمشاعري..وجراااااااااااحي.. غمضت عيوني..عمري ماتصورت اني لهالدرجة .. ضعيفة..حساسة..غبية..وكل صفة شينة فيني .. والا ليش فهد يفضلها علي وانا الكبيرة.. وانا اللي بصدق حبيته.. ومن بد الناس اغليته.. صحيح فهد عمره ماقال لي بلسانه انه يحبني.. بس كنت احسه يحبني.... من يوم كنا صغار ..كان دايما يحسسني انه مهتم بي.. خصوصا لما نتهاوش مع سلمان وفارس.. ويضربوننا كان دايم يضربهم ويهددهم لانهم ضربوني حتى لو كنت انا الغلطانة..اااه .. صليت الوتر وقريت قران ..حسيت بالراحة. .اذن الفجر قمت صليت .. وطلعت طقيت على غرفة امي وخواتي ونواف عشان يصلووون.. ~~~~~~~~~~~~~~~ قمت الساعة 12..يووووه اليوم الخميس .. اليوم ملكتهم.. يالله... ليتني انلغي من هالعالم بس هاليوم... ليتني ارجع جنين ببطن امي.. لسى مانولد.. وماذاق قلبه الهم والنكد.. تحميني امي بامان وسكوون.. ولاادري هالكون وش يكون.. وشلون بحضر اعدام حلمي.. حطيت يدي على راسي..اليوم فهد بيصير زوج نجود.. مو انــــــــــــــا.. يعني نجود بتحتل قلبه ..يعني انا..صرت ولاشئ عنده... لا ..موووووووووتي ..ولااشوف هالشئ يصير قداااااااااااااااامي.. زلقت دمعة وحيدة من عيني.. مسحتها بكفي..خلاص ياخلود...بسك ضعف .. لمعت بخاطري فكرة...ليه ما اروح لامي لولوة..!!! دايما لانصكت بوجهي الدنيا وبغيت اهرب من جحيم مشاعري.. ماالقى قدامي ..الا حضن امي لولوة الله يشفيها ويخليها لنا يارب... نقزت وشلت اللحاف ..طفيت المكيف.. حسيت بانتعااش دخلت الحمام واخذت شور سريع.. .طلعت من الحمام..قابلتني نجود.. حاطة ماسك على وجهها.. نجود: صباااااح الخير... بغير نفس قلت: صباااااااااااح الخير... نجود مسكت يدي وضغطت عليها: يووووه ...مو مصدقة ان اليوم ملكتي انا وفهد..احس اني بمووت.. ليتك تزوجتي قبلي عشان تحسين بهالاحساس مثلي ياخلود.. تاملتها والفرحة مرسومة على وجهها.. وكلمتها "موذنبي يوم فهد خطبني وماخطبك"..ترن باذني.. صحيح موب ذنبك..بس غصبن عني..مشاعر الالم..تنفرني منك.. انت اخر انسانه بهالعالم..ابي اشوفها او اكلمها..الحين تكفين انسيني..وبنساك وبنسى حبيبك..اللي كان بيوم حبيبي... ابتسمت من ورى قلبي: الله يوفقك.. وخميتها عشان ماتشوف عيوني الدامعة...مبروووووووووووك .. تركتها وركضت لغرفتي....وشهقت بكل ضعف والم.... ~~~~~~~~~~~~~~~ لبست ونزلت..تلفت بالصالة مابوه احد.. شكلها امي بالمطبخ..ياحليلها تشيل وتحط..مشغولة زين خليني اطلع وادق عليها لاوصلت لامي لولوة اعرفها لو بقولها الحين ماراح تخليني ارووووح.. وانا مستحيل اقعد لحظة بهالبيت.. مستحيل..اسمح لها تعذبني..وتذبحني..كافي اللي جاني منها.. طلعت للحوش..ولبست عبايتي.. طلعت الجوال من شنطتي.. لقيت رسالة ..طنشتها..دقيت على شاكر.. وانا الف شيلتي..وصلني صوت امي..: خلووووووود!!! التفت وشفتها شايلة قدور..شكلها طالعة من المخزن اللي بالحوش.. خلود: هلا يمه..مساك الله بالخير... امي: على ووووووووين!!! يووووووه...لاتعيي علي..ماعلي ..بروح يعني بروح... خلود: بروح لامي لولوة!!! امي: مستحيل..انتي اكيد ينيتي..اليوم ملكة نجود والا نسيتي!! خلود: قلتيها ملكة نجود..يعني موب اناااااااا!!! امي..قربت مني وهي تقول: لا والله!!! وهالحين عمانج وعماتج بيجوون وانتي تروحين لامج لولوة..من بيقهوي الضيوف ويساعدني.. خلود: عندك نجود ومشاعل..اعذريني يايمة!!! امي : مشاعل!! من صدقج انتي..والا نجود..العروس!!! خلود انتي مفروض لو برااا تجين اليوم تعاونيني..مو تتركيني وتروحين..يالله بلاخبال ..دشي وشوفي صواني الحلى..جابتهم سيتي والا لا..عشان نرسل شاكر يجيبها مع الاغراض.. خلود وعبرتي تخنقني: يمه تكفين!!! مااااااااااااابي .. ناظرتني امي: وليه ياخلود ماتبين تحضرين ملكة نجود..وش السبب؟؟ نزلت عيوني بالارض..حسيت ان كل شئ صارمفضووووح.. خلود: مو قصدي مابي احضرها..بس قلبي اكلني على امي لولوة ..ودي اشوفها.. امي: روحي لها بكرى..حبكت الا اليوم!!!! خلود: يمه..تكفين.. امي: شوفي ياخلود..انا امج..وانا ادري ان السالفة مهيب امج لولوة بس انتي عاقلة وفاهمة ..وهذا النصيب يابنيتي..والانسان ماياخذ غيره من هالدنياااااااا.. خلاص تراكم زهقتوني ..عاقلة... عاقلة ..انا انهبلت ياناااااااااااس..... والله مابقيتوا بي عقل.. ارحموني كل شوي عاقلة وفاهمة..وتراني بعد عاشقة .. ومعشوقي هجرني وتزوج غيري..ليه ماتفهموني..نزلت راسي ابغبي دمعتي عن امي.. امي : روحي ياخلود الحين لامج لولوة بس تعالي العصر.... لاتتاخرين ...تراني محتاجة وجودج معي ياخلووود.. حبيت راسها..وانا محتاجة هروبي منكم هالليلة .. وصلت باب امي لولوة ..طقيت فتح لي عمي فيصل.. سلمت عليه..يوه ..كلن قلبه مهموم .. وكلن يشيل عينه عن الثاني لاتفضحه العبرات.. فيصل: حياك الله يا خلود تفضلي.. خلود: هلا عمي وشلونك ..وشلون امي لولوة.. فيصل: الله يشفيها ياااااااااارب دخلت ولقيتها ياحياتي منسدحة بمصلاها..متوسدة ذراعها.. وتسمع الرادو...وشكلها يكسر الخاطر.. سلمت عليها وفرحت بي....رحمتها ..تعبااانة..ووجهها اصفر.. انا همي ان فهد بياخذ نجوود.. بالطقاق ..خلهم يولون ..دام عندي امي لولوة .. خلود: وشلونك يايمه ..ان شاء الله احسن امي بتعب: طيبة يابنيتي..وشلونكم ووشلون نجود.. ياعمري عليها بنيتي ماقدر احضر فرحتها.. خلود: الله يعطيك العافية وتحضرين فرحة بناتها يارب ابتسمت لي امي: الله يرزقك الزوج الصالح يابنيتي .. لاتضيقين صدرك لان نجود تزوجت قبلك.. بكرى لا اعرستي بتشوفين ان الخيرة باللي اختاره الله... اااه يايمه حتى انتي قريتي فضيحتي بعيوني..وين اعرررس... خلاص..خلي جروحي بقلبي ..كفاية طعووووون.. خلود: ان شاء الله بس اول زوجي فيصل..وهدى .. غمضت عيونها امي وتقول: اه يابنيتي لو الود ودي زوجتهم وارتحت قبل لايغيبني الموت ...عن دنياهم.. حطيت راسي على صدرها ...وبكيييييييييييييييت .. اليوم هو اليوم العالمي للصياح... من اذن المغرب وامي محرقة جوالي ..تدقدق .. يالله تعالي تعالي..تاخرتي.. وارسلت لي شاكر.. ماقطعني الا عمتي هدى..... وقفت على اول عتب الدرج وانا اناااااااادي باعلى صوتي.. خلود: يالله ياهدى..تراك قطعتيناااااااااا..امي احرقت جوالي..وهذا شاكر عند الباب... لبست عبايتي..ورحت للمطبخ بشرب ماء.. فتحت الدولاب..وطلعت كاس.. فجأة.. حسيت بيدين دااااااااافئة ترص على عيوني.... وانفاااااس باذني حارقة... وراسي مشدود لصدره...حتى اني اسمع دقاته... وصلني صوته..ليهز اقصى اعماااقي.. ............: عندي لك مفاجأة... ...جمد الدم بعرووووووووقي..وطاح الكاس..من يدي.. تلاحقت انفااااااااااااسي.. دقات قلبي..حسيتها وقفت..وريقي..نشف.. مستحيل..يويلي..اكيد انا احلم.. جاني صوته يأكد لي اني فعلا بين يديه.. وراسي مدفون بصدره.. .............: وش تتوقعين!!! خلاص الحين نقدرنقول مبرووووو... وماكمل جملته..لانه لف كتوفي..وتلاقت عيوننااااااااااااااا شهقت... ماعمري شفته حلووو ووسيم وجذاااب زي اليوم.. الرجااااال كاشخ..وريحه عطره خدرتني.. مدري كم من الوقت مر...وانا اغوص في عيون فهد اللي عذبتني ... ليش ترحل وانت ماتعرف ظروفي لـيش تلعب بي وتلعب في هواية كـان خنت الحب فالحكم معروفي الـخيانة بـالهوى أكـبر جـناية كـان قـلبك يرحم الحال ويروفي والله إنـا مـا لـنا بـالغير غاية احـسب ان الـحب وياك مخلوفي يـوم انا اخصك بحبي مع iiغلاية مـا هقيتك تجرح القلب العطوفي لا يـا بـو وجهين ما هذا جزاية طلعت اركض من المطبخ.. جدعت شيلتي على وجهي..وركبت السيارة.. وانا اصيييييييح... انسدحت على المرتبة ..خلاص..اشاهق بصمت والم وضعف.. ماعاد قلبي يتحمل اكثر..شوفته جددت مشاعر..خدعت نفسي بنسيانها الكهرباء..اللي سرت بجسمي..وانفاسه اللي كانت باذني.. وريحة عطره..بخشمي.. اكشفت لي وش كثر انا مخدوعه بقلبي..يوم قلت اني نسيته!!!! ليه شفته امس واليوم طحت بحضنه.. بس عشان..يذكرني ..بانه رفضني ورفض قلبي وحبي اللي قدمته له هدية..وداس عليها برجله.. حتى تلطخ هالكون بقطراتي النازفه.. وقفت السيارة عند الباب..بس عجزت انزل.... شاكر: كلود..ايص فيه!! خلود:...................... شاكر بحنان: كلود..فيه تئبان..يروخ مستوصف!!! فتحت الباب بكل ضعف وانا اقول لا شكرا .. ^ ^ ^ تلفت بالصالة..والدنياااااا حوسه..والصياني بكل مكان.. والكنب معفوووس.. واخيرا انتهى كابوس هالملكة.. شفت شنطة وردية صغيرة على الكنب..ياحليلها هذي شنطة غلا..نستها ذكرت يوم جت تسلم علي..شلتها وخمتني غلا: خدود..ودي اصير علوسة.. خلود: اذا كبرتي..ياغلا غلا: انتي تبيرة..!! خلود: ايه انا كبيرة..شوفيني اطول منك.. غلا: ديب..ليه ما سرتي علوسة.. بُهتت من كلام غلا..ياربيه حتى البزران ..بدوا يتساءلون عني!! ضحكت لما سمعت عزيزة: غلا..عيب وش هالكلام!!! غلا: ديب ..ابي خدود تسير علوسة.. خلود: ابشري..تبيني اصير عروسه!!! واخذت شال عزيزة ..((لونه سكري)) حطيته على راسي..زي الطرحة.. وقلت : لولولولولويييييييييش..يالله انا عروس عشان غلا.. ضحكت..بصوت عالي...ياحلو ضحكتهاااااااا ياناااااااااس.. صدقوني..تعجبت من نفسي..وشلون قدرت امثل ..وارسم الابتسامة على وجهي وقلبي يرقص من الهم والالم..والحزن...والصدمة رجعني..لواقعي..صوت مسج بجوالي اللي حاطته على التلفزيون.. رحت فتحته..وصعقت!!! هيفــــــــــــاء!!! عـزّاه.. صـرنا نلتقى.. مثل الاغراااب ... عقب الـغـلا.. كلن بوجهه يصدى ..!! بدت دموعي تمشي على خدى..وكاني هالمسج.. جاء بهالوقت بالذات عشان يهزني..لتتساقط دمعاتي كما تتساقط حبات المطر..على ارض مقفرة!!! معقول وصلنا لهالحال ياهيفاء!!! علاقتي بهيفااااااااء مرررة تدهورت...غصبن عليّ.. ماابي اكلمها ولااجلس معها..وماابي اسمع طاري احد من جهه فهد.. وخصوصا هي..احس بشرهه عليها هالكبر.. ادري مالها ذنب..بس ..حسيته رد اعتبار لكبريائي المجروح على يد اخوها... اعذريني ياهيفاااااااااااااء خلود الاولية ماتت ..مـــــــــــــــــاتت... ذبحها اخوك بسكين الغدر والخيانة... |
|
|
|
|
07-03-2007, 11:55 PM
|
#68 | |
|
عضو مشارك
|
رد : باقي فرح<< قصه سعوديه
طاحت عيوني الدامعة على كيس كرتون سكري صغير.. منقوش بالورد الليلكي..محطوط على سريري استغربت!!! من اللي جته الجرأة ودخل غرفتي.. تقدمت للسرير..وفتحت الكيس.. لقيت علبة صغيرة مغلفة بكل عناية وذوووق..وشرايط المخمل.. تنساب حولها بكل جماااال.. فتحت الكرت ..المنقوش بنفس نقش الكيس.. خلود.. اعذريني..مقدر اشوفك واتجاهلك.. لو تجاهلتيني.. هذا النصيب..سامحيني والله مقدر امنعه.. مو بيديني.. ارجو..اهتمامي مايضايقك.. لانك ساكنة بنبض الوريد.. وغلاك ياخلود باقي .. رغم الظروف.. بقلبي اكيد.. المخلصة هيفــــــــاء فتحت العلبة المخمل السوداء.. لقيت تعليقة ناااااااعمة على شكل دمعة.. وكأن هيفاء تؤكد لي ان حياتي بقضيها دمع بدمووووع.. ضميت السلسال على صدري..وانا اصيييييييح.. صعب ..وصعب جدا..تشوف غيرك يتألم بسببك..وانت تتألم بسبب غيره.. الاحساس بالذنب والالم اكبر من انه ينوصف.. ******************* الخميس هـــــدى 1.30 صباحا ****************** يوم نزلت للصالة وانا لابسة بروح لبيت اخوي سعود...مع خلود تفاجات بفهد جالس..وحاط يده تحت ذقنه..وشكله يهوجس.. هدى: العريس هنا ..لولوولولوليييش..الف مبرووووووووك... سلمت عليه..واستغربت جيته هدى: وش عندك!! معقول مضيع من ربشة الملكة وجيت هنا بدال بيت اخوي سعود... ضحك فهد..وقال: لا ..جاي ابشرك ان الفيزا طلعت ..مبرووووووك..ومد لي جوازي صرخت بفررررح..والله ..وخميته وحبيته على راسه.. هدى: مشكووووووووور يافهد..قل امين الله يوفقك بزواجك..وفجأة ذكرت خلود.. وينها اللي كانت تصارخ بسرعة بسرعة..وين ذلفت..تلفت .. بس سمعته يقول فهد:مين!!! خلووووووود؟؟؟ استغربت وش دراه هدى: ايه وينها كانت تصارخ ..تبيني اخلص وانزل.. فهد: طست لبيتهم.. هدى: وشلون راحت وخلتني..خابرتها تنتظرني..بعدين انت وش دراك!!! فهد ارتبك وقال : شفتها تركب مع شاكر.. هدى بتشكيك: ووش دراك انها خلود!!! شايفها!!! فهد بنفاد صبر:بسم الله عليّ ..لاماشفتها وبعدين هو تحقيق!!! هالحين تبين تروحين يالله اركبي... بالسياااااااااارة..التفت علي فهد وقال فهد: الا وش جايب هالخلود اليوم عندكم!!! والا ماتدري ان اليوم ملكة اختها... هدى: واذا صارت ملكة اختها ..ممنوع تطلع!! فهد: وش يطلعها!!! كان قعدت مع نجود....تشوف وش محتاجه.. ناقصها شئ..موب تدربي راسها بمطبخكم!!!اشهد انها مادلها السنع والذرابة... هدى: بمطبخناااااااا؟؟ فهد...هماك تقول انك ماشفتها..وشلون صارت بمطبخنااااااا فهد بارتباك: الا شفت شيفتها اليوم ..هبلتني ..احسبها انتي بعطيك الجواز.. هدى: صادق!!! ووش قلت لها فهد: وش تتوقعين..انقلعي لبيتكم..وش جايبك بذااااااا هدى: لا والله؟؟ لاتصير شغالة عندك وحنا ماندري... بعدين هي ماجت لبيتك عشان تطردها انت ووجهك..زين اوريك يافهيدان... فهد: انا اللي مهبلن بي..وش هالدفاع المستميت عنها..بذااا انتي وهناك هويف.. وش سالفة هالخلود..والله ولاتقول بتدخلكم الجنة..ذبحتونا عندها.. سبحان اللي خلق وفرق بينها وبين نجود.. صرخت عليه من الحمق: فهد!!!!! الا خلود.. مااسمحلك تتكلم عنها بهالطريقة.. فهد باستهزاء..يرفع يدينه للسماء ويقول: استغفر الله استغفر الله..الا خلود يارب..خير ان شاء الله.. ومن تكون هالخلود!!!! هدى: من تكون انت عشان تتكلم عنها..بهالطريقة!!! فهد بكل غرور : انا فـــــهـــــد.. ~~~~~~~~~~~~~~ وحنا راجعين من ملكة فهد ونجود.. طاحت يدي على ورقة بسيارة فيصل .. اخذتها وهو نازل للصيدلية يجيب علاج لامي..فتحتها بسرعة وكاني لمحت اسم امي..شكل هالورقة تتعلق بمرضها..رفعت راسي.. شفت فيصل مقبل وبيده كيس..بسرعة ..ثنيتها وحطيتها بشنطتي بسرعة قبل لايشوفني... وصلت البيت ..رحت لغرفتها..فتحت الباب بشوويش ..لقيتها نايمة.. حبيت راسها ..ورحت لغرفتي.. كنت تعبااااااااااانة وبمجرد مالامس راسي المخدة غرقت بالنوووووووووووووم..ونسيت سالفة الورقة... ~~~~~~~~~~~~~~~ قمت الصبح ..ونزلت عند امي..طول الوقت وهي تكح... بقوووووة.. وماسكتت لما استفرغت دم((وانتم بكرامة)) ارتعت..نظفتها.. وناديت كانتي تنظف المكان..شربتها ماء.. وغمضت عيونها بكل تعب..وجدعت راسها على الوسادة... انا قايلة لكم امي..بها شئ كايد ..مهي سالفة سكر وكحة... فجأة ذكرت الورقة.. نقزت فوق ..دخلت غرفتي..ونسيت اصك الباب ... كنت مستعجلة.... فتحت شنطتي..وطلعت الورقة..قريتها... مرة ...مرتين ..لا ..مستحيل... سكرتها ..فتحتها..قريتها من جديد..لعلها الحروف تبدلت والا الكلمات تغيرت.. صحيح انا منيب فلتة بالانجليزي بس فهمت المكتووووب وياليتني مافهمته هذا تقرير عن حالة امي...حطيت يدي على اثمي:..Lung Cancer يعني امي مصاااااااااااااااااااااابة بسرطاااااااااااااان الرئة... ياويلي عليك يايمة.. ثنيت الورقة..وانثنت روحي بهالخبر..ضاقت بي الدنيا.. دارت بي غرفتي..مااصدق..امي مريضة وبتمووووت وتتركني.. طاحت الورقة من يدي..ارتجفت...رمشت عيوني..انا بكابوووس..لالا .. لايكون هذا هو حلمي...!!! وابووووووووووي!! يبيهااااااا!!! طحت على ركبتي..كلش ولاامي..ربي ارحمني.. وصرخت باعلى صوتي.. يمــــــــــــــــــــــــه .... واظلمت الدنيا بعيوني... غبت عن هالكوووووون باحزانه والامه وجروووحه... ~~~~~~~~~~~~~~ فتحت عيوني..وانا احس الدنيا تدور بي.. رمشت ..مرة مرتين ..مدري ويني..بس حسيت بامان .. يوم تلاقت عيوني بعيونها وراسي بحضنها..ويديها تمسح على شعري..وبصوت انهكه التعب والمرض والقلق امي: هدى .. صحيتي ..؟؟ مسكت يدها الثمها..حسيت اني بفقدها..تمسكت بها.. وصحت: يمة ..يمه لاتخليني .. امي ترصني على صدرها:عسى ماشر ..جتني كانتي تقول انك طايحة ومغمى عليك.. مارديت عليها........ امي باصرار : وش بك ياهدى..نعنبو ابوك..ذبحتيني قبل يومي..يابنيتي ترى اللي بي كافيني.. هدى:.............."صياح ودموووع" حطيت يدي على راسي..وشهقاتي تتوالى..ودموووعي تسح بغزارة .. عجزت انطق باي حرررف..لا ..وش اقووول يايمه.. اقوول ان مكتوب علي الشقاء بهالدنيا.. مكتوب علي انحرم من الناس اللي احبهم.. شهقت ..وغبت في نوباااااااات حزني ومصابي امي: يابنيتي ..وراك..وش اللي مضايقك..ضيقتي صدري عليك؟؟ زااااااااد صياحي..يمه وش اقوووول..خليها بقلبي ..خليني امووووت قبل لااذوووووووق فراقك يايمه... امي سكتت وسرحت تفكر..وقالت: للحين تحبينه ..ياهدى انسيه..الرجال بيعرس.. ادعي ربي انه يمحيه من خاطرك يابنيتي... حطيت يدي على وجهي..وشهقت ..يمه انتي وين وانا وووووين.. ليته فراق خالد اللي مضايقني..هذا قطرة ببحر حزني عليك يايمة.. ~~~~~~~~~~~~~~~~~ من عقب مادريت بحقيقة مرض..الغالية.. كل شئ هاااااااااان بعيني.. خلاص ..لاسفر ..ولا زوج..يعوضوني عن ريحة امي.... وامي تردد الموت على لسانها..والاعمار بيد الله .. ماابي من هالدنيا غير رضاها.. فكرت بموضوع مشاري..خلاص..اللي تبينه يايمه بسويه ولو على حساب سعادتي.. نزلت ..لقيتها جالسة على حيلها...وكانتي جايبة لها كاس ماء... شربت يوم خلصت ..جدعت راسها بتعب وهي تكح بقووووة.. ..جلست جنبها ..حبيت راسها... ومسكت يدها..وحبيتها..ودقات قلبي تزيد مع كحتها اللي احسها .. بتفكك ضلوعها .. ياقلبي عليك يالغالية...وش دنيتي بلياااااااااااك... ياحضني الدافي..يالبلسم الشافي.. هدى: وشلونك ..وش تحسين به يايمه.. امي ضغطت على يديني..وكاننها بتتاكد اني انا اللي اكلمها.. امي: طيبة يابنيتي..كح كح كح ..وين اخوك ..ماشفته اليوم... هدى: من عقب صلاة الجمعة ماجاء..خابرته معزوم.. اليوم جن خواتي شيخة وفاطمة ..لانهن امس راحن للملكة وماشافن امي.. ماجابن احد من عيالهن..جاء سلمان عقب صلاة العشاء..وراحن معه.. تذكرت الموضوع اللي بقوله لامي..يالله اجدعي همه الحين.. سكت ..مدري ..عجزت انطقها .. بس لازم..لازم اقولها واريحها وارتاااااح.. غمضت عيوني لاتنفضح مشاعري.. هدى: يمه تراني موافقة على مشاري.. امي: هاه.. ياربيه والله ماودي اقولها ثانية..كفاية عذااااااااااااااااب.. هدى: اقول..خلاص موافقة اخذ مشاري يايمه... رفعت عيونها امي تناظرني..شفت دمعتها .. ليه يايمه تصيحين موب هذا اللي تبينه.. خلاص انا مستعدة اضحي بروحي بس اشوفك مرتاحة.. وراضية علي... امي: هدى ..انتي موافقة من خاطرك ..والا عشاني يابنيتي.. هدى:......................."مافي رد" امي: يابنيتي ماودي اغصبك على شئ.. يابنيتي برايك ماتبين مشاري..انا ماودي اغصبك كفاية اللي جاك.. بس طلبتك لاتسافرين وتتركيني..تكفين يابنيتي.. وش بيجيني اكثر مماجاني...الشخص اللي حبيته ..وتزوجته .. ضحك علي واوهمني انه يحبني و يبادلني مشاعري .. عيشني بين السماء والارض..وبغمضة عين ..طلقني... مدري ليه ذكرى ذاك اليوم ..زارتني..ناقصني احزان.. ~~~~~~~~~~~~ خالد متلعثم: هدى.. هدى: لبيه ياقلب وروووح هدى.. خالد..عطاني ظهره وناظر الدريشة ..واخذ نفس طوويل.. خالد: ابكلمك بموضوع يهمنا حنا الاثنين...بس قراري مافيه رجعة... انقبض قلبي..وحطيت يدي على كتفه .. ابيه يطالعني..خالد..اعرفه من نظره..وش اللي مكدر خاطره.. ومضايقه..بس تفاجات ..يوم شال يدي عن كتفه.. ونظراته..تتفحصني..وكانه مشمئز مني.. هدى بقلق: خالد وش فيك...تراك خوفتني!! وش صاير!! سكت مارد عدت السؤال ..وعدته ..بلااجابه.. صرخت فيه ..وعيونه معلقه بنظراته اللي تتفحصني... هدى: خالد تكفى قــــل وريحني...تكلم قل اي شئ!!! بكل جمووود قالها......... خالد: هدى ..انتي طاااااااااااااااااااااااااااااالق... شخصت..للحظة كل شئ بهالكون سكن... طااااااااااااالق!!! رمشت بعيوني.. وحطيت يدي على اثمي...وقف قلبي..اكيد يمزح..اكيد..هذا مقلب .. خالد ابدا مايسويها... بس اللي اكد لي ..دمعة شفتها بعينه... انا متاكدة لليوم..من ذيك الدمعة... وش سر هالدمعة ياهدى!!! نفسي اعرف ..يمكن لاعرفتها .. عرفت انا باي ذنب حملت لقب مطلقة!!! طحت على ركبي..ومسكت راسي.. انربط لساني...وانشل كياني... حسيت بالدنيا تدور تدوووووووور من حولي... وشو يعني طااااااااااااااااااالق... يعني انتهينا ...كذا بكل بساطة!! يمكن من هول الصدمة مااستوعبت اللي قاعد يصير قدامي!! سمعت صوته ..وهو يفتح باب الشقة بيطلع خالد: جهزي اغراضك ..بدق على فيصل يجي ياخذك...!!! مع السلامة كانت هاذي اخر جملة انقالت بيننا ... ~~~~~~~~~~~~~~~~~~~~~~~ |
|
|
|
|
07-03-2007, 11:56 PM
|
#69 |
|
عضو مشارك
|
