ولا ياوقتي القاسـي ولا ياقلبـي المهمـوم ؛ ولا ياصبري الطايـل ولا ياغربـه سنينـي
ولا ياحظـي العاثـر ولا يافرحـي المعـدوم ؛ ولا ياجرحي اللي ساكن(ن) داخـل شراينـي
ترافقنا على الدنيا تعاهدنـا علـى المقسـوم ؛ تخاوينا على درب(ن) عليه اليـوم ماشينـي
تعايشنا على الحسرة تعودنا على المشئـوم ؛ تمنينـا ولـو مـرة نحـس إنـا سعيدينـي
تساهرنا على ليل الشقاء الي دايم(ن)مغمـوم؛ ونسأل ليش دايم يامـلا حنـا حزينينـي ؟؟
زماني صار لي ظالم وانا حالي كما المظلوم ؛ يعاملني بقسوة تجرح احساسـي وتبكينـي
يفرحني مدى ساعة ويحزني طـوال اليـوم ؛ يشرقبـي يغربنـي يضايقـنـي يجافيـنـي
يسهر عيني اللي صار تجفاها طـراة النـوم ؛ يحير فكري اللي منشغل لأجلـه ومشقينـي
وانا ماني كما منهو يعيش بحلمه الموهـوم ؛ ولااطاوع هوى نفس(ن) هي أول من يعاديني
تطاوعها وتعرضها على اقشر درب وادنا سوم ؛ تلاعب فـي مشاعرهـا ومغويهـا رديينـي
انا والله عزيز نفس حر ولد قـوم قـروم ؛ تفاخر بي رجال(ن) بالوفا و الطيب ماضيني
ولي مبدأ ولي عزه ولي نظرة ولـي مفهـوم؛ ولي فكرٍِ يميزنـي مـع شمـوخٍ مخاوينـي
ولا ضاقت معي ناديت بأسـم الواحدالقيـوم؛ عظيم الشان رب الكون خالقنـي ومحيينـي
هوالخالق عظيم الشان اصلي للولي واصـوم ؛ موكله على امري خالقـي ذكـره يداوينـي
يفرج همي وصبري ويسعد قلبـي المحـروم ؛ ويعوضني على ماراح لي في ماضي سنينـي