حدائق الأدب

ιέмσήā · 14-04-2007, 09:21 PM

...

.

غفيت وبعض نظراته علي

وكل نظراتي عليه

وش أسوي؟؟

أشوفه في الزوايا وفي الطريق

في ثنايا .. (( برد)) ليلي .. والحريق

في حنايا..قلب غافي..مايفيق

صاحبي.. قلّي شسوي؟؟

يتبعني خياله

يبتسم لي ثم يتركني ويرحل

كن هالدنيا له لحاله

مارحمني ولارحم حالي

صاحبي أرجوك قلّي شسوي؟

لاجرحته وأستثارت هالعروق

وش أسوي؟؟

.

...

الجادل الاصيله · 14-04-2007, 09:30 PM

كلّمني عنّك..أبعرف كل شيٍ عنّـك.. منّـك
قــلّـــي وش أول جـــروحـــك
قلّـي وش آخـر أمـل ترجيـه روحــك
إحـكـي عــن طبعـك..وعـن ربـعـك
عـــن الـلــي يـهــزّ دمـعــك
قــلّــي وش مـعـنــى الـحـيــاة
قلّـي بأنفاسـك متـى قــد قـلـت آه ؟
إحـكــي لـــي عـــن الــحــب
إحـكـي لـــي .. إحـكــي لـــي
إحكي لي عن الشوق..طر بي فوق .. فوق
خــــذنـــــي مــــنّـــــك
وإحـكـي لــي .. عـنّـك الـصــدق
إن الأمـل مـن قبـل أعرفـك .. كــذب
والـتـضـحــيــه أوهـــــــام
وإنــي أنــا مــن قـبـل أعـرفــك
كــنــت أعـــــرف أنـــــام
كــان الـسـهـر مـــو هالـسـهـر
لـعـب .. و أغـانـي .. و إخـتـصـار
صــــار الـســهــر تـفـكـيــر
صــــــــار إنــتـــظـــار
صــــــــار إحــتـــظـــار
صـار السـهـر .. تنهيدتـيـن ونــار
يا منتهى أمري.. بالهمس قلّي مرّه يا عمري
وطـــر بـــي فـــوق .. فـــوق
خــــذنـــــي مــــنّـــــك
وإحــكــي لــــي .. عــنّـــك

◦ ღ مــون ღ ◦ · 14-04-2007, 11:02 PM

اح ــيان اشيــل الهم.. واح ــيان ما آبـه .. و اح ــيان اقـــلّد برودهـ .. واخفـــي اشواقي ..

والله ولا شي يشبه ..( ثلــ ج ).. أع ـــصابه .. والله و لا شي يشبه ضيقة اخ ـــلاقي..

أســاهي الـورد · 15-04-2007, 09:44 AM

من يقول انسآك !!
يكذب مـآنسيتك ,, كيف وانت القلب من دونك عصآني !
انت لو تظمآ ,, من عروقى سقيتك ,,
وانت لو تبعد يصير العمر فآني ,,
وانت لو يقسى زمآني مآجفيتك ,,
كن ربي عن هوى غيرك نهـآني ..’!

النو · 15-04-2007, 12:43 PM

يبعدني عنه كل قربت حووله

يبشر بفراقنا وطوال الليالي

خلف بن فهد الراشد · 16-04-2007, 06:53 AM

على عتاب انتظارك ذاب وجداني
دخيلك حرك الخطوه بوصلي يامقاطعني

نسيت الحب والأشواق ونسيت بيوم احساني
اونك ناوين فيني وعلى حبك تطبعني

المسفهل · 16-04-2007, 01:03 PM

أيه مذنب في هالدنيا وهي مذنبه
..................... من دفا حلمي الطيب لبرد الرحيل

عذري اللي متعبنّي وأنا متعبه
..................... مال قلبي على بعض الهقاوي دليل

كل طيرٍ له اللي بالسماء يجذبه
..................... وكل غصنٍ تجوز له الهبايب يميل

صرت أقول الكلام المر وأستعذبه
..................... صرت أخاف الدفاء لوني وحيدٍ نحيل

كم صبرت وليال الصبر مستغربه
..................... لين قلة حلاة الصبر لو هو جميل

الزمن صعب والنسيان يامصعبه
..................... والدفاتر نشيّلها الهموم وتشيل

ااالفــــــرس · 16-04-2007, 02:32 PM

أرجوك تعذرني وانا صدق عاذرك
واحفظ مكاني واوعدك ماتناساك
مسكت دمعي .. خفت لاطاح يقهرك
الين ماتمشي وانا اطالع خطاك
بس يوم رحت وراحت العين تنظرك
ماطاح دمعي .. !!
طحت ( أنا ) كلي ( هناك )

◦ ღ مــون ღ ◦ · 16-04-2007, 04:07 PM

يا م ــن يــ ع ــزّك .. كل شبر .. بـ ( خ ــيالي )..
وما فيه .. بــابٍ فـ ( الــ ح ــشا ) .. ما طرقته ..

صـ ح ــيح طابت ( نفسي ) .. وطاب بالي ..
من ( ح ــبّك ) .. اللي في ع ــروقي .. دفقته ..

بآآآقوول لك .. ( ح ــاجه ) .. واقصّر ج ــدالي ..
وانسى مـ ع ــاها .. كل شئٍ .. ( سرقته ) !!..

يا شينها لا طـ ح ــت .. من ( ع ــين ) غ ــالي ..
واخ ــذت ( قلبه ) .. من يديه .. وحرقته !!..

اخ ــذت ( قلبه ) .. من يديه .. وحرقته !!..

اخ ــذت ( قلبه ) .. من يديه ..

وحرقته !!..

حرقته !!..

نجـــــــــود · 17-04-2007, 02:19 AM

هويته بصادق احساسي وغنيت الهوى مـــوال
شكيت جروحي والامي وهم ٍ في الحشا باقي

يعلمني الهجر والصد بكل فنونـــه والأشكــال
ويحرمني من احساسه ويقتل فينــي اشواقي

سلبني بنظرة عيونه وغير لحظه الأحــوال
ملكني فـ لحظة اعجابٍ و زود نبض خفاقــي

أنا ظنيت أحب غيره وغيره ما طرى ع البـال
ولا غيره من احبابي سكن في داخل اعماقي

تمنيت العمر قربه أعيشه في دفــى ووصال
ولكن فارس أحلامــــــي قتلها واحرق اوراقي

يعذبني وينساني ولا ينشد أبد ع الحـــال
أبد ما يهمه احساسي ولا حبي ولا اشواقـي

وعدني بكلمته يبقى وكلمات الهوى تنقال
وعدني وللأسف أخلف وعوده وخان ميثاقي

حسافة طالت دروبه وليلي بالمواجع طال
وأنا تهزمني الدمعة وتترك لي الأسى باقي

حبيبي لا تعذبني ولاتسمع من العذال
وراعي قلبي واحساسي ويكفي بعد وفراقي...