فـرصـة سـعيدة يالـعيـون الفـريـده=أهلا هلا يا مرحـبـا يا أجـمل عيـون

من يـمـلكك يبشـر غدا الـكــون بـيـده=خـلاص وش يبـغي ملك أجـمل الكون

ما فـيـه مـثـلك في جـمـالك وحـيـده=طـول الرمـوش الموت والوسع واللون

صـحـيـح كنتي يـوم اشـوفـك بعيــده=بس الجـمـال يبـان للي يشـوفــون

ياحــظ من نـفــسك تـبـيه وتـريـده=وان قـال أفكر.. صـدق بيكون مجنون

تـستـاهلين الشـعـر يا أجـمـل قصيـده=ياللي بك القلب الخـلي صــار مـفـتون

وفـرصـة سـعـيـده جـد فرصه سعيـده=لكن عســاها تـعـود يا أجـمـل عيون

مجبور أعيش العمر كله بلياك=واخفي شعوري بين نفسي وذاتي

من مركب الأحزان خذني لدنياك=الياس حطم بالغياب أمنياتي

كانك نسيت الود وشلون بانساك=معاك .. ما أنسى أبد ذكرياتي

لا تظن اني مع غيرك أبسلاك=الغدر ماهو يا حبيبي صفاتي

كل الوجود أنساه لاصرت وياك=وتتصور انك كل شي بحياتي

أفرح بذكرك كيف لو صار لقياك=تصفا لي الدنيا وتضحك شفاتي

حبك تجسد في حياتي وذكراك=طول العمر باهواك حتى مماتي

قدام عينك أشتكي واترجاك=أموت قدامك .. وبيـدك نجاتي

صوت من الوجدان يازين ناداك=تعال وأجمع ما بقى من .. شتاتي