أهديت لـك شـوقٍ بقلبـي تـوزا
عبر الهبوب ويمك اليـوم حـازي
يفزلـك قلبـي وعيـنـي تـفـزا
انت الوحيد اللي للاعيـان جـازي
حبك عديم وداخـل الجـوف لـزا
باقصى الضماير في حشاي أمتوازي
لاشفت طيفك جاير الشـوق هـزا
مثل الهبوب تشيل حتـى العـزازي
أ سهر ونوم العيـن عنـي تعـزا
أ سهر تساهرني نجـوم الجـوازي
ودي بمعسولـك قلـيـلٍ أمــزا
أ ذوق طعم اللي مصونٍ حـرازي
وأناظـر عيـونٍ تطالـع غـمـزّا
فيها سهوم الموت فيهـا المغـازي
مرزوز عمره عكس منهـو يـرزا
مطنوخ مظهر والحلا فيـه فـازي
ياللي سهومك بالحشى سـرب وزا
جرحك ترا في داخل القلـب وازي
بالأمس قلبي فـي هواكـم يعـزا
واليوم في قربك نسيـت التعـازي
دزيت لك شعري مـع الطيـف دزا
والشوق مركـوزٍ بقلبـي ركـازي
وزنت لك شعري على الزاي والزا
من بنت ذيبٍ شهم ماهو انتهـازي