الله الله بــالركــاده يا صحـيـبي =التــأنــي ما وراه الا السلامه


انـتبه! يـا صاحب العقــل اللبيبي =الـتـعـجّــل ما وراه الا الندامه


القــيــاده تبغي الفـطـن النّجيبي =لا قضب سكّــانـها كـلّه فهامه


لا سـمع لأْرشــاد دايــم يستجيبي =يتبع القانون ما خالف نظامه


ما تبي الـمرجوج ذو العقل السليـبي =لأستلمله موتر ٍ اصبح عدامه


ما يفرّق في الخطـيه والـمـصـيبي =ميّت الأحساس معدوم الشهامه


طول وقته لا حســيـب ولا رقيبي =اشهد أنّه في الملا قل احترامه


الــقــياده فـن يتـقنها الاديبي =الحكيم اللي غدى عقله ازمامه


كم صويب ٍ من حوادثها عطـيبي =لو يطول الوقت ما تجبر عظامه


ما يــفيده لا عـلاج ولا طبيبي =والـحزن ضيّع عليه الأبتسامه


يـا إله ٍ للدعاوي تستجـيبي=ارفـع البلوى عن رجال الكرامه


واسمع الحكمه من لسان الكليبي =الـتـّأني ما وراه الاّ السلامه