| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
حدائق الأدباختياركم من اجمل الفنون الأدبية |
إعلانات منتديات منطقة الرياض
|
|||||||
|
|||||||
 |
|
|
LinkBack | أدوات الموضوع |
|
#1
|
||||
|
||||
|
.×.\|/ فِي خَيـْــمَةِ الشَاعِرْ ...محٍُمدٍ جارالله السهليٍُ.. \|/.×.
[عزيزي الزائر يتوجب عليك التسجيل لمشاهدة الرابط للتسجيل اضغط هنا] بسم الله الرحمن الرحيم أهلا بكم جميعاً في هذه الخيمه المميزه بشاعرها جار القمر [عزيزي الزائر يتوجب عليك التسجيل لمشاهدة الرابط للتسجيل اضغط هنا] محمد جارالله السهلي اكاد أجزم بأن الكل يعرف هذا الشاعر وان لم يعرفه فهو يحفظ لهو بيت أو أكثرو لا يعرف انه لشاعرنا لغته الشعريه جميله وأحساسه الراقي العذب المتفرد بروعته وجماله هو كحضوره الممتع يرسم لوحات الشعر بأجمل الوانه يذهب بنا الى اعلى السحب لنكون بالقرب منه هناك حيث يسكن بجور القمر هذه الخيمه لعين من طلبها ولكم أسمتعو بهذه الرحله على متن الخيال * * ][®][^][®][فلسفة شاعر][®][^][®][ أصعد ( المشـراف ) يـا شعـري وذبّـه أنـت اكبـر مـن محيـطـه وارتفـاعـه مركـبـك هبـايـب افـكـاري تـهـبّـه و( البحـر ) ميّـت علـى فلـة شـراعـه و( السمـا ) تشتـاق لـك شـوق الاحبّـه لانّــك تحـجّـم فضـاهـا واتسـاعـه خش تقصيـري !! عـن عيونـي وخبّـه خلّنـي كامـل مـع التفكيـر .. سـاعـه ليـن اسـوي منـك : دافـع للمسـبّـه !! لكـل فـارغ ودّه : يـمـارس ضيـاعـه اشهـد ان بعـض الشتايـم .. مستحبّـه !! الدلـيـل القـاطـع لطـيـب البضـاعـه يـا تعـب حالـي ويـا حـالـي وطـبّـه والله ان كنّـك اخـوي مـن الرضـاعـه اتنـومـس فـيـك وانــوّه وانـبّــه انحـدار الطـرح فـي جيـلـي إشـاعـه أعشقـك .. ومخالـفـك ربــي وربّــه بيـنـي وبيـنـه مجـافـاه وقـطـاعـه الكـراهـيّـه ضـريـبـه للمـحـبّـه !! فلسـفـة شـاعـر وتوظـيـف لقنـاعـه كـل شـي ٍ نكـرهـه عكـسـه نحـبّـه مثـل كـره الخـوف حبـا ً بالشجـاعـه جـايـز اربــاك العـقـول المستتـبّـه بالـدهـا و العنجهـيـه واللـكـاعـه !! مير قلب الشعر : ( غصـن ٍ ) مـا لعبّـه غيـر ( نسنـاس ) الرقـي والاستطـاعـه يـا أولـي الألـبـاب والإبــداع لـبّـه في اكتشاف ( الدارج ) و ( حُسن ) اختراعه والأكيـد : ان الـدرّر فـي كــل غـبّـه وكـل ٍ ونسبـة ذكـائـه واطـلاعـه !! والمهـم : مـوت النهـر فآخـر مصـبّـه النهـايـه المنطـقـيّـه لانـدفـاعـه !! ][®][^][®][الياسميـــن][®][^][®][ أي والله انـي ضايـق ومرهـق ومخنـوق وحزيـن وإما بمـوت مـن الولـه ولا بمـوت مـن القهـر .. واللـي لعـب فـي حسبـة ايامـي وخلاّهـا سنيـن إني على ذا الحال يا شعري لي اكثـر مـن شهـر !! بعت ( المدينه ) لجل ( عين ) وقالـوا الخافـي يبيـن ودفنتك ( بجوفي ) وقالـوا وش بقابـك مـا ظهـر ؟! يا مطوّل الغيبه يا طـول الشـوق .. ميـر الله يعيـن العاشق اللي عـاش ظامـي بيـن عـدّك والنهـر .! عيّدبـي غيابـك ( سنـه ) والليلـه مـن العايـديـن ولا عاد عيدك يا الجروح اللي بقلبـي مـن دهـر .. يا صاحبي لو تعتـذر عـن غيبتـك عـذرك سميـن حبك بعد ما غبت عـن عينـي تمـادى وازدهـر .. من يوم شفتك ( والنعاس ) بعينك النجـلا ( سجيـن ) ومن نفس ذاك اليوم و عيوني ( سجينـه للسهـر ) !! علقتنـي بالضحكـه اللـي تسـبـق .. الغمازتـيـن وتركت لي شاعر !! كتب فيك القصايـد واشتهـر .. سيّلـت دمعـك واستبـاح الدمـع ستـر الياسمـيـن وعلمتنـي كيـف النـدى يجمّـل خـدود الزهـر !! ليتك عقـب مـا غبـت غيّبـت اشتياقـي والحنيـن أو ليتني ما قد دفعـت احـلام عمـري لـك مهـر .. وياصاحبي .. لاعاد تسألنـي عـن الحـزن الدفيـن أقسى الطعون : ( الطعنه اللي من حبيب و فالظهر ) !! ][®][^][®][يا عين .. مرثية الفهد][®][^][®][ مدخل يا عيـن كـنّ الدمـع ماعنـه مجنـاب( وشلـــون ننسى موقفك عام تسـ ع ـين ــــــــــــ ــــــــــــــــــــــــــ يـوم الزمان يحدّنـا لاشـهب الـلال !! ) ولا كـل رجـال ٍ فقـدنـاه نبكـيـه ! تغورقـي بالمـلـح والمـلـح لا ذاب المحجّر اللـي جـفّ بسيـل واديـه ! وان كان حرّ الدمـع ماجـرّح اهـداب ليه البُكا والحـزن يـا مدمعـي ليـه ؟ ذيب الشقا يقنـب علـى راس مرقـاب يا مصبّرين القلـب فـي مـوت غاليـه الموت نرضابه بـلا شـرح واسبـاب نرضى بحكـم الله ونصبـر وندعيـه يغفر ذنوب الفيصلي ( ستـر وحجـاب أمـة محمـد ) دون شـي ٍ تحاتيـه ؟! يا ( نجد ) عم الحزن وديـان وهضـاب ويا ( حجاز ) كل جبالك اليـوم تنعيـه و ( حايل ) كست سلمى من الهم جلباب و ( عرعر ) حكت حزن الشمال ومعانيه و ( نجران ) من زود العنا تفتح كتـاب حزن الجنوب وتنقـل اصـدق تعازيـه وهلّ ( الخليج ) الدمع في راس مشعاب و ( البحر الاحمر ) كن جـده تواسيـه وياكويت حزنك غير ! ومصابك مصاب في موت مـن حـرّر قيـودك بأياديـه اللـي فتـح للفزعـه بيـوت وابـواب ولعيون ارض الخير غامـر باراضيـه وانا مابيـن الحيـره وفقـد الاعصـاب عجزت لا اكتب بيت واحـد واغنيـه ! كني من البارح مـن الشعـر مرتـاب شاعر وفاقدلـه وطـن كيـف يرثيـه ؟ ماهي بلحيـة تعزيـة شعـب واقـراب لا والله الا كــل مسـلـم نـعـزيـه هـذا مليـك المجـد فكـاك الانشـاب يـا قـرب فزعاتـه ومبعـد هقـاويـه عـلّ السحـاب يهـلّ مـن آب لا آب علـى قبـر فهـد الجزيـره ويسقيـه اللي مـرض وقلوبنـا حولـه اسـراب ومـات ودعاوينـا لـربـه تخـاويـه وسع حرم / طبع كتب / حارب ارهـاب ومكـه وطيبـه تفتخـر فـي مساعيـه مثلـه يغيّبـه القـدر ميـر مـا غـاب ومثله يمـوت ولا يمـوت الفخـر فيـه يا كثر من راحوا مـع الوقـت غيّـاب ويا قل من باقي علـى الارض طاريـه سجل يا تاريخ الشرف صفحة اعجـاب للي يعيـش الحاضـر بخيـر ماضيـه وللمرجلـه موقـف وللنـار شـبّـاب وللحكم ابو متعـب وابايـع ويكفيـه من قبل تُعلـن بيعتـه بيـن الاقطـاب قامـت تبايـعـه القـلـوب وتزكـيـه والجمله اللي ماهي بحاجـة اعـراب مـاكـل رجــال ٍ فقـدنـاه نبكـيـه ][®][^][®][اسبوع][®][^][®][ أسبوع مرّ !! ولاوصل منك مرسـال ياقوّ قلبك كيـف تقطعنـي أسبـوع ؟! الجوع كافر ! وانت ماترحـم الحـال وانا عليك مـن الولـه ميـت ٍ جـوع ياللي غيابك صعب يطري على البـال تركتنـي ضايـق وحايـر ومفجـوع ماكنّـي الا: شايـب ٍ فاقـد عـيـال وماكنك الا: محرم ٍ حق مشـروع !! يفوع لـك قلبـي ليـا مـر الاطـلال ياليت مالـي قلـب يشتـاق ويفـوع حسبي عليك شلـون قطعـت الامـال بآآآموت لاصار الامل فيـك مقطـوع ياصاحبـي ماكـل نـزّال رحّــال انت الحيّا من وين مارحت متبـوع !! نسيانـي لـزول ٍ بالاعمـاق يختـال اصعب على صاحبك من حبة الكـوع لو الثمن في شوفتـك عمـر رجـال كان الثمن من يوم ماغبت مدفـوع !! ولو القدر مـا تـم قولـه ليـا قـال ماضاق صدر ولا انحنى راس مرفوع ياصاحبي عشقتنـي فعـل وخصـال وانا عشقتك شعر واحسـاس وطبـوع وشلون تتركني كذا لا اشهـب الـلال وقدّام عيني تجف ينبوع .. ينبـوع !! وانا عشانـك جيـت والغيـم همّـال اسيّـل الوديـان واداحــم جـمـوع ماردّنـي عنـك سوالـيـف عــذال تزعل عليّ ربوع وتقـدّر ربـوع !! كان المهم اعيشـك جنـون ووصـال ويكون لي كلمه ولـي راي مسمـوع واليوم ضاقت بي من الجـال للجـال فرقاك تقصـم ظهـر وتحـز وتلـوع لو جيت شفت الحال ماسـرّك الحـال في غيبتك ضايـق وحايـر ومفجـوع هذا غياب اسبوع وشلـون لـو طـال طالبك .. لايطوّل غيابك عن اسبوع !! ][®][^][®][مختلف][®][^][®][ قصايدٍ تنكتب في روّعة وصوفـك في كل خايع فكر تلقى لهـا جِـرّه والشعر كانه قدر يخطّرك ويطوفك مـا هـوب لله .. لا درّي ولا درّه يا غايب ٍ رجّعك عقب البطا خوفك في كل مره تجي وتعـاود الكـرّه اتكبّر العذر قبـل اتكثّـر حلوفـك ولا ضرّ قلبي كبر عذرك ولا سرّه قلبي نسيته سنه في راحت كفوفـك طالبك ردّه علي ولاّ اكفنـي شـرّه الله لا يسامح الاشـواق وطيوفـك ويا ويل قلبي من الحرمان والحـرّه يا ليتها في يدّي واغيّـر ظروفـك او ليتني ما عرفت الحـب بالمـرّه العام في كل لحظه اقـدر اشوفـك واليوم ما اقدر اشوفك بالعمر مرّه ! ][®][^][®][الكلام][®][^][®][ الكلام احيـان مـا منـه ثمـره خلّني ساكت وسـوّ اللـي تبـي ضيّق الخاطـر كلامـك وكسـره آه .. من كسر الخواطر وتعبـي واعـد الجمّـال فالبـال عـشـره كلهم مـا حققـوا لـي مطلبـي والقصيد إن مر ليلـي وسهـره احطب ضلوعي و اوّلـع فحطبـي مختلف فكـر وشعـور وحنجـره أخطف الألباب واسبيهـا سبـي والعفو ( توبيخ ) عند المقـدره مير ماش عراش في راس الضبي صاحبي يا صاحبـي لـو اخسـره مستحيـل إن الخسـاره بسببـي الغبي منهـو يصـدق لـه مـره والمره ما تصـدق الا مـع غبـي علّـمـه لا يزعـجـك بالثـرثـره عبهلـه كـذاب ومحمـد نبـي لا يحسبّهـا كــذا بالمسـطـره فرق بيـن الأعجمـي واليعربـي كم قبـر ٍ فـي قبـور المقبـره يحفره شايب ويدفن بـه صبـي وكم رجل ٍ شاف شـي ٍ يقهـره من ولد عمه على شـان اجنبـي وكانها مابيـن ذنـب ومغفـره لحيتي تكـرم وكرّمـت شنبـي الكلام احيـان مـا فيـه ثمـره خلّني ساكت وسـوّ اللـي تبـي ][®][^][®][جروح الاماني][®][^][®][ إستريـح شـويّ .. واسمعنـي ثوانـي بعدها مسموح .. قول اللـي تقولـه .. جيت لك والقلـب ماهـو بالمحانـي ! شف قبل لوصلك سابقنـي وصولـه !! ووالله ان لو لا الغلا مـا جـاك عانـي يا بعـد منهـم بكولـه و ضحكولـه .. عاشقك سـوّاح !! وعيونـك موانـي : اخذني ّ .. من الحزينه .. للخجولـه !! أبتسم خلنـي افضفـض لـك عشانـي الحكي غصن ٍ عجز صوتي يطولـه .. تعقد احجاجك وتعقـد لـي لسانـي !! المطر يـا غيـم ضميّـان لهطولـه !! خاطري مكسـور مـن قسـوة زمانـي وانت ( كنْك إياااه ) وفعولك فعولـه !! تعتبرني .. شخـص مغـرور وأنانـي واعتبرك .. الكون في عرضه وطوله .. آآه لـوّ تحـسّ بـجـروح الأمـانـي كان ما تزعـل علـي ّ بهالسهولـه !! حط ( عمرك ) يابعد ( عمري ) مكاني وان لقيت قصور ؟؟ قول اللي تقولـه .. وأنتبـه يـا سيّـد الغـيـد الغـوانـي التشّـره والمعاتـب لـه أصـولـه .. لا تساومـنـي ولا تـجـرح كيـانـي كل شـي ّ إلا ّ الكرامـه والرجولـه !! ][®][^][®][كلّها ساعتين][®][^][®][ ألا انت سولف لي عن احوالك وخل عنك القصيد يعني وش اللي في غيابـك راح اقولـه واكتبـه ؟ شعري .. على حطة يدك !! في غيبتك ما من جديد البيت من قبل اكتبـه .. افكـر انـي اشطبـه !!! دامـك تعـرف ان الشعـر لا يقنعـك ولا يفـيـد استوعب حضوري ! وهـو انسـآآه لا تستوعبـه! ركـز معـي .. الله يرضالـي عليـك ولا تـزيـد الهـم هـم .. وعدّنـي ضيـف ٍ نويـت توّجبـه ما ابيك من بعد الجفـا ترجـع لـي بقلـب ٍ بليـد حسسني بشوقك ! ودمعك مـن عيونـك اسكبـه ! ضيّعني بشهقة بكاك .. وجيب فيني ألـف عيـد !! بحكيّـك اللـي حافظـه ولا عـرفـت ترتـبـه !! هـي كلهـا هالساعتيـن وعقبهـا ببقـى وحيـد لا تشح بشعورك علـي ّ ولا اتمـادى !! وانتبـه لا شفتني سجيت ( عنك / فيك ) جوّدني من ( إيـد قلبـي ) ووصلنـي لقلبـك برضـاه او اغصـبـه هذه سنه ! ان ما سكنت القلب ! مسكنك الوريـد ! ونفس السنه مرت ! وحقي فيـك ضايـع واطلبـه يـا آدمـي مـدام نظراتـك باحاسيسـي تشيـيـد لا تترك ( اسألتي ) تموت ولا لقت بك ( أجوبـه ) ليه انت راضي بالعناد ؟ وبالرضى تصبح عنيـد ؟ ليه اتساهل بالجفـا ؟ ليـه الوصـل تستصعبـه ؟ وليه اتمنى الموت في بعدك واحـس انـه بعيـد ؟ وليه اشعر ان الموت في لحظة وصولك ما اقربه ؟ وليه اعتبر نفسي إذا ذبحني شوقي لـك شهيـد ؟ ولا انت حتى الشـوق لا ردك علـيّ تستغربـه !! جاوب وريحني !! أو انسى كل شي .. ولا تعيـد سؤالك عن شعر ٍ شطبتـه مـن قبـل لا أكتبـه !! * * يتبع ...
آخر تعديل ܓ.¸turki¸.ܓ يوم 27-07-2007 في 11:22 AM
|
27-07-2007, 06:57 AM
|
#2 | |
|
للـَ إحسآِسِ وطـنْ
   |
رد : .×.\|/ فِي خَيـْــمَةِ الشَاعِرْ ...محٍُمدٍ جارالله السهليٍُ.. \|/.×.
][®][^][®][عساني الموت][®][^][®][ الحب .. طفل ٍ سكن شعري وهوجاسي وفي ظلوعي العـوج ربيتـه وكبّرتـه خذاني من .. الوطن والناس وانعاسي وابـلا قناعـه .. تقبّلتـه و برّرتـه سلمت أمري إليه وطحـت متواسـي إلين ماصار شـي ٍ مـا تصوّرتـه !! حبيبتي .. كيف اكذّب حزني وياسـي لو العذر يعـذرك قبلـك تعذّرتـه !! الله يسامحك .. ما قدّرتـي احساسـي وانا على شانك .. الاحسـاس قدّرتـه نسّاني الهم .. غالي ربعـي وناسـي وذكرت ربي .. وقلبي فيـك ذكّرتـه ودوّرتي اسهل طريق .. لضيقة انفاسي ماكن درب الفرح .. لرضاك دوّرتـه يا سيّـدة خافقـي ومحطمّـة باسـي كـم مـرة ٍ لمـت خفّاقـك وحذّرتـه صحيح احبك .. وآخاف فراقك القاسي وخطاك .. يامـا تجاهلتـه ومرّرتـه لكنّـي اليـوم لا ذاكـر ولا نـاسـي ودّعتك الله .. وقلبي عنـك صبّرتـه عساني الموت .. كان بينحني راسـي ويا جعلي الضيم .. لو مبداي غيّرتـه ][®][^][®][اشوفك على خير][®][^][®][ لا صـرت بايعنـي .. اشـوفـك عـلـى ..خـيـر مــع السـلامـه .. دام مــا بـــه سـلامــه ..! قلت : انتهينا؟ قلت لـك : خيـر يـا طيـر ..! مـانــي بـــاول شـخــص يـخـسـر ..غـرامــه مــحــذرك مــــن قـبـلـهـا الــــف ..تـحــذيــر لا عـفـتـنـي بـيـعـيـف قـلــبــي هـيــامــه..؟؟ مـانـيـب مـيّــت لا ..! ولا احــتــاج تـبـريــر صــــح الله لـسـانــك .. ووفـــــر ..كــلامـــه بسمعـك .. حبكـه .. وفـكـره .. ..وتصـويـر وافــهــم عــــدل يــــا مــدعــي ..بالـفـهـامـه وجــه الشـعـر ( ابـيـض ) ويحـتـاج تغيـيـر ودي تـــزيّـــن هـالـقـصـيــده ( عـــلامــــه ) ماضيـك ( الاســود ) بـذكـره دون تقصيـيـر كــذا يـكـون بـخــد هالـشـعـر .. ( شـامــه ) يـصـدق مـعــي تعـبـيـر .. ويـخــون تعـبـيـر يـا ضيعـة الشاعـر .. بوقـت انسجـامـه ..! يـمـكــن خــطــا ادونــــك بـالـشـعـر ؟مــيـــر لـو مــا احترمـتـك ؟ للـغـرام احتـرامـه ..!! مــا كــان حـبـك غـيـر بــس طعـنـتـك غـيــر عـلـمـتـنـي مـعــنــى الــنـــدم ..والــنــدامــه مــــا جــــاك مــنــي اي زلــــه ..وتـقـصـيـر كـل مـا خطـيـت اعاتـبـك .. بابتسـامـه ..؟! حسـبـي عـلـى الـذكـرى اذا هـبــت عـصـيـر مـــا عــــاد تـنـفــع شـرهـتــي ..والـمـلامــه البال ( ضامـي ) وقتهـا والحـزن ( بيـر ..) ( خسرتك ) وهمي ( كسبت ) اهتمامـه..!! والليـل فــازع لــك كــذا !! جـانـي ..مغيـيـر ظـلـمـتـنـي واكــثـــر ظـلـمـنــي ..ظـــلامـــه لا اقبـل علـي اوحييـت صــوت ..المسايـيـر وفـزيــت كـــل ضـيــف ٍ اقــــوم ..بـمـقـامـه وليـا عـزم هاللـيـل ( ضيـقـه وتفكـيـر ! ..) قــلّــي بــربــك كــيـــف بــقـــدر انــامـــه ؟؟ مــــا فــيــه داعــــي لـلـعـتــب ولـلـمـعـاذيـر الغدر ( خال ) الجرح واطيّب ( عمامه ) !! أمــا يجـيـب الله مـطـر .. تـالـي وخـيــر ..؟ ولا السـلامـه مـــااااش مـامــن سـلامــه !! ][®][^][®][الضيق][®][^][®][ ياللي تحد قلبي علـى أقصـاه ماعاد بي حيله على الضيـق وقت الردى كل شـي سـوّاه رخومـه تــذم المطالـيـق ماعاد اطيـق الهـم وأقـواه شلت بشبابي فوق مـا اطيـق ذي آخـر أحوالـي وطـرّاه يومك تقول إن كنـي طويـق إيـه والله إن فينـي مزايـاه وإن بينـي وبينـه مواثـيـق بس صاحبـك ماجـاه كفّـاه مليت من قولة (( توافيق )) !! حتى الشعر شكلـي أبظمـاه ماعـاد تغـري بلّـة الريـق كانـت معاليـقـي تمـنّـاه واليوم !! هو جرح المعاليـق يطري علـي واقـول عـزاه يانشـوة الفرحـه ابتصفيـق واطري عليه ان تاهت اخطاه يلمحنـي بـروس الشواهيـق حتيـش لـو إنّـا حشمـنـاه ماتـردع الحشمـه مطافيـق في ذا الزمـن ماتـت بقايـاه روح امسح دموع الطواريـق غنّى لك اللي متعـب اغنـاه لاجـر صوتـه همّـه يفيـق لايكتب الضحـك ولا يقـراه كنه لحـزن القـاف عشّيـق بتصدق شعوري !! أو إنسـاه بصرك ترى ما احتاج تصديق قد قلت لك واوصيتك وصـاه لاتنبش جروح المخاليـق !! هالقلب لاتحده علـى أقصـاه مالك ومال الهم والضيـق !؟ ][®][^][®][أبيات لم تكتمل ][®][^][®][ الدمعه الدمعه اللي من ثلاث سنين ينطرها غبي ............. وصّووه ينطرها وكل اللي موصينه نسوه انا اعتبرها لا انزلت زله وفي حق اجنبي ............. وهو يعتبرها حاجةٍ سهله وينطرها لعنبوه مدامها بيني وبين عيوني مثله وش يبـي؟ ............. دموعي عيالي ولا طاح الولد من عين ابوه! حبيبه ياللي تقول ابطيت عنك بقصيدي ..................... ماهيب لاصعبه ولاهي غريبه المشكله ماهي شقول بجديـــــدي .................... المشكله شاعر ولا لي حبيبه المــــــــوت ماعاد تفرق لو خذاك الوقت اوجابك ..................... فالحالتين الموت اقرب من ظلالي أما بموت من الوله لا طول غـيابك ..................... ولا بموت من الفرح لا شفتك قبالي فضها سيره عطيتني فرصه اتعلق باحد غيرك ...................... واليوم حسيت بان فراقنا خيره ماعاد ابي شرك ولا عاد ابي خيرك ..................... انسى مثل مانسيت وفضها سيره رقاصـــه عَـد القصيد وقال عدت على خير ............. وافي شعر لكـّن بالمرجله نقص اللي تعلمته من عوير وصوير ............. الراقصه بتموت ماخلت الرقص اموت بها احب شعري واموت بها ولايمكن .............. ارضى لوتحب شعري بس على شاني ويحز في خاطري انه من الممكن .............. ماحبّته .. لو يقوله .. شاعر ٍ ثاني ! وانا يالولا كبر حبي لها يمكن .............. ماصرت شاعر .. ولا غنيت قيفاني ! ؟؟؟؟؟؟ جروحك اللي بقت تعالي اخذيها ................... البارحه موّتوني فيك واحيّوني !! والموت ماهو من الفرقا وطاريها ................... الموت لاطاحت عيوني من عيوني ][®][^][®][طمني عليك][®][^][®][ يا الغايب اللي غابت سنيني معـاك يا جعل ما جاني من الفرقـا يجيـك استغفر الله !! جعل ماجانـي فـداك حتى لو ان نهايتي .. على يدييـك! مسامحك .. واللي بقوله فـي قفـاك خيرك كثير .. ويرحم الله والديـك ماصار شي ابلا رضاي الا رضاك اللي ماهو فيني وابيه القـاه فيـك! كنت السما في عيني وعيني سمـاك كانت حياتـي كلهـا منـك واليـك كنت بيديني مير مدري من خـذاك حسبي على تقصيري وحسبي عليك علمتني.. وش الحياه مـن الهـلاك في موادعك هذا وفي جيّتـك ذيـك ياكيف ابلقى شخص يسواني سـواك كل مانويت انهيك في شخص ابتديك! أبـدى أقـارن مستـواه بمستـواك واخاف لاتزعل وابيعـه واشتريـك والمشكله : رغم محبتـك وغـلاك واني رغم كل شيّ مشتـاق وابيـك ما هوب من حقي يضايقني جفـاك ولااعشقك ولاالمحك ولااحتريـك!! لكن ما يخفانـي ولا اظـن يخفـاك حقي عليك .. انّك تطمنّي عليـك!! ][®][^][®][التجربه][®][^][®][ تقـدم الدنيـا لنـا درس ٍ جديـد بـكـل يــوم والناس تسلم من غثا الدنيا بحفـظ دروسهـا !! وعلى حسب حفظ المواجيـب وتعاليـم السلـوم نعـرف مقاسـات البشـر بالمرجلـه ونقوسهـا صيت الرجال الوافيّـه بأفعالهـا .. ولا ّ الرخـوم ينبيـك عنهـا : قـل نفعتهـا وشيـن نفوسهـا تطرد ورى الدنيـا وتكشـخ بالمواتـر والهـدوم مثل ( الحريم ) أغلب دراهمهـا علـى ملبوسهـا والإمعـه والشايـب الكـذّاب وضعيـف العـزوم ناس ٍ مع العالم بـلا هيبـه تدربـي روسهـا !! والبخل : خلاّنـه بهايـم !! لا تسـام ولا تسـوم لا شفتها ترفـع يـدك حمـد وشكـر وتبوسهـا على الصحن هم أول الجلاّس وآخـر مـن يقـوم يعيّفك حلـو الاكـل والشـرب طـول جلوسهـا ماهيـب للـلازم سنـد ولا ذخـر عنـد اللـزوم تمـوت ماسـرّك مهايطهـا وكـثـر فلوسـهـا وسوالف الخبلان .. رفعة ضغط وصداع وهمـوم فـلاوة ٍ تخطّـف علـوم الـعـرب وتحوسـهـا واجب عليك إليا حكت عن جملة حكاهـا تشـوم الهند مـا يـرأس حكومتهـا سـوى هندوسهـا وربع المصالـح والمجامـل خـوة ٍ ماهيـب دوم اقولهـا والتجربـه قطـع وريــدي موسـهـا وقت الرخا .. مثل الصقور اللي على المرقب تحوم فيّ ٍ يـذّري ساقـك الرمضـا وحـر ّ شموسهـا وإليا احتمت صكّات بقعا وامست علومـك علـوم اتلـوّي خششهـا وتجحـد خوّتـك وتدوسـهـا من عقب ما انت الطيّب وقدرك معـزّز ومحشـوم تصيـر اردى مـا خلـق ربـي ودم ضروسهـا أبعد عن الأشكال ذي .. بعد الثرى عـن النجـوم وش حاجتك في قرب رديـان العـرب ونجوسهـا ماهوب عيب إليا عزموك تقول يالربع .. معزوم ! العيـب : لارحـت لعزايمهـا وجيـت عروسهـا وخلّك فطيـن تعلّمـك دنيـاك درس بكـل يـوم والرجل يسلم من غثا الدنيا بحفـظ دروسهـا !! ][®][^][®][شآعرها][®][^][®][ لا يطـوّل سكوتـك ولا يطـوّل سكـاتـي تـرى الـدعـاوي بسيـطـه لا تكبّـرهـا خلـك علـى خبـري وظنـي وهقـواتـي خابرنـي الضيـق والضيقـات خابـرهـا وسّـع لـي البـال يـا سيّـد طموحـاتـي ولا تغيّـر النظـره اللـي كنـت تنظرهـا تقول : حـب البشـر طـوّق مساراتـي ؟ ابـك انـت حبـك مساراتـي يسيّرهـا !! ان غبـت عانـت عيونـي مـن معاناتـي وذكـرك يصبّرنـي وطيـفـك يصبّـرهـا لا يـا بعـد شهرتـي واعظـم نجاحاتـي وكل القصايد مـن ابسطهـا ليـا اشهرهـا ولا يـا بعـد مـن يـدوّر لانكسـاراتـي شعّار سبب وجـودي ضيـق خاطرهـا !! انت اجمـل اللـي تسجـل فـي سجلاتـي ان جيت : وين البشر ؟ وان رحت : مكثرها يـا اوّل وآخـر قصيـدي وآروّع ابيـاتـي محـدٍ يحـب القصايـد كثـر شاعرهـا !! مـا فـاق حبـي لـك الا حبـي لـذاتـي يعنـي احبـك محبّـه مــا اتصـوّرهـا يا اصدق من النشـوه اللـي فـي بداياتـي لا قلت لي كـم بيـت .. وقالـوا انشرهـا واغلى مـن الدمعـه اللـي كـل صدماتـي تطلـب يدييهـا !! واحجّرهـا ولا انثرهـا وآحـن منـي علـيّ ان شفـت زلاّتــي القـاك بررتهـا لـو صـعـب ابـررهـا واطهـر حكايـة محبّـه فـي حكايـاتـي مـن قبـل لا عيشهـا حسّيتـك اطهرهـا لا تلومنـي لا بديـت آخــاف وآحـاتـي كـل حاجـةٍ غاليـه مـا ودّي اخسـرهـا ولا تضـايـق لـيـا كـثّـرت جيّـاتـي ضيّعـت فيـك السنيـن وجيـت ادوّرهـا تـعـال رتبـنـي ورتــب حسابـاتـي او تدري شلـون ؟! رتبنـي و بعثرهـا !! مو مشكلـه لـو تصيـر اطـوّل مسافاتـي المشكلـه لابـديـت احـسّـك اقصـرهـا اكبـر عيوبـي : بديتـك مـن نهايـاتـي واكبر عيوبك : لقيـت اوّلـك بآخرهـا !! يـا مكتشـف عالمـي واقـدم حضاراتـي حـرام كسـر الخواطـر بيـد جابرهـا ؟! مـدام تقـدر علـى اللـي فـوق قدراتـي لا تذخـر الفزعـه اللـي قلـت ذاخـرهـا رجعنـي لوقتـي او رجعـلـي اوقـاتـي عاميـن تنطرنـي .. وعاميـن ناطـرهـا وتقـبـل الــود والشـكـر وتحـيـاتـي يـا ساكـن الـروح والـروح ومشاعرهـا وروّق وركّـز وحـاول تفـهـم الآتــي: فكـره تـأكـد قلـيـل الـلـي يفكـرهـا لـو ان غيـري معـاك يسـوي سـواتـي قلت : انت نعمه وهـو عاجـز يقدّرهـا !! ][®][^][®][بحه الشوق][®][^][®][ تـعـال اغنيـلـك الـمـوال وغيـابـك للشـوق ( بحـه ) تميـز نبـرة اشعـاري زهبـت عـذري وردي لاابتـدى عتابـك كم لي افكـر شقـول ان قلـت شالطـاري بقـول مشتـاق للطعنـه مــن اهـدابـك ومشتـاق اكثـر لقولـة باخـذ بثـاري !! وبقـول مليـت مـدري ملـنـي بـابـك من غبت دونه وقـف عمـري ومشـواري مغير اسولف لـه اللـي صـار باسبابـك وارمـي عليـه الشقـا والهـم واعـذاري من غير لا ادري اجي وان قال وش جابك ؟قمت اتساقط علي مـن ( غيمـة افكـاري) ليـن اتبلـل (( ولـه )) واطيـر اسرابـك وتـروى عصافيـر فرقانـا مـن انهـاري وارد ميـت عـطـش واقـلـب كتـابـك واقرى حكايـة سـراب ٍ عـذب ازهـاري شفنـي ذبلـت وطفيـت وجيـت ابحيابـك عمـري دفعتـه ثمـن دربـي ومسيـاري امـا تخلينـي احـيـا فـيـك وابقـابـكولا تـاكـد وفـاتـي آخــر اخـبـاري ابك انت مـره طرالـي احـرق اعصابـك طاوعت فكري عليك وجيـت لـك سـاري فكـرت ابيعـك وابعثـر بالمـدى اطيابـك عقلي نواها وقلبـي قـال انـا ( شـاري ) ورديت احسك بصدري واحسـب احسابـك انـي زرعتـك لقـا وابقطـف اثـمـاري والـيـوم دام المـسـا تــوه تغـنـابـك اقـررب مدامـك لحـن تشتاقـه اوتـاري ابعـزفـك للقصـيـد الـلـي تسمـابـك وشب لـك داخـل بحـور الشعـر نـاري واسمعـك مـا كتبتـه لـيـن ( ينتـابـك غرور ) واسمـع كـلام ٍ عـده اجبـاري لاصـرت انـا والقلـم والدفتـر احبابـك يحـق لـك لـو تقـول ان الشعـر داري ما قلتهـا قصـدي انـي اكسـب اعجابـك لكنـي بـهـذي ادري ويــش مـقـداري الصعب جـذاب وانـت الصعـب يزهابـك وانا علـى الكايـده يـا عاشقـي ضـاري وان جات للجـد لـه لـذه تـرى غيابـك شف ( بحة الشوق ) كيف تميز اشعاري ؟؟ ][®][^][®][اسمع][®][^][®][ لا غشاك الليل واسرف بـك الحـزن العميـق جنّـب وجيـه البشـر واسـجـد لخلاّقـهـا ادخل بغيبوبـه مـن الهـدوء .. ولا تفيـق !! وراود دموعـك علـى عينـهـا واحداقـهـا خل روحك تدّرج !! من زفيـر اليـا شهيـق دمعـة ٍ لحضورهـا .. دمـعـة ٍ لفراقـهـا كـن دمعـك وقتهـا يغسلـك ويبـل ريـق : وجه الارض !! وينتزع روحك مـن ارهاقهـا رتّب انفاسك !! ودوّر علـى نفسـك طريـق واستـرح بيـن الحنـايـا وفــل ارواقـهـا راجع ذنوبك على اقل من مهلـك .. وويـق : شــوف وتفـقّـد معاليـقـك وخفّـاقـهـا الحزن : دافـع قـوي للرجـال .. ولا يعيـق غيـر نـاس ٍ تخلـق وذلّـهـا فاعناقـهـا !! الشقيـق يدعّـم الـذل فـي اخـوه الشقـيـق والبضايـع تختـلـف باخـتـلاف اسواقـهـا وانت حاضـرك يتفاخـر بماضيـك العريـق شجـرة ٍ عجـز الزمـن لا يحـت اوراقـهـا كنْه شمس مـن الذهـب والجواهـر والعقيـق كـل صبـح يلامـس المجـد نـور اشراقهـا وكان عزمك ما رقـى قمـة الضلـع المويـق ما انت لاقي ( عـز ) فـي جلالهـا ودقاقهـا نوّخ ركابك .. وشكّـل مـن اشكالـك فريـق الرخامـه فـي تزايـد عــدد عشّاقـهـا !! الاسامي حمل !! واللي حمـل مـا لايطيـق : شـاه ودك للصفـاه الضـحـى تستاقـهـا !! العـرب مـا تبغـي الفخفخـه ولا البـريـق تبغـي امطـار السحـب ماتـبـي برّاقـهـا لا تحسـب المرجلـه : زول ولسـان ٍ طليـق الرجـال رجــال : بافعالـهـا واخلاقـهـا افـرد اجناحـك مـدام السمـا تبغـى عشيـق اغتسـل مـن غيمهـا وفـج كبـد افاقهـا !! خل اخوك الصبر !! واعجابك بنفسك صديق !! واعتنـز بالله كفـيـل البـشـر وارزاقـهـا لا تفكر في هـل الهـرج لـوّ شبّـوا حريـق الـكـلاب مربّـطـه لا تـحـل وثاقـهـا !! وكان صدرك من خباليـن خلـق الله يضيـق والله ان تبطي ضلوعـك بضيـق خناقهـا !! وان تغنيـت بشعـر فـي فعولـك مـا يليـق نقّـع جـزال القصايـد وبــلّ اوراقـهـا !! لا تكلف نفسك ( بزوبعـة جـال المضيـق ) ( المحيطـات أربعـه ) والـدرّر باعماقـهـا مادرى الشاطي عن الخـوف بعيـون الغريـق ولا لعب فـي حسبـة النـاس غيـر اشواقهـا فان دعاك الشـوق للـورد وانفـاس الرحيـق اذكـر اجمـل سيـدات الـتـرف واعناقـهـا المهاه .. الفارع .. أسطـورة الحـس الرقيـق مـا ذبحـك الا غلاهـا وطـول فراقـهـا !! ][®][^][®][المسأله][®][^][®][ احضّـرك واتلـوا عليـك البسملـه والفاتحـه والغاشـيـه والزلـزلـه واعلّمـك وش الحديـث المنطقـي من شان تعرف كـل شـي ٍ تجهلـه خدمه .. بقدمها بـلا شـرط وثمـن يا صاحب آفـاق الخيـال الممحلـه وماهيب من بـاب المـوّده والغـلا لكّن من بـاب احتـواء البلبلـه !! كنت احسب ان سود الليالي ربّتـك واثرك على نفـس العلـوم الاولـه موّسـوس وحالتـك حالـه مزريـه الحلـم قدامـك وعاجـز تاصـلـه على مدار العام مـن قـل الثقـه : بينك وبين الشـك والريبـه صلـه ذكائك المزعوم حاجـه مؤسفـه !! تضحك علـى تفكيـرك وتستغفلـه سويت نفسك فاهم الوضـع وذكـي وكليتها يا بـو الشبـاب مفلفلـه !! ما احد ٍ جبرك تضيع وسط المعمعه وتستصعب الموقـف ولا تستسهلـه القصد واضح والمعانـي واضحـه ليه اتمادى فـي الحكـي وتؤّلـه ؟ طويق ثابت والجبـل يبقـى جبـل فلنعتبـر هــذا ســؤال وعلله ؟! شفت ان مالك بالثقـه موطـأ قـدم كـب الغـرور المفتعـل ولاّ اقتلـه وان عوّدت نهج وقناعـات وفكـر الاجوبه ترضـي غـرور الاسألـه المرجله لا صارت هايـط وشعـر مـا عـاد ابيهـا لعنبوهـا مرجلـه وان كانها مواقـف وقـول وفعـل ماعندي الا : تـم وابشـر وازهلـه خذ لك نصيحه كانت تسـام بجمـل يا مسيلمه او بالاصح يـا عبهلـه !! لا عاد تخطب في شبـاب المجتمـع ريّح .. وخل الدين والنصـح لهلـه ولا عاد تشهد زور فارجـاء البلـد وتبقى كذا مـن مرحلـه لا مرحلـه حتى ابليس بيستحي مـن كذبتـك !! من كبرها ما هيب من ضمن عملـه واليا بغيـت الجـد سجّـل مايلـي واستحملـه واستوعـبـه واتقبـلـه ماهوب عيب انـك تغيّـر منهجـك العيب وانـواع الخطـا والمهزلـه انـك تجـي كلـك وتستنقـد فئـه على فعل وانت اول اللي يفعلـه !! راجـع حساباتـك وفكّـر واتعـض واضرب على نفسك جميع الامثلـه ان كان ما انت بكلهـا مثَـل مثَـل مـاوالله اقـول الشعـر واسترسلـه خلاصة الموضوع كله ( من - إلى ) بيت ٍ يوضح لك غموض المسألـه : أنا .. لو اني مـا لعبـت بحسبتـك ما كان يسبب لك قصيدي مشكلـه !! ][®][^][®][عنق المها][®][^][®][ تدور الأرض وتدور السوالف والسنين تدور وأنا لو أعرف اللي راح ماني بعرف الباقي يقولون القصيد شعور والشاعر بدون شعور وأقول الله يعاقبني اذا ماهو من أعماقي انا لو أكذب بشعري وقف نبض ويبس حنجور وقادر أخسر الدنيا وعاجز أخسر أخلاقي ولأجل عنق المها والصوت الأدفى والعيون الحور وقف عمري ولاادري ويش انا من وقفته لاقي قسم بالله .. ما قبلك غياب ولا بعدك حضور ولكن ودي بفرقاك .. لو ما ودك فراقي تعاتبنا بما فيه الكفايه من ثمان شهور وسالت دمعتين وطاح قلب وماتت أشواقي تعدتك المشاريه وجفاك اللوم والمستور إذا ما يكشفه صوتي كشفه الحبر بأوراقي تعبت أضحك على نفسي وأبرر لك وأعيش الدور وتعبت أجامل ظروفك وأصدّق كذبك الراقي يكفّيني أغيب وخافقي ماجاك منه قصور ويكفّيك اتّذكّر كل ليلة لهفة عناقي تذكّر يوم أخليك اتباهى كبرياء وغرور يوم اني اتحدابك وأخيب هقوة الهاقي وتذكّر يوم أعذرك وانت لا صادق ولا معذور أدورلك عذر وأصدقه وأكذّب أحداقي وتذكّر يوم جيت من الحزن متضايق ومكسور فرشت لك الضلوع وقلت لك يا سيد عشاقي خذ اضلوعي وابن فيها يسار الصدر بيت وسور ترى مافيه قبلك من سكن صدري وخفاقي وبعد هذا رحلت ولا بقى إلا بيتك المهجور وألا ياكبرها لا من رحلت ومنزلك باقي ][®][^][®][العيب ما يصيب سهلي][®][^][®][ يا الـردي علـى الـردى مثلـك يشيـب ..................... تكـبـر ويـكـبـر رداك وتمـتـلـي.. الجهـل مـا عالجـه طــب وطبـيـب .................. ذا بــلا.. والله يـعـيـن المبـتـلـي.. باتغاظـى عنـك واتحـاشـى واغـيـب ............... عـن شعيبـن عافتـه قــدم جمـلـي.. مانـي مجبـورن اعيـشـك كالنصـيـب .............. لا انته من ربعـي ولا انتـه مـن هلـي.. واعرف ان ((ضيقي)) على شرواك طيب!! ................. واحسـب احسـاب المعانـي وزعلـي.. جابـك الله وهاجـس المعـنـى قـريـب .................... انتهـض شعـري وانـا مانـي خـلـي؟! عنـدي فكـرة بيـت مــا ودي تخـيـب .................... ولّعـت قافـي.. وعـانـه يصطـلـي.. وانـت هالمـره ابـي تصـبـح لبـيـب ................افهـم احساسـي وترجـم ( مايـلـي) الذيابـه مــا تـخـاوي كــود ذيــب ..................... و(الثعـل) شــرواك عـنـه تعتـلـي.. فلاتحـاول تعتـبـر نفـسـك صحـيـب ................... لان هالصحبـه تـرى عيـبـن عـلـي.. ذاكـرك ضيقـي مـع اللـيـل الكئـيـب ................ ولا تظـن ذيــك السحـابـه تنجـلـي.. خلهـا على الولـي.. والعيـب عيـب ................ واستـرح وارتــاح .. يا عبد الولي ... وكان ( رمياتـك ) مـع غيـري تصيـب ................فعرف ان العيب ما يصيـب (( سهـلي )).. ][®][^][®][لا تحبه كثر ما حبيتني !!][®][^][®][ ليت لي حيله واجي واحتال بـك وليت ما قلت بحياتـي ليتنـي !! يابري حالي ليامـن مـال بـك التغنّـج والدلـع .. لا جيتـنـي دوم احس انـه نعاسـك غالبـك معنّي رموشك ! وانا عنّيتنـي ! بس .. ذا المره ما طاب الفال بك جيت ولـدرب الجفـا حديتنـي لكن اسمع هالشعر وش قال بـك دام صبت اللي تبـي واخطيتنـي الغـلا حقـك ! ولانـي سالبـك ابسـط حقوقـك ولـو مليتنـي شوف عيني يوم دمعي سال بـك ضمتـك حتـى ولـو ابكيتنـي وانت رغم اني شغلت البال بـك سلت مع دمعك ولا ضميتنـي ؟! كـان بـه شـي ٍ عليّـه قالبـك بطلبـك حـاجـه اذا خليتـنـي لانويت تحب غيري .. طالبـك لا تحبّه كثـر مـا حبّيتنـي !! ][®][^][®][نهر سكر][®][^][®][ أمسيه واعلام واضـواء وصحافـه وانـا لاوقفـت مابينـي وبينـي ! اتساقط ضيـق واحبـاط وحسافـه كني اخنق حلم عمري في يدينـي ! واتسامى فكـر واحسـاس وثقافـه واكسب التقدير والاعجـاب فينـي يا طويل الحزن والواقـع خرافـه كذبةٍ ماهيـب تسلتطـف يقينـي ! ليه مااغنيّـك تحنـان ولطافـه ؟ وانت نبض الروح وانفاس تحكيني ماتهز الريـح غصـنٍ لارتجافـه ينكسر صوتي ! وتستاحش يميني ! كل مامر المسـا صـدري وحافـه قلت له والشمس مشرقها جبينـي : من مشت رجله على درب السخافه طاح من عقلي قبل قلبـي وعينـي الرجل لاصار مابه ديـن : تافـه والعدو لاصار يعجبنـي : خدينـي والفشل لاصرت ترضى بالوصافـه وانـت قـادر تستبـد وتحتوينـي وكان انا من لاربـط فعلـه بقافـه جعل تبكيني عيـون اللـي يبينـي وجه صبـحٍ مـن حيـاه وعفافـه استحي من طيف زوله لو يجينـي نهر سكر مـن ضفافـه لاضفافـه اغنيات الملـح وانشـودة حنينـي ناسي النسيان !! طبعـه واختلافـه واصبح اللي راح واللي يحترينـي عاشقه .. وقف هنا والعمر طافـه هو متى يرجع وترجع لي سنيني ؟! الفراق .. شعور من شـدة جفافـه يبذر عيوني !! ويقطف دمعتيني !! القلـوب تعـاف طاريـه وتخافـه يعتريها شئ .. عانـه يعترينـي : كلبوي طعـون واحـزان وكلافـه لاانتهاني جـرح الآخـر يبتدينـي ليت حظي مارمى عمـري خلافـه ولا ترك لي تمتمة وينه ووينـي ؟! وليت مابيني وبينـه مـن مسافـه مثل مابين السهر وجفون عينـي !! ][®][^][®][اصعب سؤال][®][^][®][ ( اصعب سؤال ) اللي جوابه للأسف مثله ( سؤال ) !! ما هو تفلسف !! الا موقف صار واسمع " ثاني بيت" : البارحه يومه سأل : ( وش ذكـرك ذيـك الليـال ؟ ) كان الجواب بكل بساطه : ( من متى اصلا نسيت ؟ ) ادري بان جمع ( الصعوبه والبساطه ) شي محـال !! لكنها صارت كذا ! واللي (( اهـم )) انـي دريـت : ان الحيـاه فبعـد احبـابـك اذا جــف الـوصـال اتعيشها لو تقتنع انك خـلااص اصبحـت ( ميـت !!) يا صاحبـي لـو كـل شـي يمـر بالخاطـر يقـال مـا كانـت العبـره تولجنـي اليامنـك طـريـت ؟! شفني قدرت احبس دموعي بس ( دمع القاف ) سـال ويا كبرها ساكت ولكـن داخـل اوراقـي بكيـت !! عمر الحكي ما كـان دافـي لاابتـدى بقولـة تعـال لجل اتجاهـل رجفـة حروفـي اليامنـي حكيـت .. الحـال فـي بعـدك قسـم بالله مـا اسميـه حــال انوي على الضحكه واحس كلي خطا لانـي نويـت ؟! اتصور انك مـن رحلـت اشوفـك لجسمـي ظـلال لا شفته امشي ببتعد واثـره معـي مهمـا مشيـت !! مـدام يعنـي فـي بحـرك لفرحتـي مليـون جـال وش فيه موجك ما ركد ؟ قربت اموووت وما رسيت .. يرضيك ما عـادت معـي تفـرق اذا جالـك مجـال لاني اقتنعت انك نهايه وانـي ببطـي مـا بديـت !! صرت ( اعقد حجاجي ) اذا جابوك باطراف الجـدال وانا قبل لاقالوا اسمـك كنـي : ميـت ثـم حييـت!؟ تعبـت اعيـش الـدور وافتـح للمعاذيـر الخـيـال واتخيل انـي جيـت فـي بالـك وبانـك استحيـت!! وتردلي كلك (( وله )) وتقول : ( كن البعد طـال ؟ ) ومن الفرح ما عاتبك واقول : ( ياخـي مابغيـت !! ) حتى وانـا تخيـل حشمتـك ! لـن قلبـي لا يـزال يكرر اسمـك داخـل اعماقـي بنبضـه لا سهيـت.. قلي شسوي فيـك ؟ وانـت بداخلـي اصـدق مثـال للحب واحساس القصيد ان عانـق الليـل وسريـت.. ربـي يصبرنـي علـى الفرقـا مـدام الحـظ مـال وانت بيجيلك يوم تعرف ليـه فـي بعـدك شكيـت !! واذا بـلاك الله وعذبـك اشتياقـك (( بـس تعـال )) واقرى القصايد في غيابـك كلبوهـا بيـت ... بيـت بتدرى ان ( اصعب سؤال ) اللي يجي رده ( سـؤال ) لا قلتلي ( وش ذكرك ؟ ) ثم قلتلك ( متى نسيـت ؟ ) ][®][^][®][يارقه القلب][®][^][®][ يهزني الموت وطاري وحشة قبوره .................. وتطري ذنوبي علي وربي ادرابي واحس في داخلي هالروح مذعوره ................. وايمـمـ الوجه للخالق ولا القابي سوى امنية شاعر ٍ خجله ومغروره ............... وخوف وطريق وبقايا طيبة اصحابي واحساس لو اكتبه بتعاتب سطوره .............. حظي وطيبي وعقلي واول احبابي يارب .. ساعدني ابني حلمي وسوره ............... ودي اشرّع لـ بكره .. كل ابوابي تعبت اشوف النهار بدفتري نوره ................ واجامل الليل واقول انه (( اولابي )) يا عين لاهنتي وعن جد مشكوره ................ يا ما حشمتي سواد الليل باهدابي ! قلتي : زهقت الظلام وقلت : معذوره ............... ما دام جسمي عجز عن شيلت ثيابي تبت يدين الصبر لا طالت شهوره ............. ما هي بسهله سنه ناطر على اعصابي قدام عيني تطيح احلام .. مقهوره ............. يا رقة القلب .. ويش القلب .. سوّابي ماني مكمل ياهمي دام مستوره ............. بيني وبينك ( قصيدي ) واعتق اسرابي لان ( الشعر ) لا طرالي جفت بحوره ! ................ واحس كنه يموت بـ صفحة كتابي !! لاني احبه واحب اراعي شعوره .............. احسب حسابه مثل ما يحسب حسابي ابيه لامن حظر يجمّل ... حظوره ................ وان قدّر الله وغبت؟؟ يقدّر غيابي !! شاعر ( ماهوجس ) بقولة كم جمهوره ؟ ................ يكفيني ان ما كتبته (( كاسب اعجابي ! )) |
|
|
|
|
27-07-2007, 07:17 AM
|
#3 | ||||||||||||||||||||
|
السبع الاربع
مراقب عطر القوافي |
رد : .×.\|/ فِي خَيـْــمَةِ الشَاعِرْ ...محٍُمدٍ جارالله السهليٍُ.. \|/.×.
يا تركي .. من أول بيت إلين البيت المقتبس هذا .. كلها روعه روعه رووووووووووووووووعه !! فديت هالذوق !! تحياتي ..
آخر تعديل ܓ.¸turki¸.ܓ يوم 27-07-2007 في 11:24 AM
|
||||||||||||||||||||
|
|
|
|
27-07-2007, 11:25 AM
|
#4 | ||||||||||||||||||||||||
|
للـَ إحسآِسِ وطـنْ
|
رد : .×.\|/ فِي خَيـْــمَةِ الشَاعِرْ ...محٍُمدٍ جارالله السهليٍُ.. \|/.×.
الذوق ذوقك فديتك يسلمووو ع تشريفك يا السبع بعد عيني انت  |
||||||||||||||||||||||||
|
|
|
|
30-07-2007, 10:38 AM
|
#5 | ||||||||||||||||||||
|
Zч:âl3ẫŜŁ
|
رد : .×.\|/ فِي خَيـْــمَةِ الشَاعِرْ ...محٍُمدٍ جارالله السهليٍُ.. \|/.×.
وربي قصايد روووعه .. قريت نصها والباقي نسخته والله روووعه من جد صح لسانه على كل بيت كتبه او فكر انه يكتــبه
من اروع واجمل الابيات الي مرت علي  يعطيك الف عافيه اخوي الغالي تركي على جهودكـ وعلى تشريفنا بقصايد هذا الضيف الرائع تسلم يدينك تحياتي
|
||||||||||||||||||||
|
|
|
|
30-07-2007, 11:58 AM
|
#6 | ||||||||||||||||||||||||
|
للـَ إحسآِسِ وطـنْ
|
رد : .×.\|/ فِي خَيـْــمَةِ الشَاعِرْ ...محٍُمدٍ جارالله السهليٍُ.. \|/.×.
، هلا بك يا لين نورتي حدائق الأدب وشرفتيني بحضورك اقتباسك لها البيت يدل على ذوقك العذب الجميل أنكساب حروفك كا أنسكاب افخر انوع العطور دمتي بألف خير مودتي ღ.¸¸turki¸¸.ღ ، |
||||||||||||||||||||||||
|
|
|
|
30-07-2007, 12:13 PM
|
#7 |
