الســـــــــلام عليكم هذي قصيدة يـــارب تنال إعجابكـــم .,.,.,

أنـا ربتنـي الدنيـا علـى جـزل العطـا والجـود
ونفسي للوفا والطيب وفعـل الـخيـر جزامـه

وأعارض منهج الهابـط وأوافـق للصعـود صعـود
وأسيـّر نفسـي بعقلـي مـدام النفـس هدامـه

ولا تثّـر بـي البسمـة ولا كحـل العيـون السـود
ولا يقوى على قلبي صغيـر الحسـد وأجسامـه

أردّ الجـود بأمثالـه وأقابـل بالـجحـود جـحـود
وترى لا خير في رجلٍ يوطّـي للـردى هامـه

وعندي مـع أهـل العِليـا مواثيـق وثـلاث عهـود
أوفـي لـه مطاليبـه وأودّه وأرفـع أعـلامـه

أعايـش مركـب الدنيـا علـى متـن القـدر مولـود
أبعرف هو صحيح إنّ القـدر بالنـاس دوّامـه ؟

ومن وين الزمـن مقبـل وإلـى ويـن الليـال تقـود؟
ومن في هالزمن يقدر يوجّـه خطـوة أقدامـه؟

ومن له بالزمن غايـة ومـن عنـده هـدف منشـود ؟
ومن منّا قـدر يعـرف خفايـا مقبـل أيامـه ؟

عرفت إنّ الشقـا باقـي ، عرفـت إنّ الحسـد موجـود
عرفت إنّ القدر يفرض علينـا بأسـوأ أحكامـه

لقينـا العـرب حاسـد وشفنـا بالـعـرب محـسـود
وبه ناسٍ لنا ضامـت ، وبـه بالنـاس منظامـه

وينقـص بعضنـا خـوّه وينقصنـا وفـاء وعـود
مـدام الحسـد باقـي وبعـض النـاس نمامـه

ولا ترجى بها الدنيا مـن ربوعـك يجيـك اسنـود
ولا تشره علـى رجـلٍ عيونـه خانـت أقدامـه

وقابل خطوة بخطـوة وجـازي بالصـدود صـدود
تناسى غلطة الصاحب عليك بلحظـة اخصامـه

ولا تخطي ترى لصبر الحليـم اليـا سـلاك حـدود
تروّى واعرف بضـرب الحديـد تفكـك لحامـه

تجنب كسرة الخاطـر ولـو حبـل الزعـل مشـدود
تراك بكسرة الخاطـر حكمـت القلـب بعدامـه

ولا تزعل على رجـلٍ بـذل لـك ولرضـاك جهـود
ولا تامن من الحاسـد رضـاه ورفعـة ابهامـه

نبـي نصبـر علـى الدنيـا قلـوبٍ بالحيـاة زهـود
مدام إنّ البخـت عيّـت توّفـق رمعـة سهامـه

وأنا مـا قلتهـا راجـي ولا أطلـب بعدهـا مـردود
ولكـن الـفتـى ودّه يحقـق جملـة أحـلامـه

وبمشـي لآخـر الدنيـا ولـو كـلّ الأنـام اقعـود
وعن وجه الزمن بكشف حقيقـه وأرفـع الثامـه

صحيح إني صغير السـن ولكـن ( قـدها وقـدود )
وأنا عندي مـع الدنيـا مواقـف ترفـع الهامـه

طموحـي يملـي العالـم ولابـه للطمـوح قـيـود
مدام إن الأمل طبعي ( عرين وصرت ضرغامه )

خلقنا اللـه مـن ترابـه ولأحضـان التـراب نعـود
تحت رمل الثرى نبقـى تغطـي جسمنـا خامـه

سلفنـا مـا لحقناهـم تحـت قـاع الـتـراب رقـود
ولا يبقي من الميـت سـوى ذكـراه وعظامـه

ولو طال العمر فاني وترى عمـر الفتـى محـدود
وكـلٍ يطلـب المولـى يبيحـه يحسـن ختامـه
وســلامتــكمـ .:.