ياجر قلبي جر لدن الغصون.....من قائلها

ياجر قلبي جر لدن الغصون = غصون سدر جره السيل جرا
واهله من اول بالورق يورقوني = غلى غدير تحته الما يقـــــرا
على الذي مشيه تخط بهون = والعصر من بين الفريقين مرا
لا والله اللي بالهوى هوجروني = هجر به الحيلات عيت تسرا
لا مبعد عنهم ولا قربونــي = ولا عايف منهم ولاني مورا
واكثر عذاب القلب يوم سنحوني = بيح بصبري لو بغيت اتــــدرا
لا ضاق صدري قمت اباري الظعون = كني غرير بالدلوهة مضرا
وقلبي عليه اشفق وتبكي عيوني = والحال من ود الحبيب تبرا
ياعزتا لي من تفرق شطوني = يعز لي ارمي بلسب واتعرا
ان مت في خد بعيد انقلوني = غلى هدي الزمل مشيه تدرا
ان مت في دافي حشاه ادفنوني = في مستكن الروح مهوب برا
بين النهود وقد روس القرون = عن الهبايب مستكن مذرا
ياليتهم بالحب ما ولعوني = كان ابعدوا عني بخير وشرا
والا اتهم يوم انهم قربوني = خلوني اقضي حاجتي واتدرا
وياليتهم في الدرب ما واجهوني = وياليتهم مازادو الحر حرا
وياليتهم عن حاجتي سايلوني = يوم اني اقعد عندهم واتحرا
وياليتهم من زادهم اطعموني = انا على زاد اليتيم اتجرا
لا قربوا مني ولا بعدوني = ولاميس منهم ولاني مورا
الخد برق في غلو المزون = تقول براق من الصيف سرا
وقفت عنده شايحات عيوني = كني غرير باللهاوي مضرا