حدائق الأدب

شاعرة الرومانسيه · #1

بسم الله الرحمن الرحيم
السلام عليكم جميعاً
اخباركم ان شاء الله مرتاحين؟
هذي قصيده لشاعر المبدع عطا الله فرحان
.
.
.سو الي براسك ولاتذكر اسباب
لاصرت بايعني توكل على الله
مابيني وبينك مشاريه وعتاب
شف دربك الي جيت منه تدله
ماراح تغلبني لو الحب غلاب
من حضرتك عشان قلبي تذله
في ذمتي لجعلك عبره للاحباب
لين الخلي يتوب عن جرح خله
زلاتك الي مانفع فيها احساب
لاجيت اعددهن ثمانين زله
احرجتني بين القرايب الاحباب
كن الجفا سيف بوجهي تسله
ماكنت اقصر فيك من كثر الاعجاب
يومك تساوي عندي الكون كله
كنت القريب وكلهم كانوا اغراب
حتى القمر لاغاب شفتك محله
خلاص لاترجع ترا خاطري طاب
ابي طرا اللي كنت عايش بظله
رح واعتبرني واحد اذنب وتاب
ماني بثوب تلبسه ثم تمله
مايجتمع بالحب صادق وكذاب
رزقي على الله وانت رزقك على الله
[عزيزي الزائر يتوجب عليك التسجيل لمشاهدة الرابط للتسجيل اضغط هنا]

مبروك بن ماضي · 11-11-2007, 05:05 AM

ياصباح الذوق والشعر الجميل
شاعرة الرومانسيه :
صح لسانك ولسان الشاعر عطا اله فرحان
لاتأتين إلا بالروعه والجمال
تقبلي تحياتي اللائقه
أخوك / بن ماضي

فهد الساري · 11-11-2007, 05:53 PM

شاعرة الرومانسية

صح لسان شاعرها ..
وأنامل وذوق ناقلتها ..
قصيدة وارفه .. تمتع النظر ..
وتعانق القلب .. اختيار راقي شاعرة ..
شاكر ومقدر لك هذا الحضور الجميل ..
وتقبلي صادق الود والتقدير ..
ودمتِ في خير ..