حدائق الأدب

غــــــامـــد · #1

سلاااام عليكم ورحمه الله وبركااته

وش حالكم عساااكم طيبين

هذي قصيدهـ عن غاااامد الهيلا

وان شاء الله تعجبكم

...

غامد الهيلا هـل الـردّات وافيـن الشبـور
عزوتي ولباس جنبـي فالكبـار وفالصغـار

دالتهم والباديه والحضـر مـا فيهـم قصـور
كل قيفٍ له مقـام وكـل رجـلٍ لـه وقـار

اسمنا واحـد وشيمتنـا وفالموقـف حضـور
لابـةٍ منكافهـا معمـر ومغزاهـا دمــار

أهل مجند وأهل مسند وأهل مذهب وأهل شور
وأهل قاله وأهل طاله وأهل منصب وأهل كار

الدخيل مزبّنينه والخـوي عـن كـل جـور
وبالوفا والمقدره يشهد لهـم ضيـفٍ وجـار

وفي مداقيل الحروب اللي على فلج النحـور
ما تقـول ألا شياطيـنٍ علـى قـب المهـار

الفعول لْهـا ايمـانٍ والحمـول لْهـا ظهـور
عودهم فتّال شـور وغمرهـم شبّـاب نـار

في حمى هيباتهم تامـن طواريـف السبـور
وتحت ظل سيوفهم ترعى مشاعيـف البكـار

لابتي والمدح فيهم من علـى الجـد مْخبـور
من قبل بعثة رسـول الله لنـا نـار وشنـار

ارتكزنا في ربى الباحـه وشيّدنـا القصـور
من تربه ليا البحر نارد جهار مـن النهـار

بالسيوف وبالصفوف وقوف والقصر مْعمـور
في ذرى الله ثمّ في هيبـة طويليـن العمـار

مجدنا وأمجادنـا تفنـى الليالـي والدهـور
ما تغيب ,, وفعلنا يؤخـذ بعيـن الاعتبـار

والمسرّي ما نظم قافه علـى سبـع البحـور
غير قدر اللي لهـم فالقلـب حـبٍ واقتـدار

غامد الهيلا هـل الـردّات وافيـن الشبـور
عزوتي ولباس جنبـي فالكبـار وفالصغـار

قدرهم صخّرت قيفانـي وهدّيـت الصخـور
وفالختام انهي الكلام اللي بديتـه باختصـار

ما تربّع في مجاليس الصقـور ألا الصقـور
ولا يبيّـن فاللـزوم ألا القرانيـس الحـرار