حدائق الأدب

نجوم القايله · #1

هذه القصيده للشاعر / جمعان بن شرثان
بــــعــنـــوان
(المــعـلـقـة الـثـامــنــه )

ألـعــب بـالأبـيـات لـعــب بـلـيـه بـالـكــوره
والشعـر عـدة بحـور وغصـت أنـا بـحـوره
وإن كــان بــه فلسـفـة للـشـعـر بتفـلـسـف
بـقـول شـعـر(ن) يخـلـد بـعــدي سـطــوره
إحـسـاسـي إن الـشـعـر دولـــة وحـاكـمـهـا
أنـا زعيـمـه وسـاكـن فــي أفـخـم قـصـوره
وشـفـت القصـيـدة حبيـبـة لــي وتعشقـنـي
تسكـن معـي فـي القصـر بالحيـل مسـرورة
والأبـيـات عـنـدي خــدم بـالأمــر تأتـيـنـي
لحتـجـتـهـا جــــات مـنـهـيــة ومــأمـــورة
وكـــل شطـر(ن)يـحـاول يـسـبـق الـثـانــي
مــع إنـهـا كلـهـا قـدمــي وفـــي الـصــورة
وكــــل كـلـمــة تـعــانــد مـــــع خـويـتـهــا
والثـانـيـة خـاصـمـت الأولـــى ومـقـهـورة
ومافيـه حـرف(ن) مـن الأحــرف يعانـدنـي
الأحــرف طوابـيـر كــل(ن) يحـتـري دوره
ونـقـاط مـادلــت أحـرفـهـا مـــن الـدهـشـة
ضاعـت مـن حروفـهـا دهـشـة ومـذعـورة
وفـكـري كـمـا الكمبيـوتـر هـــو يبرمـجـهـا
كـــل المـعـانـي بـوسـطـه دوم مـحـصــورة
ونـاظـرت أنــا سـاحـة الشـعّـار مستـغـرب
اللـي علـى الشعـر لـه سلطـة ولــه شــوره
حـــاس الـجـمـل كـلـهـا وغـيّــر مواقـعـهـا
جـمــل رفـــع حـطـهـا بـالـيــاء مــجــرورة
وجـــاب أحـــرف بجـمـلـه مـالـهـا خــانــة
وعنـوانـه أرخــاه حـطـه بسـفـل سـطــورة
لــكــن مـهـمــا تـغـيّــر داخــــل الـسـاحــة
كــــل الـحـقـايـق عـرفـنـاهــا ومـخــبــورة
شــعّـــار وفــحـــول جزلات(ن)مـعـانـيـهـم
لـكـن هــذا الفـحـل قـــد غـــاب جـمـهـوره
وفـيــه شـعّــار يــدبــل شـعـرهــم كــبــدي
تـقــول ورعــــان وتـشـخـبـط إبـسـبــورة
وإن ماكتـبـو زيــن واجتـهـدوا بنفصـلـهـم
والمشـكـلـة بعـضـهـم شــعّــار مـشـهــورة
وأشـره عـلـى كــل مــن ينـشـر قصايـدهـم
وهـــذا يـبـيّـن لـنــا الإعـــلام وقــصــوره
الإعــلام نـاسـي فطـاحـل مـــادرى عـنـهـم
متجـاهـل إبداعـهـم ماإهـتـم فــي ظـهــوره
عصر(ن) غريب(ن) وسطـه عالـم أغـرب
والأغـرب إنـي بجيـل(ن) ماأفهـم شـعـوره
عايـش بعصـر(ن) ولكـن مـاهـو بعـصـري
عصـري مضـى لـه سنيـن وولـت دهــوره
مــضــى مــعــي الـمـتـنـبـي والـحـمـدانــي
وبشـار الأعـمـى وأبــي نــوّاس وخـمـوره
ولـو كنـت مـن جيلهـم حطيـت لـي بصـمـة
وحلـيـت لــي مشـكـلـة بالـكـتـب مـذكــورة
المـتـنـبـي وســيــف الــدولــة أصـلـحـهــم
وماكـان أحمـد عـرف مصـر(ن) وكـافـوره
وكـل المشـاكـل تـحـل ببـيـت مــن شـعـري
والـحـمـدانـي إبـيـتــي يــزيــن مـنـظــوره
ويصيـر أبوالطيـب أقـرب لــه مــن ظـلالـه
وأبـو فــراس(ن) يخـيـب وتكـثـر عــذوره
هـــاذي أمـانــي وانـــا مـانــي محـصـلـهـا
أطلـب لبـن للأسـف مــن عـنـد عصـفـوره
وكـنـت أتمـنـى أعـيـش إبعـصـر يسبـقـهـم
عصـر الجهـل ولّـت سنيـنـه مــع شـهـوره
مع أمرؤ القيس والأعشى وابن أبي سلمى
وأعيـش وسـط الجـهـل وتـزعـم عـصـوره
وأعـيــش أنـــا بيـنـهـم جــاهــل ومـتـعـلـم
أجهل أن في الردى وأغيب أنا في حضوره
جـاهـل مانـافـق ولا أتجـاهـل بـنـي عـمــي
رفـيـقــي آعــزمــه مـاأقــصــر شــبـــوره
وأجـهـل بـهـرج القـفـى والـحـقـد والـنـمّـة
ونـاس(ن) تسـب بقـفـاي أقــول مشـكـوره
مــن سبـنـي أو غـلـط مـاأقـول لــه جـابــة
وإن زوّد الـهــرج أنـــا لـعـنــت طــابــوره
ومتعـلـم(ن) المـراجـل مــن صـغـر سـنّــي
مــن شايب(ن)الـكـرم والطـيـب دسـتــوره
بـغـيّـر الـسـالـفـة وأحــكــي لــكــم قــصــة
قـصـة جــرت لــي مــع حـلـوة وسـنـيـورة
أحـبـهـا وهـــي تـفـاخـر بــــي وتـتـبـاهـى
ومـــن حـــق آحـبـهـا والـبـنـت مــعــذورة
لـكــن هالـبـنـت تـعـشــق مــــن يقـابـلـهـا
وكـم ناقـص بكـثـر مـالـه جــات فــي زوره
ووالـديـهــا أنـــــا عــجـــزت لـحـصـيـهـم
لــكـــن مـافـيـهــم الــلـــي وافـــــق آزوره
خطبـتـهـا مـــن ثــلاثــة مـنـهــم وعــيّــوا
وزوجـوهــا لـخـبـل(ن) تـقـصـر شــبــوره
والنـاس راحــوا مــع هالخـبـل فــي صـفـه
وقـلـدوا هالخـبـل فــي الـلـبـس وعـطــوره
وفـــي النـهـايـة أخـــذت الـبـنـت بـالـقــوة
وعيّشتـهـا فــي الـحـيـاة وقـبــل مـقـبـورة
وعـشـت جـنـب الخـبـل والـنـاس تعشـقـنـا
والبـنـت عـاشـت معـانـا بـــس مـسـعـورة
تعـشـق ولا تـفـرق المسـلـم مـــن الـكـافـر
ويشهـد عليـهـا الـولـي ماهـيـب مسـتـورة
واللـي أنــا أستغـربـه أنـثـى تعـشـق أنـثـى
مـن ضمـن عـشـق البنـيّـة ســارة ونــوره
ومـابـه غـرابــة وزيـــد يـحــب حـمــودي
وحــمــود مـايـنـقـصـه يــاكـــود تــنـــورة
أوضــاع بـعـض الشـبـاب الـيـوم مختلـطـة
مـن بعـد خلـطـه سـكـن عكـسـه بمالـبـوره
الـنـاس راحــت قــدم يامعـشـق الـرِيــوَس
تــوقـــع بـمــوتــرك فـقــعــت مـــاطـــوره
هـــدي أمـــورك وأنـــا بــحــاول أهــــدي
وبنهـي القصيـدة قبـل لا تصيـر محـظـورة
ومـعـلـقــات الـشــعــر كـتــبــت ثـامـنـهــا
مـن بعـد سبـع(ن) قديـمـات(ن) ومعـمـورة
وإن كـان شـعـري هـيـاط إف إيــه بهـايـط
وأقـــول وأفـعــل ولا نـفـســي بـمـغــرورة

لسماع القصيدة إضغط على الرابط

[عزيزي الزائر يتوجب عليك التسجيل لمشاهدة الرابط للتسجيل اضغط هنا]