البارحة قامت أفكاري تــناوبني =من هاجسٍ بالضماير قام يجذبها
بيبان الأشعار لامن ضقت تندبني =اكتب بعضها وبعض حروف ما أكتبها
ياراشد الوقت يا مشكاي مرعبني =احسب الأيام وأغضي عن مصايبها
أضيق من هاجسٍ دايم مصاحبني =سود الليالي تجرحني عقاربها
لو اشرح الوضع يمكنك تكذبني =بعض السوالف تحير فكر صاحبها
أسمع هروجٍ بعضها ما يناسبني =واقفيت عن كل مخطيها وصايبها
ياخوي بعض الهروج العوج تغضبني =الناس ما تتركك لوّك مجنبها
الحاقد اللي بليّا ذنب حاربني =ادري بناره ولو يخفي لهايبها
يمدحني ان جيت وإن قفيت عذربني =بعض البشر مهنته يوقد حرايبها
أهدي النفس لجل انه يجنبني =أخاف لا طالت السيره نخربها
ماهو صحيبي ولا ارضى انه يصاحبني =النفس عن مثله ارفعها وأهذبها
أخاف من رفقت الخايب تخيبني =أحسب أمور بعضهم ما يحسبها
رفقة هل المعرفة والطيب تعجبني =وليا جهلت الأمور إنشد مجربها
صديقي اللي ليا زليت عاتبني =وليا حفظلي سريره ما يهرجـبها
هذاك بالطيب والمعروف يكسبني =وأنا إسناده ليا من حل واجبها
ياراشد أصلي عن المهياف ينتبني =بعض المواضيع مالي في طلايبها
صبري على اللي جرحني ما يعذربني =تحشم حثال العرب من شان طيبها
والله يالولا الحيا والحلم قاضبني =إني افضح السالفه واذكر سبايبها
لاشك أبصبر ولو الصبر متعبني =نفسن بلا صبر ما توفي طلايبها
أبديت وأخفيت عنك أشياء تشاغبني =والله عليمٍ بحاضرها وغايبها

اقتباس الكاتب : خوي العز [عزيزي الزائر يتوجب عليك التسجيل لمشاهدة الرابط للتسجيل اضغط هنا] قصيدة رااااااااائعه واختيار مميز من قلم محبوب لدينا الف شكر لك .....

الله يرفع قدرك دنيا وآخرة ..

العفو يالغالي ..