حدائق الأدب

اابوعمر العتيبي · #1

عسى مازعلتك البارح وزودت الجراح جراح..
عسى مامرت الدمعه على اهدابك من أسبابي..

جرحتك من كثر شوقي وخليت الكلام رمـــاح..
ولا أدري شلون ياعمري طعنتك حيل بعتابــي..

بدون شعور صدقني ترى كثر الغلا ذبــــــــاح..
تعال وشوف بغيابك غلاك شلون سوابــــــــي..

حرام تغيب من عمري وتعطيني الفراق وشاح..
حرام الدمع في عيني مناديله هي أهدابــــــــي..

غيابك يشغل عيون الزوايا وأمتلى أشبـــــــاح..
وأنا انثر صوتك بقلب المكان وأشعل أبوابـــي..

تلفت للأمل دام الرجاء في عمــــــري الملواح..
أناديلك ولو شرهة وصولك تقطع أعصابـــــي..

أبيك الجاي من عمري أنا ماأبيك شيء وراح..
مدامك أجمل وأخر مدامك أول أحبابـــــــــــــي..

أبي أرتاح ياعمري وأنا أدري هم تبي ترتــاح..
تعال وقبل ماأفرح ترى تفرح بك ثيابـــــــــــــي..

أحبك يابعد عمر الحزن والجرح والأفــــــــــراح..
أحبك كثر مانامت عيونــك داخل أهدابـــــــــــــي..

منقول للشاعر المبدع : سالم السيار ..

ورّاد · 12-04-2008, 02:23 AM

الله الله يابو عمر ..

يسلم هالذووووق والله ..

والشاعر سالم السيار معروف بعذوبة الكلمة ..

قصائده راااائعة !! ما شاء الله ..

الف شكر مرة أخرى على هالذوووق الرااااقي ..

وتسلم يمناك على النقل ..

ولا تحرمنا الجديد ..

اابوعمر العتيبي · 13-04-2008, 12:16 PM

اقتباس

الكاتب : السبع الاربع [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	الله الله يابو عمر .. يسلم هالذووووق والله .. والشاعر سالم السيار معروف بعذوبة الكلمة .. قصائده راااائعة !! ما شاء الله .. الف شكر مرة أخرى على هالذوووق الرااااقي .. وتسلم يمناك على النقل .. ولا تحرمنا الجديد ..

هلا وغلا
يالله حيه ..انورت بوجودك يالغالي
تحياتي لك

مزووون k.s.a · 18-04-2008, 03:55 AM

بصراااااااااااحة كلمات ولا اروع

بس ليش المحب اذا شاف ان حبيبه ما يبغاه

يتمسك فيه اكثر المفرووض يفهمها ويروح عنه ويتركه ؟؟؟؟؟؟؟

بعض الناس بجد لززززقة خلاص الواحد يفهم لنفسه .

اابوعمر العتيبي · 18-04-2008, 03:48 PM

اقتباس

الكاتب : مزووون k.s.a [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	بصراااااااااااحة كلمات ولا اروع بس ليش المحب اذا شاف ان حبيبه ما يبغاه يتمسك فيه اكثر المفرووض يفهمها ويروح عنه ويتركه ؟؟؟؟؟؟؟ بعض الناس بجد لززززقة خلاص الواحد يفهم لنفسه .

احلى ياقاسيه ..

شفتي لو أناااااااااا ..وقام يتغلى علي راح ارسل له ..

زعلان لكن عارف أشلون أراضيك..
محد غيري يعرف بطبع خلي..
أعرفك لي منك تضايقت واشفيك؟
ماعاش من زعل حبيبي وكلي..
من نظرتك من هيئتك من تغليك..
أقرا ملامح"ضيقتك" لاتقلي..
أدري علي زعلان لكن أوريك!!
أشلون ترضى يابعد كل ملي..
ملح الحياه أني أضمك وأخليك!!
وش هي الحياه بدون جد وتسلي؟
ساعات لي خاطرأجيبك وأوديك..
وأرفع حرارة حبنا بالتغلي..
أقول"ماحبك" ومابيك..
مابيك عشان"أغيضك"بس واشفي غلي..
ولا الحقيقه أني أهواك وأغليك..
ومحبتي لك مابعدها تخلي..
ودي أحطك وسط عيني واغطيك..
عشان ماتبعد عن العين ملي..
لي غاب حسك نبض قلبي يناديك..
أشتاق لك بالحيل يابعد كلي..
أقعد أنا والشوق دايم بطاريك..
أفكارنا مابين ربط وحلي..
زعلان مني كل كلي يراضيك..
محد غيري يعرف بطبع خلي..
يالله ابتسم يالله ذبحني تغليك..
يكفي حبيبي"مد بوز" وتغلي!!

وإذا ما شفت فايده وجالس يدلع راح ارسل له ...

ياللي زعلت أزعل ولا ني مراضيك "
" اشرب كدر ماي البحر كانه iiأرضاك
لاتحسب اني عقب صدك بداريك ii"
" بعز نفسي عنك مدراك iiمدراك
اربع سنين وانا متحمل تغليك ii"
" راضي بتعذيبك لجل قلب iiأغلاك
وخليتني واليوم والله لخليك ii"
" وأدوس قلبي لينه يقول iiخلاك
قبل توريني الحسايف بوريك ii"
" ليمن قال فلان هانك iiووراك
كانك تحداني فانا اقبل تحديك ii"
" وانسى الغرام اللي مضى iiواتحداك
ماني بقايل لك عسى الله يهنيك ii"
" الله يحرمك كل ماكان iiهناك
عسى العمى ياخاين العهد يعميك ii"
" فوق الغرور اللي عن الماضي اعماك
وعساك ماتسمع قريب يناديك ii"
" حيثك تجاهه صوت محروم iiناداك
وعسى الشلل يعوق رجل تمشيك ii"
" لينك تندم ليش غيرت iiممشاك
وعسى حياتك بس فرحه لشانيك ii"
" يلقا بها الفرصه عدوك iiويشناك
وعسى الليال اللي تجيني بطاريك ii"
" يصبح عليها الصبح وتموت iiطرياك
وعسى المنام وكل راحه اتجافيك ii"
" آمين حتى اللي تمناه iiيجفاك
وعساك ماتفرح وتكثر بلاويك ii"
" وأمك تشق الجيب من عظم iiبلواك
ولا مت ، جعلك في جهنم اتصاليك ii"
" نار الجحيم ونار دنياك iiتصلاك
الله يكره فيك حتى دوانيك ii"
" غشاش خاين من من الناس iiداناك
هذي النهاية روح والله يجازيك ii"
" امسك ويومك عن هوى الغد iiيجزاك

علشان تصير فيه جلطه وارتاح منه ومن حبه

لك شكري وتقديري

بنت الإمارات ^_^ · 18-04-2008, 06:36 PM

تسلم على النقل الحلووو

اابوعمر العتيبي · 19-04-2008, 12:56 AM

اقتباس

الكاتب : بنت الإمارات ^_^ [عزيزي الزائر يتوجب عليك التسجيل لمشاهدة الرابط للتسجيل اضغط هنا]


	تسلم على النقل الحلووو

يسلمك ربي
شرفني حضورك

رافعةاللواء · 19-04-2008, 03:02 AM

خطيييييييييييييييييييييييييييييييييييييييييييييييي ييييييييييييييييييير ردك على مزوووووووون ...
يالله مزون ردي...

.+. ـيخونـ الود .+. · 19-04-2008, 03:15 AM

يعطيك ألف ألف عااااااافيه أخوي بو عمر

قصيده أكثر من رائعه .. مو غريبه على سالم سيار .. يجيبها عالجرح دوم : (

سلمت هالديات يارب عالنقل

بانتظار جديدك ..

ودّي وتقديري

يخون الود

مزووون k.s.a · 19-04-2008, 05:42 AM

اكييييييييييييد قوية

القلب هو الشيئ الوحيد اللي صعب انك تدخل احد فيه بالقوة وصعب تخرج منه احد بالقوة

وانا بطبعي ما احب انغصب على شيئ فكيف اذا كان ناحية مشاعري

لكن اذا ارسل لي الرسالة الاولى راح ارد عليه

بهذه الابيات

عيا يفهم مقصـدي وش بـه ينابـح مـا استـراح

وانــا بنـيـة خافـقـي ابـغـي الهـدايـة والـصـلاح

ياخي انتهينا روح واذلف انت مو من مستواي

لا عاد تطرق في غيابي باب من بـاب السمـاح

*********************************

واذا فارقني وسوى نفسه انه متعذب ودعى علي ما بيحرك فيني شيئ راح اقول له

كثير إللي يبي قربي ومهـــما قلت يخضع لي

كثير إللي تمنوني عددهـــــم دوم يـــــزدادي

عطيتك منزلٍ عالـــي مع إن الكل يطلع لــي

أنا في نوحي لو بيدي حشا ما أبيك تطلع لي

"يـــا عـمــي روح فـارقـنـي
فـراقــك ثــالــث أعــيــادي"

وبالفعل بيكون فراقه عندي فرررررح لي

بس البعض ما يفهم خلاص ما ابيك فارق مافيه شيئ بالغصب ترى

بعضهم علة وقلق ومرض بنفس الوقت ///