زواج ابالقوايل من سورية/ابالقوايل - منتديات منطقة الرياض
الرئيسية  ::  الأخبار  ::  الرياضة  ::  حواء  ::  منطقة الرياض  ::  معرض الصور  ::  مركز تحميل الصور

منتديات منطقة الرياض

:: شبكه قبيله عتيبه ::


عودة   منتديات منطقة الرياض > الـمـجـالـس الادبـيـة > حدائق الأدب
الانتساب تعليمات س - ج قائمة الأعضاء المفكرة إشارة الأقسام مقروءة

حدائق الأدب

اختياركم من اجمل الفنون الأدبية
(للقصائد و الخواطر المنقولة)


إعلانات منتديات منطقة الرياض

زواج ابالقوايل من سورية/ابالقوايل

إضافة رد
 
LinkBack أدوات الموضوع
  #1  
عضو جديد
 
 
صلاح العنزي في طور التقدم
زواج ابالقوايل من سورية/ابالقوايل







الشاعر الكبير والمبدع ابالقوايل يحلق بنا في هذه الملحمة الهزلية عندما تزوج //في الحلم//فتاة سورية//حامظ على بوزه//

ترى ماذا حدث له


اترككم مع هذه الصور الابداعية التي لايجيدها الا ابالقوايل صاحب التجارب العاطفية والعلاقات المخملية


زواج ابالقوايل من سورية/ابالقوايل

ابا القوايل صاح باعلى المقاصير= واحظي اللي ينعثر كل ما ثار

كبدي يشلخها رهاف السواطير= ياكن يشذب ثومة القلب منشار

من اوّلن عندي ضيوف ومسايير= واليوم ِيفزع بالعشا لي والافطار

لاواحريمي كيف راحن مخاسير= عقب الكرم ردَّت على مدَّت الجار

طارن من ايديني سواة العصافير= يابو دحيم الاوله طارت طيار

ويابو دحيم الثانيه مابها خير= عِجزت اعايرها على كل معيار

والثالثه عِلمه يجي لك بتفسير= يابو دحيم اقول لك كل ماصار

اخذت لي غندورتن من هل الدير= سوريتن حوريتن تقل دينار

من هيفن اطوالن اتلاعن مغاتير= مالاحها حرن ولا شافت غبار

اذريِّعاته كنهن الجمامير= وراسن طويل معدّين خمسة اشبار

عيونن دواويرن إنهودن مزابير= خدودن نواويرن بهن حمرة النار

نقيتها من بين كل الغنادير= كما ينقي الطير للقنص صقار

ودفعت ماهمن كثير الدنانير= ونَدّرتها تنقاة خبري وبيطار

وشلته على الددسن وجينا محادير= نمشي نهار ولظْلم الليل نحتار

مابه قزازن والبلا مابها اسبير= وإيلا مشت عشرين يطفن الانوار

والكلبليتر مابقا به مسامير= والا الاديتر باقين فيه مسمار

وكنداسته وطيته من التياسير= طاحت بالاردن قبل ناصل لعمار

وان جت مع البطناج يطلع عصا القير= وبطناجها دايم مع البر والقار

وإيلا ركبت الزفت كني على عير= وإيلا طرقت البر كني على حمار

مع البراري راح نص المشاوير= نبعد عن الرادار ماندخل ديار

نجهم صباح وبالليالي مخامير= نمشي خفا ماشافنا ولا رادار

نبعد عن التفتيش ونتابع السير= من دارهم تسعة عشر يوم للدار

وقعدت انا والبنت عامين ماغير= بس انتلاحق كننا البس والفار

ولا شفت من بنت الاجاويد تقصير= ولا اشتكت لي ماتعاني من مرار

بالبيت تدبيرن ولا فيه تبذير= ولا يفوته من كبيرات وصغار

لبس نظيف وريحة البيت تبخير= إيلا دَخلْت ارياح دكان عطار

وجاب الله وليدن لنا تقل قصدير= ابيض تشوفه لو يطفَّن الانوار

يذرف بياضن مثل صبغ الطباشير= وإلا لقاحن له اسبوعين بصرار

وقالوا اهلها هاتها دون تأخير= نبي نشوف وليدنا نسل الاحرار

ورحنا جميع نبشر اهله تباشير= ياناقلن حتفه على كتفه امرار

قالوا لي والله ماتشيله لو تطير= إلا تحقق مانبي منك واختار

وصكوا عليّه يوم جوني طوابير= وداروا علي بحلقتن دار مادار

امه تبي مطعم وبنته كوافير= واخوانها يبغون دكان جزار

وخاله يبي له موترن ٍللمشاوير= وعمه يبي ددسن او وايت وحفار

يقول انا اول من حفر بالبلد بير= بالنصف انا وياك في حفر الآبار

وعشرين فيزه للابو والمشاهير= ومع كل فيزه فزعتن الف دولار

واللي يبي فيزة مصلح دوافير= واللي يبي فيزة مليس ونجار

امورهم تمشي على دهنة السير= وان ما دهنت السير فالسير ماسار

بديارهم ضاعت على التدابير= صقرن بنجد وعندهم صرت مطيار

آقف واطيح بوسطهم تقل بي طير= مراجلي ضاعت وضاعن الافكار

ضاع الشماغ وقِطعَن الازارير= كلِّن يتلن مابـِِقىَ بي ولا زرار

عشري غدن دمن الارانب مداهير= ومنوّلن عشري يجن دمنة حوار

يقول الاول مامع الفقر تدبير= وانا ان دفعت شروطهم صرت طرار

وجيتك وخليته ودمعي شخاتير= هي والولد غصبن ولا نيب مختار

ويالله ترضينا بقسم المقادير= وتلطف بنا لاجت مقاسيم الاقدار

وتفرج لقلبن صار يكفخ كما الطير= ولولا ضلوعي كان لديارهم طار


كُتبت [ 02-05-2008 - 11:18 PM ]    صلاح العنزي غير متصل
رد مع اقتباس
قديم 03-05-2008, 04:50 PM   #2
MOoOoOM
مراقبة مجلس حدائق الأدب
" آحساسي مجنووون "
 
الصورة الرمزية لـ MOoOoOM
 
MOoOoOM مبدع بلا حدودMOoOoOM مبدع بلا حدودMOoOoOM مبدع بلا حدودMOoOoOM مبدع بلا حدودMOoOoOM مبدع بلا حدودMOoOoOM مبدع بلا حدودMOoOoOM مبدع بلا حدودMOoOoOM مبدع بلا حدودMOoOoOM مبدع بلا حدودMOoOoOM مبدع بلا حدودMOoOoOM مبدع بلا حدود
رد : زواج ابالقوايل من سورية/ابالقوايل

صح لسانه

وتسلم آخوي على آضافة المقطع الصوتي لها

والحمدلله أنه كان حلم بس

ماادري وش اقول بس احسه يستاهل الي صار

MOoOoOM غير متصل   رد مع اقتباس
قديم 05-05-2008, 03:47 AM   #3
صلاح العنزي
عضو جديد
 
صلاح العنزي في طور التقدم
رد : زواج ابالقوايل من سورية/ابالقوايل

مشكورهـ أختي ردك زاد رونق صفحتي جمال

صلاح العنزي غير متصل   رد مع اقتباس
قديم 05-05-2008, 12:04 PM   #4
خوي العز
عضو مؤسس
 
الصورة الرمزية لـ خوي العز
 
خوي العز يستحق التكريمخوي العز يستحق التكريمخوي العز يستحق التكريمخوي العز يستحق التكريمخوي العز يستحق التكريمخوي العز يستحق التكريمخوي العز يستحق التكريمخوي العز يستحق التكريمخوي العز يستحق التكريمخوي العز يستحق التكريمخوي العز يستحق التكريم
رد : زواج ابالقوايل من سورية/ابالقوايل

صح لسانه ويعطيك العافيه يابن وايل على هالموضوع

خوي العز غير متصل   رد مع اقتباس
قديم 05-05-2008, 05:34 PM   #5
تعبك راحه
عضو مؤسس
 
الصورة الرمزية لـ تعبك راحه
 
تعبك راحه مبـدعتعبك راحه مبـدعتعبك راحه مبـدعتعبك راحه مبـدعتعبك راحه مبـدعتعبك راحه مبـدعتعبك راحه مبـدعتعبك راحه مبـدعتعبك راحه مبـدعتعبك راحه مبـدع
رد : زواج ابالقوايل من سورية/ابالقوايل

والله قصيده قويه ومعبره
الله يعينه ماساه يعيني مخلين الولد طعم عشان يبتزووووووونه فيه والله نسايبه حقيرين

الله لا يبلانا
مشكككككككككككور اخوي على النقل الرائع

IN OUR LIFE
THERE ARE NO MAKE-UP EXAM
SO, CHOOSE CAREFULLY
تعبك راحه غير متصل   رد مع اقتباس
إضافة رد



زوار هذا الموضوع الآن : 1 (0 عضو و 1 ضيف)
 
أدوات الموضوع

ضوابط المشاركة
لايمكنك نشر موضوع جديد
لايمكنك نشر مشاركات
لايمكنك إضافة مرفقات
لا يمكنك تعديل مشاركاتك

وسوم vB : نشيط
كود [IMG] : نشيط
كود هتمل : خامل
Trackbacks are خامل
Pingbacks are خامل
Refbacks are نشيط

مواضيع ذات صلة
الموضوع الكاتب المجلس المشاركات المشاركة الأخيرة
زواج المسيار ينعش الشقق المفروشة بالرياض‏ زمن خارج السرب 6 08-05-2008 05:16 PM
استبيااااااااان....منع زواج ذوي امراض الدم الوراثيه.. روزانا اليامي أسرتي الجميلة 8 30-04-2008 06:20 PM
زواج جماعي بالرياض الاكبر في العاصمه دايم ؟ مجلس الرياض 16 25-04-2008 10:30 PM
زواج شاعر المليون ( أبن فطيس ) بالدوحة صنقور مجلس الصور 18 21-03-2008 02:30 AM


التوقيت حسب جرينتش +3. الساعة الآن 04:06 PM.

Powered by: vBulletin® Version 3.6.10 Copyright ©2000-2008, Jelsoft Enterprises Ltd.
SEO by vBSEO 3.1.0
Translated By vBulletin®Club©2002-2008