ياحسين لو صادفت غـرو ٍصدفتـه=العصرلاقاني على فتحـت السـوق
غرو ٍخطف قلبي وانـا ماعرفتـه=واقفايجراخطاه مـن غيرمنطـوق
الابـسـود ٍخـدرنــي بلـفـتـه=حور ٍطرف ملحوظهن ساقني سوق
موضي جبينه ساطـع ٍلووصفتـه=العنق عنق الريم واللـون غنـوق
وعـود ٍذعاذيـع النسايـم عطفتـه=غصن ٍمحيط ٍبه ثمرطلع وعـذوق
ماشفت وصفـه بالخلايـق وشفتـه=بـه ميزتيـن وثالثتهنـه الــذوق
واقفاواناماعـن لــزوم ٍكلفـتـه=اخـشـى مناقيدالمقاريدوالـبـوق
وامسيت اقاس الهم والنـوم عفتـه=و قلبي لصلفات الهواجيس طاروق
كاس المراره من عموقـه رشفتـه=نفسي مهايمة ٍعلى العـذب واتـوق
ياليـت تيارالـهـوى ماجرفـتـه=ولا عادلي يابن وجب طايف الشوق
وأن كان شكاي الهـوى مانصفتـه=عزالله انك منه ياحسيـن محقـوق