ooo فــاقـد شــيئ ooo

أخطيت يوم إني طلبتك حنانك..

لا صرت فاقد شيء وشلون تعطيه..

مهما نطق لي بالمشاعر لسانك..

شيء بدون إحساس ما أقتنع فيه..

إحساسك المصنوع خنته وخانك..

جاملتني به وانت تجهل معانيه..

مني نصيحه تنفعك في زمانك..

إلاّ شعورك لا تبيعه وتشريه..

كانك تقدر قيمة الحب كانك..

اللي يودك لا تحاول تعنيه..

يا كثر ما حبك فؤادي وصانك..

مع كثر ما تبعده كنك تناديه..

غيرك أمانه خوف والخوف أمانك..

ما كلّ من راعاك تقدر تراعيه..

حتى ولو علّيت بالقلب شانك..

أبقى يتيم الحب جرحي أقاسيه..

أعذرك لا حطيت نفسي مكانك..

لا صرت فاقد شيء وشلون تعطيه..

الكاتب : juman-777 مشكووورة بحــ الشوق ــر على الإختيار الجميل والذووق .. الله يعطيكِ العافية ..

الكاتب : MOoOoOM لآتبيعه وتشريه تسلمين على نقلها جد ... روووع ــــه هالقصيده

الكاتب : علووي الله الله عليك الصراحه قمه في الرووووعه اهنيك على طرحك واختيارك الذووق يعطيك العافيه اختي تقبلي تحياتي

الكاتب : ~وردة الرياض~ روعــــــــــــهـ يالغلاااا يعطيك العاافيهـ على النقل الجميل دمتي بود يالغلااا