مبهورة الهيل..........؟

اليوم جابتلكم قصيدة إنشاء الله تنال إعجابكم

.
.
نزف من الروح استفاضته
مبهورة الهيل ..وعلى لهيب الجمر غنيت قافي ..!
.
.
زادت جروحي لعاشقي تالي الليل
وعلى لهيب الجمر غنيت قافـي
امس انشدتني عنك مبهورة الهيل
تقول وينه عاشقـك مايشافـي ..؟
وانا من الحيرة ومن قلة الحيـل
يزداد حزني لين آخـر مطافـي
قالت اشوفك صدق متأثرة حيـل
وفي غيبته من دلتي قلت كافـي
واشوف دمعك يالوفا بخدكم سيل
لعـل خلـك طيبـن .. ومتعافـي ..؟
وش حيلتي غير الغناء والمواويل
ونظم القوافي قاف يتـلاه قافـي
أدري الوصل مابينا صعب للنيـل
رغم الذي مابيننا حـب صافـي
شفت العنا في غيبتك والبهاذيـل
والهم طوقني وصايـر لحافـي
يادلتي ... يكفي ترى هدنـي الحيـل..!
مايحتمل قلبـي ومافيـه كافـي
.
.

الكاتب : أجّودي سلمتي على هالقصيده الرائعه ،، ولكن هل هي منك أو مقتبسه من الغير . وتقبلي تقديري ،،

الكاتب : المجهول روعه بصراحه بس نفس السؤال انتي اللي كاتبتها ولا ناقلتها؟! تقبلي تحياتي...

الكاتب : البتااار تسلمين على النقل وماقصرتي

الكاتب : ~وردة الرياض~ شكرا على النقل الرااائع دمتي بود