ياسبت جروح روحي ليه جيتيني .. يومٍ قلبي نساك وعاش بأفراحه

ياسبت جروح روحي ليه جيتيني = يوم إن قلبي نساك وعاش بافراحه
توك بعد طابت جروحي ذكرتيني = صحى ظميرك بعد ما غط بمراحه
ياللي من الضحك والسلوى حرمتيني = يامعيشتني بنار وحزن ونياحه
من علقم الهجر والفرقى سقيتيني = وشلون عشتي سنين العمر مرتاحه
نمتي واكلتي وامنتي ما رحمتيني = ما كن لك عاشقٍ غرقان بجراحه
ياجاهله قيمتي وشلون بعتيني = بارخص ثمن للزمن واعباه وتراحه
ما كنك اللي بماضي الوقت شلتيني = على كفوف الغلا والشوق والراحه
وما كنك اللي عن همومي حظنتيني= حظنك يبدد هموم الوقت وشباحه
وماكنك اللي بمعروفك غمرتيني = ياموقده في ظلام العمر مصباحه
ما كنك اللي عن الدنيا عزلتيني = ما كنت أبي غير شوفك واجني أرباحه
وما كنك اللي بعبراتك بكيتيني = يومٍ حبي سكن بقصاك واجتاحه
يالي عن أكبر طموحاتي ثنيتيني = كنتي رجايه ونور القلب وسلاحه
كنتي وكنتي وكنتي بس عفتيني = بلا سبب ياظيا ها الكون وصباحه
بعد البطى والمفارق ليه جيتيني = كرهت قربك وحبك يطلب الباحه

الكاتب : بحر الشوق ما كنك اللي عـن الدنيـا عزلتينـي ما كنت أبي غير شوفك واجني أرباحه وما كنـك اللـي بعبراتـك بكيتينـي يومٍ حبي سكـن بقصـاك واجتاحـه سلمت اناملك على النقل كلمات في غاية الروعه والاتقان دمت كل ود في انتظار جديدك تحياتى لك