الفالح الليبي و بنت من لبنان ،،

المختاري · #1

كان مفتاح الفالح في ضيافة أحد اللبنانين في مصر وكان لهذا اللبناني المسيحي إبنة جميلة ومثقفة وتستطيع فهم الشعر فاستمعت للفالح وقالت له ما رأيك أن تزور بيروت حتي تجود قريحتك وتقول الكثير من الأشعار فقال لها :
يا سمحة الصيفات ****** لو كان تنتقل بيروت للواحات **** نرتاح مالتعب .
----------------------------------------------
يا سمحة التبهيتة ******** ويا سمحة السالف اللي سافيته .
ويا سمحة النهدين و التنهيدة***** ويا سمحة الهمسات والخزرات .
غلاك من غلا يمكن غلاك سطيتة **** حتي كان صار مشاكلة واجدات .
إنتي بوك في اين وقت موش قضيتة **** ايسافر وسايح بين لبلادات .
إنتي عند بوك وشنطتة ووليتة ***** كان قال هيا كلكن جاهزات .
لبناني مسيحي في الجواز هويتة **** وكل طير له وكر ودفا ومبات .
ونا وطنكم في العمر ما خشيتة **** لكن نضرتة عبر ليذاعات .
لبنادم اللي كيفي نظيفة نيتة ***** ومحروم مالحنان وعاش في عازات .
إن سافر وجاكم تنعدم شخصيتة **** إن كان من قريب جاء صداف بنات .
بالك نهار السفر يخرب بيتة ***** يصّبح أوراقة كلهن ضايعات .
ويجي للسفارة مبتلي ببليتة **** ايخمم على ضيعة المشحوتات .
وايعاود بلا حاجة على ذريتة **** مطرود بوثيقة سفر وابهارات .
--------------------------------
يا ريت يا لبنية ******** لو كان تنتقل بيروت للشعبية .
تعيشوا معانا في حياة هنية **** أحنا خوت رانا وأهل ريسالات.
أحنا كتابنا قرآن وأسم نبيه **** محمد(ص) عفيف النفس والعادات .
آمنا بكل الرسل الالهيه ***** إسلام نحترم الانجيل والتورات .
لو كان تنتقل بيروت لبنانية **** وتعيشوا معانا هنا في خيرات .
الساعة نعطوكم وطن في أرض زوية **** بين القناني وبين الغبيات .
ولا هناك متسلط ولا حزبية **** ولا ناخذوا مالغرب تعليمات .
ولا نرضخوا لحلول تلفيقية **** وافلام السلام ومضيعة الأوقات .
عطتنا حرارة الأرض الأفريقية**** صبر وجضار وعزم وايرادات .
أرجوك ترحلي لأرض الجماهيرية **** وتعيشي حداي ونرسمو غيات .
فوق الأرض تحت الشمس في حرية **** واللي فات يا بنت المسيحي مات .
وإن كانك نويتي راه موش قضية **** حتي مارادونا زار العجيلات .
********-------**********-------***********
أتمني أن تنال إعجابكم .

بدوي فاهـم · 14-06-2008, 03:40 PM

والله تستاهل القصيدة من يهدرز فيها سنة , والليبي دايرها ماشاء الله عليه , وتستاهل الدلاع وياليتني عماهم , وتستاهلون ياهل ليبيا كل خير

المختاري · 14-06-2008, 04:26 PM

اقتباس:

الكاتب : بدوي فاهـم

والله تستاهل القصيدة من يهدرز فيها سنة , والليبي دايرها ماشاء الله عليه , وتستاهل الدلاع وياليتني عماهم , وتستاهلون ياهل ليبيا كل خير

ههههه حسبت إنك ليبي والله لولا شفت ملفك الشخصي على اليمين كنت كلمتك بلهجتنا خخخ

ستار لايت · 13-08-2008, 02:29 PM

لنقنك منور خوي على الموضوع هضا والله عجبني

وانا فرحان لقيت ليبي زيي هنا

بس القصيدة هدي انت قايلها او كيف

14-06-2008, 03:40 PM	#2
بدوي فاهـم عضو مؤسس	رد : الفالح الليبي و بنت من لبنان ،، والله تستاهل القصيدة من يهدرز فيها سنة , والليبي دايرها ماشاء الله عليه , وتستاهل الدلاع وياليتني عماهم , وتستاهلون ياهل ليبيا كل خير اللهم صل على محمد وعلى اله وصحبه وسلم , يالـلـه الـتـوفـيـق

13-08-2008, 02:29 PM	#4
ستار لايت مـحـظـور	رد : الفالح الليبي و بنت من لبنان ،، لنقنك منور خوي على الموضوع هضا والله عجبني وانا فرحان لقيت ليبي زيي هنا بس القصيدة هدي انت قايلها او كيف

مواضيع ذات صلة
الموضوع	الكاتب	المجلس	المشاركات	المشاركة الأخيرة
كل شي عن رسول الله (صلى الله علية وسلم) من مولدة وحتى وفا ته موسوعة كاملة	brince.vip	المجلس الإسلامي	53	05-07-2008 12:16 PM
الخضر يفوز على لبنان	النوووي	عالم الرياضة	5	04-06-2008 12:38 AM
السعودية 4-1 لبنان [ الاهداف للجوال والكمبيوتر ] .	hoajs	عالم الرياضة	4	03-06-2008 11:21 PM
استمع يا لبنان	عبداللطيف أحمد فؤاد	أحاسيس ماطرة	0	10-05-2008 06:23 PM
صــــفاتـ بنـت الســـــعوديهـ صــــح...........	مغروره بكيفي	حدائق الأدب	4	04-05-2008 08:12 AM

الرياض ا:ا المنتدى ا:ا الأخبار ا:ا الرياضة ا:ا حواء ا:ا منطقة الرياض ا:ا معرض الصور ا:ا مركز التحميل ا:ا طلب إعلان

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق

الفالح الليبي و بنت من لبنان ،،

حدائق الأدب