حدائق الأدب

زمن · #1

ياللي تدورها عليّه من سواتك وش لقيت

00000000000 غير العلوم الطيبه والخايبه مالي بها

تلعب بذيلك يالمغفل تحسب اني ما دريت

0000000 وألا انت أنا خابرك وعلوم الردى تحري بها

بانت خفايا لعبتك يوم انكشف لي ما نويت

000000 تمشي على اللي ما يعرفك وألا أنا داري بها

هقيت فيك الطيب لكن ياخسارة ما هقيت

0000000 عقرب ثرى وأشوف رزّت هالزمان ذنيبها

منتب كفو لاهل المراجل وانت عمرك ما وفيت

00000000 لا ياضعيف النفس نفسك ما تدور عيبها

يمدي الليالي تدرسك أن كان في دربك مشيت

00000000 لا واحسافه خوتي راحت معك يا طيبها

لا تحسب ان نفسك وصلت أعلى المراتب واعتليت

0000000 من لا يروم المرجله لا بد ما يصخي بها

أقصر خطا رجلك عن اهل الطيب دامك ما عنيت

0000000 واهل القلوب الحاقده بالله وش نبغي بها

خنجرك في ظهري وانا لي مدة ٍ ما قد شكيت

00000000 لكن ترى بعض الاوادم واجب ٍ تأديبها

خلاص أبنهيها معك وأقراء القصيده بيت بيت

0000000 والعقرب اللي فالثرى والله لأقص ذنيبها

الشاعر

عزام بن عبدالله الخريف