اخو نانسي

ابو مهند · #1

كنت مسافر بالسياره للشرقيه ,, وقفت اصلي العصر ,, بعد ماخلصت , ركبت السياره ,, اشغلها مافيه فايده ,,

وقفت على الخط اكثر من ساعه !! ولا سياره وقفت ,, كان معي فستان شاريه للمدام ,, لبستهووقفت ثاني مره على

الخط ,, ورفعت الفستان الين طلعت العصاقيل (اغراء ) وأول سياره جت ,, كانت تريلا ,, ضرب فرامل حفر فيه

الزفلت !!! ورجع ورا ,, اول ماوصلني شنبه وقال :مرحبا اختي اي خدمه ؟؟ قلت : والله تطاقيت مع زوجي ومثل

ماتشوف نزلني هنا !!! قال افا وانا اخو نانسي ,, اركبي اوصلكركبت معه ,, وطول الطريق ينتف بشنبه ,, وحاط يده

على ...... ( القير ) قلت ماعندك شريط راشد الماجدالجديد قال وش بن ماجد ماعندي الا بشير شنان !! شفت انا ساره

وانا بالسوق اسير هي كلمتني وانا كلمتها !!! قال بالمناسبه معاك ابو شنب ,, قلت واضح ,, قال ماتعرفنا ؟؟؟ قلت

معاك دينا ,, حشاكنه اسم موتر !! قلت معك دخان ( والله الداشره ) قال معي ابو بس !! ولعت الزقاره وحطيت رجل

على رجل وهو يحرق في الدخان وينتف شنبه !! وصلنا محطة بنزين ,, قلت خلاص نزلني هنا ,, قال علي الطلاق

ماتحولين الا في الدمام ,, قلت وبراسك ,, وصلنا الدمام قلت : بس وقف هنا قال علي الطلا ,,, قلت بس لاتكمل ,, جيت

احول وعينه على العصاقيل ,, ونسيت اغطيها وشاف الشعر !!! طير عيونه فيني ,, ويوم ضمنت النزله قلت بصوت خشن

يابويا اش بك متنح ؟؟ قال اعقب وانا اخو نانسي ,,,

المجروح · 26-02-2004, 10:49 PM

ههههههههههههههههههههههههههههههاي ههههههههههههههههههههههههههههاي

ابك ابك ابك وش عونه اخو نانسي

والله رهيبه بس العصاقيل كان شفت لك حل لها ......... اما تلبس لك هيلا هوب والا شراب طويل والا ترنق رياضه

بنت النور · 27-02-2004, 05:01 AM

ابو مهند

هههههههههههههههههههههههههههههههه

وربي يالله قدرت اكتب من ردتي من الضحكه الطووووووويله

جدران غرفتي طلع لها صدى وتشلخت

اما لعصاااااااااااقيل ههههههههههههههههههههههههه الله يرجك

قسم بالله مت مت مت مت ضحك

وربي قصه حلوه واتخيلك والله على الطريق هههههههههههههههههههههههههههههه

بس على قولة المجروح ترى معد يسمونه هيلا هوب يقدمك ياخي يسمونه الحين كولون ههههههههه

لاو من زين الطبايع رجل على رجل هههههههههههههه

الله يرجك قل امين من راسك الا مخمص قدميك

تكفى يابو مهند لاتطول علينا من قصصك الحلوه وربي شي

ابو مهند · 28-02-2004, 08:49 AM

اخوي المجروح اسعدني مرورك واسعدني اكثر الابتسامه اللي على شفاهك

ابو مهند · 28-02-2004, 08:51 AM

والله يابنت النور انها اسعد اللحظات اللي قدرت ارسم ابتسامه بداخلك

لك مني اجمل تحيه وتقدير على تشجيعك المستمر

بنت النور · 29-02-2004, 05:06 AM

شدعوه بومهند خل عنا الرسميات

انت تستاهل كل خير

المجروح · 29-02-2004, 07:43 AM

الله يجعل البسمه ما تفارق لا شفاهنا ولا شفاهك ولا شفاه كل مسلم ونبي قصص مغامرات زي كذا بس على شرط انت البطل اللي فيها ماشي

ابو مهند · 29-02-2004, 09:54 AM

تسلم اخوي المجروح انا البطل وانا الكاتب وانا المخرج ,, ولا يهمك

بس لاتحرمنا من مرورك يابعدهم

تحياتي لك صديقي المجروح

الاصيلة · 29-02-2004, 02:34 PM

اخوي ابو مهند

قصة مره رايقة ربي مايحرمنا منك

بس اهم شي العصاقيل هههههههههههههههه

ويسلموو

اصوولة

ابو مهند · 29-02-2004, 02:52 PM

ولا منك يااصوله وشاكر دعمك لي

مع اجمل تحياتي

مواضيع ذات صلة
الموضوع	الكاتب	المجلس	المشاركات	المشاركة الأخيرة
∞‡¦… الكل ينادي بشرف البنت....ولكن....اين شرفك انت ايهااا الشاب؟ …¦‡∞	العمري	المجلس العام	10	07-03-2007 11:12 PM
اين هي الإجابه ؟؟؟	بنت الاديب	المجلس العام	36	07-03-2007 12:53 PM
اين نحن منهم ...	بنت الاديب	المجلس العام	18	07-02-2007 07:26 PM

اخو نانسي

اختر اللهجة اللي تبي واضحك ....!! فله لاتفوتكم هههههه

الكوخ المهجور

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق