اوووريدوو زوووجآآآ

في يوم من الايام و بعد ما كنت قد بلغت سن ال16 عشره سنه

وصرت حرمه وش ملحي ( ايه طيب1)

ايه صح السلام عليكم ( بدري)

نعود لموضوعنا


يوم جاي عمري 16 عشر سنه ( موب كني مبسوطه اني وصلت 16 اكيد لازم انبسط لان الي مثلي حدهم الى 12 سنه وينقرضون )

وطبعا انا من متاي وانا مشفوحه وابي اعرس وابي يصير لي بيت بروحي احوس فيه على تسيفي و اجيب لي بزران عشان اكفخهم ( تحسوني من جد معقده بس موي مني من ال تكفيخ الي جاني وجهي صار كنه خبزة تميس)

وش اسوي انا في البيت اخواني كلهم عيال ويعدوني ولد مثلهم حتى اني البس صرواليهم السنه يقولون اني ما افرق عن خششهم الا اني مهنا شنب بس يقولون انتي اذا اعرستي تدفعين نص المهر لانتس ستاندر وزواجه منتس هو تبرع منه لي انقاذ البشريه)


ويجي هاك اليوم وقالت امي ترى المسكين بيجي اليوم بيشوفتس الله يستر ( ميب مصدقه انها راح تتئهل لدور النهائي)

وروح لغريفتي واقد اتكشخ ومشط في ذا الشوشه اليكنها الزرع الي في البر الي يصير عنده جحور الجرابيع (كلي تبن ولا يكثر) واجيب هاك الديرم الي اذا حطيتها في براطمي تقول كني ما كله كبده نيه همين رحت ادور لي الكحل ولا لقيت واخذ لي فحمه واشخبط فيها على وجهي حتى اني كتبت مع تحيات ام سندر اسيرة المنفوحه

و تجي لمي اميمتي عشان تتفقد الوضع وهي الي تويق ( تويق= تطل = تناظر ) علي من باب
وتطلع عيونها
امي : هو هو هو هو (علامة استغراب وتفهيه)نعنبو دارتس وش مسويه بروحتس؟؟؟
انا : وش رايتس فيني منيب اهبل كني رباب ايام الشباب
امي : اقول هذي الي تبي تطير الرجال عللينا يا الخبله حنا يالله لقينا واحد يرضى فيتس انتي و ذا الشوشه الي كنه حبشيه شايله بسطتها وبعدين وش ذا الريحه المخيسه؟؟؟؟
انا : وقسم بالله ما سويت شي
امي: انتي سبحتي؟؟
انا : ايه سابحه قبل شهرين يوم نروح لعرس ام دحيم

امي: يالله انك تغربلها يالله قدامي للحمام يالله

وتوديني امي للحمام والله يا طلعت كائنات غريبه

كل شوي اشوف شي يطيح والباقين متعلقين ويصايحون له وهو قول انتبهي للعيال يا قميله

<---- ضاق صدرها حرام افرقهم عن بعض وانا الي القطه وارجعه في مكانه قلت ياله عيشو مع بعض وهم يقولون لي الله يرحم والديك ما قصرتي

حتى اني يوم جيت البس هدومي طلعن وساع علي كلها كانت شوائب

وتلبسني امي وتحط لي جدايل لزوم الرزه وهاك القميص الاخضر الي منقط ببردقاني ( يلعن ام الذوق بعد) وتفرق هالشعيرات وتحط زيت زيتون لينم غدا لمعته تقول كني سباحه بفيري
وتطيبني بهاك الطيب الي كنه قاوروة ميرندا بالجراوه ( ميرندا سبشل) كنه هذاك الطيب الي مع درب درب ذاك القزم الي يرش فيه ( ميب عجوز ابد)

وريحته كنها ريحت هنود في عيد الفطر

والله وهي الي تقول لي يالله قدامي اشوف روحي عشان تدخلين على زوجتس ( والله يا امي مستعجله من جد تبي الفكه مني الرجال ما بعد خطب وتقول زوجتس) وانزل وانا اتمخطر في المشيه قالكم اتدري على حركات التميلح ومير اتكرفس من الدرج واتعلق بجدايل اميمتي وهي الي تخبط وراي عادي هي مشاء الله كبري 7569375983 مره وتوطاني وصرت كني قوطي سن توب واطيته سياره وهي الي تقوم وتقول حسبي الله عليتس من بنت وتجي بتكفخني بكعب قلت لها للحظه للحظه

قالت وشو قلت لها انا متشوهه خلقه تبي تشوهيني زود والله لا اقعد على تسبدتس ولا ياخذني فكرت هي وقالت اول مره تقولين شي صدز بس هين خليه يطلع وانا اوريتس ( والله الام بعد فاقده لشي اسمه حنان الامومه شكلها تايوان)

وانا الي اركض وتلني امي مع شوشتي و اهبد على خشتي وهي الي تمسك رجي وانا ازحف ازحف ابي اوصل للمجلس عشان اشوفه وهي ماسكتني بيدينها ومتعلقه في الدربزين حق الدرج برجلينها
قلت لها فكيني وافك واهي بحركه سريعه تقلبني وتربض فوقي وتقول بلا خبال اهجدي دخلي معتس العصير له 00 قلت لها انتي دخليه انا عروس ما اشتغل


وعلى طول بحركه خطافيه ثانيه تحط راسي تحت اباطي وتقول لي تهجدين ولا لا (عربجيه ذا الام) وشوي الا انا مغما علي لاني حاطه مزيل للعرق في الاباط ولا بعد تعودت عليه وانكتمت ( ابوتس يالمخيسه)

ويصحوني ويعطوني الطوفريه الي فيها العصير وقالو لي ادخلي عليه يالله انا من اللخمه ( للخمه = الحوسه) شربت العصير وتمسكني امي وتحط راسي في المغسله وتكب علي مويه وتقول هاه صحيتي ( لا تخلونها تشوف افلام)
يا سفاب السشوار بس ( يعني استشوار للقراوى) ويعطوني عصير ثاني وانا الي امسك الطوفريه واقعد اتنافض موب من الحيا لا بس من زود الشفاحه ودي الصير ثقل بس عجزت
وادخل عليهم حتى اني داخله بالريوس قالكم اني استحي ( الا قولي ما تبينها يناحش من خشتس ) وطبعا اطفي النور واقول لهي اطلعو كلكم وخلونا بروحنا

وهو الي يرتاع ويقول وش تبي تسوين فيني قلت له لا تخاف لا تخاف انا عندي اخوان واخاف ربي ( وش تبي هذي؟؟؟Tpb01) قلت له وش اسمك وهو يناظر فيني وهو مرتاع ويقول اسمي علي 00 وانا اضحك قلت وش يقرب لك علي عبد الله صالح ( مسويه تبي تنعش الجو هي وخشتها)


وهو الي يبتسم ابتسامه خضراء ويقول ممكن تولعي انور ابشوف وجهك قلت ليش وش قصدك يعني انا نوري ما يزي ( يكفي) ( والله اني ذهينه واعرف اصرف) قال الا بس ابي اشوفك قلت له معلي ما عندنا بنات ينشافون قبل العرس ( منحقي ابي اضمن مستقبلي والله لو يشوفني ان ينحاش ويفضحني) قال لا لازم اشوفك

بس تبون الصدز يا هو اطخم يشبه جواد ( له حق ياخاف على روحه) قلت له عندك نكته ( يلعن ام السواليف) قالي لا انتي عندك ( تحسون انه ياخذني على قد عقلي) قلت ايه 00 قال وشي؟ قلت وشي؟؟ قال النكته ؟؟ قلت وش نكتته؟؟ قال الي بتقولينها ؟؟ قلت الحمد الله بس اسكت لا حد يسمعك (
قلبت عليه)

قلت ابسئلك سؤال ؟؟
قال اسئلي عيوني
هو قال عيوني ولا ما قال وجاني مغص وحسيت اني حامل من الخقه

قلت له انت عيوني وضروسي وخشمي واصبع رجليني بعد


ضحك وقال مرسي 00 قلت هوهوهو وش امرس وخزيااه عيب
قال لا لا تفهميني غلط انا قصدي مرسي يعني شكرا قلت ايه عز الله مقامك

المهم قلت له انت هلحين اول ما طلعت من بطن امك انت رجال او مسوي عمليه عشان تصير رجال كانك مسوي عمليه تراها فشلت ( مسويه ذهينه) وهو الي يناظرني ويقول وااااي ليش تقولي كذا ؟؟ قلت له ابد بس ممكن تبادل تعطيني وجهك وتاخذ وجهي سبوع اشخص فيه

قال لي انا كلي لك عيوني

<----- جاها زيران

وبعد ما قمت افحط في المجلس تقول كني قطوه محجرين لها بزران في عشه جيت لمه وقلت قلت له صدق تحبني يا علي
قال ايه حبيتك لاني احس فيك خشونه انا افتقدها قلت من ناحيت الخشونه خذ حرمه وارز رجلي في خشته واوريه التشققات الي في اسفل رجلي قلت تصدق اني اذا مشيت اسحب الفرشه الي تحتي من زود التشقق

قالي لي اوكي عيوني انا الحين لازم اروح

قلت له وين بدري هو دخول الحمام زي خروجه يالله
قال وشو؟؟ قلت يالله ملك علي وتزوجني لا افقع وجهك ( والله اني اعرف اقنع) ومن حضي انه طلع دلوعة امه وزلابه يخاف قلت له يالله تزوجني الحين وانا بدفع المهر انا مجمعه في حصالتي 17 ريال ونص حقت فسحه خذها مهر

ضحك وقال طيب اليوم اجي اتزوجك

وطلع


و الحين لي 35 سنه وانا احتريه لعنبوه سحب علي ( اصلن انا ما ابيه خكري )


<----- اتعفط على للون وش ملحي ولا باربي بسم الله علي

ملااااحظه : اول شي لو اشوف وااحدن متميلح وقايل انه قد قرى الموضوع بزنوبه على جبهته وبقول له اكيد لانه انا يا ذكي منزلته بكم منتدى وبجرب عندكم اذا شفتكم سنعين استمريت

ولا ترى بروح واخليكم وبكيفكم


<---- لا تفكين اجلسي ( والله ما درو عنتس انتي وضروستس الي كنها عصاقيل شياب صافين طابور

اقتباس والله وهي الي تقول لي يالله قدامي اشوف روحي عشان تدخلين على زوجتس ( والله يا امي مستعجله من جد تبي الفكه مني الرجال ما بعد خطب وتقول زوجتس) وانزل وانا اتمخطر في المشيه قالكم اتدري على حركات التميلح ومير اتكرفس من الدرج واتعلق بجدايل اميمتي وهي الي تخبط وراي عادي هي مشاء الله كبري 7569375983 مره وتوطاني وصرت كني قوطي سن توب واطيته سياره

قسم قسم جوناااااان بيني وبينك عليك اسلوب ولا اكبرها عربجي يقدر يكتب مثله (بلييييز تعطيني كورسات)

لو كان الموضوع كاتبه تمساح كان قلت انه شايل على الجنس الناعم تووووو متش وحاقد فوووور شوووور

بسسسسسس لحزززززززززززززززززه انا قد قريت الموضوع (خبله وبايعه عمرها ومهويه هندرد بيرسنت)

احمممممممم قريته تو بوب في مكان ثاني آت اووووول (خفت من زنوبه على جبهتي تضيع مستقبلي)

بسم الله عليك انتي بوب باااااااااااربي حرام نظلمك يا قمرررررر انتي فوووووووللللللللللاااااااااه

تشنكراااااااااااااتي يا كندريلللللللا المنفوووووحه وتشااااااااااااااااو






~ د.رهف وريوف دوت كم ~