الاستراحه .. وماصار فيهــا من احداث .. ارعص وشووف العجب العجاب !!

اسير الحزن · 16-05-2005, 05:31 PM

اقتباس

الكاتب : خالد اليزيد


	أقول ياأسير الحزن بأحاكيك بلهجة الأهل إيدك وما تعطيك << مقطوع سره في لبنان وأتحداكم أنت والمجهول وإذا ما تخلوني حكم بأكسر قزاز في الملعب يا أنا يا أنتم هع أقول مجهوب بن سعود يا ويلك مني المره الجاية بيجي معي باوزير <<< يهدده وكانكم تبونه معكم أشترو عقده مني يا حبي لكم وربي كل ما أتذكر هالطلعة أقول الله يجازي الي كان السبب من الفرحة طبعاً والموت قادم في نهاية هالشهر وتقبلوا تحياتي

^
^
اقول لو تجيب معك ابو عذااااب يلعب معكم ماراح تفوزون

وعلى قولة المثل الروسي <<< بيخترع مثل

يد ماتقواها صافحها يبو خالد

وبعدين حتى لو تحكم انت ماراح تفوز <<<< واثق في قدرات فريقه وخاصه المجهول معه

وبعدين بدينا بشغلت الارتجاف والخوف وتجيب لاعبين عادي لو تجيب نادي النصر كله يلعب معكم

<<< وش فيك على نادي النصر

وبعدين بيلعب معنا المباراه الجايه لاعب كبير

ابو مهند بيكون موجود ولا طبيت عليه بالشيرتون واخذته معنا

<<< مايعرف قصة الشيرتون غيره وابو مهند

أجّودي · 16-05-2005, 05:58 PM

السلام عليكم ورحمة الله وبركاته

مسيكم بالخير في تالي الليل وصباح الخير في اوقات المدارس والدوامات

<< أنواع النكد

أول شيء ما ارحب بالتعليق المدبلج من منسدح اللي محطنا ولعب علينا بحتسيه

لأنه فريق ضد وعدو في نفس اللحظه لأننا أنا وياه كنا

<< شوفوا البرائه بس حقد علينا بالأخير لما هزمناهم

طبعاً لما يكون خصمك القاضي من تقاضي

وبعدين ترى فيه سر خطير اشوى أنهم ماذكروه

طلعت الكورة برى الإستراحه ورحت يقال لي ذيب أبي أجيبها [ تعرفون شغلتي أطرد كور

] وأمحطهم نص ساعه ينتظروني والكورة قريب وأنا رايح أدورها بعيد [ يقال لي أصرف علشان أريح شوي من التعب ] << لا ياشيخ

ولما طلع نويصر قال ماتشوف الكورة وين انت رايح قلت لا تفضحني ناسي النظارات ولي ساعة أحوس وأدورها

ونرجع للإستراحه والعذر إن الكورة وصلت الرياض

<< بالحيل .

وأما سالفة الغش التحكيمي ترى ما أحد يعد الصدز فيها وغير الكلام اللي ماذكروه عن الحكم اللي من حين يقول فاول وقفنا كلنا كأننا عياله نعطيه الكوره ويشوت وتطلع برى ويقول هدف ونحسبه له وش نقول غير إن النتيجه معروضه للجميع 10 لصالحنا ومطلوبين هدفين لنا

.

والمجهول مايعصب أبد ياشباب ارجعوا دافعوا تذكرت حرب العراق والأفلام الأمريكيه

لما خلصت المباراة بفوزنا طبعاً [ لا يروح يوزرك ]

طلع الملعب ملون أخضر وأسود وتبين بالأخير إن اللون الأسود من كثر ماينتف شعره المجهول من العصبيه اللي أثارت بعض الأمطار الجانبيه بالأخير نشف المجهول وأنفجر

ما ألومه

.

أبو خالد ترى الحب اللي بيني وبينك أنتهى وبكذا أعلن عن قتل الحب في قلبي

أبو مشاري لا تشره علي إذا شفتك ما ألقى غيرك أحط حرتي فيه من كثر ماتكسرت من أبو خالد

يعني عادي هالإصابات اللي فيك على حساب أبو خالد ولا تنسى الشباب بعد كلهم

الحالم ترى الحركه اللي عند المصلى لا تشيل همها ولا تحط يدينك على عيون اللي ماشافك وتسوي رومانسي بس أهم شيء لا يصير تأثرت

الناعس ماعليش ترى كل ماشفتك سبقتني ولا عديت مني أنا اللي اسحبك مع شعرك وانكب فيبو

تبيني اشوفك تنقز تبي تسجل هدف واخليك معصي

اسير ترى والله اني حبيتك بزيادة بعد ماشفتك طلعت وجلست مع الجمهور وتخليت عن أبو خالد

ناصر والله أني أحبك من زمان بس يوم شفتك تماشي أبو خالد وأنا حبي لك باد[ن] يرقل ماهوب على خبرك يعني يمديك ترجع لمستوى حبك وتتنازل عن أبو خالد لا يغرونك العواذل

منسدح الصراحه كنت حاقد عليك بس سبحان الله تصدق رحمتك بعد ما افتر وجهك 180 درجه بعد صفقة الكورة بوجهك والنظارات اختفت نصها دخل بوجهك والنص الثاني مالقوه

بس ماعليك ياقلبي أخذت منها درس إني كل ماجيت حارس ويقال لي الدعيع [ ما أجي ربعه شلون الدعيع ] << مشوها

يعني فوق هذا كله إذا جاء احد يبي يسجل هدف هجيت وتركت الباب فاضي يعني هذا سبب هزيمة الفريق ولا المستوى ترى ممتاز << كب العشاء

[ ياحبني لك ياشيخ بس بدون نظارة ]

ننقز لفريقنا :

المجهول فيه عيادات أدما يعني يمديك تعيد شعرك

ولا تحزن على مافات ياشيخ يمديك تعوضها مع أبو خالد بالبلاي ستيشن

ومافيها لا تكسير ولا غش حكام إلا إذا كان يبي يحكم هو مافيه أمل تفوز

فيبو ياحبني لك ترى اللي يضحكون عليك عذال منقهرين مايحبون المحترفين وترى من كثر مايضحك ابو خالد طلع له براطم بجبهته

بس صوت البراطم الثانيه متغير

فتى الرياض ترى حسبتك مع الأعداء وبغيت أطعنك وأقول شهيد الواجب من كثر ماتركض قلت هذا جاسوس مزدوج تلعب مره معنا ومرتين معهم بس المره الجايه مانيب لاعب معكم البته ابدن

رياح الشوق الصراحه ما اقدر اقول شيء اخاف اظلمك لأني ماعاد ادري وين انت بين القصيرين اللي عند باب العدو

ترى الشوف شوف صقر بس اقول اني ما اشوف زين علشان ما احد يعطيني عين [ وجه مصري مستحي[ن] بالحيل ]

.

رومانصي ياصديقي ترى لعبك رهيب بس إذا جيت عند الباب تبي تسجل ماعاد اشوفك تنعدم الرؤية ما اشوف الا نخل

اشكال سؤال يقرقع بدميجتي تبي تلعب المباراة الجايه ؟

ولا تبي تحترف في الفريق الثاني مثلي يعني مع الجمهور [ خلك مثلي قبل ماتنتهي المباراة هجيت مع الجمهور ما أحد جاب خبري تدري ليه ؟ لأني لابس ثوب ] ترى هذا فن الإحتراف

. ما انت خسران ترى يمديك بالمره الجايه .

الزعيم ودي اقول لك شيء بس الشيء هذا ماينقال ابد يعني تحسه بس << اذا فهمت علمني وش ابي

بندر ومن الحب ماقتل الله يا أيام السطح بس من بعد الإستراحات أشوفك باد[ن] تصد عني وتلتهي بغيري كخخخخخخخخخ

<< ماسكه حب معه ماخلى احد من الأعضاء الا يبي يبتليه ويقول له احبك

محامي المرأه لا تقاطعنا خلنا نقزك في الأيام الجايه << بس لا تجلس مع الجمهور

معانق مالك حس ولا خبر ياقلبي خفت ان الاستراحه ينقلب جدارها كله ذكريات وكتابات منك ومن مهاجر

فهد غايبه شمسك ولا الادهار بالحتسي انت ومعانق ماخلى لكم ظهور على الساحه

[ الله لا يفرق الجميع ] . ويجمعنا وياكم على خير .

ولد الرياض <<< ترى كان يلعب بس حسبي الله عليهم اتعبوه وكان يبي يضيع مستقبله لولا العودة المبكره

ابو مهند ترى ودي ارد عليك وانا زعلان بس القلب مايطاوعني عليك أنت بالذات ومع هذا أقول لك ياكثر ماتواعد وتخلف

عمار ترى من زمان عنك يا الشين ومشتاقين لك بالحيل

<< ترى الحسد يضيع الحب << ماقلت لكم ماسكه حب معه كخخخخخخخخ .

الحكي مني يضيع والوصف خلال لقاكم ما أحد يوصفه بالكلام ثلاثة منتديات أتواجد فيها قبل مجالس الرياض لكن رغم تواجدي المستمر فيها لم أجد ماوجدته من تواصل وأخوّه وترابط يربط الجميع .

ما أقول غير الله لا يغير على الجميع هالتواصل والموده الدائمه يارب وجمعنا وإياكم بجنات النعيم .

لا أحد يزعل ويشيل بخاطره شيء من التعليقات اللي سويت فيها زحمه وصجه وضجه

واللي يبي يزعل عادي [ ترى ماهو عادي يزعل ] يعني عادي يطلب من المشرفين يحذفون إسمه

وفي النهاية تعيشون وتآخذون غيرها والنتيجه لنا

بس ما أدري كم فزنا من كثر الأهداف [ عيني علينا باردة ]

وماعليش على طول الحتسي والكلام اللي ماله داعي .

وأعذروني على طول الكلام

وفي الختام السلام

قحشة مصاقيل · 16-05-2005, 06:10 PM

8
8
8
8
8

ههههههههههههههه صادوه

اسير الحزن · 16-05-2005, 06:53 PM

^
^
هذا عاجبني فيه التعصب لنادي الهلال والمهارات الفرديه الي كانت في الملعب

واهم شي انه قال الكاس يمكن ماناخذه العلم عند الله <<< عجبته هالكلمه والله

رغم ان الزعيم واثق الخطوه يمشي ملكا الا ان جمهوره لم يهضم حق القادسيه وهذا الي شفته في ولد الرياض

aob · 16-05-2005, 07:41 PM

الحمدالله على السلامه من عناء الرحلة

وجمعه اكيد حلوه بوجود الوجية الطيبه

نحن في انتظار الصور حق الرحلة

والاهداف ولقطة لنظارة المجهول وهي منكسره

لا تتاخرون في تنزيلها تقبلو تحياتي .

م ـحـمـد · 16-05-2005, 11:53 PM

اقتباس


	اشكال سؤال يقرقع بدميجتي تبي تلعب المباراة الجايه ؟ ولا تبي تحترف في الفريق الثاني مثلي يعني مع الجمهور [ خلك مثلي قبل ماتنتهي المباراة هجيت مع الجمهور ما أحد جاب خبري تدري ليه ؟ لأني لابس ثوب ] ترى هذا فن الإحتراف . ما انت خسران ترى يمديك بالمره الجايه .

ههههههههههههههههه والله انك جبتها يا الاجودي
ذاك اليوم انت جالس مع الجمهور والمجهول ماجاب خبرك وانا يوم انحشت ودخلت بين الشجر طلعني ماشاءالله على عيونه من ورى اشجر يناديني لا ويقول اشكال ياقلبي لاحظ الدلع ياقلبي عشان اخق ورجع

لا بس الوعد المره الجايه باذن الله فايز المجهول فايز لو ارجع للبيت على اسعاف بتعلق في غارب ابو خالد كني شبث لين اكسره

$النــal_na3sـــاعــس$ · 17-05-2005, 12:04 AM

[quote=أجّودي][الناعس ماعليش ترى كل ماشفتك سبقتني ولا عديت مني أنا اللي اسحبك مع شعرك وانكب فيبو

تبيني اشوفك تنقز تبي تسجل هدف واخليك معصي

[/][/QUOTE

اما انت يا اجوودي مفرووض ماا تقوول شي عن المباارت لئنك اصلن منت موجوود دااخل بلعشب هههههههههه

واذا جينا للمهاراات نسيت يوومك تشووتني يا الدب بس انا عشاانك صغير خليتك ولا كاان علمت عليك ابوو خالد ههههههههههههههه

<<معليش يا شباب تراا ابو خاالد صااير ابونا بلأسترااحه ههههههههههههههههههههههه

الوعد المبارات الجاايه يا اجودي هههههههههههههه<<اي مبارات يبو

تحيااتي لكم

سنعوسي 111 · 17-05-2005, 12:22 AM

كان بالأمكان افضل مما كان
كنت موجود بالرياض ولاكن نسيت الدعوة !!!
مع اني جاي من أجل الهلال والأجتماع ولاكن هذا حظي لا حضرت لكم ولا شفت المباراه في الملعب لضروف حصلت ؟!

@..الــحــالــم..@ · 17-05-2005, 02:17 AM

<------------- توني بلير أقصد توني جيت

الحمد لله محد أنتقدنا ولا شي هذا دليل على أن اللعب سليم

جيت اقول كلمه وحده لأبوخالد

:

(((( لا

يهموووونك

))))

حطني على يمنااااااك ويبطووون عظم خخخخخ

شوفو يا شباب

ترى التحكيم كان حلو

بغض النظر عن الهفوات التحكيميه

وهذي الهفوات لأن الملعب كبير والحكم يلعب مدافع ويحكم بالمباراة

عشان كذا يطالبونه بشي فوق طاقته

أتمنى لكل المشككين في المباراه ان (( يبلعون )) العافيه

ههههههههههههههههههههههههههههههههههههههههههههههههه

وبعدين ترى بتحكيم او بمهاره او بلعب او بحظ

المهم الفوز وفزنا والتحدي وكسبناه

وما نبي اي (( هياااط )) ثاني

هههههههههههههههههههههههههههههه

<-------------- شارب بايسون مع بيبسي خخخخخ

اتمنى تنبذون التعصب وتعترفون بالهزيمه خخخخخخ

أجودي

لاعاد تسوي هالحركه

بغيت اصيح هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هه

بس خلها مستوره

منسدح في طريق العليا · 17-05-2005, 09:24 AM

اقتباس


	أول شيء ما ارحب بالتعليق المدبلج من منسدح اللي محطنا ولعب علينا بحتسيه لأنه فريق ضد وعدو في نفس اللحظه لأننا أنا وياه كنا << شوفوا البرائه بس حقد علينا بالأخير لما هزمناهم

8
8

<<--- جالس يفرك دمجته يبي يتذكر هزيمه

اخبــر اننا فايزين عليكم في الفتبول

وكاسر راسكم في البلوت والا نسيت الاربع ميه

اقتباس


	منسدح الصراحه كنت حاقد عليك بس سبحان الله تصدق رحمتك بعد ما افتر وجهك 180 درجه بعد صفقة الكورة بوجهك والنظارات اختفت نصها دخل بوجهك والنص الثاني مالقوه بس ماعليك ياقلبي أخذت منها درس إني كل ماجيت حارس ويقال لي الدعيع [ ما أجي ربعه شلون الدعيع ] << مشوها يعني فوق هذا كله إذا جاء احد يبي يسجل هدف هجيت وتركت الباب فاضي يعني هذا سبب هزيمة الفريق ولا المستوى ترى ممتاز << كب العشاء [ ياحبني لك ياشيخ بس بدون نظارة ]

8
8

قصدك ساق الدعيع

وبعدين .. هاذا يدل على تضحيتنى وحبنا للفريق

يعني نقاتل ... ونحارب لأجل اعلى كلمه الحق <<--- على طاري حرب العراق

وترى واجدين يقولون اني املح بدون النظاره

حتى اسئل العجلاني ويقولك

اقتباس


	والاهداف ولقطة لنظارة المجهول وهي منكسره

8
8

استاذ اوب .. المجهول تساقط شعره .. ولم تنكسر نظارته

<<--- محسوبك الي انخرع وجهه ..وانكسرت مرايته <<--- موتر

اقتباس


	ولكنني اوعدكم بأن اكون او لا اكون .. ومن انذر فقد اعذر

8
8

في انتظار متى ستكون يابو مهند

اقتباس

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور