خاطفوا الطائرة المطافيق

الخاطفين : الو نعم ,, يا لطيب احد داق بيجر ؟

البرج : نعم ,,, برج المراقبه يتحدث معك ,,, عرفنا انك قمت بخطف الطائرة ,,, فأخذنا رقمك من شلتك في الاستراحه

الخاطفين : احلى ياللغة العربيه الفحصى المهم تأمرنا بشيء ما شيات؟

البرج : نريد أن نسأل ,,, هل بالفعل خطفت الطائرة ؟

الخاطفين : يأخي كنك الانسه قواعد .. نعم لقد سرقنا الطياره وش فيها هل نحن اول ناس والا آخر ناس والا مناب رجاجيلون هاه ..

البرج : وليش سرقتوها اذا ممكن نسأل ؟

الخاطفين : شكلك صدقي .. اولاد الحرام ما خلو شيء لأولاد الحلال,,, سرقوا كل شيء ,,, فقلنا ما فيه الا نسرق طيارة

البرج : طيب وش مطالبكم ؟

الخاطفين : والله يا لحبيب ,, الركاب في الطائرة عندهم مطالب وش نسوي بلانا الله بركاب طفارى ومشافيح

البرج : ما هى مطالبهم ؟

الخاطفين : ما ادري واجد ,,, واحد يبي بيت والثاني قرض ,,, وثالث يقول في طريقكم نزلوني جنيف وفي «وافد» يقول ما يصير كمسه شهر كفيل مافيه فلوس ,,, ومدرسه تبي تنقل لمدينتها ,,, وموظفة تبي إجازة وضع ,,, وواحد يسألني إذا اعرف أحد في الداخلية حتى يشطب مخالفاته وواحد له ست سنين على الرابعة وما ترقا .. ، وواحد يبي كفيل غارم بيطلع سيارة ،،، واللي شارعهم يبي سفلته وواحد لا يهمكم طلبه يبي الغاء قرار السماح بتظليل السيارات علشان يعرف يغازل... وذا يقول ماني حزام امان تحز ديوده وكرشته.

البرج : شيييييييت<-- ماعرفت اكتبها بالانجليزي

الخاطفين : وين الكورة بس هاه ترا ما اعرف اشوت الا وانا حافي نيههااههها

البرج : اقوووول يآخي ,,, أنا اريد مطالبك ,,, ماااا هي طلباتكم

الخاطفين : وراك عصبت ... امممم نبي من كنتكاتي ثلاثة وجبات «تشكن فيليه» واثنين ماك رويال بدون مايونيز وبيبسي وسفن حجم عائلي وخمس كيسان وترا معها عرض هديه لا يلعبون عليكم وما يعطونكم اياها ..

البرج : اقصد هدفكم من الاختطاف ,,, سمعنا إنكم سوف تفجرون الطائرة في عمارة إيفل المايل <<< يسمع بالمعالم

الخاطفين : تصدق فكرنا ,,, ولكن مبنى عمارة إيفل المايل توه ما خلص ما بعد فرحنا به و رفض واحد من الشباب ,,,وقال ما نموت في اقل من برج الحريه بس ما ندله ممكن تعطينا كروكي!!!

البرج : طيب وكيف ,,, استطعتم ان تخططوا بدقة للاختطاف

الخاطفين : ما فيه دقة ولا هم يحزنون ,,, اثنين كانوا على «ويتنغ لست» يعرفون واحد بالمطار ركبهم الطيارة وأنا حضرت متأخر ولكن كالعادة الطيارة بعد تتأخر وقعدت آكل شندوتش تونه يحبها قلبك وقاتوه من السوق الحره حقت المطار(امحق) ومعطيني معها شوكه ما ادري ليش؟؟!! وحطيتها في مخباتي ,,, وركبنا وخطفنا الطيارة بها وبشمغنا J

البرج : شمغكم؟؟!!

الخاطفين : ايه ليش مستغرب .. كتمنا بها سواقين الطيارة يعني اللي راكبين قدام لانها ما غسلت من خمستشهر واغمي عليهم على طول..

البرج : طيب ,,, لم توضح لماذا خطفتم الطائرة؟

الخاطفين : مجاااز حررررررررين

البرج : whaaaaat??

الخاطفين :
اقول لا تسب بقول لك ..بعد ما خطفنا الطيارة ,,, فكرنا ان ندور بها حول العالم ,,, حتى نعلن للعالم معارضتنا وشجبنا لاختطاف الطائرات والارهاب .. ولفت الانظار للقضيه الفلسطينيه وشمرون مدري شمروش الحمار مدير اليهود.. والضرب العمنجهي للرفقان .. واهم طلب ان امهاتنا يشوفنا في التلفزيون وماعاد يقولون لنا يالرخوم لانها تحز في انفسنا ..

وفي هذه الاثناء ,,, اقلعت طائرة حربية خلف الطائرة المخطوفة ,,, وهو يردد بالمكرفون ,, ,, حرك ياراعي البوينغ ,, واسفط على اليمين!!

والشباب ما عاقوا ولبقوا بين غيمتين ... والحمدلله لم تحدث اصابات


تقبلوا احترامي وتقديري