مذهله في مدرجات استاد الملك فهد امس الخميس

الاجازه ملل X ملل والعطله طففففششششش بدون جمعات الشلل وبدون حشششششش

ولهالسبب قررت ادخل نوع من الاثارة والحماس والآكشن والمغامرة والمخاطرة في هالاجازة واخليها تصير اجازة لا تنسى

تم تبييت النية من قبل شخصيتي المتفذلكة على اني اروح احضر مباراة الاتحاد والهلال في استاد الملك فهد شفاه الله وعافاه من كل سوء وابقاه

يعني معقوووووله الاتي في الرياض وما احضر عييييييب والله عييييييييييييييب شيقولون عني احفادي بكره اذا سالوني ليه ما رحت اوقف معه

بداية المخطط يوم امرحت عند جدتي كعادتي في الاجازة السنوية الصيفية وعطلات الخميس والجمعة (اشك اني ساكنه عندها بوب عند اهلي)

تنفيذ المخطط يوم الخميس الساعه تزعة الصبح قمت من النوم وقومت سمكتي وعصافير جيرانا باقوى صفارة سمعها قطار في العالم

وكالعادة ولد خالي كان نايم وفي يده البلايستيشن يلعب نييييد فووور سبييييد فووور وايقظته باهدى وارق صرخه عرفتها القرون الوسطى للتاريخ وقرون كبش الضحية

وفيما هو في غرقة النوم استغليت الموقف وعرضت عليه اني اروح معه للملعب لكنه ما تكلف يرد علي لان الامر محسوم من قبل لا يعني لا يعني ستين الف لا

رجعت ادليت باقتراحي اني اخاويه واشجع وهو رمى الدلو في خشتي يعني ما وافق

ترجيت واستعطفت لكن راسه يابسه وفيه حب ما طحن وانا يسموني دقاقة الحب لين ينطحن

قلت له بوب علشان خضار عيونك الحمر ترجيتك وتركت الباقين لا انا جيتك مخصوص لسببين اولهم ان عمرك ثلثطعشر خريفا وثانيهم لان عندك نقطة ضعف وناويه استعملها

اسمع عاد بتوديني معك ولا تبيني اقول لجدتي عن ذاااااااك وذااااااااك قسم قسم اعلمها

هذيك الساعة فتح عيونه معي سته سته وقال ابشري وحاضر اصلا كنت امزح معك قلت تمام الحين انت خوش رجال

قال انتي ناوية تروحين كذا هييييييي ما يسمحون يدخلون بنات قلت هات ثوب من اثواب جدي وانا اتصرف

خذيته ولبسته صار علي خيمة يخبخب واكبر ما فيه جيووووبه لو ادخل فيها بازوكا محد درى عني

قلت له ياليت جدي خلا ثيابه مخصره كان على الاقل قدرت الملم شراع هالخيمة مطري رواقها

قال ولد خالي فيه شيء غلط في شكلك واضح انك بنت هاتي المقص

وجبت له المقص وعيوني تقطر دموووووع آآآآآآآآآآآه بابي اقص بابي بابي بس كل شيء علشان الاتي يهووووون

سكرت عيوني وسميت بالله وتعوذت من حارش مارش ويمر المقص على رموشي ويفتتها تفتييييييييييت

يوم فتحت عيوني صارت رموشي مييييح كن الفرن قااااااااب فيها لكن انطميت وسكيت لجل عين تكرم رموش

قال لحظه ادهني اسنانك بششوي كركم وشوي زعفران ما ينفع تصير بيضاء لازم تصوفر يا بدخان يا بشاهي

واظافرك قصقصي جناحاتها وين يا ماما ساااااحرة وانا انفذ كلامه لين قال الحييييييين دور شعرك هاتي

قلت لا ما يحكمشي الا شعري الرموووش تتجدد كل ست شهور بس شعري يبيله ست سنين ويرجع زي اول

جمعت شعري ببنس كبار وصغار ليما صار مزرعة ولبست ايشارب عليه جمجمة وهياكل عظمية وسلاسل حديد ورسمة ابليييييييس ابو شوكه وذيله سهم كانكم تعرفونه وعصبت به راسي وتلثمت باطرافه الباقية

قلت اوكيييييييييك هالحين قال ماشي حالك ممكن يصنفونك شاب خكري

طلعنا من البيت بعد صلاة الظهر مبااااااشرة خبركم نبي نحجز مكان زين نشوف منه وكنت رح اسوق بس الدركسون ذاك الوقت ما ينمسك الا بقفازات يللللللقع (طييييييري بس طيييييري يخليك تسوقين بعد ذيك السالفة)

الموووووهم جلست في الدور الثاني علشان اشوف الفيلم فيما هو يسوق واخييييييرا وصلنا للاسف قبل ما ينتهي الفيلم بعد جهد جهييييييد وزحمة حدييييييد (بالعامية سيارات)



اثاري الملعب مسكر قلت مالي صلااااااااح ابي احجز يعني ابي احجز عند الباب وفرشنا علم تحتنا ما ناقصنا غير زمزمية شاهي ونعناع المدينة وفصفص مصري وتكمل طلعتنا على البحر هع هع بحر من الرماااااااال

فتحنا ثلاجة السيارة وقضينا على ما لذ وطاب من الاكل والشراب المخلوط بالثلج المذاب (كلها كاكاوات وببسيات بلا خربطات واشاعات ) والباقي جمعناه في كيس ودخلنا به باااااااارد ثلللللج

شويتين الا ويفتحون بوابات الملعب ويبدا الهجوم وانا مع مظلتي خبري اني اول وحده واقفه عند البوابة بعدها بثانيه حسيت نفسي اتقدم وامشي بس رجولي بوب على الارض مرتفعه شبر تذكرت زحمة الحج والحجيج



قمت اصااااايح حج يااااا حااااااااااج حج يااااا حاااااااااااج الا وولد خالي وراي يسحبني مع اذني ويقول فضحتينا خلينا ندخل وانتي ساااااكته اكرم لنا

ودخلنا طبعا بعد ما حاسب ابو الشباب وتفاجات اني وسط جمهور الهلال والاخ تبطح على كم كرسي وحجز الباقين بعلب المويه قلت خيييييير يا طيييييير اول ودني لمدرجات الاتحاد بعدين اقعد على راحتك



قال نعم نعم رجلي على رجلك ما تروحين يمين ولا يسار الا وانا معك ومدامني اشجع الهلال بتقعدين هنا (عباله حممممممششششش)

قلت وشوووووووو بوب على كيفك ما كان هذا اتفاقنا قال كان جبتي معك وحده من خواتي قلت كلهم خايفييييييين حتى ريوف عيت تجي مع انها سوووبر قيييييرل لكن هالمره خذت اجااااازه قال بوب شغلي

قلت اورررررريك قسم قسم لاشجع الاتحاد وانا هنا وتحمل ما يجيييييك قال يا بهبوله انتي ناوية على هلاكنا اليوم قلت بوب شغلي

وجلست اطلع من جيب الخيمة شالات صفر مقلمة باسود وطرابيش واعلام وتيجان وبلوزة صفرا وسودا وجليه جلست ساعة وانا الف نفسي مع الخيمة ادور على بابها ودرايشها علشان امسكها معه واثبتها فيه

قال توووووبة تجين معي مرة ثانية وسحبني لمدرجات الاتحاد مع طرف الخيمة والهلاليين طارت عيونهم في المهرجان الاصفر اللي لابسته لا ومن البجاحة وسط مدرجاتهم بس الظاهر حسبوه بيطردني وكفاهم انه جرني جر قدامهم

واول ما وصلنا قال لاتروحين منا ولا مناك انتبهي لا احد يبخ عليك بخاخ مخدر مع رهجة الجماهير والتشجيع وخلي بالك من أي احد يقرب منك قلت له سبحان الله الخالق الناطق كلام جدتي شفييييك انت الوحيد اللي تعرف اني بنت كلهم يحسبوني ولد قال احتياط حتى لو حسبوك ولد الدنيا حوادث وان صار شيء ماشيات دقي علي علطووووول قلت تيب



وجلست اتامل النااااس واشوف واحد يبحث بلوتوث ويعقد حواجبه شاااااك في شيء شهقت يوم تذكرت ان بلوتوثي مفتوح وانا مسمية نفسي ((بوب مذهله))

واتسحب شوي شوي حبة حبة واغير مكاني واجلس بعيييد عنه واسمي نفسي ((حادي بادي انا اتحادي )) وارجع لمكاني خلللللسة واشوفه يبحث مرة ثانية ويعقد حواجبه زيادة وانا اصرف الموضوع واشجع والملعب قدامي فاااااااااضي ما فيه من يقول ربي الله

واخييييرا نزلوا اللاعبين يسوون تدريبات الاحماء وانا الوح بالعلم لين انخرع كتفي وفي الاخير علقته فوقي وصار كنه عمود للخيمه شوي ووصلت الراااابطة طبوووول وطيراااااان وعصياااااان واجلس اتمقل في وجيههم ادور وين الطقاقه حقتهم لين شفت واحد معه ميقرفوووون قلت بس هذا المايسترووووو حقهم

واطمر المدرجات واجلس وراهم علطووووول ويبدا الشغل العدل ياكلك حبة حبة والاتي نمبر ون ويا عميد النوادي والاتي محلاه الله يرعاه واليوم طالع قمر (ايه هين كثري منها )



بين الشوطين جا ولد خالي على حين غرة نزلت على عيوني يدورني في مكاني بس شافني استنزل وعرفني وتأكد ان الوضع مستتب وجلس حماية مؤقتة الا شوي جاه ابو بلوتوث يسلم عليه ويتجاذبون اتراف الحديس

وولد خالي يعني اني اتحادي ويعرف اللعيبة ويناقشه عنهم لا ويعزمه على موية (متعود يعزم نسى ان الكيس المليان هناك عند مكانه) عاد انا ما معاي غير مويتي قمت اناظر ابو بلوتوث واناظرها قلت له عادي عندك تشرب بعدي

وطقتني النفاضة وانا امد له مويتي ما ودي اعطيه اياها وهو طير عيونه ما فهم شقصدي وبسررررعة ولد خالي سحب مويته من جيبه وعطاه اياه وضيع السالفة بس الرجال ما زال شااااااك ويقلب الموضوع في راسه

قام خذاه على جنب وقاله صديقي هذا عنده صرع رعااااااااش (راسب في الطب بمرتبة الشرف ) وامه وابوه متوفين قدام عينه ومرت ابوه تطقه وعايش في دار عجزة وتعرف ودنا يوسع صدره بس بدون ما يجرحون الناس احساسه فاذا تكرمت تخلي عينك عليه انا واصل مشوار صغير اجيب له دواء الحموضة وارجع ان شاء الله

قال ابو بلوتوث والله اني داري من زمان ان هالآدمي فيه ان وخواتها بعد قال ولد خالي أي خوات الله يهديك ممنوع دخول الحريم فيذا شبلاك انت ويوم حس انه طينها زيادة عض ثوبه وطار لمدرجات الهلال بعد ما عطاني محاضرة طول بعرض وانا اذن من بلوتوث واذن عند الفرقه

ويكمل الشوط الثاني ومن بدايته واشوف العالم كلهم اعتراضات وزعاق وهيجاااااااان والفرقة سكتت قلت اوووووه بوب شغلي ان ما اعجبتكم الفرقه وزعلتو خلوها تردح خلو العالم تستانس وتنبسط المشكلة انهم ما يسمعون صوتي

هذيك الساعة حمي الوطيس من جد اثاريهم شايشين بعد الطرد والهدف اللي دخل فيهم والفرقه وقفت لحظة صمت حداااااد بعدها مسرع هاجت الدنيا وماجت ورجع الوضع طبيعي ورجعت الرابطة تدهر



ما حسيت بالوقت الا وولد خالي يدق ويقول هاه يله نمشي قلت اصبرررر ما بعد زفو العرووووس قال أي عرررررس واي نييييلة الحكم صفففففر اطلعي قبل ما تصير مذابح انا لو دخلت اجيبك معد طلعت حي



قلت خلااااااص بس شوي ابي اطلب منهم بين العصر والمغرب قال تحسبينهم فرقة العنود جايين في عرس على كيفك تطلبين يا منيب قايله الحين نص الليل خلينا نطلع وحنا ماسكين زمام الامور قبل ما يتفجر علينا الموقف قلت اووووه يا شيييييينك لا قمت تحكي عرااااااقي هذاني قدامك طرااااااخ (صوت التقفيييييله)



وانا طالعين اشوف الهلاليين يرقصون قلت بس ما قلت لي كم النتيجة وقف فجأة وتعطلت حركة السير وسبب زحمة يوم بقق عيونه في عيوني وقال وانتي شتسوين كل هالوقت قلت اردح مع الفرقه وظهري للملعب خبط راسه في الجوال بس الحمد لله الجوال ما تعور

قلت اصبر قال شتبين بعد قلت ابي انزل لارض الملعب انا ناويه اروح للبلوي اطلب منه يخليني مع الثلثمية مشجع اللي بيوديهم لالمانيا يشجعون المنتخب



بعدها حسيت باحساس غريييييييييب حسيت ان فيه شيء يخنقني ويدين تعصرني وروحي بتطلع وعيوني طلعت وانتفضت

واكتشفت اني في بيتنا واني خشيت عرض مع خيالاتي الواسعة واحلام اليقظة واول شيء سويته اني لمست عيوني وقلت يا ربي لك الحمد والشكر الحمد لله ان رموشي في محلها

والصووووور هذي من ولد خااااالي البطلللللللل مع اعذب تحياااااااااتوووووو





وبوووووب مسروقه ولا منقوله من اي موقع لانها خصيصا حصريا لمجالس الرياض (وووووه تكفين عاد من زينها )












~ د.رهف وريوف دوت كم ~