الجزع الثاني من سواقتنا للسيايير 00

واعود نظرا للاقبال المنقطع النظير على جزعي الاول >>>>>>>>> تكفيييييييين
وكثرة الاس ام اسات اللي وصلتني
ورسايل الجوال
والرسايل الخاصه
والايميلات
واللي تطالبني بأكمال قصتي الشهيرة عنتر يوم فلق عبله
اوه اوه اقصد سواقة البنات للسيارات 000 تعرفون كاتبه موهومة قصدي موهوبة
وأألف اربع كتب دفعه وحده اخرها عن ديانا يوم تزور الرياض الله يرحمنا برحمته 000
مااطول على السامعين والقارئين 0000
وش بيصير يوم يجي ذاك اليوم ونسوق سيارات 0

طبعا امانة مدينة الرياض ستكثف جهودها لارضاء الجنس الناعم ومهوب مقصر ابن عياف الله يطول لي بعمره ويحفظه وبيزين لنا شارع خااااص نمرح ونتمردغ في ابو ابوه
وبنصير نستعرض فيه 000 وانا عارفه وموقنه يقينا تاما متمتما ان المحلات اللي بالعليا العام والتحلية والتخوصصي (لاتفوتك نطقتها شي برسطيج ) كلها بتنتقل لشارعنا الجديد 0
وبدل مايقطعون ارزاق بعض هونيك (موضوع سوسه حق لبنان غير معثرن فيني بقوة)
بيجون يقطعون ارزاق بعض عندنا 0

طبعا افلقوووووووووووووووووووووووووني ان لقيتوا احد من رجال المرور الاباسل يصك بنوتة بمخالفه الا المتحجرين اللي مايعرفون يميزون بين البنت والولد قوم انت ياولد رخصتك لافقع وجهك 0

البنات عاد المتمردات بيبدون شغل التفحيط 00000 وع
وبدل مايصير ذاك الشارع اللي سموه شارع الموت ورا نادي الشباب ان ماانقلب راسي وكاني مابعد غبرت
وبيصير لهم شارع خاص وانا اتوقع من خلال سابق خبره بمثل هالامور ومن كثر مافحطت بالجت سكي اتوقع يكون شارع الحوامل هو المكان المناسب 000او مجمع الكليات 00
وكان ودكم بمكانن زين فالله الله بحي العقيق الله ياهو هاااااااااااااادي ورايق 0

ماذا سيحدث للمحلات التي تغلط ابوابها في تمام الثانية عشرة ؟؟؟؟؟؟؟؟؟؟؟؟؟؟؟
شقوا خشتي ان قفل واحدن منهم باب محله
وبتدخل دولتنا الحبيبة من المخالفات ملايين ملوننه وبيدعون لنا 0

نجي عاد للهيئة ادااااااااااامها الله وجعلها في خدمتنا وحمايتنا دوما 0
ستجدونها في حال من الحوسة لايعلمها الا الله 0
بتدهر الميكروفونات بجموسهم
ياصاحبة البي ام الكحلي هداكي الله تستري 0000 ياصاحبة اللكزس اتقي الله
طبعا بيخافون يقربون منهم لايتهمون انهم يغازلونهن 000 وبدل ماتصير امر بمعروف تنقلب لقضية تعرض ومحاولة تحرش0

بالله مو كل مادخلتوا التحلية تلقون شلل شباب موقفين سياراتهم وراكبين مع اصحابهم اللي سياراتهم احلى ومتقاطين بالسيارة ؟؟؟؟
زمكشخين ومتدخنين كن احد بيشم ريحتهم وهم فيها ؟؟؟؟؟؟؟؟؟؟؟؟؟؟؟؟
ايييييييييييييييييييييه
عاد الزحام لين سقنا بيصير اكثر واكثر لان حنا بعد بنصفط جنبهم وعسى مانتطاق حنا واياهم
واللي معها سيارة زينه بنترااااااااااص في سيارتها وابن ابوه يحاكينا 0

فيه معضله صراحه بنواجهها لين سقنا !!!!!!!!!
ودنا بعد نشرب كوفي برا بالكوفيهات مهوب ننحجر جوا 000 دام الدعوة مساوات ساوونا بذي بعد ونوعدكم مانتتن على الملأ 0

احلى شي في الموضوع
اني لين هفتني نفيستي على عكسريم من ماكدونالدز باواخر الليل منيب جالستن اتشحذ احد
باحمي السيارة واشخط (لاتفوتكم اشخط) واتمشى واقعد راسي بشوكو ديب وتشيز برجر0

لين تورطت بعزيمة وابي السوق لانيب قاعدتن انتظر السواق اللي ماخذته امي والا مرسله ابوي
باطمر وادق على صديقتي والابنت خالتي وندعس للسوق 0

بعد لو يسمحون لنا مع السواقه بالسفر ياويليييييييييييييييييييييييييييييييييييييييي
عز الله اللي بنخرب ابوها وماعاد بكم لاقين بنت في بيت اهلها
والدعوة بتصير هياته في هياته
ولامنافخ السواق
ولا منة اخو
ولازوج ككككككككككككك

اقول
الحمدلله على النعمة اللي حنا عايشات فيها وربي ان حنا ملكااااااااااااات غير متوجات 000 الله لايحرمنا من هالنعمة 0
مابزينا عيالنا وحنا مع السواويق فنبزاهم وحنا لحالنا 0000 جايين لهم باردات مبردات
هب علاااااااااااااااااااااااكم 0

اختـــ غنوجة ـــــــكم

ولاااااااااااااااااااااااااااااااااااااااااااا لسوااااااااااااااااقة المرأة للسيااااااااااااااااااااارة ولاحتى الدباااااااااااااااااااب اوالسيكل !!