| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
إعلانات منتديات منطقة الرياض
|
|||||||||||||||
|
|||||||||||||||
 |
|
|
LinkBack | أدوات الموضوع |
|
#1
|
||||
|
||||
|
يوم من حياة وسميه..الفتاه السعوديه!!
وسميه...
فتاه سعوديه... من أهل الرياض... ساكنه في السويدي عند أسواق الراجحي  الساعه ألحين خمس ونص  أم وسميه بدون سابق إنذاااااار  وسميه جعلتس الصمخ قومي قامت عصبتس وتحنت ركبتس  وسميه  بعدها بدقيقتين أم وسميه داخله الغرفه وفي يدها سماعة تلفون مقطوعه  أم وسميه وبدون مقدمات تردع بالسماعه على راس وسميه  وسميه وكنها ماجاها شي هاه يمه وش تبين؟!!  ام وسميه تطلع من الغرفه وهي تصيح <<<<< نهاية أم شجاعه  وسميه تناظر الساعه بعد ماطلعت امها  كانت ست الا ربع  نقزت من فراشها نقزت قطو مرجوم على غرره  وعلى غرفة خواتها طريف و مزنه  ============== فاصل =============== مزنه: أخت وسميه في صف سادس وللمصادقيه عايدتها مرتين  عندها شعر في أذنها يخليك تتسائل هي آدمي ولا قرد تحب تحط عميلتين وكل عميله حاطه فيها بكله صفراء وعند سؤالها قالت انها تبي تصير زي لينا حبيبة عدنان  طريف: أخت مزنه اللي هي أخت وسميه توها ناجحه من أولى ورايحه لثاني وللمصداقيه مدخلتها أمها المدرسه متأخره لأنها تحبها وماتبي فراقها  وللمصداقيه أكثر هذا السبب كان للتغطيه عن السبب الحقيقي إذ أن السبب الحقيقي هو أن طريف أول يوم راحت المدرسه السنه اللي راحت وهي في أولى سووتها في الفصل واخزياااه  عاد وش سووت هذا هو سؤال الحلقه ============= عدنا ==================== وسميه خذت طبع أمها في المداهمه ولكن وسميه كانت تتصف بصفه وهي انها على طول تمسك بشعر مزنه وتقومها  مزنه تصيح وتصارخ ولكن حيل الله أقوى  تبدا وسميه تكد شعر مزنه اللي عيونها كلها غمص وفي يدها نص ساندويتش بيض عيون  طبعا يتخلل عملية الكد سب وشتم من وسميه على شعر مزنه اللي كنه سلك غسيل حق مواعين  وبعد ماتطق راس مزنه بعصبيه تكون الساعه ست وخمس <<< يعني خلصتي  ألتفتت على دلوعة البيت طريف  وتصكها بالفرشه على ظهرها لأنها كانت ملقيته في وجه وسميه  طريف ياعمري والله شكلها وهي تفز من قوة الطقه يضيق الصدر  وتلقطها مع شعرها كالعاده وسميه وبكل قوه تجيب زيت العربي وتمرخ شعرها وتكده بسرعه  لأن شعرها كان قصير من جهه ولأن وسميه تأخرت على مدرستها من جهه أخرى  ============== فاصل ================= وسميه: بطلة القصه تدرس في ثالث متوسط وللمصداقيه المفروض البنت متخرجه من الثانوي من سنتين  تموت في شي أسمه فايز المالكي وتعتبره فارسها المنتظر  تحب تلبس صراويل طوال حقت جدتها تحت المريول والسبب الى الآن غير معروف من متابعين القناه السعوديه بشده وخصوصا المسلسلات البدويه بعد المغرب  تشجع نادي النصر والسبب قصة شعر فهد الهريفي اتحداك تلقاها لابسه بنطلون تعشق شي اسمه قميص من شارع الوزير  هوايتها المفضله تشتري فشفاش وتدور في الراجحي اذا بغيت تسوي فيها خير عشها في هرفي ============= عدنا ============== الساعه الحين ست ونص و عبيد اخوها برى على الكابرس 90 لونه أبيض يظرب ويلعن في نفس الوقت وسميه جايه مقلعه من الروعه وعند زلفة الباب تمحط ذيك المحطه على وجهها  <<<<<<< يقدر الطيحات من جد عبيد يسب ويلعن بدال مايسمي ويتطمن =============== فاصل(تراك حومت تسبودنا)============== عبيد: أخو وسميه الكبير عاطل مامعه الا سادس لأنه ترك الدراسه لعدم القدره على النجاح من اولى متوسط والسبب مادة الانجليزي راعي حمام ويحب يلعب مصاقيل بشئ من الإدمان مافيه أمل يجي موكب تفحيط ماتلقاه معهم هواياته الجلوس على زلفة الباب بعد العصر مع عيال الحاره والبحث عن المشاجرات والمشاكل وذلك لولعه الشديد بالنوم في قسم السويدي ================عدنا============== الشفر(دلع الكابرس) اقوى دعسه وخلال دقيقتين ونص عبيد عند باب المتوسطه الثانيه والثمانين وأمداها مسيكينه هالوسميه تفتح الباب الا زبيرية عبيد وبكل حنان الأخوه باصمه على العبايه من جهة الظهر  طبعا لا يخفى عليكم مايحدث في هذه اللحظه الفراش يدعي على عبيد اللي وصل البقاله من قوة الأقلاع ويقوم في وسميه اللي وبكل دنائه تصارخ في وجه الفراش تقوله انقلع لا تلمسني  الفراش يوخر عنها وهو يقول كلام بالجيزاني الى يومكم مااعرف معناه الساعه الحين وحده وعشر الظهر الباب ينفتح بقوه ومداهمه من طريف ومزنه على ريموت الريسيفر أم وسميه في المطبخ تصارخ وهي تقطع البصل حق كشنة الرز اركدوا الله لا يعقلكم من بزران  وسميه تدخل وراهم وهي تصيح وتراكض رايحه لأمها تبي تشكيلها اللي سواه عبيد الصبح أول مادخلت يمه شفتي عبيد سوا وسوا الا وطماطه ماشيه مليون فيه وجهها ولاحقتها بسكينه وصحن أقول وأنا امتس ورا ماتنطمين وتقطعين هالطماط لا يجي ابوتس والغدا ماخلص وسميه كالعاده والعبره تطيح على صحن الطماط وبشتها مافصخته تقطع وتحنش في عبيد وحده ونص ابو وسميه داخل وهو يصرخ بأقوى ماعنده وين الغدا لدرجة إن ام فيصل جارتهم داقه على أم وسميه تقول عسى ماشر عندكم وحدتن بتولد؟!! وحده ونص وخمس الغدا محطوط على السماط في الصاله الأب والعائله الكريمه يتغدون باستثناء عبيد اللي طاقها نومه  الساعه ثنتين وربع وسميه تغسل في المواعين وتنادي في مزنه تجي تساعدها ولكن هيهات مزنه كانت تناظر في الفديو عدنان ولينا يعني انسي الموضوع  الساعه ثلاث وعشر وسميه طاقتها نومه وللمعلوميه مافصخت المريول لين الحين ونامت فيه المغرب يذن عبيد يداهم غرفة وسميه (العائله الظاهر كلهم في ال F B I من قوة المداهمات )عبيد ورجله في بطن وسميه وذاب في وجهها شماغ بسام بصمه اثنين مشقوق عند الزاويه يالله اكويه بسرعه وسميه من غير رايها تتفل على الشماغ وتكوي فيه وهي تلعن اليوم اللي صقتطها أبله حصه فيه أول ماخلصت كوي طيران على التلفزيون تبي تشوف مسلسل جواهر البدوي ولكن للأسف المسلسل توه خالص وسميه تصيح من القهر وهي تسمع أخوها عبيد يسولف مع أخوياه دحيم ورامي<< هذا واحد سوري العشا يذن الباب ينفتح ام وسميه توها تدخل جايه من جارتهم ام فيصل وعلى ضروسها بقايا كراث وريحتها ليمون وسميه تراكض لأمها يعني يقالها بنوته يمه أبي أروح الراجحي بشتري دفتر ابو ستين وفكس ظهري يعورني من طقة عبيد اليوم  أم وسميه ذكرت يبيلها طقم بيالات جديد بعد يومين دور الجيران عندها قالت يالله وانا امتس نطت وسميه يمه الله يعافيتس اذا خلصنا خن تعشا من هرفي امها تناظرها بحقره اقول ورا ماتجيبين بوكي وتذكرين ربتس ولا ترى انطقيتي في البيت وسميه في هاللحظه حست انها مظطهده (بدري ) وراحت لغرفة امها وهي ماشيه الا وقدر ماشي مليون في راسها طريف تضحك وتنحاش لأمها ( يقالها تمزح )وسميه تكمل طريقها لغرفة امها وتفتح صندوق السجاجيد وتطلع البوك من تحت آخر سجاده (تعرفون عبيد ماينظمن هاليومين عاطل ولزوم توزون عنه الأبواك )الساعه تسع الا ربع ام وسميه تحول من الكابرس وتلتفت على عبيد ترى عشر ونص لو ماألقاك.....<<< مشفر وسميه طبعا سابقه امها من الحماس وتقولها يالله يمممممه بسرعه ام وسميه تلقط بنتها مع بشتها وتجرها وهي تقول ورا ماتنطمين؟!! وسميه دوران مع امها الحبيبه( أيه هيين مافيه محل تدخل فيه الا فاضحتها بالسب )الساعه حدعش ام وسميه طالعه عند باب السوق وبنتها وراها وفي يدها فشفاش وفي الثانيه بايسون عبيد مسوي رجال يمه تراس تأخرتي ليه نص ساعه منطق ويذب الزقاره ام وسميه وهي تفتح الباب ألحين ورات ماتركب لا أخمك بهالفيش  (أم وسميه شاريه فيش جديد لأن فيش الكوي أحترق من اللي حرقه غير معروف هع )وسميه تضحك بنجاسه  وعبيد يناظرها في المرايه نظرة حقد  ام وسميه تسطر عبيد بطراق ألحين ورا ماتمشي  عبيد يحررك الموتر وهو يحنش ووسميه في حركه سريعه تروح عند أذن أمها يمه الله يعافيتس هرفي  ام وسميه في لحظه نادره جدا جدا وشئ غير متوقع تسطر عبيد للمره الثانيه وتقوله على هرفي وسميه من قوة الصدمه جلست تطنطط من الفرحه  ومع النطه الثالثه صقع راسها واغمى عليها  ام عبيد تتحمد ربها على ماعطاها من ذريه صالحه وعبيد يشغل مزعل فرحان وأقلاع على هرفي( حتى عبيد يحبه )وصلوا لهرفي وعبيد يسطر وسميه عشان تقوم هييييه وش تبين وسميه شافت البقره حقت هرفي كنها شايفه شهادة ثانوي مكتوب فيه ناجحه وبتقدير ممتاز قامت تصارخ وتقول ياشيخ لو عسكريم ( معذوره ياقماعه )طلبلها عبيد وهو يقول الله يقطع ابون جابها الساعه ثنعش بالظبط وسميه أول وحده داخله للبيت متحمسه تبي تاكل الا وهي متعكرفه في سيكل طريف وعلى وجهها عبيد ورااها وهو فاطس من الضحك ومن قوة الضحك أستنزل  الأم وراهم تدخل وهي تزلج الباب وتحمد ربها للمره المليون على ماعطاها ثنعش ونص وسميه تظف الأكل والأم تصارخ على كل من في البيت يالله النوم وراكم مدارس باتسر يالسمرمد  الساعه وحده طريف ومزنه في الصاله نايمين وجنبهم وسميه تتابع مسلسل كويتي في السعوديه وتتثاوب  ( تعبت من الدوران والعشا هرفي كملت )ثنتين الا ربع المسلسل يخلص ووسميه كن أحد حالف عليها تشوف السلام الملكي أول ماخلص وتقوم وهي ماتشوف وتشيل طريف وتجر مزنه مع شعرها على غرفتهم  <<< ريحة الغرفه الساعه ثنتين وعشر وسميه تبوس في صورة فايز المالكي وتدعي ربها ثنتين وثلث فايز المالكي طالع من الصوره يقول وخري حومتي تسبدي وسميه ترتاع ومن الروعه خشعت ونامت وكذا خللص يومها ومع الساعه خمس ونص يوم جديد تقبلوا تحياتي...
آخر تعديل المجهول يوم 27-08-2005 في 04:11 AM
|
27-08-2005, 04:38 AM
|
#2 | |
|
كبار الشخصيات
 
 |
رد : يوم من حياة وسميه..الفتاه السعوديه!!
مابعد كملت القصه الا انه استوقفني سوق الراجحي وش فيه ؟؟!! خخخخخخخخخخخخخخخخ ولي عوده باذن الله في تمام الساعه السادسة والنصف<<<متاثر مع القصه بس المقطع الاول
|
|
|
|
27-08-2005, 04:54 AM
|
#3 | ||||||||||||||||||||||||
|
مشرف عام مطرود من الاكادميه
~*¤*~واســطـهــ~*¤*~   |
رد : يوم من حياة وسميه..الفتاه السعوديه!!
^ ^ ^ بتعرفينها لين رجعتي هذا سر <<< أقول انطم بأنتظار رجعتك  تقبلي تحياتي... |
||||||||||||||||||||||||
|
|
|
27-08-2005, 05:26 AM
|
#4 | |
|
مراقب سابق
|
رد : يوم من حياة وسميه..الفتاه السعوديه!!
الله يهديك يا مجهول طيب ما قلت لي في الساعه 1 ونص إلا عشر وش صار معها < ابوك يا التدقيق تيب وسميه وش كانت تسمع < بيسمع مثلها < لاتشرهـ خروف ههههههههههههههههههههه والله لو اني اوم هالبنآت تسآآنــي اول وحدهـ بمستشفى شهــآر مع خمس نجمآآت عـ الجبهـ وسميه وسميه < لا تشرهـ من الهذرهـ فيها  والله منت صآآحــي يا مقهوول اجل اخوهم ذا من كثر الضحك يستنزل أجل لو ينقااله نكته وش بيصير به :d ========= فاصل ============ اوم عبيد : تتحمد ربها على ماعطاها من ذريه صالحه من هـاوٍيات اكل الجرجير والكراث بكثرهـ وبرضو التسع طعش عشر مرهـ تتحمد ربها على ماعطاها من ذريه صالحه .. احذروا التعاابط والمزوح معها < اسالوا وسميه عنها هههههههههههههههههههههههههههههههه والله فطستني من الضحك يا مجهول بالله بس ماقلت لي تحقق حلم وسميه بـ فارسها تحيــّــآت الوسميــه الراجحيه الهرفيه لك ينطيك الف الف لفه اقصد عافيه 
|
|
|
|
|
27-08-2005, 05:41 AM
|
#5 | ||||||||||||||||||||||||
|
مشرف عام مطرود من الاكادميه
~*¤*~واســطـهــ~*¤*~ |
رد : يوم من حياة وسميه..الفتاه السعوديه!!
^ ^ ^ هههههههههههههههههههههههههههههههههههههههههههههههههه ههههههه والله جبت تعريف ام وسميه وين بيتحقق معه الحين فارسها صار راعي لبنان يسوي مسلسلات هناك مهوب عاقل عابد فهد واذا على وش تسمع كانت تحب فارس مهدي وراغب علامه<<<< يلعن ام الذوق المتلخبط ومشكووووووووور يالغالي على مرورك الروووووعه وأبشر بدورلك وسميه واخطبها لك بس تحمل النتائج تقبل تحياتي... |
||||||||||||||||||||||||
|
|
|
27-08-2005, 11:27 AM
|
#6 | |
|
عضو مؤسس
 |
رد : يوم من حياة وسميه..الفتاه السعوديه!!
الله يرجك من قصة والله قعدت اتخيلها واضحك الله عليك مجهول
|
|
|
|
|
27-08-2005, 01:47 PM
|
#7 | |
|
ابولميا سابقاً
|
رد : يوم من حياة وسميه..الفتاه السعوديه!!
الله يرجك يالمجهول وقسم برب العباد اني فطست ضحك خصوصا على اسواق الرجحي هع تحياااااااااااااااااتي وتشاااااااااااااااورماااا
|
|
|
|
|
27-08-2005, 02:34 PM
|
#8 | |
|
مراقبة سابقة
 
|
رد : يوم من حياة وسميه..الفتاه السعوديه!!
ياخي القصه كلها كوم وطريقة السرد كوم ثاني.. كأنك تسمع تسميع..
|
|
|
|
|
27-08-2005, 02:47 PM
|
#9 | |
|
مشرف المجالص الترفيهيه
 |
رد : يوم من حياة وسميه..الفتاه السعوديه!!
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هه الله يمغصص عدوووينك يمال الوجع الراجحي والا البنك البريطاني لو انك مب مراقب كان ثبت موضوعك هع
|
|
|
|
27-08-2005, 02:48 PM
|
#10 | |
|
عضو مؤسس
|
رد : يوم من حياة وسميه..الفتاه السعوديه!!
قسم بالله ماقدرت اكمل القصه يامحشش .. << على باله يمدحه لي عوده قريبه المطيري
|
|
|
|
يكفي حضوري
