:::: الالفية الساخرة ::::

الف(ن) اولف يالربع ضحك ومزوح

ومزوحنا في وقتها دايم تروح

واللي بيذكر بينكم دوم مسموح

يالله يالمنان تعفي علينا

والبا بلاني ناعس(ن) بالتغلي

يقول انا اطخم من الملح كلي

واقول له ياصاحبي لا تعلي

ترا القذيله ما تأثر علينا

والتا ترا يا منسدح ابغي الجد

تبيني اتلا العمر آجيب لك قرد

يا فضحتي منك فضيحة بلا حد

ترا القروده ما توافق علينا

والثا ثوارة واحد به بلاني

زعيم قرن(ن) به بلاني زماني

اقول له شقراء يقول حلباني

يا ربعنا هوا فساد السفينا

والجيم جوي قافل اليوم ما زال

من صلعة الرجال زادتني هبال

يا من يدور له من الزيت فنجال

تنبت له القرعه ويرضى علينا

والحا حريم المنتدى كلهم كوم

وتوفي ترا بلحالها تحتسب كوم

وتكثر الجرجير مع صحوة النوم

أخافها واقول لا تاكلينا

والخا خبيث(ن) كل واحد هلالي

ومنهم ترا فيبو وبندر مثالي

ومجهولهم ورياح هو والعيالي

وارهابهم دايم منغص علينا

والدا دموع الحزن دايم تعير

وتقول يا عتريس ليه متغير

يا ام العليوي لا تحسبيني صغير

اهجيك واهجي اي واحد يجينا

والذا ذلف ادهم وجانا هباله

بنوتة(ن) وش حلوها يا هنا له

امس(ن) فهد واليوم يس نو بداله

يفهمني من يفهمني يا فاهمينا

والرا رمتني حاجتي للمهاجر

دب(ن) متين(ن) للمفاطيح حاكر

يدلقم اللقمه كبيره بلا شر

ويقول انا عصقول لا تبتلينا

والزا زلابة آدمي امتحني

رومنصي مشاكص بحكيه غبني

وكشته منفوشة(ن) مثل جني

والسين صاد وعاجن(ن) به عجينا

والسا سويسه زايده بالمصاله

والدم فيها زايد(ن) بالثقاله

خفاش ليل معشش(ن) وسط صاله

دخول متخفي سوا مجرمينا

والشا شجون(ن) جمعت لي صوارير

تقول لي احباب لا عاد ما يصير

وصارورها ميكي عميد الصراصير

توكله وتشربه كل حينا

والصا صواب(ن) ناشب(ن) في سوير

قمل(ن) كبير وشي منه صغير

جديلة(ن) في راسها ما تغير

و تشابه العبسي صويحيب لينا

والطا طلبتك يا اسير الحزيني

تواسي قليبي ولا تبتليني

همك وغمك دايم(ن) كل حيني

فل الحجاج وروق المنقا لينا

والظا ظلمني ابن الوطن بالسجوني

املط وغادر ما يوافي يخوني

يسجني دايم بالضحى والسكوني

يا ابن الوطن خل التميلح علينا

والعا عجوز(ن) تحسب النور له بنت

وتقول انا بنته يا خيي فلا هنت

والبهبهاني صار ذا اليوم اكسنت

يا عجيز(ن) تبغى تبكش علينا

والغين غنوجه تعلى المناير

وتدور العرسان في كل عاير

واظنها يا ناس تهوى الفطاير

وتهوى المرق واكل الخروف السمينا

والفا فراولة البثاره بثيره

وفيها اللقافه يالجماعه كثيره

وتناحة(ن) في راسها مثل ديره

تهوى البثاره والتلقف علينا

والقا قلب لي معدتي شخص مجنون

يرزز الصوره مسوي لي مزيون

واخيه الوافي بعد مثله يكون

لا تقول ابولميا ترا يحش فينا

والكاف كلمة راس للمرهفه بس

لا ترتخي للفار ثم ينقلب بس

وياخذ فوايد منك ويقول لك طس

ثم افهمي هرجي وقولي رضينا

والام لا تسمع كلام(ن) لغيري

اعطيك علم(ن) لك يوافق ضميري

صريح وما عندي فـ احد يا عشيري

اسمع كلامي ياللذي ما تبينا

والميم ملسونه زعيمة عصابه

تدبر مقالب للنسيب الزلابه

يا ليت يوم(ن) شافها صك بابه

ولا نحش عنها وصارت حزينا

والنون نوري ساطع(ن) كل حيني

واحش من هو دايم(ن) يبتليني

من مثل خلقي ياعرب لي وزيني

والزين فيني شايع(ن) بالمدينا

والها هطل فكري لذكر المعانق

معرس جديد وللمماليح خانق

ويزود الهرجه مع الدب رايق

ويقول من مثلي تفيخ ومتينا

والوا وهج تعطي خبرها الاكيدي

تروج اشاعات وتعيد وتزيدي

ممطوطة الخشه وتلعب حديدي

وتعطي خبرها كل وقت(ن) وحينا

و اليا يواجهني من الناس لوام

واللي زعل منكم فلا هوب منلام

من حشي اللاذع ضرم كبده اضرام

من ذا اللذي شعره يغطي علينا

وسلامتكم