مذكراااااااااااتي من طأء طأء للسلاااام علااااااكم

السلام علاكم ورحمة الله وبركاتوووه

خلونن اقولكم مذكراتي من طأ طأ للسلام علاااكم..........



كااااان ياما كااااااان في قديم الزمان وسالف العصر والأواااااان <<< خشت جو
تذكر ذاك المسلسل كان ياما كان ذيك العجوز اللي تقدموه وتقص على عيال ولده تقول تعوو حبايبي لأحكيلكون كان ياماكان في قديم الزمااان لحتن كان

<< اخلصي

(((مرحلة الطفوله)))

المهم بحتسيلكم يوم كنت وغده (( بزر = بيبي )) وش اعمل كان عمري حوالي 3-4 سنين انا البكريه
يعني الكبيره احم احم كنت مدلعه ومدلله ومايقالي ياقويدر الا جا ذاك اليوم اللي هدم كل شي وراح الدلال والدلع يوم
امي جابت ولد تعرفون عاد الولد لوه قيمه كبيره وخطف مني كول حاقه وسرأ دحكتي وفرحتي تهئ تهئ تهئ
لويحصلهم يذبحون كل يوم ذبيحه من الفرحه بوه << فيه يعني هع هع
<<< اللي يسمعها يقول ماتدلعت
في يوم كنت معصبه مره ومقهوره تعرفون اللي ياخذ منك مكانك بالدلال شي يبط التسبد ويقهر ويفقع المراره
وانا كنت انواع الحراتيت وقاعده ارضع <<< مافطمت من الغيره اللي به
وماني قاعده ارضع لا اسحب الرضاعه بسنوني من الشطانه واللعانه والرضاعه مليانه حليب
واسحب واسحب واسحب وتشششششش <<< صوت الحليب انكب على خشتي
وافقع بأكا الصوت وااااااع وااااااااع وتجي امي قالت احسن وكانت الكشه الله لايوريكم طايره من الشر وامتلت حليب الدنيا كله وسريري

ومره كان اخوي لحاله واجي انا يعنني ابي ادلعه واحبحبوه قدامهم يوم راحو اهلي وتركونن معوه امي كانت بالغرفه الثانيه
وسمعت صوتوه يوم صرخ بأكا الصرخيه واااااااااااعععع وااااااااااعععع وجه حمر وزرق
وامي توقلي وش عملتيبوه وانا من الشطانه قلت ماسويت شي يوم شافو يدوه الا اثار سنوني على صبعوه ومزرق
واخذت حقي من الدلال على طريقتهم طبعاً هع هع هع


ومرت السنون والسنين والسنانا << هذي ابوي يسمي سي ان ان السنانا هط هط



تذكرون ريكو البسكوت هذاك الاحمر اللي لابس طاقيه ادري ما امداوه للحين اتوقع فيه


المهم
هذيك الايام اشتهر رقم لريكو ندقدق عليه عشان نسمع اغاني كنت ادق انا وبنت خالي يرد هندي علينا اقوله ممكن اسمع اغاني
يقوم يحطلنا اغاني ريكو حقت الدعايه هذاك اليوم سوينا قلق لهالهندي مره ادق انا ومره بنت خالي
المهم على حظي انا ياحياتي انا ياعمري انا <<< دخلت ابو الاغنيه
دقيت وكان اكا الهندي الحيوان معصب قلت انا بكل برائه ممكن اغاني قال هومااااااره (( حماره يعني الله يعزكم )) وسكره بوجهي الله ياخذوه
للحين حاقده عليه وهـ بس
<<< رحمت روحي
تجيكم عاد ايام المراهقه وما ادراك ما المراهقه يوووووووه كنا انواع السخافه قصم بالله حاقده على نفسي
اسمعو هالسالفه

توي ابي اتغطا ابوي الله يهديه نشب بحلق امي تتغطا يعني تتغطا . . وامي توقول حرام توه صغيره
المهم مشا كلام الرجال طبعاً وتغطيت لبست كاب حق الشغالات كنت ما اعرف البس عبات زي الحريم كاب ويخب
وبيوم قالو نبي نروح العقاريه عاد وين العقاريه هذيك الايام كانت شي وهـ زمن لبست الكاب وتغطيت الغطوه طبعا ثقيله ومربوطه ربط من ورا ناطه الربطه من الحرص انه مايطلع وجهي هع <<< انتم متخيلين الشكل
المهم نتمشى عند محلات القماش بالعقاريه الجديده 3 فيه محل الله يلعنوه كان تصميم المحل من برا جاي متعرج داخل وطالع وانا عاد الشوف الله بالخير وما انتبهت للقزاز طاااااااااااخ صوت القزاز
جا حق المحل يركض سلمات سلمات قال ابوي لا مافيه شي توه متغطيه بس فضحن ابوي وش دخل راعي المحل بهالسالفه يقاله يبرر
كنت انا ايام المتوسط احب ايهاب توفيق (( لاتستغربون ولا تضحكون)) حب مو طبيعي قصم بالله كنت اصيح عشانه ولا شفت اغنيه جديده لوه اتنح قدام التلفزيون واصيح لو غيرو الاغنيه
واغار من البنات اللي معوه وبنت خالي الله يذكره بالخير كانت تحب عمرو دياب بس اهون مني انا كنت خبله صدز
تخيلو انا واياه بس الووك مان على روسنا ماننزلوه من اذانا هي عمرو دياب وانا ايهاب ويالله دوجي بهالحوش نلبس كفرات (( سكيت )) ولا من الكشخه لابسين قمصان بيت
تخيلو قمصان بيت وكفرات واتسبدي تسبدااااااه وعععع من قلب وعععع
ولااااااا نقوم نمثل الاغاني اكون انا البنت وهي عمرو دياب أو العكس مثلا اغنيه مابلاش نتكلم بالماضي الماضي دا كان كلوه جراح <<< نمثل هالاغنيه واتسبدي تسبداااه

(((مرحلة المتوسط)))

رحت للمتوسط ومازلت اعشق ايهاب توفيق اكثر من قبللدرجة اني اتخيلوه فارس احلامي
كنت بثاني متوسط ما انساه هالسالفه طول عمري كانت معي بنت بالفصل خبيثه تدري اني احبوه قامت تنصب علي تقولي انا اعرف ايهاب توفيق وافتحلكم هالخشيه قلت احلفي قالت والله << الحلف عليك بوه
قالت كل اجازه نسافر عندهم بمصر قلت احلفي << ومازالت علامات التتنيح على خشته
وتسولفلي عن مواقفهم مع بعض (( مع ايهاب )) تقول لا قمنا الصبح نفطر كلنا انا واياه واهلي بالسفره واجلس قباله ويقعد يلمس رجوله برجوله <<< لاتفوتكم الرومنصيه
كنت ارجع للبيت واعياااااااااط وكمان اعيااااااااااااط
والله اني مخفه ومصدقه بعد وانقهر واطرطع واحاول اسوي نفسي عادي وخوياته بنات التلفس ساكتات مبسوطين يلعبون علي ايييه لقو مخفه
وتقولي انه تسهر معوه عند التلفزيون وانوه مره قامت تبي تروح تنام بغرفته قام ايهاب سحبه ووو ووو ووووو
انا دورونن غرت وانقهرت
وهـ بس ياحياتي انا ياعمري انا

(((مرحلة الثنوي)))

يوم كنت بأولى ثنوي سافرت لأمريكا أول مره بحياتي أسافر برا ركبنا الطياره وانا طقتن هالبرقع <<< ماهقيت ان البراقع يفتنني الين شفت ضبا النفود مبرقعاتي
والطياران لأمريكا مسافه 13 ساعه نص يوم وساعه الا كان بوه شاب اعجب بي
تصدقون للحين فيه سؤال محيرن.... وش اعجبوه بي ؟؟
يوم جينا نهبط جانن ابوي قالي يالله افصخي عباتس بنهبط قلت طيب لا جيت ابي افصخ الا هالشاب يراعيلي واقوم اهون
يجي ابوي يالله هبطنا اقول طيب لا جيت افتش اهون قاعد يتمقلن يبي يشوف خشتي قصم اني عجزت افتش اول مره بحياتي افتش للرجال لاحول الله ومستحيه اخاف ينخرع
بالاخير قالت امي تعالي جنبي وافتشي وخلي الطرحه عليتس قلت طيب وساعه بالموت فتشت واكا الجني يتلفت يبي يراعيلي (( بتسألون ليه افتش كانو اكا الايام يستغربون الحريم اللي يتغطن بأمريكا ويضايقونهن عشان كذا قررنا نفتش امي تحجبت وانا لا تقل ولده بهالكابات والبناطيل
المهم كنت شيفة الشيف اخرع من النحف كنت مركبه بريسزز (( تقويم )) عاد معروف التقويم ينحف وكنت الكحله ما اعرف احطه كان وجهي اشهب يالله احط روج بني محروق تذكرون طفة البني هط هط هط والووك مان بأذاني
وشفت اكا الشاب صدفه بسوق تنح يراعيلي وانا اقول ياربي هالوجه مو غريب علي يوم راح تعدانن تذكرتوه واحط رجلي <<< من الحيا الزايد يقاله
شكلي خفت انه ينخرع لو يشوفن زين
هط هط هط

وسلامتكم هذا اللي أذكرهن حالياً يارب تكون عجبتكم مذكراتي الخطيره