| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
إعلانات منتديات منطقة الرياض
|
|||||||||||||||
|
|||||||||||||||
 |
|
|
LinkBack | أدوات الموضوع |
|
#1
|
||||||
|
||||||
أنا نمله !
في أحدى الليالي الهادئه حسيت بشوية طفش فقررت اني اطلع بحوش بيتنا أتأمل في مخلوقات الله واشم شوية هوا، ويوم طلعت لقيت جدتي قاعده تبخر الزرع،انا استغربت في البدايه بس قلت في نفسي اكيد فيه سبب لهالشي المهم طنشت وجلست على الكرسي وقعدت اتفرج عليها وفجأه وبدون اي مقدمات لقيت نفسي خابطه على خشيشتي وانواع الصعارير في جبهتي  بس تمالكت نفسي وقمت على حيلي ويوم طالعت لقيت كل شي من حولي متغير وصاير كبير.. وقنازعي شاقصات ومترززات على فوق كأنهن أريل وعيوني متورمات وطالعات لبرى  ووجهي مافيه خشم وجسمي لونه أحمر!!يوم شفت السالفه كذا شهقت ذيك الشهقه وقمت اركض واصيح وتفاعلا مع الموقف طلعت صوت موسيقى حزينه وكالعاده تحمست وطمرت طمره مثل طمرات راقصات الباليه ومادريت الا انا خابطه مره اخرى في بركة مويه  ويوم قمت شفت صورتي معكوسه وفي هاللحظه فهمت السالفه كلها أثاريني تحولت الى نمله حمرا...!!! انا جلست مده لين ما استوعبت الوضع وفجأه قاطعني صوت سامري وطقطقه من بعيد وانقز لكم ذيك النقزه نحو مصدر الصوت ويوم وصلت لقيت جدتي صايره عملاقه ومدهره ماغير تبخر بهالزرع ومجموعه من النمل الأسود مسوين عرضه عند رجولها ويغنون..  يا خالتي خافي من الله وارحمي حالي جسمي برى يا خالتي وانتي تشوفينه ورايحين فيها ماغير يترقصون وفجأه استنزل واحد منهم عاد انا احتراما لمشاعره الجياشه ماحسيت بنفسي الا وانا اطامر معه واترقص بقنازعي<< على الريحه  وبينما انا اترنح بقنازعي من شنق الى شنق آخر ومن ميله الى ميلةٍ أخرى مادريت الا واحد من النمل يرمقني بنظرات اعجاب ويراقبني من بعيد عاد انا مايحتاج خقيت وصرت اترقص زياده وماغير اقزقز فيه ويوم خلصت الاغنيه جا عندي وقال لي:وش اسمتس انتي يالنمله الحمرا؟ عاد انا حقرته مسويه ثقل وانا قلبي يقرقع  المهم هو عداها وقال لي:انا اسمي ابو شنب وبصراحه اعجبتيني وقررت اني اطلب القرب منتس وش قلتي؟؟ وتوني بجاوب الا يطمر علي واحد من النمل الأحمر مدري من وين طلع ويقول وخر عن هالنمله عندنا يالنمل الأحمر البنت ما تتزوج الا ولد عمها يعني انا اولى بها منك ومير انا استنانست وقعدت اسوي حركات بهلوانيه من شدة الفرح أولاد يتهاوشون علي؟؟ هذا عز الطلب وبينما كنت جالسه اتمايل واتأرجح من الفرح مادريت الا النمل قاموا يطلعون اسلحتهم وبدت تطلع علوم القبايل ومير تجيني ام الركب واقعد افك بينهم واقول لهم تعوذوا من ابليس،واحد اليوم والثاني بعد اسبوع مايصير الا الخير ياجماعه ماهقيت الا وهم منقلبين ضدي وقاموا يلاحقوني عاد انا خميت عفشي ونقزت من عندهم نقزه دبلوماسيه وقلت مافيه شي بيفكني من هالورطه الا جدتي فهرولت مسرعه لها وقعدت اصوت لها وهي قاعده تغني يا راسي يا مسباي ان كديته وصل العلبا وان خليته شمر فوق فقعدت اعضعض في عصاقيلها عل وعسى تنتبه لي ومافيه امل ماحولي الا عظامه وبعد تفكير عميق قررت اني اتسلق لين اوصل لراسها واعض خشمها اللي كبر قريح كودها تحس فيني وفعلا تسلقت وتسلقت وللأمانه ساعدتني شعيرات ساقها كثير في عملية التسلق ويوم وصلت قمت انطط فوق خشمها لين شافتني مادريت الا وهي تقول: نفــــــره!! وش ذا اللي يطامر على خشمي ماهو هاقي الا وهو مخبوطن على وجهه ومير انا خفت يجيني شي منها فدخلت بفتحة خشمها اللهم صلي على محمد تقولون مغارة علي بابا،وما امداني ادخل الا سمعت صوت ريح قادمه من الشرق فعرفت ان جدتي ناويه نيه قشرا فسلمت أمري لله واستقبلت القبله وتعطسني جدتي ذيك العطسه اللي ما وعيت منها الا وانا مرتزه على الكرسي وجدتي تقترب مني رويداً وريداً.. وانا اقول ياويلي ويلاه عز الله جاك الموت يا تارك الصلاه وما حسيت فيها الا وهي تقرصني باذني وتقول قومي قمه تقوم من حيلتس ماغير مشاخر لا شغل ولا مشغله يعني في النهايه طلعت السالفه كلها حلم في حلم.. 
|
27-09-2005, 10:58 PM
|
#2 | |
|
عضو فعال
    |
رد : أنا نمله !
هههههههههه بصراحه قصة حلوه ... اقصد حلم حلو يسلموووووو على هيك قصص ق و ق ل
|
|
|
|
27-09-2005, 11:02 PM
|
#3 | |
|
مشرف المجالص الترفيهيه
  |
رد : أنا نمله !
ههههههههههههههههههههههههه ياكثررر احلامكن يالبنات انتم وش تأكلون قبل النووم .. مضاد حيوي حلمي ؟ هههههههههههههههههههههههههههههههههههههههههههه ينطيك العافيه ع الصحبه الأليمه والحلم الفضيع هع تقبلي خالص تحياتي
|
|
|
|
|
27-09-2005, 11:09 PM
|
#4 | |
|
مراقب مجلس الكمبيوتر والإنترنت
 |
رد : أنا نمله !
يالنمله الحمرا << تصلح علاج للسكر من خبطه وحده على خشتك قلبتي نمله حمرا اجل لو انتي خابطه على اذنك اش تبين تتحولين اكيد كنغر لزوم المطامر عجبتني طريقتك لحل مشكلة النملات <<< ببتزوجهم بالدور شكل جدتك لبنانيه مهتمه ( بالزريعات ) لكن الغريب ليش ماتمسكتي بالشعيرات عندما هبت الرياح الشرقية المصحوبه ببعض زخات المطر القادم من كهوف تورا بورا يعطيك ربي العافية يالريقه الحمرا كل الشكر لكي تقبلي تحياتي
|
|
|
|
|
27-09-2005, 11:38 PM
|
#5 | |
|
عضو مؤسس
 |
رد : أنا نمله !
^ ^ ^ صوت طراااااااااااااااااااااااق الله ياخذ بليستس متحمس وكل شئ قلت ياليتني أبو شنب في النهاية صرتي تحلمين جحعلتس ما حلمتي خخخخخخخخخخخخخخخخخخخخخخخخخ بس حلووة ياحلووووة <<< مسوي أبو شنب خخخخخخخخخخخخخخخخخخخخخخخخخخخ
|
|
|
|
|
27-09-2005, 11:58 PM
|
#6 | |
|
عضو مؤسس
 |
رد : أنا نمله !
نايمه بزاوية شكلك  مشكوره على خفة دمك ومشاركتك الحلوووووووووه  اجمل تحياتي
|
|
|
|
|
28-09-2005, 02:50 AM
|
#7 | |
|
مراقب سابق
فارس المجلس العام |
رد : أنا نمله !
حلوه منك وما ةقصرتي انتي وقنازعك والله القصه تهبل سوري الحلم تقبلي تحياتي اخوك ملك القلوب
|
|
|
|
|
28-09-2005, 08:07 AM
|
#8 | ||||||||||||||||||||||
|
عضو مؤسس
|
رد : أنا نمله !
هق هق هق .. هذي فايدة اللي يقرون المواضيع من الآخر .. ولي عوده افصفص الماضوع كالعاده 
|
||||||||||||||||||||||
|
|
|
28-09-2005, 03:27 PM
|
#9 | |||||||||||||||||||||||||||||||||||||||||||||||||||||||||||||||||||||||||||||||||||
|
عضو مؤسس
|
رد : أنا نمله !
<< تصد من الخجل لحظه
مرسي خالص عيوونك الحلووه 
يسلم راسك يارب وتعال كل يوم
ر ا ي ق ـه 1
|
|||||||||||||||||||||||||||||||||||||||||||||||||||||||||||||||||||||||||||||||||||
|
|
|
28-09-2005, 03:32 PM
|
#10 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
عضو مؤسس
|
رد : أنا نمله !
عساهاا دووم
وش نسوي حيلة العااجز خخخخخخخخ
لأ وانا اختك ذي عندنا ميزه تجي بالفطره من ربي من غير مضادات يعني لاتحاول
الله مير ينطيهاا الجميع قل امين
وتقبل تشنكراتي على مرورك
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
