| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
إعلانات منتديات منطقة الرياض
|
|||||||||||||||
|
|||||||||||||||
 |
|
|
LinkBack | أدوات الموضوع |
|
#1
|
||||
|
||||
بسوووق هيه هيه بسوووق
شلونكم؟؟ وش علومكم؟؟ انشاء الله طيبين في سنه من السنوات في شهر من الشهور <<< احلفي المهم قبل يومين  قمت من النوم  وكالعاده مفهيه  مااستوعب اللي حولي الا بعد ساعتين ثلاث المهم توي قايمه ومتنحه  اسمع اهلي يسولفون وماركزت بأي سالفهطلعت سالفه من السولافات بالصداره <<< حشى سباق واستحوذت هذه السولافه على تفكيري وعقلي<<< متعوب عليها قعدت اسمع ابوي يحكي السالفه لأخوي وأنا مازلت مفهيه  قال ابوي ماشفت الرخص الجديده يقولون بيصير مكتوب فيها زياده على الخانات المعروفه خانة الجنس : ذكر أو انثى قال يمكن بيسمحون بسواقة الحريم <<< هالسالفه حكو فيها الناس لين قالو بس المهم قمت قلت لأبوي أبي أسوق سكت شوي  قال تعرفين تسوقينقلت اتعلم  بس لاتحجج <<< طاااااااااخ جتها علبة المناديل على خشتها  قال خلاص مافيه مانع وش تبين سياره <<< على طول ابو كاش  قلت ابي كديلك  <<<< احب واعشق هالسياره  قال وش تبين لونها قلت لؤلؤي التفت على امي قالها وأنتي وش تبين سياره <<< منت سهل يابو الشباب قالت لا خلاص دام بنتي بتسوق أنا مولازم <<< اموت على التضحيه قال ابوي متى تبين اعلمك السواقه قلت خير البر عاجلووووووووه قال يالله قومو خل نروح للبر نعلمها هناك احسن مافيه بشر ورحت اطق لكم الجنز السترش << الاسترتش عشان اناقز براحتي بالبر خخخخخ والبس بوت وتي شيرت <<< ياروحي على السبور المهم ونركب السياريه وننطلق في رحاب بلادي الشاسعه الخضراء عفواً الصفراااء وصلنا البر وانقز لأبوي وهو يفرش الفرشه يبه يبه يالله ابي اسوق قال انثبري اشوووه امسكي الطرف خلي نفرش <<<تحطمت  بس معليش لعيون السواقه اصير حطام يوم فرشنا اجي ابوي يبه يبه يبه قال خير قلت يالله علمن قال ماني معلمتس خلي اخوتس يعلمتس قلت طيب يالله قم انت <<< خوش اخلاق وتبينه يعلمك  قال ابوي خلي نتقهوا او اهجدي شوين خشيت جو وفكيت الخشيه  قعدت اتخيل شكلي بالكديلك وانا مركبتن صديقاتي وبنات عمتي وبنات خالي <<< مابقيتي أحدمادريت ال أمي صابختن راسي بيده قلت هاه قالت وجعاه صبي قهوه لبوتس ولي قلت طيب طيب احتسي ماهو تكمخينن مع راسي قالت لي ساعيه اصوتلتس <<< ساعه يمه ياحبتس للمبالغه قمت صبيت قلت سم يبه سمي يمه وقعدو يترشفون القهوه ورجعت لفكة الخشه جانن اخوي رحمن قال قومي يالله اعلمتس قمت نقزت نقزه بغيت اكب الترامس عليهم قالت امي خرش طايرت على وشوو قلت بيني وبين نفسي بلاتس ماتدرين طموحي  ركبت مكان السواق يووووووووووووه شعور لايوصف قالي حطي رجلتس اليمين على الفرامل واضغطي بقوه خليتس ضاغطه ورجلتس اليمين لاتستخدمينه قلت طااااااااه  حطوه لي اوتوماتيك اسهل وأنا قالي شيلي رجلتس من الفرامل وادعسي بانزين شوي شوي وادعس ياقلي شوي شوي مادرينا الا روسنا راجعتن وراا قال اخوي شوي شوي واضغط على الفرامل الا خششنا لازقتن بالكبوت فكنا الله تسان ضروساتي راحن وطي قال اخوي انتي ماتعرفين وانتي وانتي الشرهه على اللي يعطيتس وجه قلت لاتنافخ انا اختك الكبيره <<< فرحانه بعد المهم قلت لوه انزل ابي اسوق لحالي قال لا ماني مخليتس لحالتس قلت عادي ماني مبعده بسوق حولكم اتعلم لحالي وتصير اصابات بي لحالي ازين انخرع على عمره ونزل  قالي لاتخربين السياره قلت ايه بس اللي علمتن عليهن اتكل وخر هناك نزل وخلانن لحالي وناااااااااااااسه  قمت فتحت الشبابيك وفليت الشوشيه عشان تطير مع الهوا  وطلعت يدي من الشباك اللي يشوفن يقول هذي حريفة سواقه واشغلي شيرط لقيت مكتوب عليه كسرات  وطول الصوت على الأخير وامر من عند اهلي وامي تصرخ اقصريه تحسبينتس بالبر << اجل وين يمه الله يهديتس وتصارخ العالم حولتس الحين يصورونتس بجوالات الباندا <<< تقل مابوه جوال بوه كمره غير الباندا  وينشرون صورتس بالبلوتوث كل هذا وانا ادور حولهم وامي تلعلع بصوته ماشاء الله الله لايضره وادور وادور وادور لين تقلبت تسبدي واطلع راسي من الشباك واطرش  كلوه على السياره عشان الهوا هع هع هعيوم ارتحت شوين قمت مسكت جوال دقيت على بنت عمتي الووو الوووو هيه انتي يالعبديه((معيارته)) قاعديه اسوووق ناناناااناا <<< ياكره هالحركه قالت هاه قلت قاعده اسوق صقه قالت طلبتس قلت جاتس قالت فحطي تكفين قلت يؤيؤ تكفين تهز رجال <<< اخس يالنشميه واميل العقال امزح قلت ما اعرف يالخبليه قالت مايبيله شين ادعسي بانزين ولفي الدركسزن لفه وحده قلت طاااااااااه لعيوتس يابنت عمتي واسكر <<< حشا مو بنت عمه حبيبه خاخاخا وأقوم أدعس وأغبر على اهلي من قوة دعستي والف الدركسووون لفه وحده وافحط الا الغبار كلوه دخل علي من الشباك لا خوي جاين يركض  يالخبليه ياللي بتس ياللي مابتس وجهوه غادين تقل تسبد من العصبيهيوم فتح الباب علي قال بسم الله الرحمن الرحيم سكنهم مساكنهم قلت اتدزلع تلايط بس  قال شوفي وجهتس بالمرايه قمت لفيت المرايه علي قلت بسم الله سكنهم مساكنهم الا وجهي كلوه اشهب وشوشتي شاقصيه وكله غبار قمت القي نظره على ماحولي <<< متعوب عليه الا السياره كله غبار من داخل غدت تقل طعس ونزلت انفظ عن روحي الغبار لا ابوي وأمي جيايين ناصينن ابوي حازمن ثوبوه وشماغوه مدري وينوه شكلوه من الحراتيت زاتوه وقاضبن العقال بيدوه ومعقدن الحجيه  وامي لافت عباته تحت ابطه ونقابه مرفوع على فوق تقل صبابيه مادريت الا بأكا الكمخه على راسي  الا انا فبيتناوالتفت على اللي كمخن قلت هاه رد ابوي وجعاه وشبتس ترافسي <<< يوم كنت اسوق ومبققتن عيونتس قلت مدري كنت أسوق قال تسوقين ايه هين معصي لا اعرستي قولي رجلتس يخليتس تسوقين تحطمت  طلع كل هذا حلم من احلام اليقضه اللي انا احلمه ليل نهار  بس ابشركم بسوق بسوق الله لايعوق بشر لأني اعرست وبخلي رجلي يعلمن السواقه قريباً هانت هط هط هط وسلاااااااااااااااااااااامتكم
|
03-10-2005, 08:20 AM
|
#2 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
عضو مؤسس
 |
رد : بسوووق هيه هيه بسوووق
عز الله مقامتس 
في ساعه من الساعات في دقيقه من الدقايق << احلف
اهم شي يكون الجنز والتي شيرت فسفوري عشان توضحين في الليل 
واخزياه .. والسواق وينووووه .. 
هههههههههههههههههههههههه الله يرجتس يالخبله << يمون 
وع ..وع .. وع 
ههههههههههههههههههههههههههههههه حلووووه
ههههههههههههههههههههههههههههه الله يرجتس وانا اختس
جعلتس مانيب قايل ..
افلقيني ياشيخه << شيخه ولا حصيصه
مبرووووك والله يرزقتس الذريه الصالحه .. قولي آمين.. بعد قولي آمين .. الله لايعطيتس الا كل خير  تحياتي لتس ..
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
03-10-2005, 10:56 AM
|
#3 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
عضو مؤسس
 |
رد : بسوووق هيه هيه بسوووق
لايكثر
في حزه من الحزيزات
اسلمي
عادي تصير في احسن العائلات
 هذي رخصه والا استماره سحب
يجيب الله مطر 
ماتلاخظين انتس قلطتي عليهم بهالكلمه 
مهيب تضحيه يالكمخه عشان لابغت شي تقولتس وديني انا ماعرف اسوق << محشش
انتي بتسوقين والا بتسوين خلطة اسمنت
اخرتها بخليتس تمسكين حارس واخلي اعضاء المنتدى انواع المزع فيتس 
اقول اعقلي لاتدخلينا في السياسه 
ياشين الطفاقه بس
|
