صحيح شاطر لكن صعب تخدعني .

قاصد · #1

صحيح شاطر ولكن صعب تخدعني .

تقشير البصل أحياناً له علاقة بالرغبة في الإنتقام !! يعني مثلاً خذ عندك . . إذا تعطل جهازك وانت ممن يقضون ساعات الليل الطويلة على المسنجر أو غرف المحادثة مع شخص مقرب إلى القلب. . ماذا تفعل في هذه الحالة ؟!! طبعاً ما قدامك إذا افترضنا انك توك صاحي من النوم بعد صلاة العشاء إلا كيس البصل ! لا سيما بأن هناك نوع رخيص من البصل يساعد على مزاولة هذه الرغبة العارمة . . دون وجود أي تكاليف تذكر .

في عصر السرعة وما تمخض عنه من إنفلات وسباق محموم في عالم الكمبيوتر والبرمجيات . . يغتالني منظر ذلك الشاب الذي لا يعي ولو الشيء القليل من هذا العلم . . بل وما يزيد في القلب حسرة هي الدوافع الضحلة عند كثير من الشباب لتعلُّم أسرار هذا الجهاز لكثرة ما يسمعون من حكايات العشق والإثارة في عالم أصبح يقدس أهواء النفس البشرية .

أخبرني صديقي العزيز مرزوق – وهذه الشخصية من نسج الخيال - بأنه عاقد العزم على شراء جهاز كمبيوتر لغرضٍ في نفسه لم يفصح عنه من الوهلة الأولى . . ولكن أمارات العشق والوله كانت قد بدت على محياه .

مرزوق : ياخوك ماتخبرلي جهاز كمبيوتر مستعمل نظيف ؟

أنا : خخخخخخخخ لا والله يامرزوق المواصفات هذي مواصفات مازدا ماهي مواصفات كمبيوتر .

مرزوق : هيا عاد بدينا بالتريقه . . وانت اللي مقلقني كل يوم والثاني اشتر اشتر . . ولا تنسى بعد أبيك تشوف لي مسنجر رخيص (بتشديد الياء) عشان تركبه لي فالجهاز !! بيني وبينك كل ماجيت في مجلس . . الناس مالها الا عن الكمبيوتر والمسنجر . . جابوا لي القلق وانا ياغافل لك الله .

أنا : مرزوق !! علي الكلام هذا ؟ وش سالفة الكمبيوتر اللي طالع بها اليوم ؟

مرزوق : يقولون على حسب ما أسمع انك تقدر تكلم أي واحد أو أي وحده بالمسنجر . . هو صحيح ؟

أنا : إيه بس لازم بالأول نشتري إيميل عشان تقدر تكلم بالمسنجر ؟

مرزوق : وعسى ماهو غالي الإيميل ؟

أنا : إممممممممم يعني على حسب . . فيه إيميل تبع الياهو . . وفيه إيميل تبع الهوت ميل . . وفيه إيميلات كثير عد واغلط .

رمقني مرزوق بنظرة فيها بريقٌ يبعث على الشفقة وهو يشعل سيجارته وقال :
الزبده الله يرضى لي عليك . . الزبده . . وش اللي تشوفه مناسب ؟

أنا : أنا أشوف اننا نشتري إيميل من الياهو . . منها يعطيك مساحه أكبر . . ومنها انه يمسك السعر . . يعني لو حبيت تبيعه بعدين ماراح ينقص من قيمته الا حاجه بسيطه ! زيه زي الجيب تايوتا الـ Vxr .

مرزوق : طيب وبكم هذا الإيميل ؟ ووين المحل حقهم ؟ والله اللي يسمعك يقول اني ودي أعمر عماره .

أنا : يعني ان شاء الله ألاقيلك إيميل مع مسنجر (نظيف) مع جهاز كمبيوتر في حدود الألف . . الألف وميتين . . والمحلات كثير خل الشغله هذي علي .

مرزوق : تكفى الله يخليك . . أنا عند الله ثم عندك . . أبيك تشتريها اليوم كلها . . وتعلمني عليها .

أنا : يامرزوق ياحبيب قلبي الشغله ماهي زي أنت متصور . . انت قبل ما تعرف الإيميل والمسنجر . . لازم تعرف وش هو الكمبيوتر بالأساس وإش هي مكوناته . . بعدين تعرف كيف تستخدم الإيميل والمسنجر . . يعني أكل العنب حبه حبه .

مرزوق : أيووووووووووووووووه منك ومن فلسفاتك اللي ماتنتهي . . طيب تعلمني عليها كلها ؟

أنا : إيه بس قبل ما أعلمك عليها كلها . . علمني أنت بالسالفه كلها . . وش اللي مخليك متلهف على الكمبيوتر والمسنجر ؟ يعني ماهي عوايدك .

مرزوق وهو يخرج من جيبه قصاصة ورقية كُتب عليها عنوان بريدي ورقم جوال :
هذي سلمك الله وحده قابلتها بالسوق قبل كم يوم . . وبعد ما أخذت وأعطيت معها فالكلام . . عطتني الورقه هذي . . وصرت بعدين أكلمها على جوالها . . وقالت لي مره ليش ما ضيفتني عندك على المسنجر ؟

ماعرفت ارد عليها وعرفت هي اني من جنبها فالكمبيوتر . . وقالت لي : معقوله عبد الإله (طبعاً هذا الإسم العملي في المغازل) ماعندك فكره عن الكمبيوتر ؟ قلت لها : إن شاء الله رايح اشتري كمبيوتر . . كله لعيونك يهون .

وجلست عاد تكلمني عن الكمبيوتر والانترنت وبيني وبينك هي ترى اللي قالت لي لازم تشتري المسنجر . .

أنا : صار كيذا ؟ لا والله معها حق . . لازم تشتري مسنجر .

تم شراء الكمبيوتر للسيد مرزوق وبدأت رحلتي معه في تعليمه بعض الأساسيات في الجهاز ومن ثم الإنترنت . . واخترت له بعض المواقع للإطلاع عليها . . طبعاً أهم شي كان عند مرزوق المسنجر . . وكان أول شي سواه بعد مافهم حكاية المسنجر قام بإضافة صديقته على المسنجر وسوالها حظر عقاباً لها وردعاً لأمثالها على تريقتها في السابق كما قام بإرسال رساله بريدية لها هذا نصها :

العنوان : صحيح شاطر لكن صعب تخدعني

النص :
ياللي تطالع وكنك ماتطالعني . . . نظرتك هذي حبيبي لا تكررها
صحيح شاطر لكن صعب تخدعني . . أنا على الطاير أفهمها وامررها

أشتري مسنجر ها ؟

انتهت الرسالة .

وقتها أنا ماقدرت أمسك نفسي من الضحك على مرزوق وأساليبه . . حتى في عالم الانترنت ترانا نتصرف بما تمليه علينا ضمائرنا .

أعجب أخينا في الله بغرف الدردشة والبال توك . . فلم يكن الهدف أسمى من ذلك في نفس مرزوق . . حتى استطاع أن يكوّن قدر لا بأس به من الصداقات. . سارت حياته أشبه ما تكون بحياة جهابذة العلماء – مع فارق التشبيه – الذين نسوا الإهتمام بمظاهرهم الشخصية وهندامهم في دوامة الإنشغال عنها .

هل عرفتم الآن ماذا يصنع مرزوق عندما يضرب جهازه بفايرس ؟

طبعاً أكيد بيقشر بصل .

الاصيلة · 02-04-2004, 09:58 PM

بصراحة اسلوبك مره رائع والاروع مرزوق اللي بيبي يشتري ماسنجر
قلة ترا عندي ماسنجر وارقام متشابهه

كان وده فيه والبيع لاعلى سومه ههههههههههههههههههههههههههههههه

يسلمووو قاصد وخلك على النظام هذا ولاتحرمنا من جديدك

اصوولة

sosah · 03-04-2004, 12:38 AM

وجعني قلبي من ذا القصه الله يصلحك..يعني فيه ناس كذا

<<<اموت عالبراءه ياناس

يعني من جد شغلانه يروح يركب له جهاز وانترنت عشان ذا المخبله سوسن<<<وانتي اشدراك؟؟

يعني الدعوى توقع من غير تأكيد...

بس من نظرتي الشخصيه اقول ان الواحد لازم ينتبه للشي اللي يكتبه ويسويه لان الدنيا ما تجي على الكيف

والواحد ما يدري متى بيجي اجله ولازم نكون مستعدين لهالشي في كل وقت..والا لا!!

اشوف اني قلبت السالفه مواعظ بس انا صادزه...وما على كلامي تراب قصدي غبار..

صح والا لا!!

صح والا لا!

قاصد · 03-04-2004, 09:29 PM

تسلم اليدين اللي ثبتت الموضوع .

اللهم وفقه فالدنيا والآخره . . اللهم عطه على قد نيته . . اللهم أبعد عن جهازه الفايروسات ما ظهر منها وما بطن . . اللهم أبعد عنه عيال الحرام .

أصوله . . الله يسلمك ويقدرني على بث المرح في نفوسكم .

سوسه . . لا مانع من التناصح اختي .

المجهول · 03-04-2004, 11:14 PM

^
^
^
أجل سوسن

يارجال سلمني عليه اللي بيشتري الماسنجر

بس عشان تدرون ان السحالي مايخلون الواحد في حاله شافته على نياته قالت
خلينا نستلمه هالضعييف

بس السنايدي طلع ذيب وصكها بحظر ورباها بكلمته

وطبعا نستفيد من هذه الحكايه ان السحالي يستغللون الرجل الضعييف اللي على نياته امثالي

<<<<<<< وش رايكم بما استفاده من الموضوع ماقلتلكم كلن على همه سرى؟!!

مشكور ياخلفهم ياقاصد على هيك حتوته<<<< ياعيني ياميشيل

تقبلوا تحياتي...

قحشة مصاقيل · 04-04-2004, 03:21 AM

ياهلا ياهلا عدد نجوم السماء <<< اصلح شاعر ولا ماتهقى

بالبداية ارحب فيك ترحيبـ(ن) مهوب سهل يا قاصد يا ابداع الجسمي

موضوعك منفقع ومن الطراز الكلاسيكي وناقصه بس شويت ابهارات وفصمتين ثوم ويطلع قنبلة

حياك الله يالغالي بمجالسنا المتواضعه وان شاء الله تفيد وتستفيد وتهبل وتنهبل << وقسمن اغطي على عبدالحليم كلثوم

[كاس شاهي وزقارة مالبورو]

اقتباس


	صحيح شاطر ولكن صعب تخدعني

اخس يا واثق .. يحلفون لوهو طايحن بواحد نذل كان نشبة بشكان الوورد بس ربك ستر عليه وطاح بك ( تسني بك حفرة

)

اقتباس


	تقشير البصل أحياناً له علاقة بالرغبة في الإنتقام

هههههههههههههههههههههه
انا يومني قريت هالجملة تذكرت افلام رامبو

دايم ببداية الفلم يجيب لك كلمة انتقام ولا هروب

اقتباس


	إذا تعطل جهازك وانت ممن يقضون ساعات الليل الطويلة على المسنجر أو غرف المحادثة مع شخص مقرب إلى القلب. . ماذا تفعل في هذه الحالة ؟!!

عادي اشغل جهازي الاسبير << اخس يا ولد الرياض بن طلال

اقتباس


	أخبرني صديقي العزيز مرزوق – وهذه الشخصية من نسج الخيال -

خطاء

المفروض انك مخلي الافصاح عن هوية الشخصية بانه من نسج الخيال باخر الموضوع علشان نتحمس صدزز وحنا نقراه

اقتباس


	ولكن أمارات العشق والوله كانت قد بدت على محياه .

اماارت ولا مناطق <<< كل تبن

اقتباس


	تنسى بعد أبيك تشوف لي مسنجر رخيص (بتشديد الياء) عشان تركبه لي فالجهاز

ههههههههههههههههههههههههههههههههههههه
ههههههههههههههههههههههههههههههه
هههههههههههههههههههههههه
ههههههههههههههههه
ههههههههههه
هههههه
هه
ه

سجل اعجابي بهالجملة ..... ههههههههه انفجار قريحي بمخك يا الخبل << مدحة

اقتباس


	مرزوق : يقولون على حسب ما أسمع انك تقدر تكلم أي واحد أو أي وحده بالمسنجر . . هو صحيح ؟

سماههم في وجوههم

اقتباس


	أنا : إيه بس لازم بالأول نشتري إيميل عشان تقدر تكلم بالمسنجر ؟

هنا فيه حذفة بسيطة بالموضوع

المفروض تقول لازم يكون عندك ايميل .. لانك من طرحك للقصة تذكر بالنهاية ان البنت سوسن

هي اللي قالت له اشتر مسنجر

..

اقتباس


	وإش هي مكوناته

صدز وش هي مكوناته <<< واحد يبي يوهقك بهالسؤال

اقتباس


	يعني أكل العنب حبه حبه .

قصدك طلوع الدرج حبه حبه

<< ياشين تلايط

اقتباس


	هذي سلمك الله وحده قابلتها بالسوق قبل كم يوم . . وبعد ما أخذت وأعطيت معها فالكلام . . عطتني الورقه هذي

وناااااااااااااااسة

الحين الايه انقبلت منول الرجال يروح ويطبع كروت وحوسه .. هالحين ماعليك الا تروح لاقرب سوق والبنات يرقمنك <<< دايم يدق لطمة علشان مايغازلنه

اقتباس


	معقوله عبد الإله

هههههههههههههههههههههههههههه
هههههههههههههههههههه
ههههههههههههه
هههههه
هه
ه
اما عبد الالة ههههههههههههههههه جبتها بالصميم

<<< بيتسطر بعد كم يوم

اقتباس


	وسوالها حظر عقاباً لها وردعاً لأمثالها على تريقتها في السابق

احس انه مدرسة بنات

اما حظر لها وردعاً لامثالها

اقتباس


	ياللي تطالع وكنك ماتطالعني . . . نظرتك هذي حبيبي لا تكررها صحيح شاطر لكن صعب تخدعني . . أنا على الطاير أفهمها وامررها أشتري مسنجر ها ؟

اخس يا عبد الالة المريخي <<< برضوه يتسطر

اقتباس


	هل عرفتم الآن ماذا يصنع مرزوق عندما يضرب جهازه بفايرس ؟ طبعاً أكيد بيقشر بصل

على الاقل تقشير البصل من وراه فايدة

متى ماطن براسك تظبط الكشنه وانت ماشي

الله يصلح حالنا .. كثير مع الاسف من شبابنا وبناتنا وقتهم كله رايح بالدردشة والمحادثات الصوتيه ...!!
موضوع راااااااااايق وهادف باسلوب ساخر جميل جداً ...

سلمت يمينك اخوي قاصد
وبانتظار ابداعاتك ومواضيعك الشيقة

وموضوعك يستاهل التثبيت ..

ولاهنت يالغالي

قاصد · 05-04-2004, 12:21 AM

أخوي المجهول . . وش السالفه ؟ ترى اخوك شام ريحة حرب بين السحالي والتماسيح .

تسلم على التعليق يالغالي .

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور