ايام مهنديات حلوه ( الحلقه الاخيره )

ابو مهند · #1

بعد ما قلت لهم ان امي لبنانيه ... صقع ابوي فرامل .. حسيت ان ديود امي صقعت بوجهي احسبها الاير باق

ويوقف السياره ... قال .. انززززززل من السياره .. لا انت ولدي ولا اعرفك ( احسن ) واوقف على الطريق

ومافيه ولا سياره وقفت لي .. واسوي حركتي المعهوده ( طلعت عصاقيلي وحطيت يدي بوسطي ) الا ذاك

المطفوق اللي يمشي مليون ... يوم شاف العصاقيل .. وهو يضرب فرامل و يدق ريوس ... ويركبني معه ... واقعد

احكي له سالفتي .. قال تهي تهي تهي

ذكرتني بسلقه كانت عندي

قلت له : وش وجه الشبه بيني وبين السلقه

قال : كان عندي سلقه كل ما جيت اتخلص منها حطيتها بخيشه ورميتها في البر .. واذا رجعت البيت القاها

متمدده عند الباب

قلت قصدك اني بأرجع لاهلي ... قال : اكيد شف وجه العنز واحلب لبن ..

قلت الشرهه مو عليك .. يالله نزلني هنا ...

وينزلني .. على الطريق .. ويتكرر المشهد ... واطلع عصاقيلي ... ويجي ذاك المملوح .. ويصقع فرامل

ويرجع ورا ... وا طالع الوجه مو غريب .. طلع ابوي ... ( الله يذكرك بالخير ياراعي السلقه )

قال : والله النشبه ... اركب لا بارك الله فيك ولا في الساعه اللي شفتك فيها

واركب معهم ... قلت اسمع انت يالسعودي .. يامدمن اللبن ... اول ما نوصل الشرقيه لا اعرفكم ولا تعرفوني

ويعض على ضروسه من القهر

والحرمه اللي معه ( اللي تدعي انها امي ) وجهها صاير طماطه

وبدون اي مقدمات .. يفتح ابوي الباب والسياره تمشي 200 ويرفسني .. ما دريت الا وجهي حاك في

الازفلت ( حشا قطو ) ... عادي .. ولا شي قمت ولبست طاقيتي ... عاد انا ما اسمع في شي اسمه طاقيه

لدرجة اني اتروش وانا لابسها ...

المهم لبست الطاقيه .. صحيح اني لقطت اسناني من الارض .. وخشمي حطيته بمخباتي .. لكن مازالت المعنويات

مرتفعه

هالمره مشيت على رجولي ... واسمع صوت القطار من بعيد .. دقيقتين الا القطار يمر من عندي .. والحقه ..

واتعلق فيه

.... ونص ساعه الا انا في الدمااام ...

وسيده للهاف مون ... وما صدقت اشوف بحر ... وافسخ ثوبي .. واخلي الطاقيه ... واطب ... في المويه

مادريت الا فيه شي يسحبني .. من تحت ...وبديت اغوص شوي شوي ... وتطلع فقاقيع ... واغرق .....

ويجي واحد نشمي .. ويطب بثيابه .. ويغامر بحياته ... ويسحبني للشاطي ... وانا مغمي علي ......

يوم جا يسوي لي تنفس صناعي ... عرفني من طاقيتي .... ويركض للبحر .... وينتحررررررررر

طلع النشمي ابوي الله يرحمه ,,

©{« عاشق نجد »}© · 04-04-2004, 01:46 PM


أبوطاقيه ياالبنانى
قصدي الغالى أبومهند <<< يبى يرقعها
والله ثم والله ثم والله <<<<<شايف الحلف
<<<<<<< مايهدد لاتخااااف
انك رووووووووعه ياأبوطاقيه
والله يسعد أيامك دوووووم ياأبو عصاقيل
سجل أعجابى ومحبتى وتقديرى لك

ابو مهند · 04-04-2004, 02:03 PM

اقتباس

الكاتب : ©{« عاشق نجد »}©

أبوطاقيه ياالبنانى
قصدي الغالى أبومهند <<< يبى يرقعها
والله ثم والله ثم والله <<<<<شايف الحلف
<<<<<<< مايهدد لاتخااااف
انك رووووووووعه ياأبوطاقيه
والله يسعد أيامك دوووووم ياأبو عصاقيل
سجل أعجابى ومحبتى وتقديرى لك

ياليت استاهل كل هالاطراء اخوي عاشق نجد ... فما هي الا محاولات لزرع الابتسامه .. في هذا الزمن

الاسمنتي .... حيث تحولت الحياة الى غابه من الاسمنت .. وانعدمت البسمه البريئه

وهذه مشاركه بسيطه مني ... اكتبها على جدران المجالس .. لعلها تزيل بعض الهم الدفين ..

وتغسل قلوبنا .. بضحكه بريئه ...

لك مني اجمل تحيه وتقدير لشخصك الكريم

اخوك ابو طاقيه ... قصدي ابو مهند

sosah · 05-04-2004, 12:32 AM

خخخخخخخخخخخخخخ

اعجبتني المعنويات المرتفعه بس يا هو نشبه ذا الابو المزيف هذا وهو شايتك

يسلمو يا ابو هند ومهند على القصص الجميله<----- ادمنت قصصك جداً بالحيل كثيراً

بنت النور · 05-04-2004, 01:21 AM

ابوووو مهند

قل امين الله لايحرمنا من عصاقيلك خخخخخخخخخخخخخخ

وربي انك روعه في هالمنتدى ويخليك يارب ولا يحرم المنتدى منك

نجم ابداااااااااااع في زمن قل فيه النجووووووم

المجهول · 05-04-2004, 02:41 AM

^
^
^
ابو مهند والله كنك دكتور عندنا وانت ترد على عاشق!!
حركات وجدران اسمنتيه كنك ترد وانت جالس في عماره!!!
بس اذا جينا للحق يمينا بالله انك مزاارع!!
تدري ليه؟!
لأنك زرعت البسمه في قلوبنا قبل خششنا ياخلفهم!!<<<< كيف خششنا لايق التعبير؟!
الله يديمك لنا يالدب<<<<<< أمون عادي!!

تقبل تحياتي...

ابو مهند · 05-04-2004, 09:42 AM

اقتباس

الكاتب : sosah


	خخخخخخخخخخخخخخ اعجبتني المعنويات المرتفعه بس يا هو نشبه ذا الابو المزيف هذا وهو شايتك يسلمو يا ابو هند ومهند على القصص الجميله<----- ادمنت قصصك جداً بالحيل كثيراً

عسى من هالحااال واردى .. ان شاءالله تحلمين فيها بعد

ابو مهند · 05-04-2004, 09:44 AM

اقتباس

الكاتب : بنت النور


	ابوووو مهند قل امين الله لايحرمنا من عصاقيلك خخخخخخخخخخخخخخ وربي انك روعه في هالمنتدى ويخليك يارب ولا يحرم المنتدى منك نجم ابداااااااااااع في زمن قل فيه النجووووووم

بنت النور ان كان فيه فضل ... فهو لعصاقيلي ...خخخخخخخخخخخخ

تحياتي لك .. وشاكر تفاعلك الذهبي

ابو مهند · 05-04-2004, 09:57 AM

اقتباس

الكاتب : المجهول


	^ ^ ^ ابو مهند والله كنك دكتور عندنا وانت ترد على عاشق!! حركات وجدران اسمنتيه كنك ترد وانت جالس في عماره!!! بس اذا جينا للحق يمينا بالله انك مزاارع!! تدري ليه؟! لأنك زرعت البسمه في قلوبنا قبل خششنا ياخلفهم!!<<<< كيف خششنا لايق التعبير؟! الله يديمك لنا يالدب<<<<<< أمون عادي!! تقبل تحياتي...

المجهول .. البسمه هي اكسير الحياة .. وهي كالكبسوله المهدئه للاعصاب .. وهي الاكسجين المجدد للهواء
وهي كحبة البنسلين المسيل للدورة الدمويه ... وكا لفولتانين المسكن للالام ....
وكالفلوتاب .. المجفف للرشح والزكام ... وكالكورتوزون .. المهدي لهيجان القولون

اجارنا الله واياكم من الامراض

©{« عاشق نجد »}© · 05-04-2004, 04:13 PM

اقتباس

الكاتب : ابومهند


	المجهول .. البسمه هي اكسير الحياة .. وهي كالكبسوله المهدئه للاعصاب .. وهي الاكسجين المجدد للهواء
وهي كحبة البنسلين المسيل للدورة الدمويه ... وكا لفولتانين المسكن للالام ....
وكالفلوتاب .. المجفف للرشح والزكام ... وكالكورتوزون .. المهدي لهيجان القولون
اجارنا الله واياكم من الامراض