والله من الحلوم والخمبقه ..

كـ،،ح .. كـ،،،ح


الصوت وآضح ياللي بالآخير ..

هتســوٍوٍوٍوٍوٍ


يؤؤ .. شووو هيـدآآ < اقول انطم واخلص علينآ



سلااااااام شباب اند صبايا كيفكن وشو اخباركن تصدقون اشتقتلكم < اول مشاركه له واشتاقلكم ههههه
والله مدري وش اقول بس بشقلب في الموضوع على طول < فاشل في التقديم هههه





مثل ماتدرون يا أعزائي ان صار لي سنين اتنطنط بين قسم وقسم بالكليه ولكن لم اتوفق ..
بس ترى العيب ماهوب فيني ..

المهم اني قلت ياولد طنش العلم والدراسه كم سنه و طس توظف وجمع لك قرنقشات علشان تشري اللي بـ خاطرك فيه

وفعلاً ذات يوم وفي إحدى الوجبات اليومه صارحت اهلي وقلت لهم ابي اتوظف ..

ردوا علي وقالوا انت هات الشهاده وحنا ندبر ونخليك تشتغل معلم بالمدرسه اللي بـ حارتنا ..

يعني للحين يا مدرس يامدرس .. وش ذآ لنفرض ابي اكون سفير ولا وزير ..
رد اخوي وقال دا بعدك ياروح اميمتك
عاد غرقت عيني من دمعتي .. <<< اقول لا تتحمس ياخالي الكساندر
جد جد جد شي يقهر ..
ليه مافي غير هالوظيفه ..
ليه مصير كل ولد سعودي لازم يكون مدرس ..
يبون يطلع هالعلم حتى من خشوومنآ وجعه
ليه مافي إتاحـه لمجالات اخرى ..
ليه الواحد يتعب ويسهر الليالي ويجيب شهاده معترف فيها دولياً
جد جد جد شي يقهر

طيب في ناس صعب عليهم يوصلون المعلومه لغيرهم ..

ومايعرفون يشرحون .. ولا يحبون قومة الصبح ..
واللي يقهر ... كثير شباب تخرجوا وتوظفوا وصاروا مدرسين ... لكنهم خرطي ..
لا هم متحملين المسؤليه ولا هم فاهمين شيء .. واللي يدفع الثمن الطلآب .. << طيب طيب فهمنا بس نبي نسمع باقي السالفه موب شكاوي لـ وزارة المعارف

ايه شفت اهلي ما عطون وجه ولا حالمين فيني ولا عبروني .. يمكن انا ولدهـم بالتبني وانا ماادري << شكلي بكتب موضوع عن التبني

المهم وقتها جا على بالي خالي ثامر ..ورحت ادق عليه ..
وبالمكالمه قلت له ياخالي توسط لي وخلني اتوظف بالمستشفى واصير ممرض ولا اصور اشعه ولا اقلع ضروس ..
قالي هذا الناقص تشتغل في مكان مختلط .. < ياشين اللي متشدد بقوه
قلت اللي يشوفن الحين راح اقعد مع البنات والعب معهم بناكل صدقني ما راح اعطيهم وجه < اتعب يا ثقل
قال طيب وان شفت وحدهـ تشق الفيس << يقيس النبض
قلت هذاك قلته تشق .. يعني لي عذر هع هع

قال .. وجع اللي يوجعك وتمحط بك بكلآ الطرفين ياللي ماتستحي ولا تنتخي يا .....
قلت لا امزح معك .. انا ياخالي من كنت صغير وانا اغض البصر لما اشوف أي بنت تمر من جنبي
قال انقلع ولاعاد تدق يا ... < مشنفر

انتهت المكالمه و مرت الأيام والليالي وانا على هالحال ..
نوم بالنهار وسهر بالليل .. ولا رفيق ولا ونيس ..
وكل مال وزني يزيد من قعدة البيت

المهم ذاك اليوم وانا سهران على فيلم سلفستر... هذاك اللي رجع من السفر علشان ينتقم من اللي ذبحوا اخوه .. وبنت اخوه كانت تروح للسطح علشان تدخن ..



ماعلينا
رن التلفون ..

طرررررررن طررررررن

رديت ... الووووووووووووه
الو الو السلام عليكم
وعليكم السلام .. مين معي ؟
اهليييييييين ياقلبي


(( بعدت السماعه وقعدت احتسي نفسي .. وقليبي يطربق
بسم الله عليه ذا شكل اومه داعيه عليه وغلط بالرقم .. ))

من تبي انت ؟ << واحد ماعمره سمع كلمة قلبي علشان كذا شك


ماعرفتني ياالدوب .. انا عزوز

< مآلت يا شيخ وش يبي هالنشبه

هلا هلا عمي عزوز .. كيف حالك .. و كيف امريكا

بخير الله يسلمك .. وامريكا تسلم عليك ..انتم كيف حالكم وشي اخر اخباركم؟

مشتائين واللهي ياعم .. اسمعني بس ولا يطول هالهرج انا زهقان ابي اتوظف واهلي ماعطون وجه .. عندك وظيفه بأمريكا < نشبه ما خلى احد ما شكى له

والله انك فاضي وراعي طويله .. مكالمه دوليه وتبي وظيفه .. < ينفع بيت شعر

تقلع مناك

يااخي انت عمي حبيبي ولازم تعرف مشاكلي وبعدين ودي اجي عندك بأمريكا علشان اجسرك

قالي يصير خير .. احاول اقنع ابوك وان وافق حجزت لك بالطياره < إذا حجت

ياحظي اجي لحالي ياعمي

يااخي انا راح استقبلك بالمطار .. المهم

ياقمر

قول لأخوك الهدر يجي بكره للمطار الساعه 8 بالليل .. علشان يجي ياخذ واحد هدر معه

إن شاء الله ياعم
يالله فآآردز
آبشر طال عمرك < مهيب لله



من الوناسه طرت بعييييييييييييد مع احلام اليقظه وقعدت احتسي على روحي .....
7
7

خلاااااااااااص يعني بتوظف وبروح لأمريكا وبشوف عمي عزوز لأن صار لنا 5 سنين ماشفناه ..
و إن شاء الله بعد اسبوعين بسافر << خلاص من الحيت قرر مجلس الشورى


و أول ما اطبح بأمريكا باكل بصل .. ياحبي لها اميمتي معودتنا أي ديره نطبه ناكل بصل ..
بس المشكله وين راح اتوظف .. ماابي شغله متعبه وتزهق ..
ابي مكتب مشكنم و اوراق وقلم ديبون لزوم الكشخه ..
بس شلون راح يدبر لي عمي مكتب ..
ايه صح اكيد اخوياه راح يساعدونه .. < اموت ع الفطنه

اممممممممممم عاد ودي اشتغل في مكتب الصادرات والواردات .. من وانا صغير كنت احب ادرس جفرافيا علشان الصادرات والواردات ..

يالللللللللللللللللللللللللللللللله تذكرت ملفي الاخضر ماادري وينه من عقب مانقلنا لبيتنا الجديد وهو ضايع ..
والله اني خبل اكيد امريكا غيرنا واكيد ماعندهم ملفات خضر وزرق ..

ايه ازين والله لأني شاكي هم اني ادور الملف << عجاز

بس جد لو اشتغلت بمكتب الصادرات والواردات بقترح عليهم اشياء يصدرونها لنا بالسعوديه ..
عاد اكيد بالمقابل بترولنا ..
بس والله قهر.. حنا ماغير نصدر بترول ..

خلاااص إن رحت لأمركيا راح امسك معاملات الواردات علشان اقترح على المدير انه يصدر لأمركيا كراث القصيم الصغيرونات لاني احبه وراح افقده إن سافرت ..

وامممممم بعد يصدرون لأمريكا تمر لان ماشاء الله ديرتنا غنيه بالتمور .. وبصير انا الممول للتمر علشان اربح عم ابوي بس اكيد ففتي ففتي

وبعد بخليهم يصدرون لأمريكا رمل علشان نحط لهم طعوس واخلي عمي حمود يدربوهم على الطعوس .. ياهي فلة حجاج إن جت الطعوس < وين الهلي يابيي
بس وهقه إن صارت الأمارات تنافسنا لان رملهم حلو لونه برتقالي

وبالطريق بقترح يصدرون المطبات اللي عندنا .. اعوذ بالله ياكثرها عندنا بالسعوديه.. ودي ارتاح منهآ..
وبعدين مابي عيالي يوروثون لعبتنا الشنيعه ..
كل ماجت مطبه قالوا أهلي هااااااااااااااااااااااااذي المطبه لك والمطبه الثاااااااااااااااانيه لحمآده << ذا اخوي
..
وانا واخوي نتهاوش مين مطبته ازين من الثانيه << امحق للعبه

وانا هايم على خشتي بأحلام اليقظه اسمع طرق الباب وصراخ اخوي وهو ينادي ياالهدر يا الهدر

عمك الهدر حمود جا من امريكا .. تعال سلم عليه .. وبارك له عالنجاح


وبس وش بقى بعد





مــآيتسفــآد من الخبمقــه .. :

1/ آجتهـد وخذ الشهادهـ اللي ذلتنآ ذل ..
2/ لآ تعتمـد على آحـد طلق رجلينك آحسن من زيآدة الوزن
3/ آآآآآآآمـمـم .. صآدق لك نآس قوين وعندهم وآسطآت
4/ إذا بتروح لآمريكآ تتوظف تزوج عشآن يطلعون عيآلك شعورهم شقراآن
5/ وخـر خمشك قصدي خشمك وورنـي ردكـ

اقتباس إن شاء الله ياعم يالله فآآردز آبشر طال عمرك < مهيب لله

حق التقردين جاهز خخخخخخخخخخخخخخ

اقتباس من الوناسه طرت بعييييييييييييد مع احلام اليقظه وقعدت احتسي على روحي

طيــــــر بس اتحمل تضرب الساس بخشمك خخخخخخ

اقتباس اقترح على المدير انه يصدر لأمركيا كراث القصيم الصغيرونات لاني احبه وراح افقده إن سافرت

شو الكراث ؟؟

اقتباس بس وهقه إن صارت الأمارات تنافسنا لان رملهم حلو لونه برتقالي

انت روح وانا بطرشلك رمل برتقالي ودخله عمروكا باسمك



موزووووووعـ رحيــــــــــــــــــــــب واستانست عليه مع ويهـــــــــك

مع حوبي لعمروكــــــــا

مني خذوكـ