رحلة دكتوراه من القصيم .... الى الرياض

مزاجي · #1

هذا اول موضوع لي في الموقع

وان شالله يعجبكم

,,, ,,, ,,, ,, ,,

هذا يا طويلين العمر والسلامه .. كنت في احد الايام المخضرمه (( يعنني اعرف وشو مخضرم

))اتمخطر على رجلي الثنتين كل ابوهن

..وواحده تذلف قدام وتلحقها رجلي الاخرى بكل غرور

(( لا يا شيخ ))<<<< (( عادي كانكم ما قريتوا شي .. ))

وبعد جهد جهيد .. وفرك جبهة من حديد .. اكتشفت اني قاطع ثلاثمه كيلو على طريق الرياض - القصيم && رجلي && .. ولم يتبقى على الرياض سوى قليل من الكيلوجرامات <<< (( يسمع بالكيلو

)) واذا بي واقف على قارعة الطريق و أأشر للسيارات الماحطه .. المتجهة للرياض .. فاذا بماحطة تمحطني وهي صاكة للطبلون .. وانا اطير ثلاثه كيلو .. متحقلقاً بالهواء

فلما وقعت كالنورس المتوشح بالسواد (( مدري وش جابها لكن جازت لي وكتبتها

الوكاد اني طحت - - ومحدش سما علي - - فاذا باللي صدمني يجي .. ويشيلني وانا في حالة وعي اللاوعي (( توي سامعها بالتلفزيون

)) .. ومير الرجل يحملني بكل رقة وحنحنية .. ويجدعني بحركة ارق واشد حنحنه في شنطة موتره (( والله مدري وش نوع موتره .. بس الاكيد انه كشخه يعني يا BM او فياقرا .. بس الظاهر انه ددسن

)) واغمى علي .. وانا في صندوق الددسن

وما حسيت الا بذاك الشي اللي يمسح وجهي .. انا ظنيت اني بالمستشفى وان يد الممرضه الملساء تمسح على خشتي العفنه

.. بس الريحه ماهي ريحة مستشفى الريحه ريحة حاقات كدا مش كويسه

يوم حسيت اني صحيت من جد واثرني اشوف شلة من الجفيرات (( وهي عبارة عن غنيمات صغيرات حليلات

)) .. تلعق خشتي بكل حب وشوق .. ولهفه ,,
انا من هول المفاجأة كدت انقز ,, على تلك الجفيرات لابادلها شوقي وغرامي .. ولكني احس انني عاجز عن الحركه .. وياجماعة الربع اكتشفت اني مكتف ومربوط داخل شبك جميل .. لعدد جميل .. من الغنم الجميل ,,

ويالها من ورطه تورططت فيها .. وما دريت الا والشبك يفتح ,, ويطلع ابو الشباب اللي صادمني .. جايب لي معه مويه وشوية اكل .. ويجدعهن عندي .. ويمشي ,, وانا اناديه وابو الشباب معطيني اشكل .. وقلت في نفسي (( من قدك يا مزاجي,, صرت مثل ابو عدي تبي تنهي حياتك وسط الشبوك

))
((( وبعد ساعات .. قضيتها مع الاخوه والاخوات في شبكنا الموقر .. تبادلنا فيه الاحاديث ,, وتناولنا القهوه والشاهي ,, وكذلك قليل من الحليب بالزنجبيل ,, مع صحن ملئ بالتميرات المنزوعة الفصم ,, كذلك عدد من اطباق الشعير الخاليه من الكوليسترول ,, وقد تعشينا مفطحاً .. حيث اقدم هرفي(ن) وش حليله على قتل نفسه من زود الكرم ,, وقد انهينا السهره بلعب البلوت .. ولكن المشكله ان ما معي ورقة بلوت

)))

8
8
ما ورد اعلاه ,, هو اكبر شخص في هذه العائله >>>>>>>>>>

اللي فاجأني ان الربع في الشبوك .. عندهم خكاريه زينا ,, حيث شفت بام عيني وابوها .. جفر(ن) خكري(ن) مقنذل(ن) رأسه كما عبدالقادر الهدهود .. وقاعد يسمع اغنية لجواد العلي .. وفجأه وانا منخلع من هول المنظر .. طب علينا الاخ اللي صدمني .. وقلت له : يا بن الحلال فكني .. صادمني وخاطفني بعد ,,

وأخيراً رد علي وقال : انا ابوي مريض ومرضه خطير ولازم اسوي له عمليه !!

قلت : طيب انا وش دخلني ,,,

قال : سمعت انك دكتور كبير ,, بس انك تشفط فلوس خلق الله على كل عملية تسويها .. فقلت اني اخطفك واوفر فلوس العمليه ؟؟؟؟

قلت بكل اندهاش ودهشه وتعجب مفروم بالملوخيه : وشو .. انا دكتور !!!!!!

قال : لا تحاول تنكر ,, القريمه واطحه زي الشمس وكل الادله مسبته عليك ((( قلب فلم مصري )))

قلت : واللي يرحم والديك ,, وش تقول انت !!!!!!

قال : يا دكتور هالحين راح اوديك للوالد ,, تشقشق بطنه و تشوف وش قطع الغيار المطلوبه (( هالمره قلب ميكانيكي ))

المهم الرجال اخذني الى ابوه .. وسدح ابوه على السرير .. عاد انا شفت الدعوه خربانه ,, قلت رح جب لي العده وهي كالتالي : (( ساطور

,, سكين خضره

,, مسطره وفرجار

شطرطون

غرا جني

وان لقيت ,, مسلك بيارات ,, هاته

يوم جاب العده .. صبيت غرا جني في خشم الشايب (( هذا التبنيج ))
ثم صبيت مسلك البيارات ,, في فمه (( غسيل معده ))

ثم سكرت عيونه بالشطرطون ,, علشان ما يشوف وانا اسوي العمليه ,,

ثم جبت الساطور .. بس الظاهر طلع ماهو مسنن ,, علشان كذا رميته على جنب

ثم مسكت المسطره .. ورسمت على بطن الشايب ,, خط العملية

وبعدين مسكت الفرجار ,, وبديت اشرط بطن الشايب ,, حتى ظهرت لي مصارينه

في هالوقت بلشت ..وش اسوي ,, قلت يا ولد : اتكل على الله ,, واسحب لك قطعه من هنا ولا من هنا ,,

وقمت اعد (( حقره بقره ,, قلي عمي ,, عد العشره ,, واحد ,, اثنين ,, ثلاثه ..الى.. عشره )) وسحبت لي حاجه مدري وشي ,, بس المهم اني قضيت ,, ورجعت لزقت بطن الشايب ,, بالشطرطون .. وطلعت من عندهم على طول ,, ابغى الفكه ,,

ولا زال .. الشايب على حد علمي ,, يرقد في احدى مستشفيات لندن .. حيث يحاولون :

1- يفكفكون خشمه من الاضرار التي لحقت به .. نتيجة لصب غرا الجني فيه !!

2- الى هالحين يحاولون تلزيق رموشه اللي علقت على .. الشطرطون ؟؟

3 - هالحين يدورون له على قلب .. لاني الظاهر يوم اني اعد (( حقره .. بقره )) .. طاحت القرعه على قلبه

مايستفاد من هذا الموضوع :

(1) لا تحاول تقطع خط القصيم - الرياض على رجليك

(2) اذا قابلت راعي ددسن ,, اهرب قدر ما استطعت

(3) اذا دخلت شبك لا تنسى ان تشتري ورقة بلوت

(4) اذا اشتريت مسطره عليك بام (( 30سم )),, ترى ام (( 15سم )) ما تنفع

5) تاكد من تسنين الساطوره قبل استخدامها ...

(6) اذا كتبت موضوع ..لا تخبص اللغه العربيه على العاميه .. زي ماسويت انا فوق ..

تحياتي
مـــــــــــــــــزاجي

المجهول · 12-04-2004, 02:23 PM

هههههههههههههههههههههههههههههههههههههههههههههههههه ههه
اللله يرج هالآدمي قسمن بالله فطست من الضحك الله ياخذ اللي خطفك ياشيييخ

والله يامزاجي المجالس استقبلت واحد من من طقة المنسمين<<<< مهيب عاقله تستقبل الرسيفر

نورت المجاس ياخلفهم ولا تحرمنا من ابداعك

تقبل تحياتي....

ابو مهند · 12-04-2004, 02:30 PM

ههههههههههههههههههههههههههه
ههههههههههههههههههههههههه

حلوووووووووووووووووه منك مزاجي
بس حبيت اعرف وش يصير غرا الجني
لاني ناوي احطه بخشم واحد على بالي ( موب المجهول )

تحياتي الك ولا تحرمنا من تنسيمك خخخخخخخخخخخ

الاصيلة · 12-04-2004, 11:16 PM

8

8

نفس السؤال ورد على بالي وش غرا الجني ؟؟

اخوي مزاجي يسلمووو على الموضوع ويعطيك الف عافيه

ونور المنتدى بحضورك

الاصيلة

بنت النور · 13-04-2004, 02:09 AM

هههههههههههههه

الله يوسع صدرك بالعافيه وربي تمزعت من الضحك

واحتاااااج لشطرطوناتك ذي

هههههههههه

والله انضميت لكوكبة المنسمين عندنا من دون ذكر أسماء

مشكور على طرحك للقصه يالمزاجي

تحياتي

هاوي الليل · 13-04-2004, 02:03 PM

الله يرجك يامزاجي وايضا

وش غرا الجني اخبر بتكس

مواضيع ذات صلة
الموضوع	الكاتب	المجلس	المشاركات	المشاركة الأخيرة
رابطة زعيم آسيا نادي الهلال السعودي	هلالي ودمي ازرق	عالم الرياضة	1689	15-11-2007 07:13 PM
باقي فرح<< قصه سعوديه	قلب محتاااااااار	حدائق الأدب	75	11-03-2007 06:06 PM
.+. نجوم الرقم 10.أساطير الكرة.+.	مانشستراويه فله	عالم الرياضة	8	05-03-2007 02:47 PM
((===الـــتـــغـــطـــيـــه الـــمــبــاشــره لــخـــلـــيـــجــــ18ـــي===))	المجهول	عالم الرياضة	57	31-01-2007 09:05 AM
تغطيه للأخضر في دورة الخليج	رومنصي مشاكص	عالم الرياضة	68	27-01-2007 06:56 AM

رحلة دكتوراه من القصيم .... الى الرياض

قصة حب سوداني في النت..لاتفوتكم

رسالة أم (محششه ) إلى ابنها في الغربة

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق