| الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور | |
|
|
|
|
|||||||
| الانتساب | تعليمات س - ج | قائمة الأعضاء | المفكرة | إشارة الأقسام مقروءة |
إعلانات منتديات منطقة الرياض
|
|||||||||||||||
|
|||||||||||||||
 |
|
|
LinkBack | أدوات الموضوع |
|
#1
|
||||||||||||||||||||||||||||||||||||||||||
|
||||||||||||||||||||||||||||||||||||||||||
أنــــــــا..والــدبـــــا..
مساء الخير لأغلى واحسن اخوووان وخوووات في احلىىى منتدى من زماان عنكم وعن ردودكم الحلوووة  فقلت بنزل هالموضوع لانكم وحشتوووني كثيررر  وهذا الموضوع كاتبته من زمان ونزلته بس بمنتدى واحد قبل الرياض وهذا هو الموضوع بعد مااجريت عليه بعض التعديلات
القصه ومافيها لما كنت بالثانوي كانت بالمدرسه وحدة دببببببه ((سميينه)) استغفر الله ماتدخل مع الباب وكانت مطنزة الجميع  بس تكسر الخاطر.. قررت اتعرف عليها على الأقل يصير عندها صديقات لأنها دايم تجلس لحالها 
رحت لها وجيت لمها سلمت انهبلت هي كنها شايفه كائن غريب قلت خيرر وش فيك
نزلت راسها وقالت يله تطنزي وخلصي يوم قالت كذا خنقتني العبرى وبغيت المها ياعمري كلن يجي ويمصخرها وتحسبني بطنز عليها ياحياة الشقىىىى قلت اشدعوووة محشومه اختي انا بس ودي اتعرف عليك ونصير صديقات 
وهي زي المريب شاكه اني بس العب عليها...  قلت يابنت والله العظيم ماراح اطنز عليك الا اذا احتديت  ولا جد ابي اتعرف عليك واساعدك يله قبل اهووون<<<<< خلقه انا على طريف قالت كيف تساعديني  قلت ماعليك خليها علي بس ان ماخليتك احسن وحدة مااكون فجر 
والله وتطورت صدقتنا وجحدت صديقاتي وصرت اموون عليها ومرة جايه عندي يقالك بنذاكر للااختبارات النهائيه
وقلتلها بدون مقدمات وبالوجه ماعندك نيه ياحلوة تسوين رجيم
ناظرتني بغباء وقالت وشووووو له<<<<<كنها فهد الحيان آآآآآآآآآآآآآآآه انا مااذبحها بس وافتك  عصبت وقلت الشرهه مو عليك علي اخذ رايك اسمعي بس  علمن ياصلك ويتعداك نخلص اختبارات والله تسوين رجيم غصب عنك وراك جامعه ماخلصنا من تطنز الثانوي بيجونك بالجامعه  قالت طيب وجلست تتحلطم من زين هالوجه بعد ناس ماتجي الا بالعين الحمراء
وخلصنا ثانوي ونجحنا ودخلنا الجامعه ومن زينها دخلت نفس قسمي من زود المحبه مابزيتها بالفصل ببزاها بالجامعه..  وبدينا رحلة التنحيف والريجيمات ماخليت مجله ولا موقع انترنت الا وجبت منه رجيم وصرت اسوي معها رجيم عشان اشجعها وبعد 4 شهور المفروض تكون على الاقل نزلت 10 كيلو عزمتها وجبت ميزان وقلت يله بقيس وزني قبلك واكييييييد انتي بتكونين نقصتي اكثر<<<<ينقال لكم اسلوب تشجيع  واقيس والاني ناقصه انا خمسة كيلوو ويضيق صدري بس سكت ماابي ابين لها<<<<ماتبي تنحف وقلت يله دورك ولما وزنت بغت تجيني سكته قلبيه  ومااقدرت اكتم اللي بقلبي جعلك الضربه يهالدباا زايدة 6كيلوو وش هذا انا انحف واتني تسمنين؟؟!!  قالت مااقدر اقاوم الاكل  قلت جعلك ماتحدرينه قولي امين  قالت اسم الله علي وليه معصبه بعدين انا راضيه بنفسي  وانا اللي اعصب زود كل هالشهور وانا ادهر عشانها واخرتها ماتنحف وانا اللي ماابي انحف نحفت بسببها لا وتقولي ليه اعصب والله جتني عقده وحامت كببدي من الريجيمات بسببها!!  وحسيت اني مظلومه ودعيت بقلبي ياااااارب يخطبك واحد ويشرط انك تنحفين 20 كيلو وعشاني مظلومه حسيت ان ربي بيستجيب دعائي
يومها كنت قاعدة بالجامعه لحالي لاني زعلت عليها بعد اللي صار ولان صديقاتي الفاشلات اغلبهم عاد سنه بالثانوي فكنت لحالي جالسه وجتني وهي تركض<<<<<<تخيلوا بس دبه وتركض وعلى طول بدون ماتسلم قالت الحقيني الحقيني قلت خيرر<<<<<<يعنني زعلانه  قالت انخطبت انخطبت وانا بقلبي قلت يس يس تحقق دعائي وسويت نفسي مااهتميت وقلت من هالمقرود اللي خطبك قالت عبد العزيز بن فهد
انا ضحكت من قلب وقلت وش هالصاروخ قسم بالله لو ترسلينه لليهود طلعوا من فلسطين  قالت والله ما امزح عبد العزيز بن فهد انا يوم شفتها جاده انصدمت قلت من جدك قالت زي ماسمعتي قلت وش لاقي فيك ياحسرة ووين شافك؟!!!! قالت مدري حتى انا مدري وش معجبه فيني
وكملت بس ابيك تساعديني اني انحف واصير حلوة قلت تنحفين اقدر عليها بس خلقت ربي وش يغيرها قالت ماعلي ماعلي هذا عبد العزيز بن فهد وبدت تبكي
انا بدى الشيطان يلعب براسي  وقلت عبد العزيز بن فهد على سن ورمح بياخذ صديقتي خل اساعدها واتمصلح معها عشان اذا تخرجت القى وظيفه ولا ليه وظيفه ياصلني الراتب وانا بالبيت هذا عبد العزيز بن فهد مو أي احد وانا اللي ابتسم لها وقلت يله تعالي معي قالت وين؟ قلت مو تبين تنحفين وتصيرين حلوة قالت ايه قلت اجل قدااام عازمتك على الغدى ونتفاهم هناك <<<<<< حامي حامي قالت بس باقي محاظرة قلت ياختي طز بالمحاظرة هيه اصحي بتاخذين عبد العزيز بن فهد لو تبين تجلسين بالبيت ويجون الدكاترة لحد عندك يدرسونك انتي بس امري قالت طيب اهلي ماقلت لهم اخاف يفقدوني.. ياربي هالبنت اذبحها من زينك عاد عشان يفقدونك يبون الفكه منك اصلا وفي اختراع اسمه جوال دقي عليهم لا من زينك خطيبة عبد العزيز بن فهد ومعك عنيد استحي على وجهك قالت خلاص طيب لاتعصبين اهم شيء الاخلاق قلت من زينها عاد!! والله ونروح لبيتنا وادخلها المجلس واروح لشغلتنا وقلت سوووي كبسه ومكرونه وسكتت شوي افكر وقلت امممممم ولا اقولك سوي كل شيء حلوو وجيبه المجلس بسرعه المسالة مسالة حياة وموت ويجي الغدى وبدت تسمي وقلت هيييييييييه وقفي شفتي هالااكل قاالت ايه بسرعه جووووعاانه قلت هذي اخر مرررة تاكلين زيه انسي هالاشياء وهي اللي تعصب وتقووول لييييش بصوت خانقته العبرى قلت وجع ماتبين تنحفين يابنت اصحي متى بتعرفين مصلحتك  قالت طيب وش باكل قلت ماعليك خليها علي
بعد ماخلصنا متغدين جبت ورقه وقلم وبديت اكتب واخطط وش بنسوي  قلت شوفي اول شيء بسوي لك اشتراك في دايت سنتر وتمشين عليه مو تاكلين شيء غيره لان الريجيمات معد تنفع معك وعلى حسابي بعد الاشتراك وش تبين انتي امري وتدللي بس
قاالت ياحبي لك صدق انك احسن صديقاتي قلت لا يكثر بس اصلا ماعندك صديقه غيري المهم اسمعي لازم تسوين رياضه وفي نادي جنب بيتنا بسوي لك اشتراك فيه وعلى حسابي<<<<الله يخلي عبد العزيز بن فهد بعدين والحين قومي نروح السوق عشان اذا رحتي النادي تكشخين وكل يوم تلبسين لبس والله ونروح واشتري لها احسن الملابس واغلاها وكله وانا ادفع من دم قلبي وكل ماقالت هذا غالي ولا كثير ولا ليه انتي تدفعينه قلت اشدعوة حبيبتي اعتبريها هدية الزواج
وهي اللي تضحك وتستانس وانا استانس اكثر كل ماشفتها تضحك قلت زين ضمنا الواسطه والراتب قلت لها يله خل نروح محل جوالات اشتري لك جهاز بدل هالمخيس اللي معك  والله يانا خسرت عليه خساير بس كل شيء يهوون قدام اللي بااخذه منها اذا تزوجت
ويالله يالله ست شهوور مررت وتغيرررت البنت تغيرررر جذري ماهي البنت اللي اعرفها نحفت واحلووووت وصارت تكشخ كل هذا بفضل الله ثم جهودي وفلوسي ومابقى الا اسبوع على زواجها واتصلت عليها كانت ملكتها قبل اياام بس ماحضرتها لاني كنت مسافره وقلت هاه بشري وش اخبار الملكه قالت يوووووه اسكتي بس <<<<<<<والله وصارت هالدبه تسكتني بعد قالت اااه عليك يافجر يقول عبد العزيز اني تغيرت واحلويت قلت زين والله وماسالك كيف<<<<<<<تلمح قالت الا ومدحتك له وقلت انك احسن صديقاتي<<<<<مدري متى هالبنت بتترك عقدة الصديقات قلت يابعدي والله  <<<<<<نسيت عمريقالت ايش؟؟ قلت سلامتك والله انا اصلا ماسويت الا الواجب وحق الصداقه اللي بينا
المهم قعدنا نسولف وقلت يابنت وين بطاقات الزواج ماباقي الا اسبوع على زواجك وماوزعتوهم!!قالت الله ياخذ المطبعه تاخروا علينا وانا اللي ينغزني قلبي الله كيف تجي الحين بتتزوج عبد العزيز بن فهد وتاخرهم المطبعه اصلا هو لو يبغى سوى له مطبعه لحاله قلت غريبه والله قالت ولا يهمك بكرا بتوصلك قلت طيب واسكر منها بس قلبي ماش مو مرتاح حاسه بالموضوع شيء غلط بس مشيتها  والله العصر يرن الجرس وانزل بسررعه بشوف شكل البطاقه لاتلوموني عبد العزيز بن فهد واول ماخذت البطاقه من شغالتنا انصدمت وش هالبطاقه القرويه بس قلت معليه يمكنها موضه كل شيء جايز ولما فتحتها بغت تجيني جلطه تذبح بعير مكتوب بالبطاقه ندعوكم لحضور زفاف عبد العزيز بن فهد ال سكود على ابنة عمه بنت خالد ال سكود لااااا الوظيفه والراتب ولستة الطلبات اللي كتبتها يعني مافي بح لااااااااااااااااااااا آآآآآآآآآآآآآآآه ياقلبي الله ياخذك انتي ولد عمك ان كاني خسرت عليك اكثر من مهرك يالدبه فكرت اروح لعرسها واسوي عمليه ارهايبه وافجر الصاله واللي فيها فكرت اغتالها هي ولد عمها هالدبااا  بس هونت قلت بعد هالخساير اللي خسرتها عليها والصنفرة اللي سويتها لها تموت خليها تعيش كم شهر بعدين اذبحهم ويقلب لاتحزن 
 فجر العيد
|
28-11-2005, 05:21 PM
|
#2 | |
|
العــــــــــــالميه
مراقبة مجلس الرياض    |
رد : أنــــــــا..والــدبـــــا..
هههههههههههههههههههههههه هههههههههههههههههههههههههه صدق ضحكت عليك لين تقطع قلبي من الضحك وش ذا الغباء اللي فيك ما سالتي من يكون عبدالعزيز بن فهد >>>>ما بقى الاعيال السعود يخطبونها صدق الفلوس تسوي المستحيل مشكوووووره على هالصرقعه الظريفه تقبلي فائق حبي وتقديري توتة
|
|
|
|
28-11-2005, 06:36 PM
|
#3 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
مشرف المجالص الترفيهيه
 |
رد : أنــــــــا..والــدبـــــا..
هلالالا والله 
أعوووذ بالله من الشيطان الرجيم 
مصااء الـنوور والمصررات
من زمااان عن شوفتك يالقطوعه تدخلين اصبوع وتختفين شهور 
حياكـ الله .. منوورة القصم وانتي وحشتينا اكطر ياطنط
 يمنع منعاً باتاً طرح المواضيع المنقوله  لكن يصمح لنقل المواضيع الخاصه بك 
صاير له حادث
عمليه غير شرعية 
الله يبلاك بمثلها .. ونتطنز عليك
قلللبك رهيف بالحيل بالحيل يوخيتي
شكلك مكحله خشمك وحاطه روج بعيونك 
الخيررر بووشك 
ههههههههههههههههههههههههههههه البنت متعوده حصبي الله عليكم
المها والا حبارى 
امحق ذوووق هههههههههههههههههههههه شكل اصققاتك بعد ماشافوا الكحل بخشمك صحبو عليك
يعني فيه نيه للتـطنز في حالة زله بكلمه او رفصه بكرشه
مب طريف يامفهيه على جررريف
|
