..:: إتكيتك على كيفك ::..

هلا بعزيزتي / كاميليا
والله كأنك حاسه فيني
نفس الرغبه تراودني
وودي بعد اذا حضرنا عرس
أجلس مكان العروس في الكوشه
بالبجامه طبعا


تحياتي لمرورك العطر غاليتي

هلا أختي / توته
وحياك الله باتكيتنا

اقتباس بصراحه لو فعلا نكسر حدة هالاتكيت اللي احيانا ماله داعي >>>>>>طفشت من الرزه في العزايم بالنسبه لي,,,,,, اتمنى اروح لعزيمة حريم بدون ما اتزين

والله كنت أحسب بس أنا اللي ودي أتخلص من هذه العاده
واللي يطلع روحك هي الرزه في العزايم على قولتك
ماترجعين للبيت الا وأنتي تحلفين ألف يمين ماعاد تعودينها

اقتباس ولو في العزيمه نجلس ونمدد رجولنا وننسدح اذا تعبنا من الجلسه >>>>ياسلام بتصير للعزيمه طعم خاص

ياحليلك
ذكرتيني بوحده سودانيه جات عندنا في البيت
مع زوجها السوداني اللي يشتغل عند أبوي
المهم كنا جالسين في الخيمه برى
وقلنا وشوله نروح فيها داخل المجلس
خليها تجلس معنا في الخيمه
الخيمه طبعا جلسه على الأرض
وأثاري هي المسكينه ماتعرف تصفط رجلينها
متعوده على الكنب أو الأسره يجلسون علها
عاد الحرمه ياحرام أول ماجلست مدت كراعينها علينا
وأنا ماقدرت أتحمل منظرها وهي ماده رجلينها علينا في النص
حاولت أمسك نفسي من الضحك ماقدرت
وأمي جالسه تخزني بعينها تبيني أسكت
بس والله شي
ماهي شايفه أحد قدامها

اقتباس وما نلبس هالجزم اللي تورم بالاصابع كان فلللللللللللللله

مابقى شي الا مابغيناه
لكن تعجبني
نفس تفكيري

وحياك الله اختي توته

رومنصي مشاكص

اقتباس رجعت لكم محمل على كيبوردي حتسي

هلا فيك والله وهلا باطلالتك في كل مره

اقتباس بقص ظهر الاتيكيت نصين في المناسبات الكبيره بدال ما اكشخ بالثوب والشماغ اجيهم بقميص النوم والكـاب

الله فلاااا
وهذا غير انك تكون محط أنظار الكل
وتصير مشهور
والكل يذكرك

تحياتي لهذه الكشخه الرهيبه

أبو مهند

اقتباس اليوم كسرت الاتيكيت.. تركت جوالي في البيت .. وجيت العمل بدون جوال..

تركته ولا نسيته

أناعكسك
لو ابي أكسر الاتكيت أشيل معي جوال
لأن بالأصل ماعندي

اقتباس ومع ذلك مستمتع بقضاء اليوم بدون جوال ؟

الله يمتعك دوم يارب
ويضيع جوالك مره وحده وترتاح


شكرا لمواصلة مشاركتك أخوي ابو مهند
ودائما تغمرني بلطف تواصلك