حملة "ملكة الطاره" للحج والعمره....

كتكوتة الرياض · #1

بسم الله على بركة الله أفتتح هذا الموضوع وأتشرّف بزياراتكم الميمونه لموضوعي الصرقعاوي

ولا أنسى تهنئتكم بعشر ذي الحجه مباركه عليكم وصيام مقبول وحج مبرور والله يتقبّل منّا ومنكم الصيام<<مضيّعه أحسبه جا رمضان مرّه ثانيه

<<<< ياهووه على المقدّمه الحنووه

كيف أحوالكم ياحلوين وانتم بعد يالشينين

وانتم ياللي تطلّون من برّا الموضوع ياهلا ويامرحبا ومسهلا ارحبوا يالله حيّهم اقلطوووا اقلطوووا القهوه يا....

>>>> طلع الأصل بنت بدو ما أنلام

وين المفاطيح ياهووه وش ذا لعنبو بليسكم الناس مهدفين علينا<كلمه بدويه جداً

مهدفين علينا=مقبلين علينا=جايينا

أهااا اخلصوا علينا بالمفاطيح

اييه خلّوني أقول لكم سولافه على بال مايحضّرون المفطّح ويجهّزون السفره

مرّه من المرمرات كنت أتمشمش بسيارتي الحبيبه "البورش" اللي قد سولفت لكم عنها وأشوف إعلانات::::::

::::قافلة الخير للحج والعمره::::

""""""حملة الأخيار للحج والعمره""""""

وأنا قاعده أطالع هالمحلات وإعلاناتهم بصراحه استفزّوني كسوّاقه حرّيفه لا يُعلى على حضرتي بالسواقه

والتفحيط<<تعبت وشقيت وحفيت لين ما صار اسمي "ملكة الطاره" يعني ماجا هاللقب من فراغ بل من

جهد وتعب ليالي<<قامت تتفلسف وش يسكّتها ألحين؟!؟

المهم وخطرت لي فكره جنونيه مصرقعاتيه فانتاستيكيه وقلت لازم أطرحها هنيّا للإستفاده والمتعه والوناسه والفكره كالتالي:::::

إني حفظني الله ورعاني أجمع شباب وصبايا المنتدى وأحجّجهم وأكسب فيهم أجر بدل ما أفوحط في حواري الرياض على غير سنع

يالله بليز لاتزعجوني خلاص كلّكم بتركبون معي في باصي بس أيّ باااص جنان تحفه حاقه تانيه يأخواني باص من 3 أدوار

توّهم مصنّعينه لي خصووصا الله يسلمني

<<<<<<حشى فلّه مو باص ذا

وطبعا بتسألوني ليه حاطّته 3 أدوار بأقول لكم ليش؟؟؟

لأننا رايحين نحجّ ولازم مايكون فيه اختلاط لذلك السوّاقه الحرّيفه ملكة الطاره اللي هي أنا في الدور الثاني ومعي بنات المنتدى كلّهم

و في الدور الأرضي يعني تحتنا تماسيح المنتدى الشيووون وفوقنا بزارين الأعضاء والأعضاء اللي أعمارهم تحت14 سنه تلمّح خخخخخو

علشان البزارين يطامرون على راحتهم من لنا غيرهم الله يخلّينا لهم

:::::::::مميزات حملة ملكة الطاره للحج والعمره:::::::::

المميزات عندي غير‘‘‘والحج مع حضرتي يكسّبكم الأجر والخير‘‘‘

شوفوا لا تشيلون همّ الأكل والشرب والمسكن لأن مسكنكم راح يكون:::

تحت الشاحنات و تحت أيّ مظلّه تحصّلونها متوفّره و تحت أي صالون "جمس" تلقونه متوفّر في طريقكم
والأكــل لاتشيلون همّه ::::::

تحصّلون الحجّات اللي جايين من الخارج محمّلين معهم أكل اسرقوا منهم ترى في الحج تجوز السرقه والضروره تبيح المحظورات

ولاّ أقول لكم مرّوا لأقرب مطعم يبيع رز بخاري واطلبوا منّه الله لايهينكم

لو سمحتوا وتكركمتوا يعني لاتحرجوني ةتقولون لي أسلّفكم ولاّ أحجّجكم على حسابي

لاااااااااااااااااااااااااااااااااااااااااااع صحيح كلكم حبايب قلبي وعلى عيني وفوق راسي بس إني أحجّجكم

على حسابي وأودّيكم ببلاش لاااااااااع اسمحوا لي

أنا سوّاقه special يعني احمدوا ربّكم وبوسوا يدينكم وجه وظهر إني فتحت هالحمله الحلوه بالمميزات المذهله

يعني مو علشاني أعرفكم من المنتدى شفتوني طيّبه تستغلّوني

لااااااااااااااااااع وألف لاااااااااااااااااااااااااااااع

كان غيركم أشطر ياحبايب علشان كذا لاتسوّل لكم أنفسكم ويخطر لكم بال إني بأسلّف أحد على شان

يروح معي ولا راح تركبون بالباص معي ببلاش ماأحد يدخل بالحمله إلاّ معه 6000 يورو ترى ما أقبل بأقل من كذا

إذا ماتبون ترى أنتم الخسرانين راح تخسرون مرافقتي والحج معي والوناسه وسعة الصدر

وللمعلوميّه:::::::::

ترى طول الطريق وحنّا رايحين وجايين بأحطّ لكم شريط كلّه نكت يعني وناسه خلّوني أكسب فيكم أجر

أضحّككم الله يسلّمني ويخلّيني لوميمتي الله لايخليها من زولي<<< زولي ولاّ سوداني

بصراحه عقب كل هالمميزات ترى مالكم داعي لو ماتحجزون على حملتي المبجّله وجعل اللي مايسجّل معي بهالحمله::::

انفلونزا الطيور اللي تاكل وجهه وتقطع أذنه <<

وجعله جنون البقر اللي يشيل عقله ويطيّر مخيخه الأوسط وجعله حمّى الوادي المتصدّع<<< كحو كحا كحي من وين طلعت ذي

اللي تصدّع راسه وتحتّ كشّته ويصير أصلع

وجعله العافيه والصلاااااااااااح ويجزاه مليوون ألف خمسطعش خير اللي يسجّل معاي بهالحمله

الله على الدعاوي اللي تسدّ النفس وتجيب العافيه

عقب هالدعاوي أحسّكم كلّكم بتحجّون معيّ

على فكره ترى مالي دخل إذا ضعتوا في الزحمه ولاّ مرّيتوا على شلّة أفريقيين وشتّتوا شملكم دايم أراهم بالتلفاز<<حلوه يالفصحى متأثره بالفك المفترس أبله العربي

متماسكين والله ولا جيوش أمريكا ولا قذائف أر بي جي ولا حتى جميع أنواع القنابل تفرّقهم يعني ترى مالي دخل إذا ضعتوا

بأستنّاكم في يوم العيد الساعه 10 صباحا واللي ماراح يجون بالطقّاق تراني مو مكلّفه فيكم أطاردكم من مزدلفه لعرفه على شان أجمعكم وبعد يمكن أضيع مع الزحمه وأروح وطي

إييييييييييه ياعيوني ترى وراي لحم أقطّعه وأشوي الكبده وأسوّي حميس وألحق على الإحتفالات

الحنوووووووووه عندنا بالرياز << ماأعرف أسوّي دعايه فاشله بسم الله عليّ الله لايضرّني تف تف تف خمسه وخميسه حولي وحوليّا

أقول تفّلوا عليّ وسمّوا أخاف تصكّوني بعين وبعدين خلاص بح مايصير فيه كتكوته

يالله بثرعه أنتزر قروشكم ترى ماعندي دفع مؤجل ولاّ أقساااط

نوووووووووووووووووووو نوووووووووووووووووووووو

تدفعونها كااش يورور ينطح يورو

"مضمره النيّه تجمع قريشاتكم وتعيّد في سويسرا وتمرّ على ماليزيا وتشتري لها مكياج وعطور من باريس"

خخخخخخخخخخخخخو أبوك يالذمّه والضمير

يالله عااد تراكم أزعجتوني يالطرّارين لا تترجّوني أسوّي دسكاوند تراني صارمه بالأمور المتعلّقه بالفليسات هههههو

والمفطّح انسووه تراه احترق لأن

الطبّاخات صاروا رفلات يعني احترق المفطح وهم يهذرون

يالله أشووتكم مره ثانيه في تقليعه من تقليعاتي الكتكوتيّه

<<<<جميع الحقوق محفوظه للكاتبه الكتكوتيّه"ملكة الطاره"

تحياتوووو

كتكت

لاتنسووني من تصويتكمــ محتاجه لدعمكمــ يالربع يالله الفزعه ياهوه

مرشّحتكم بالدائره الخامسه<<متأثره بالإنتخابات

(((هذا الموضوع مشارك بالمسابقه))

كتكوتة الرياض · 31-12-2005, 03:54 PM

احممممممم احمممممممممم

ترى إذا فزت بالمسابقه اللي مشاركه فيها

أوعدكمــ بالهدايا القيّمه والمفاطيــح المزووركشه

بس لاتحروموني من تصويتكمــ

وأحجّجكم على حسابي الشخصي وش تبون بعد

<<<< قامت بدهن السيوور

تحياتو

رومنصي مشاكص · 31-12-2005, 03:58 PM

موضوع رائع ياملكة الطـاره

للمعلوميه يالغاليه

المسابقه لايـوجد بهـا تصـويت .. إنما تقييم من لجنـة الـحكام

الله يعطيك العافيه .. والتقـيم سيكون يوم السبت القادم

تمنياتي لك بالتوفيق

كتكوتة الرياض · 31-12-2005, 04:13 PM

ايييييييييييه وشو له تفشّلني الله يسلّمك

ههههههههههههههههههو

داايم أفهم المواضيع غلط الله يسلّمني

وانت الله يحفظك ماتفوّت فرصه إلاّ تفشّلني

خخخخخخخخخخخخخخخخخخخخخخخخخو

مشكووور على المعلومات القيّمه

تحياتو

مفتخر بالبداوه · 31-12-2005, 04:16 PM

هلا هلا بالبدويه السنعه .. راعية المفاطيح قول وفعل
شوفي انا مريت قريت بس المقدمه .. وعشعشت في مخيخي
يعني برجع اكمل السولافه الزينه .. بس اهاا ثم اهاا
لازم تمرين على صاحبنا هريدي وتمسي عليه بالخير
تحريني بقرنة الحارة بجي ارد علشان اتغدى لي مفطح وعليه حركات
الا ما احصل عندك شعثا .. >>>> يحب الشعثا من ايام الحصاه

رومنصي مشاكص · 31-12-2005, 04:17 PM

كتـكوتـه الرياض

يوم ليك ويوم عليك

كتكوتة الرياض · 31-12-2005, 04:26 PM

خخخخخخخخخخو الله يحييك ويبقيك يالمفتخر بالبدو مثلي وشرواك

لا تخااف تراني مرّييتك بالموزوع والله ياهوو حلو من مقدّمته جناان بس تراني مافصفصت عليه

بعدينو إن شا الله بأرجع أفصفص وأقشّم بموضووعك

وأبشر على خشمي يابن عمي تاصلكــ الشعثا والمفطّح معها واللي تبي

<<<< احممممم احمممم من جدّ بدى العرق يطامر

خخخخخخخخخخخخو

يسلموا يامفتخر ع هيك طله حلووه

تحياتو

كتكوتة الرياض · 31-12-2005, 04:28 PM

<<<<<< وش عنده فنان العرب قام يهوجن بصوته الشجيّ

خخخخخخخخخخو

إيه والله صويدز يارومنصي يوم ليك وعشره عليك

<<<< يالغشّاش لا تقتبس واجد من ذكرى

واذكروا محاسن أمواتكم

خخخو

صغيره وتجنن · 31-12-2005, 08:58 PM

ههههههههههههههههههههههههههههههههههههههههههههههه ..مثكووووره يااختي على الموضوع الحلووو الخطير..

وعلى اشتراكي ..يمكن اشترك ويمكن لا..
اعنبوا دارتس الحين حاطح6000يوريو انا مااعرف يوريو كم بريال بس انه توحش6000الحين انا اجمع شحن سوا واخر شي اروح اصرفهن على حمله..خخخخخخخخخخخخخخخخخخخخخخخخخخخخخخخ

يابعدهم مشكوووووووووووووووووووره على الموضوووع

المحترفه · 31-12-2005, 11:43 PM

ياهووووووووه ياكابتن مناحي خخخخخخخخخخخخخخخخخخ

هههههههههههههههههههههههههههههههههههه

يازين حملتكم والله مميزات ولا فالخيال

موفقه ياتكتووكه خخخخخخخخ

حملة "ملكة الطاره" للحج والعمره....

لاجـــئ سيـــــاســي

((الا أهلي))

»

الرئيسية :: الأخبار :: الرياضة :: حواء :: منطقة الرياض :: معرض الصور :: مركز تحميل الصور

زوار هذا الموضوع الآن : 1 (0 عضو و 1 ضيف)

أدوات الموضوع
عرض صفحة الطباعة إرسال هذه الصفحة إلى صديق