((رحنا وطي مع الضحايا)))

السلام والإكرام ... للناس التمام ...

أرسل لكم تحيه مع تغريد الحمام +,+أول مره أشوف حمام يغرد خابر الدجاج هو اللي يغرد سبحان الله في

وقتنا هذا كل شي تغير وتطور حتى الحمام صار يغرد-.+

هذه الأيام ذكّرتني بالأيام الخوالي الماضيات وإن الذكرى مؤلمة(وش عنده نزار القبّاني)

تذكّرت أيام الحج والذبايح والصلخ وتقطيع اللحم وتنظيف الكرش وباقي البلاوي المعتاده +,+الله ياذيك الأيام

كان أبوي يجيب الخروف يذبحه في الحوش وأنا إحساسي مرهف وشاعري ماأذبحها بس أصلخها

+.+مسوّي فيها شاعري وهو مابراسه شاعريه ولا هم يحزنون وماعندي ماعند جدّاني الله يبشبش طوبتهم

وجت ذيكك السنه اللي حظي فيها أغبر أشهب موب أوفر لاعادت ذيك السنه ولاعادت أيامها

(إلين ألحين شايل بقلبه)

أبوي لزّم إني أذبح الخروف ولو تشوفون الخروف تقولون ذا بعير موب خروف وش كبره تقولون كنه بعير عمره

قرن+.+
جيت بأمسكه منصاعاً لأوامر الوالد الله يحفظه ويقعد الخروف يستخف دمه عليّ قاعد يدور في الحوش يفحّط

يمين ويسار

لا وأبشّركم طلع في الشارع يتمشّا بعد ويلفّ على الحاره يشوف أحوال الرعيّه

بارّ هالخروف بعيال عمّه الخرفان طلع يبي يشوف من اللي بيموت منهم ومن اللي بيحيى(يحيى ولاّ عبده)

وطلعت وعيال خالي نطارده بالحاره ليين مامسكناه بعد عناء ومطارده شاقّه دامت لأكثر من تو اورز

(واحد توّه يتعلّم عنقليزي)

وجبنا الخروف المنحوس وربطناه وأنا خلاص حاط السكين على رقبته أبي أذبحه وأخلّص من هالمهزله وآآآآآآه

قلبي ماطاوعني إني أوصل للمرحله العالية المستوى من الإجرام ويين الرفق بالحيوان وين حقوق الإنسان(وش دخّل حقوق الإنسان بالحيوان)

المهم غمّضت عيوني وتوكّلت على الواحد الأحد الفرد الصمد وأبوي يزاعق عليّ ياحمد يامال الوجع وكل وجع

ماله دوا اذبحه يالرخمه
وكلمة (الرخمه)أثّرت فيني وغمّضت عيوني زياده وقلت هااه مات؟؟؟؟؟؟

على بالي ذبحته ومستانس من زود الغباء والرجّه السكين بالأرض أصلاً مامسكتها ويرميني أبوي بقذيفه

عشوائيه بالنعال على جبهتي ولحد ألحين أثرها معلّم في جبهتي(صارت من معالم بلادي بأبروزها في

المتحف الوطني)
ويحلف أبوي وما بقى إلاّ شوي ويطلّق أمي إنه محد يذبح الخروف إلا أنا

أقوله تكفى ياأبوي ترى تكفى تهزّ جبال موب رجال اعفيني يكفيني مافيني (وش عنده عبدالله الرويشد)

وخلاص أقنعوني الشباب إني أذبحه وبوسط من العبارات التهزيئيه والقليل منها تشجيعيه مثل" يالرخمه اذبح

الخروف"(أبوي الله يهديه طايح فيني تهزئ) و "يابطل وأنا امك اذبحها ياآخر الرجال المحترمين"(على بالها

أمي بتشجعني مادرت إني بغيت أطبّ عليها يوم سمعت حتسيها الحنون فديت قلبها)

ومسكت الخروف وذبحته أبشّركم و طشششششششش بسم الله ذبحته و طشش طشش الدم في

خشّتي وجع الله ياخذك ياوصخ وصّخت ملابسي (الله وأكبر يالبشت والثوب ترى كلها ترنق من الجرّاديّه)

وذبحنا الخروف المنحوس طبعا غيّرت ملابسي الله لا يغيّر علينا وطلعت أعيّد مع الخليقه ومشيت بالشارع

وسمعت صوت موسيقى ودندنه وأغاني من هالأغاني الغربيه اللي يجيك الواحد

مشغّلها في العليا ورافع عليها وهو مايدري ذا المغنّي يسبّ ولاّ يغنّي

يووووووووووووه هذا ولد جيراننا مرزوق المزعج مشغّل أغاني غربيّه ومرّيت من عند بيتهم أنا وخوياي شفته

رافع الصوت ويرقص ياهووووووه
رقصه غربي يسدّح الطير من عالي السما فلّه عاد أنا إستانست قام يتلوّى كنه حيّه ويدور يمين ويسار أنا

على بالي فيه شي يعوّره قلت حرام مسكين تعبان ولاّ مضيّع له شي وجالس يدوّره

شوي أشوفه نازل وطالع وش عنده ذا أكيد يبي فزعه رحت عنده

هااه يامرزوق وش بلاك ياورع تدوّر شي ضايع منك ولاّ وش بلاك؟؟؟
قال لا ياقروي أرقص الله يلعن بليس التخلّف اللي انت عايش فيه شكلك طالع من كتاب تاريخ

قلت أدري إنك ترقص بس ودّي أستخف دمّي عليك يا خفيف طييب تعال أوريك كيف يرقصون الرجاجيل يالرخمه((((ماخذ هالكلمه من أبوي

وشغّلت المسجّل على أغنية ((واقف على بابكم ولهان ومسيّر .. اسأل عن اللي سال محبوبي الصغيّر.. يومين مرّوا عليّ سنتين لو أكثر .. ماأقدر يامنيتي عن شوفتك أصبر.. )))
عاشووووووو تنكّس ياهوووووووووه على قلبي سرااااااا ورااااااا

خلّيته يرقص معنا غصب شف الرقص الصدقي موب الرقص الغربي هذا اللي ما يعتبر رقص أصلا

لو فيفي عبده تشوفنا وحنّا نتردّح بالشارع قسما بالله تحرّم ترقص ومتأكد مليار بالميّه بتعتزل الفن وبتقول

تفووووو على الرقص اللي تعرفونه(((وش دخّل فيفي عبده بالرقص السعودي معليش الدينمو خربان وماعبّيت بنزين يعني الرديتر خربان مضيّع مرررررررررره ))))

وبالصدفه كان بالراديو عرضه (((( مرحوم ياشيخ بنى للإسلام دولة ودين يالالالا يالالالا)))

وصفّينا كلنا وعرضنا في نص الطريق الله لا يضيّق علينا في الشارع ما عندنا بيوت+.+

مرزوق يعرض معنا ويتنكّس موب هوّين خرّبناه ورّيناه الرقص السعودي على أصوله ما خلّينا شي إلاّ وتردّحنا عليه (سامري_خبيتي_دوسري))

قريبا في الأسواق (((((((فرقة كتكوت للفنون الشعبيّة)))))))

حنّا شغّلنا المسجّل وجلسنا نتردّح كل هذا في منتصف الطريق بين بيتنا وبيت مرزوق يووه منّه مرزوق

المرجوج قال تعال أعلّمك ترقص غربي

توّني بأنحاش منه يمين ولاّ يسار ما أمداني مسكني ليته ما علّمني توّني بقلّده طحت وانكسرت يدي الله

يكسر رقبته ها لأشهب

((((((باركوا لي انكسرت يدي في يوم العيد))))))))

يووه ماأشينه من عيد وامحق رقص ليتنا من رقصنا سالمين يقولون (عط الخباز خبّزه حتى لو كلا نصّه)وأنا

بعطيه الخبز ياكله ولاّ يخلّيه بكيفه هو وخبزه

وبكل مراره أقول ميد مرزوق::

تبيني أذبح خروفكم ويرد بنفس خايسه من زين النفس بعد

لا مشكور يا حبيبي أخاف ينحاش منك وما فيني حيل أطرد وراه أدوره في حواري الرياض

قلت لا تطمّن يالدلخ بأربطها في الماصوره وأصقّع راسها بالجدار لين ماتدوخ وتموت هي من نفسها

((مسوي يعرف يذبح من زين الخشه))

هو: لا ارتاح بأوديها للمصلخ وأنا أقول في نفسي(((ريّحتني ياخي أشوا إنه ماقال إيه ولاّ كان توهّقت))))

وأنا أقول لكم ألحين اللي عنده ذبيحه تراني جاهز أذبحها مع التوصيل مجانا

(((ياشين الإغراءات)))

عزّ الله راحت ذبايحكم بلاش بتدوّج في حواري الرياض



في الختاااااااااااااااااام أحلى سلااااااام



((موضوع مشارك بالمسابقة))